رواية أسيرة الماضى الفصل السادس عشر 16 بقلم منال عباس
 |
| رواية أسيرة الماضى |
رواية أسيرة الماضى الفصل السادس عشر 16
البارت السادس عشر
بعد أن استطاعت كلاهما بكسر المقبض وفتح الباب ..تنفست كلا منهما الصعداء وجريا سويا باتجاه الباب الرئيسي ليجدوا فى وجههم ....وجيه
وجيه : على فين يا حلوة انتى وهى
وامسكهم هو واحد رجاله واغلق الباب من الداخل ....
وجيه : دا القطط طلعت بتخربش ...
ونظر لكلتا الفتاتين بنظرة متفحصه
ليجدهما هما الاثنتين جميلتين
وجيه : كدا الاختيار هيبقي صعب
سميه : انت مين وعايز مننا ايه ؟
سماح : لو كنت فاكر انك خاطفنى وهتطلب فديه بقلم منال عباس...يبقي انت بتضيع وقتك انا بنت فقيرة ...
وجيه : شششش مش عايز اسمع صوت ...
من الاخر كدا عايز واحدة منكم اتجوزها ...لو ينفع اتجوزكم انتم الاتنين كان يبقي احسن ...
سميه : انت مجنون ...تتجوز مين ؟!
قام وجيه بصفعها صفعه قويه اوقعتها أرضا ....
سماح وهى تذهب إليه وتسندها كى تقوم
سماح : حرام عليك احنا عملنا ايه ...وانت عايز مننا ايه ..جواز ايه اللى بتتكلم عنه ..
وجيه : يعجبنى البنت العاقله ..ونظر لسماح وأكمل واضح انى هختارك انتى
سماح : لا والنبي ...انت مفكر نفسك مين ...دا انا أشر*حك زى ما بن*ش*ر*ح الج*ث*ث كدا
وجيه وهو ينظر إلى الرجل معه
وجيه : أخرج وانتظرنى برا ...
الرجل : امرك يا باشا
خرج الرجل واقترب وجيه من كلتاهما
وجيه : انتم الاتنين لو دفنتكم هنا محدش هيحس بيكم ف من غير دوشه كدا ...هدخل عليكم انتم الاتنين النهارده ..واللى تعجبنى فيكم وتبسطنى هينكتب ليها حياة جديدة
وتعيش وهتجوزها وهتبقي ملكه
والتانيه تقرأ على نفسها الفاتحه ...
ثم تركهم وذهب باتجاه الباب وفتحه
وجيه لأحد رجاله بالخارج : هات الاكل اللى فى العربيه وهات الرجاله اللى برا
كانت سميه تنظر إلى سماح بخوف
سميه : تفتكرى هيعملوا فينا ايه ...والراجل دا هينفذ كلامه ...
سماح : مش عارفه ...بس عندى اموت ولا واحد زى دا يلمسنى ...
سميه : وانا زيك بالظبط بقلم منال عباس...واضح أن حظنا من الدنيا زى بعض
عاد إليهم وجيه هو وبعض رجاله
وجيه الاكل دا يخلص حالا فاهمه انتى وهيا ...ثم نظر إلى اثنين من رجاله
وانتم عينكم ما تغيبش لحظه عن واحدة منكم ...وعلى فكرة ..انا اللى هقفل عليكم المرة دى ...وابقي ورينى انتى وهى هتهربوا ازاى ....
يخلصوا اكلهم وتتربط كل واحدة منهم
بعيد عن التانيه ...
الشخصان : امرك يا باشا ....
وجيه : اسيبكم يا حلوين وراجع ليكم فى أقرب وقت تكونوا فكرتوا وقررتم مين فيكم هتقدر تسعدنى ...
وتركهم وخرج .....
الشخص الأول : يلا يا بت انتى وهى كلوا مش عايزين قرف ...واللى هتفكر تلعب بديلها تقول على نفسها يا رحمان يا رحيم .....
جلست البنات بجانب بعضهما البعض لتناول الطعام ...
سماح : كلى يا سميه ...لازم ناكل علشان نقدر نتحرك ...ونفكر هنطلع من المصيبه دى ازاى ...
سميه : ماليش نفس. ..
الشخص الأول : بتتكلمى فى ايه انتى وهى ...يلا اخلصوا ..بدل ما اوريكى انتى وهى الوش التاني
سماح : خلاص يا عم ...هناكل اهو وبدأت هى وسميه فى تناول الطعام بخوف
عند حازم
سلمى : حازم انا طلبت من المستشفى تبعت ممرضه تانيه علشانك ..
حازم : تمام
سلمى : حازم ...انا خايفه اوووى على سميه ...سميه ملهاش حد ..
حازم : انا بحاول أربط الأحداث وبضيق من قدمه التى تعوقه فى الحركه ...لو مش رجلى دى كان زمانى
ما سكتش ..
سلمى : أن شاء الله تخف وتبقي احسن من الاول ...قولى ينفع اساعدك ازاى
حازم : بانك تفضلى جنبي يا سلمى ...انا فعلا محتجاجك اوووى
سلمى بحب : انا معاك وجنبك وعمرى ما هبعد عنك
امسك حازم يدها وقبلها بحب وامتنان
حازم : عندى امل لو بلغت اللواء أسامه
بقضيه سميه يبقى فى اهتمام اكتر
سلمى : طب منتظر ايه .. يلا اتصل بيه ...
يتصل حازم ب اللواء أسامه
اللواء أسامه : حازم ...ابن حلال كنت لسه هتصل عليك
حازم : اهلا بحضرتك يا فندم ...دا شئ يشرفنى ...
أسامه : الاول طمنى اخبار رجلك ايه ...
حازم : المفروض هفك الجبس خلال يومين ...
أسامه : بلاش مخاطرة واستعجال انا عارف انك عايز تنزل الشغل ...بس مش على حساب صحتك ..
حازم : القعدة بتخنقنى ...
أسامه : عموما ...وجودك فى البيت الفترة دى مهم جدا ...وخصوصا بعد ما تعرف .أننا وصلنا مين ورا ماهى ....
والمخدرات اللى انحطت فى شنطتك بقلم منال عباس......مين ساعد ماهى فيها ....
حازم : طبعا سامر ...بس للاسف مفيش اى دليل عليه لأنه كان مع لورا فى الوقت دا ...
أسامه : لا خالص ...للاسف التحريات كانت ماشيه فى الطريق الغلط ...
وماهى زى ما خدعتك ...خدعت سامر ...وفعلا سامر ما يعرفش اى حاجه عن عمليه التهريب دى ...
حازم : اوووومال مين هيكون وراها ...
أسامه : دا اللى انا متصل عليك علشانه ....
حازم : اتفضل يا فندم ....
أسامه من اكتر من 15 سنه ...كان فى حادثه فى النيل ...كان فى طفله بتلعب وهى راكبه المركب ووقعت فى المياه ...وقتها فى راجل كان بيصتاد سمك..نزل وراها ينقذها وفعلا أنقذها وهو غرق ....طبعا عرفت انا بتكلم عن مين ...البنت كانت سلمى جارتك والولد دا يبقي انت
حازم بذهول : ياااه ..فعلا الحادثه دى من زمان بس ايه علاقة دا باللى حصل معايا ...
أسامه : الراجل دا رغم بحث الشرطه المائيه والغواصين لمدة طويله ما ظهرتش جثته ...وتقريبا اتنست قصته ...
بس فضلت القضيه مفتوحه لعدم العثور على الجثه ...
الراجل دا اسمه كان سلطان الجابرى ...
و ماهى اسمها ماهى عصام الجابري
محدش ربط طبعا العلاقه بالاسمين
لحد ما ظهرت المفاجئه امبارح
حازم باهتمام : مفاجئه ايه
أسامه : وصل بلاغين باختفاء بنتين فى نفس الوقت
الاولى سماح سلطان الجابرى
والتانيه سميه سلطان الجابرى
وطبعا مستحيل دى تكون صدفه ...
البنتين اخوات وتم خطفهم فى نفس الوقت ...منهم بنت هى اللى كانت الممرضه المسئولة عن حالتك
والتانيه : تبقي صديقه سلمى خطيبتك
بس كل واحدة من أم مختلفه ...
وسلطان الجابرى ...لازال على قيد الحياة ..ومامتش زى ما كلنا فهمنا ...ومش تشابه أسماء ....وواضح أن الراجل دا هو اللى وقع سلمى بالقصد من غير ما حد ياخد باله ...وهو اللى أنقذها ...وما ظهرش
علشان تبقي قضيه ويتسجل فيها وفاته ...لانه فى الوقت دا كان محكوم عليه حكم اعدام ..وكان متهرب منه ...
...قدر يخدع الكل أنه مات ...وقدر يخفى نفسه السنين دى كلها
وبالبحث عن سجله التجارى .شركاته ...
وجدنا أن المدير العام لكل أعماله هو ابن اخوه وجيه عصام الجابري....
اللى فى نفس يوم القبض عليك كان متواجد على قائمه المسافرين ...ولكنه
لم يسافر ليبعد الشبهه عنه ...
حازم : ياااااه ...طب ايه أكد لحضرتك أن سلطان الجابرى لسه على قيد الحياة ؟!!!
أسامه : لان كل مجرم لازم يترك وراه
دليل ...
عند مازن
مازن : ازاى ما وصلتش يا حسن لاى نتيجه لحد دلوقتي...
حسن : من البحث فى كاميرات المراقبه ...فى الكافيه اللى كنت فيه انت و سميه ...لاحظنا أن فى واحد كان قاعد قريب منكم ...واول ما خرجتوا خرج وراكم
ولما راجعنا كاميرات المراقبة فى العمارة
الشخص الملثم اللى خطف سميه
عيونه متطابقه تطابق كامل مع نفس الشخص فى الكافيه ...
مازن : دا معناه ايه
حسن : دلوقتى صورة الشخص مع الشرطه ومنتظرين البحث عن هويته ....اطمن يا مازن ...سميه زى اختى وأمرها يهمنى
شكره حازم وغادر ...
عند وجيه
وجيه : الو ...ماهى
ماهى : ايوا يا وجيه بقلم منال عباس...معقول اسمع صوتك يومين ورا بعض ...
وجيه : عدى الجمايل ....
ماهى : بعدها اهو بس مستغربه ...
وجيه : بقولك ...عمك اللى استحملناه السنين دى كلها وقومنا بكل اعماله ...
طلع بيضحك علينا السنين دى كلها ....
ماهى : ازاى يعنى انت بتقول ايه ؟!
انت ناسي أن انت المدير العام لشركات الجابرى ...وهو فى عداد الموتى ...وعايش أسير الماضى
وما يقدرش يظهر لأى سبب
وكله فى النهاية هيعود ليك ...
وجيه : دا اللى انا كنت فاهمه ...لحد ما اكتشفت حالا ...........يتبع
#أسيرة_الماضى بقلم #منال_عباس
رواية أسيرة الماضى الفصل السابع عشر 17 من هنا
لقراءة الرواية كاملة اضغط هنا (رواية أسيرة الماضى)
