رواية أحببت محارب الفصل التاسع 9 بقلم نشوى عادل
 |
| رواية أحببت محارب |
رواية أحببت محارب الفصل التاسع 9
-الحمدلله يا جماعة العملية نجحت وبكده تقى اتخلصت من السرطان اللعين وللابد بفضل الله ودعواتكم
مالك ويوسف سجدوا لله شكر بعد البشرى اللى زفها لهم الدكتور اشرف اما مودة فحمدت الله كثيرا ان تقى هترجع ليهم بالسلامة .... يوسف: طيب هى هتخرج امتى ؟!
اشرف: هى حاليا فى العناية وطبعا هتفضل فيها ١٠ ايام ع الاقل وبعدها تتنقل غرفة عادية لفترة بسيطة وبعدها تقدر تخرج وتباشر حياتها بشكل طبيعى
مالك: شكرا جدا لحضرتك يا دكتور
يعدى الوقت ويمر شهر كامل وتستعيد فيه تقى صحتها بالتدريج وتروح تزور والدتها اللى غمرتها السعادة لما شافتها
امل: كده يا تقى اهون عليكى تبعدى عنى كل الوقت ده ولا هو من لقى احبابه نسى اصحابه
تقى بضحك: صحاب ايه بس ده انتى اغلى حبيبة وست الحبايب كلهم يا روح قلبى
امل: يالا يا بت يا بكاشة بس انتى مالك خاسة اوى كده ليه؟!
تقى : ابدا اصل كنت عاملة دايت قاسى عشان اوصل للوزن ده
امل: وزن ايه ونيلة ايه ده انتى زى الجلد ع العضم لا يا هبلة الرجالة بيحبوا الست البطاية فى نفسها
مالك: والله يا امى لو بقت شبه البلهارسيا هحبها برضه ومش هيملى عينى غيرها
اتكسفت تقى لكلام مالك فحضنته امل وقالت: ربنا يسعدكم ويهدى سركم يا حبيبى
مالك: طب فين الغدا بقى انا واقع من الجوع
ليأتى احمد من خلفه: والله عيب همك ع بطنك كده دايما كنت عاوز تأكل من غيرى
مالك: يا عم الجوع كا..فر وانت عارف لما بكون جعان مبعرفش الالف من كوز الدرة
ضحك الجميع ع مالك واحضرت تقى ومودة وسجى السفرة بمساعدة امل وعدى اليوم فى دفا وسعادة اسرية وبعدها استأذن مالك واخد تقى ع عشهم ... احتضنها من الخلف وهو بيقول : نورتى مملكتك يا ملكتى
اتفاجئت تقى من الشقة وتزينها بالشموع والورود دمعت وقالت: مين اللى عمل كل ده اكيد مش انت لانك كنت معايا طول الوقت مسبتنيش
مالك: فعلا مش انا .... انا جيبت المطلوب بس ومودة وسجى قاموا بالواجب
تقى بدموع: كل ده عشانى انا !
لف مالك وشها ليه ومسح دموعها : اولا مش عاوز اشوف دموعك دى تانى لاى سبب مهما كان ثانيا اه عشانك انتى ومش من مقامك انتى غالية اوى واى حاجة جنبك هتبقى مش من قيمتك يا روح مالك
حضنته تقى جامد وهى بتقول: يديمك ليا يا سندى وفرحتى
مالك: طيب يالا يا روحى ارتاحى شويه وانا هدخل اخد شاور ع السريع مش هتأخر
اومأت تقى ليه وهو دخل ياخد شاور اما هى فدخلت ع غرفة النوم ولبست وتزينت وانتظرت خروج مالك اللى اتفاجئ لما شافها فكانت كالاميرات بلع ريقه بصعوبة وهو بيقول: هو فيه قمر كده؟!
تقى بكسوف: احم خلاص بقى
ضمها مالك ليه بتملك وبعدها اخدها لعالمهم الخاص لاول مرة وبعد طول انتظار ... عندى سجى واحمد اللى كانوا قاعدين فى كافيه
احمد وهو بيبصلها بتعمق: امممم شكلك كده عاوزة تقولى حاجة؟!
سجى بضحكة كسوف: طب عرفت ازاى بس ؟!
احمد : عشان بفهمك من نظرة عيونك مش محتاج تقولى كلام بلسانك عشان افهمك وكمان انتى من النوعيات اللى مش بتعرف تخبى فقولى بقا عاوزة تقولى ايه؟
سجى: هو هو انت حبتنى ازاى وامتى؟!
احمد بتنهيدة: كل ده عشان تقولى حبيتك ازاى وامتى بصى يا سيتى ازاى معرفش لان الحب ده حاجة مش بايدنا للاسف مشاعر بتتحرك جوانا غصب عننا لشخص معين وانتى كنتى الشخص ده امتى بقى تقريبا من اول يوم شوفتك فيه اعجبت بشكلك لبسك وادبك ولما اتأكدت ان اللى جوايا حب مش مجرد اعجاب حبيت اضمنك لنفسى فدخلت البيت من بابه
سجى: طب حبتنى انا اكتر ولا كارمن ؟!
احمد: انا اللى حسيته اتجاهك ومعاكى اثبتلى ان عمرى ما حبيت كارمن وان مشاعرى كان مجرد اعجاب ظاهرى بالشكل مش اكتر مينفعش تقارنى نفسك بيها لان حرفيا انتى حبى الاول والاخير ان شاء الله
ابتسمت سجى برضا وقالت: طب يالا نقعد مع ضحى زمنها ملت من القعدة لوحدها
بالفعل راحوا وقعدوا يهزروا ويضحكوا وعدى اليوم بكل تفاصيله الحلوة ..... عند كارمن وسعد
سعد: اعملى حسابك انك بعد ما تولدى هطلقك وابقى كده عملت اللى عليا
كانت كارمن ساكتة ومش بتتكلم راح ليها سعد وشدها من شعرها: انا بكلمك مش بتردى ليه؟!
بعدت كارمن ايده وقالت: اوعى حسك عينك تمد ايدك عليا ولو عاوز تطلقنى من دلوقتى عادى انا اصلا بقرف من شوفتك
سعد وهو ينظر لها بشه..وة: بس بس انتى احلويتى كده ليه بعد ما بقيتى حامل ها؟!
فهمت كارمن نظراته امسكت سكينة الفاكهة اللى كانت قريبة منها وقالت: قسما بالله لو قربتلى يا سعد لاكون مموتة نفسى وخلصت منك ومن قرفك انت ايه يا اخى انا بكرهك
سعد: خلاص خلاص ده انتى نكدية وعيشتك هم انا ماشى من خلقتك
نزل سعد وسابها لوحدها بتعيط وفى وسط شهاقتها ودموعها جاتلها فكرة وعزمت ع تنفيذها ووووووو.....
#احببت_محارب التاسع
#يتبع
#بقلم_نشوه_عادل
رواية أحببت محارب الفصل العاشر 10 والأخير من هنا
لقراءة الرواية كاملة اضغط هنا (رواية أحببت محارب)
