رواية كلام حماتى الفصل الثانى 2 بقلم إسراء إبراهيم
 |
| رواية كلام حماتى |
رواية كلام حماتى الفصل الثانى 2
زوجها: إيه دا يا هانم مش تطبخي كويس عشان أمي تعرف تاكل
هي: أنت مش كان من شوية الأكل عاجبك إيه اللي حصل دلوقتي؟ في إيه يا كمال مش دوقته وقولت طعمه جميل ولا عشان مامتك قالت طعمه مش كويس
كمال: طالما مش عجب أمي يبقى أغير رأيي وأتفق معها
اقعدي يا أمي كلي وخلاص بعد كدا هخليها تعمل أكل كويس ولا أقولك تعالي اقعدي معنا وعلميها
وبص لمراته وقالها: ادخلي جوا اعملي حاجة نشربها وسبينا ناكل
دخلت والدموع في عينها، دي ماكنتش معاملته لما كانت والدتها هنا، لما والدته بتيجي بتتغير معاملته معها وبيهينها
كانت بتفكر تقول لأخوها عاطف يتصرف معه لكن بتسكت
على الجانب الآخر عند فاتن وعاطف ووالدته
دخلت فاتن المطبخ جابت العصير وصبته وحطت كوباية قدام حماتها وكوباية قدام جوزها وواحدة ليها، وقعدت تاكل معهم وهي سامعة همهمت حماتها عالأكل رغم إن طعمه حلو
بعد فترة دخلت حماتها تغسل فقال عاطف: تسلم إيدك عالأكل الجميل دا، حقيقي مفيش أحلى من أكلك ماتزعليش من كلام أمي أنتِ عارفه عايزه تعيش دور الحموات اعتبريها زي أمك
فاتن بابتسامة: هي أمي بالفعل يا عاطف وأنا مش زعلانة منها، هقوم بقى أدخل الأطباق
بقلم إسراء إبراهيم عبدالله
عاطف: ماشي
قامت تدخل الأطباق ودخل عاطف يغسل، وجابت فاكهة وحطتها عالتربيزة في الصالون، وبعدها دخلت وقالت: اتفضلي يا حماتي
حماتها باستغراب: إيه دي؟
فاتن بابتسامة وهي بتطلعها من الشنطة قالت: عباية سمرا بتمنى تعجبك
حماتها بفرحة: دي حلوة أوي وشكلها غالي
فاتن: ماتغلاش عليكي يا ست الحبايب، قسيها كدا نشوفها عليكي
حماتها: ماشي
ودخلت تقيسها وفضلت تلف قدام المراية وهي مبسوطة بيها وقالت في سرها: طلع ذوقها حلو إما أطلع أوريها ليهم
طلعت لهم وقالولها إنها حلوة وطلعت عايزه تظبيط بسيط
حماتها: شكرا يا فاتن عالهدية الجميلة دي
وقعدت معهم شوية ومشيت وعاطف راح يوصلها ودخلت فاتن تغسل المواعين
جالها اتصال رديت عالمتصل وقالت: آلو إزاي دا حصل؟
ياترى مين اللي اتصل وإيه اللي حصل؟
#بارت_2
#كلام_حماتي
#إسراء_إبراهيم_عبدالله
رواية كلام حماتى الفصل الثالث 3 والأخير من هنا
لقراءة الرواية كاملة اضغط هنا (رواية كلام حماتى)
