رواية نسيت الكراسة الفصل الثالث 3 بقلم إسراء إبراهيم
 |
| رواية نسيت الكراسة |
رواية نسيت الكراسة الفصل الثالث 3
إيه الأغاني دي يا بت؟ هو المستر في حصة ولا حنة؟
صاحبتها: يمكن حنة المستر النهاردة يا بنتي وجاي يحتفل مع طلابه
هى: يعني سايب أهله اللي ربوه وكبروه وصرفوا كل الفلوس عليه وفي الآخر يجي يحتفل بحنته هنا مع ناس عارفهم أول السنة وبعد لما السنة تخلص بيمشوا ولا كأنهم يعرفوا بعض
صاحبتها: عادي....لحظة يا بت حنة المستر إزاي وهو أصلا متجوز وعنده رؤى ومصطفى
هى: اها صح، يكونش هيتجوز تاني على مراته، لو دا صح مش هكمل معاه تاني
صاحبتها: استني يا بت دا الواد اللي بيلم الفلوس هو اللي مشغل الأغاني دي وقاعد مبسوط إزاي
هى: يكونش المستر زودله المرتب
صاحبتها: اها صح، يا بخته
فجأة لقوا الواد بينهج وحط إيده على قلبه كأنه بيودع خلاص، عينهم جابته الأرض
خد المايه من جنبه بسرعة وشرب منها وبقى كويس، بص عالباب شاف البنتين اللي كانوا بيتكلموا عليه دلوقتي وقال: إيه اللي أخركوا عالحصة يا أستاذة منك ليها وفين فلوس الشهر؟
هى بضيق: نسيناهم وبعدين لسه بداية الشهر النهاردة مش لحقنا ناخد نفسنا أصلا، ووسع كدا بالفرح اللي أنت عامله دا خلينا ندخل الحصة
بقلم إسراء إبراهيم عبدالله
هو: لأ استنوا مفيش درس أصلا النهاردة، والحصة الجاية امتحان
صاحبتها: بجد؟ على كدا قاعد مشغل أغاني، بصت لصاحبتها وقالت: يلا يا بنتي نروح الدرس اللي بعده، اومال بيقولنا إيه اللي أخركوا ليه؟
هى بهمس لصاحبتها: عشان ياخد مننا الفلوس مستعجل عالقبض ياختي، يلا بينا بدل ما أزعقله
صاحبتها: ماشي يلا ومشيوا بسرعة عشان يلحقوا الدرس اللي بعده ويروحوا بدري
ومشيوا للدرس وكان مساعد المستر مش راضي يدخلهم عشان اتأخروا وكمان دي مش مجموعتهم
ياسمين: طب قول للمستر كدا ولو مش رضي خلاص هنستنى مجموعتنا، أصل احنا عندنا ساعة فاضية دلوقتي فمش عايزين نضيع وقت
المساعد: ماشي، ودخل يعرف المستر لقاه لسه مابدأش شرح، فسمح لهم بالدخول
بعد يومين كانوا رايحين امتحان العربي، وكان المدرس بيقعد كل طالب بعيد عن التاني
قعدت ياسمين وسمت بسم الله وبدأت تحل وكانت بتحرك بوقها وهي بتكتب
فقال المستر فجأة: الأستاذة اللي بتغش ورا، هاتي ورقتك وتعالي
بصتله بخضة وشاورت على نفسها بمعنى أنا
هز رأسه وقال: أيوا تعالي وورقتك وحاجتك في إيدك
قامت وهى بتبلع ريقها وشوية وهيغمي عليها دي لسه ماحلتش حاجة
يا ترى بيقول لياسمين ولا لحد تاني؟
#نسيت_الكراسة
#بارت3
#إسراء_إبراهيم_عبدالله
رواية نسيت الكراسة الفصل الرابع 4 والأخير من هنا
لقراءة الرواية كاملة اضغط هنا (رواية نسيت الكراسة)
