رواية بنت الحى الشعبى الفصل الثانى 2 بقلم ملك يسرى

رواية بنت الحى الشعبى الفصل الثانى 2 بقلم ملك يسرى

رواية بنت الحى الشعبى

رواية بنت الحى الشعبى الفصل الثانى 2

2 ( بنت الحى الشعبى.) 

ف الصباح. 

اسر قاعد ف الكافيه وماسك الفون ورن على شمس. 

اسر:  السلام عليكم. 

شمس:  وعليكم السلام. 

اسر:  انتى فين. 

شمس بحرج:  انا اسفة جدا بس يعنى الطريق زحمة والمواصلات. 

اسر بتفهم:  لا عادى ولا يهمك انا بس بعرفك انى مستنيكى تعالى براحتك كدا كدا اليوم كله معاكى. 

شمس وابتسمت:  شكرا ليك هاجى ف اقرب وقت بس... 

اسر:  بس اى. 

شمس:  انا يعنى معرفش شكل حضرتك. 

اسر وابتسم:  ياستى هتلاقينى الوحيد اللى لابس بدله. 

شمس بإستفهام:  بدله!!!! 

اسر وضحك:  اه بدله تعالى بس ونشوف الموضوع دا بعدين. 

شمس وابتسمت:  حاضر باى. 

اسر:  باى. 

اسر:  لذيذة. 

............................................................................. 

احمد:  كدا يكون كل حاجة تمام انا هرجع القاهرة باليل. 

نور:  مش المفروض نرجع بعد بكرا. 

احمد بملل:  زهقت بجد احنا خلصنا كل الشغل. 

نور:  ماشى ي احمد نرجع باليل. 

احمد وابتسم:  ياشيخة مليش غيرك عنجد. 

نور وضحكت:  بكاش بجد حتى وانت كبير. 

احمد:  بت اتظبطى كدا انا ابن عمك الكبير. 

نور:  بس ياض. 

احمد ومثل الخوف:  حاضر. 

نور وضحكت:  ايوا كدا باى نتقابل باليل..

احمد:  ماشى ي ام لسان طويل. 

نور خرجت وهو كمل شغله....قاطعة رنه الموبايل. 

احمد:  الووو. 

مجهول:  .......... 

احمد واتنهد:  تانى هترنى وتسكتى مش بعمل غير انى افضل اتكلم ومش بسمع غير صوت نفسك بس وساعات دموعك انتى مين. 

مجهول:  ........... 

احمد وابتسم:  صدقينى يوم ما هعرف هوريكى على اللى انتى بتعمليه فيا داا. 

مجهول:  ......... 

احمد:  ماشى ي ستى انا هقفل دلوقتى ورايا شغل باى. 

............................................................................. 

مصطفى:  السلام عليكم اسر بيه فوق. 

المساعد:  الصراحة معرفش مشفتهوش من الصبح باين لسة نايم. 

مصطفى:  ماشى ي عم محمود.

مصطفى وهو طالع شاف ملك واقفة على كرسى وبتنضف اللوحة. 

مصطفى بإستغراب:  بتعملى اى ي ملك. 

ملك بتوتر:  بساعد نانا سماح وبنضف معاها. 

مصطفى وابتسم:  هو حاجة كويسة بس انتى امتحاناتك قربت. 

ملك:  حاضر ي ابيه. 

مصطفى:  يالا انزلى وغيرى هدومك دى واقعدى ذاكرى. 

ملك:  حاضر. 

ملك نزلت ودخلت اوضتها وهو راح فتح اوضه اسر ملقهوش. 

مصطفى بإستغراب:  راح فين دا. 

خرج فونه ورن عليه. 

اسر:  اى يا درش. 

مصطفى:  انت فين يابنى. 

اسر:  مشوار كدا بابا كلفنى بيه. 

مصطفى بجدية:  محتاجنى اجيلك.. 

اسر:  لا ياباشا لو احتاجتك هرن عليك انت بس روح الشركة نهى هتجبلك ورق تمم عليه ولما احمد يجى سلمه ليه. 

مصطفى:  تمام. 

مصطفى قفل مع اسر وجاى يخرج ملك دخلت وهى بتجرى. 

مصطفى بإستغراب:  ف اى مالك بتجرى كدا لى ووشك. اصفر كدا. 

ملك بخوف:  ابيه فين. 

مصطفى:  مش هنا ف اى. 

ملك:  مفيش عن اذنك. 

مصطفى مسكها قبل اما تخرج وقربها منه. 

مصطفى بعصبية:  وانا بكلمك متسبنيش وتمشى ف اى قولى. 

ملك بدموع:  اللى بيخوفنى جه تحت وانا جيت استخبى هنا. 

مصطفى بإستغراب:  بيخوفك ازاى ومين دا اصلا. 

ملك وهى بتترعش:  بيحاول يلمسنى وبيبص بصة بتخوفنى اوى ي ابيه. 

مصطفى بصلها وبرق:  افندم... 

ملك حضنته:  خبينى منه ي ابيه. 

مصطفى وبدأ يمسد على شعرها:  متخافيش انا هتصرف اوكى خليكى انتى هنا واقفلى على نفسك ومتفتحيش لحد غير ليا انا بس مفهم. 

ملك هزت راسها وهى ف حضنه بعدها عنه وبصلها شوية بتأمل وسابها وخرج. 

ف الاسفل... 

هاشم:  والله وحشتنى ي خالد. 

خالد:  وحشتك فين ي راجل ما انت مش بتسال عليا. 

هاشم واتنهد:  مشاغل وانت عارف بقا. 

خالد:  مشاغل اى بس هو اسر واحمد بيخلوك تعمل حاجة. 

هاشم وضحك:  والله اسر واحمد ومصطفى ونور شايلين الشركات وكل الشغل عنى يادوب ملك بس اللى عليا. 

مصطفى دخل عليهم. 

خالد:  اهو درش وصل. 

مصطفى وابستم:  اذيك ي اونكل. 

خالد:  زى الفل. 

هاشم:  لسة جاى ولا اى. 

مصطفى:  لا جيت من شوية وطلعت عن اسر بس عرفت انه ف مشوار. 

هاشم هز دماغه. 

مصطفى بتساؤل:  انت جيت لوحدك ي اونكل. 

خالد:  اه لسة جاى. 

مصطفى فضل باصص ليه وبيحاول يكدب نفسه. 

خالد:  اومال ملوكة فين. 

هاشم:  هتلاقيها فوق ف اوضتها بتذاكر امتحاناتها قربت 3 ثانوى بقا. 

خالد:  طب انا هطلع اسلم عليها. 

مصطفى بسرعة:  لاء. 

خالد وهاشم بصوله بإستفهام. 

مصطفى:  اصل ملك بتغير هدومها علشان جاية معايا الشركة. 

هاشم:  محدش قالى يعنى. 

مصطفى:  ماهو انا جيت علشان اقولك بس لما لقيت اونكل خالد اتلهيت. 

خالد:  اممممم طيب عن اذنكم هروح الحمام. 

هاشم ومصطفى هزوا دماغهم. 

مصطفى:  عن اذنك ي عمى هروح اشوف ملك علشان متاخرش. 

هاشم:  روح ي ابنى بس خلى بالك منها. 

مصطفى وابتسم:  ف عينى. 

مصطفى طلع ورا خالد شافه داخل اوضه ملك اتعصب لان كل اللى ف دماغه صح. 

خالد خرج شاف مصطفى ف وشه. 

مصطفى بصله بتركيز:  حضرتك مش كنت رايح الحمام. 

خالد بتوتر:  اه ما انا روحت الحمام وقولت اطلع اشوف ملك واسلم عليها قبل اما تمشى بس هى مش موجودة. 

مصطفى بصله وسكت:  تمام اتفضل حضرتك استريح انا هشوفها. 

خالد مشى ومصطفى ضرب ايده ف الحيطة بقوة وراح اوضة اسر. 

مصطفى:  افتحي ي ملك انا مصطفى. 

ملك فتحت وهى خايفة مصطفى دخل وهو متعصب وفضل يروح ويجى. 

ملك بخوف:  ابيه.. 

مصطفى قرب منها بعصبية:  ليييه ساكته مقولتيش من الاول لى. 

ملك بدموع:  قالى لو قولت لحد هيموتنى. 

مصطفى بصلها وبص ل دموعها ورعشتها هى لسة صغيرة على كل دا شدها لحضنه:  هششششش خلاص انا جمبك يالاا هتيجى معاياا الشركة مش هتقعدى هنا مفهوم. 

ملك بدموع:  حاضر. 

مصطفى:  هتدخلى اوضتك تجيبى الحاجة اللى هتذاكرى فيها وهتيجى معايا. 

............................................................................. 

شمس: السلام عليكم. 

اسر بإبتسامة:  وعليكم السلام اتفضلى اقعدى. 

شمس:  شكرا ل حضرتك تعبتك معايا. 

اسر:  ولا تعب ولا حاجة انا هاجى معاكى دلوقتى ونسدد الحاجة. 

شمس:  تمام. 

اسر وشمس مشيوا وهى ركبت معاه العربية وخلصوا اجراءات اخوهاا وخرجته. 

تامر بعصبية:  اى ياست هانم كل دا علشان تخرجينى ملكيش اى فايدة. 

شمس:  بسس بقا مش كفاية ان اختك الصغيرة اللى بتجرى وراك وبشيلك من كله مصيبه انا اللى سندك مش انت اللى سندى حرام عليك زهقت منك ومن قرفك. 

تامر مسكها من شعرها:  طولة لسانك دى هعرفك معانها لما نروح..... 

اسر شال ايد تامر من على شعرها:  لاء ما انت فاهم غلط. 

تامر:  نعععم وانت مين بقا ان شاء الله. 

اسر وحط ايده ف جيبه:  انا اللى خرجتك من الاقرف اللى كنت فيه وحاليا انت مديون ليا ب 70 الف جنيه. 

تامر وبرق:  نععععم انا مش مديون لحد هى اللى واخده منك الفلوس هى اللى ترجعهم ماشى ي اخويا. 

اسر ابتسم ومسك تامر من هدومه:  لا بقولك اى اذا كان امك وابوك معرفوش يعلموك الادب ف انا مستعد ماشى اتجر قدامى. 

اسر زقه وقع على الارض. 

اسر:  ورايا ي شمس وانت قوم ي حيلتها ورايا على العربية. 

اسر وشمس وتامر مشيوا على بيت شمس وطول الطريق شمس بتبص ل اسر بإعجاب وان شخصيته قويه وتبص ل تامر بشماته على اللى هيحصل فيه. 

ف بيت شمس.... 

نادية بفرح وبتحضن وتبوس تامر:  حمدلله على سلامتك ي حبيب امك الف حمدلله على السلامة. 

تامر بخوف من اسر:  الله يسلمك يامااا. 

نادية:  مالك يواد وشك اصفر لى كدا. 

تامر:  مفيش مفيش انا هدخل استريح. 

اسر:  لا ما انت جاى معاياا. 

تامر:  اجى معاك فين. 

اسر:  هتسدد ديونك اومال فاكر خروجك من السجن كدا بالساهل. 

نادية برفع حاجب:  نعم ي عنيا ديون اى ابنى مش عليه حاجة. 

اسر بصلها:  كلامى مش معاكى يالاا ي تمورة ولا اى. 

تامر بخوف:  يالااا ي باشاا. 

تامر خرج من البيت واسر بص ل شمس اللى بصتله وشكرته ب عيونها. 

نادية:  مين دا يبنت حسن وواخد اخوكى فين. 

شمس:  احسن خليه يتربى. 

شمس سابتها ودخلت. 

............................................................................. 

الساعة 9 باليل. 

مصطفى بيبص شاف ملك نايمة شالها ونزل بيها ودخلها العربية وركب هو كمان فضل يبص عليها وعلى برائتها وهى نايمة واتحرك على بيتهم. 

............................................................................. 

ف ڤيلا هاشم المحمدى. 

اسر:  ها يتمورة الاسطبل اتنضف. 

تامر بتعب:  ايوا يا باشا. 

اسر وبيشرب الاقهوة:  و الخيل. 

تامر:  اكلته. 

اسر وقام وقف قدامه:  اتعلم تبقا راجل مش مرااا ي تمورة مش اختك تبقا ارجل منك.. اسر خرج من جيبه فلوس. 

اسر:  خد دول 2000 جنيه تعبك بكرا الساعة 7 تكون هنا فاهم. 

تامر بتعب:  حاضر. 

اسر لسه هيتكلم ملك دخلت تجرى عليه. 

ملك بفرحة:  ابييه. 

اسر وحضنها:  قلب ابيه سمعت انك كنتى ف الشركة النهاردة. 

ملك:  اه ي ابيه. 

اسر:  واتبسطى بقا. 

ملك:  اوى اوى... احم ابيه. 

اسر وضحك:  الشيكولاته فوق مستنياكى ي شقيه. 

تامر شاف معاملة اسر مع اخته وافتكر معملته ل شمس حس بتأنيب الضمير. 

تامر مشى واسر طلع مع ملك اللى مصطفى فضل باصص عليها لحد ما دخلت هى واسر. 

مصطفى واتنهد:  اما نشوف اى حكايتك ي خالد مع ملك واى اخرك........تابع

#بقلمى_ملك_يسرى

رواية بنت الحى الشعبى الفصل الثالث 3 من هنا

لقراءة الرواية كاملة اضغط هنا (رواية بنت الحى الشعبى)