رواية لا أفهمك الفصل الحادى والعشرون 21 بقلم هدير محمد وآلاء إسماعيل البشرى
 |
| رواية لا أفهمك |
رواية لا أفهمك الفصل الحادى والعشرون 21
بارت 21
زي امبارح هأقسم البارت: الأكشن دلوقت و الرومنسية بالليل 🥰
بقلمي آلاء إسماعيل البشري
صفوان بغضب عارم : مرتك !!! مرتك كيف ؟؟؟
صعق ادهم لسماعه الخبر : مستحييييل !!! انت واحد كذااااب
قاطعه معاذ بهدوء رافعا وثيقة في يده و سرعان ما انفلتت وئام من يد ادهم و وقفت بجانبه ممسكة يده بثقة
معاذ: أوة مراتي و دي قسيمة جوازنا
أمسك العم الوثيقة يطالعها بصدمة بينما انطلق ادهم كالإعصار الهادر نحو وئام و هو يتوعد:
- عملتيها يا فا،جرة ! و الله لأ...
وقف امامه معاذ كالجبل مانعا إياه من الوصول إليها رافعا اصبعه في تحذير : ايااااك تتهور و تحاول تلمس شعراية وحدة منها !! انا مبحبش اعيد كلامي مرتين !!
ضئالة حجم ادهم مقارنة بمعاذ كانت واضحة للعيان و من المؤكد لهم من سيخسر المعركة
صفوان بأمر : اصبر يا ادهم يا ولدي خلينا نتكلمو بالعڨل التهور ما عيجيبش حاجة غير الندامة
تراجع ادهم بحنق و هو ينظر الى معاذ بحقد شديد
نظر محمود والد أدهم بتوعد ناحية نادية : ديه بڨى تربيتك يا نادية ؟؟ تچوزي البت من ورانا ؟ ليه .. ملكمش حد يشكمكم !! تحطو يدكم في يد راجل غريب كيف الغوازي و انتم وراكم كفر رجالة تغطي عين الشمس ؟
-و مين قال اني هاسمح لبنت اختي تجوز نفسها و انا موجود !!
نظر الجميع إلى القادم بدهشة
محمود بصدمة : خالد ؟؟ انت رجعت امتى !!!
فلاش
معاذ بحماس: ايه رأيك لو نتجوز دلوقت و نحطهم قدام الامر الواقع !
وئام برفض: لا طبعا ..احنا معندناش الكلام ده ف عرفنا و انا مستحيل اجوز نفسي دول كانوا يشر'بوا من د'مي !
- طب و بعدين ؟؟ ملكيش قرايب تانيين غير اعمامك؟
- لا ليا خال أكبر مني عشر سنين مش متجوز ..بس عايش في الكويت مش هيقدر يجي دلوقت اجازته كمان خمس شهور
- طب و اللي يجيبهولك من هنا لبكرة ؟؟
- ازاي ؟؟
- ما تشيليش هم الموضوع ده ..انت ناسية انا مين و ابن مين؟
- بس في مشكلة تانية ! يعني حتى لو فرضنا ان خالي خالد قدر يرجع بكرة و كتبنا الكتاب ...القسيمة مش هتطلع قبل اسبوع ..و طبعا محدش هيصدق اننا اتجوزنا من غيرها !
- لا من ناحية القسيمة سيبي الموضوع ده على آسر هو هيتصرف
- اااه صحيح افتكرت هو اخوك آسر بيشتغل ايه ؟؟ ده انت و مراته كنتو عارفين تفاصيل حياتي كلها !!!
معاذ بضحكة : هتعرفي بعدين ...سيبينا في موضوعنا احنا
انا هاتصل على آسر افهمه المطلوب منه و أروح الشركة اتفق مع بابا على موضوع خالك و انتي أبقي اتصلي بيه و فهميه كل حاجة ...اه و ما تنسيش تديه رقمي عشان نبقى على تواصل و نفهمه يعمل ايه
وئام وقفت بحماس: حاضر ...هروح بقى أقول لماما ..سلام
معاذ بضحك : سلام ايه بس ي مجنونة .... استني اوصلك
بااااك
خالد : انا رجعت من يومين عشان اوقف المهزلة دي ...انا وكيلها زي ما هو مكتوب في القسيمة و هي اتجوزت اللي ترضاه لنفسها ..محدش يقدر يغصبها على جوازة هي مش عايزاها طول ما خالها عايش .
توتر الجو كثيرا حيث بدأ الجميع يبدي رأيه و كثر التراشق بالكلمات و النظرات حتى بلغت الاصوات الى خارج المبنى و تحولت النقاشات لمشادات بالايدي
أخيرا تدخل صفوان لإنهاء الجدال فهو كبير العائلة و كلمته هي المسموعة بدون نقاش ...ضرب عصاه بالارض ضربة واحدة هزت ارجاء البيت و صرخ : بااااااااس !!!
في بيت آسر
رنا و آسر جالسان امام التلفاز ...آسر يأكل مقرمشات و يضحك و رنا تنظر اليه بتذمر
آسر بمزاح : مالك مبوزة يا رنون ده حتى الكرتون بيفصل
رنا بضيق : قلبي مقبوض على معاذ ... مش كنت رحت مع اخوك احسن يا آسر ؟؟
آسر بغمزة : و أسيب القعدة القمر دي ؟ 😉😁
رنا بتذمر: يوووه يا آسر انا مش بهزر 😣 معقولة تسيبه في مواجهتهم كلهم لوحده ...دول صعيدة و د'مهم حامي اوي ف مواضبع الشر'ف دي ...يعني افرض اتهو'روا عليه قبل ما يسمعوه حتى ؟
اعتدل في جلسته ووضع إناء المقرمشات جانبا ثم امسك يديها بحنان
- ما تخافيش عليه ..معاذ اخوي و عارفه و عارف تفكيره
رنا ببلاهة ؛ مش فاهمة !!
آسر : مش هيرضى بمساعدتي حتى لو طلبت منه ...لأنه مش عايزهم يقولوا أنه مستقوي اكمن اخوه معاه ...ده حتى لما كان صغير و يتخانق مع العيال في المدرسة مكانش بيقولي عشان ما يقولوش عنه ضعيف و مستخبي ورا اخوه الكبير
و كان بياخذ حقه منهم مهما كان عددهم ...عايزاني بعد ما كبر اروح اقف قصاد اهل مراته و اقلل من قيمته قدامهم؟
رنا بإستسلام - يعني انت شايف كدة ؟
آسر بحب - ايوة يا قلبي انا متأكد ان اخوي قدها ...و عشان يرتاح قلبك الجميل ده انا منتظر منه مكالمة اول ما ينتهي الموضوع .
- ماشي يا آسر ...ربنا يعدي الليلة دي على خير .
بقلمي آلاء إسماعيل البشري
في شقة وئام
توقف الجميع و ساد الهدوء في لمح البصر ينتظرون تعليمات زعيمهم
التفت صفوان ناحية اخيه الاصغر : جابر ! قول للمأذون يتفضل ما بڨاش ليه لزوم ..
نفذ جابر من غير نقاش و انصرف المأذون
التفت ناحية خالد: اني موافق على الجوازة ديه بس بشرط !
كاد ادهم المشتعل غضبا أن يتدخل مقاطعا عمه : كيف يع...
لكن صفوان ألجمه مكانه بحركة يد واحدة مانعا اياه من الكلام
و اكمل جملته قائلا :
- الفرح يبڨى عندينا في البلد .
علت الدهشة وجوه الجميع و اولهم أدهم
و اردف صفوان بحزم : الناس أكيد عتقول انها رفضت ابن عمها اكمنها غلطت و بتداري على فضيحتها مع الضابط اياه ...عشان اكدة لازم الدخلة تكون عندينا و اكدة عنقطع لسان اي حد يجيب سيرة بت اخوي الله يرحمه بالباطل ... ڨولت ايه يا خالد !
نظر خالد الى وئام و نادية اللتان لم تعترضا ثم اردف نظرته الى معاذ الذي اومأ بالموافقة
خالد : عداك العيب يا كبير ... احنا موافقين .
ادهم بغضب : يعني كدة خلاص خُلص الموضوع يا عمي ؟؟
ضرب صفوان مرة ثانية و هو ينظر الى ادهم بغضب :
- ايوة الموضوع خلص يا ادهم ...وئام بڨت حرمته خلاص اياك تهوب ناحيتها واصل يا اما اني اللي نقف لك المرة دي !
نظر الى الجميع : يالا بينا يا رجالة مابڨاش لينا لزوم هني.
ثم التفت الى معاذ و اردف بحزم :
:الفرح بعد شهر من النهاردة اعمل حسابك على اكده ..
ثم انصرف .. و تبعه الجميع بين حاقد و غاضب و مستسلم و جار لذيول الخيبة .
بقلمي آلاء إسماعيل البشري
فور خروجهم ركضت وئام نحو خالها تحتضنه : ربنا يخليك ليا يا خالي .
ربت خالد على راسها و هو يمازحها غامزا لمعاذ : المفروض الحضن ده يكون لجوزك ..ما هو اللي عمل كل حاجة 😉
نادية بإحراج من معاذ : ما تختشي يا خالد الله !! بس تقول ايه..مفيش فايدة فيك مش هتتغير أبدا ..
خالد بإبتسامة ماكرة : الله !! مش دي الحقيقة ؟؟ انا مش عارف اصلا ازاي قدرو يقنعو الشركة تديني اجازة اربع ايام !
معاذ : ما تشغلش بالك ..المهم ان الموضوع خلص .
خالد : طب عن إذنكم ادخل أحضر شنطتي و ألحق آكل لقمة و أنام لي ساعتين عشان اسافر الصبح بدري .
دخل خالد الى غرفة الضيوف و اردفت نادية
- اتفضل يا ابني واقف ليه البيت بيتك انت مبقتش غريب ثواني و يكون العشاء جاهز
معاذ : لا يا حماتي مرة تانية انا لازم اروح دلوقت ..
اهلي مستنيين اطمنهم
بص لوئام ففهمت نادية انه عايز يقولها حاجة
- طب انا داخلة احط اكل لخالد عن اذنكم
امسك معاذ يدي وئام بحب:
- على فكرة خالك معاه حق
وئام بخجل: في ايه مش فاهمة.
معاذ: يعني ما استاهلش حضن صغنن بعد كل اللي عملته ده ؟ اعتبريه حضن كتب الكتاب اللي ما اتهنيتش بيه
وئام بقت طماطم : معاااذ ! بطل قلة أدب بقى و امشي من هنا قبل ما ترجع ماما !!
معاذ بمكر : لحد دلوقت مش قادر اصدق انك بقيتي مراتي ! عايز اي حاجة منك تخليني أصدق ان ده حقيقي مش حلم
وئام بعد تفكير : طب غمض عينك
معاذ بحماس : اهو غمضنا .
طخخ ...قلم خفيف علم على خده .. فتح عينيه لقاها هربت ناحية المطبخ و هي بتضحك
- كدة صدقت انه حقيقي ؟ 🙄😂
فرك خده بتلذذ و اردف مبتسما - ماشي ...بس و حياة عينيكي لادفعك ثمن القلم ده ..يا جااامد انت 😍
- خلصني يالااا امشيييي !!!
- هاكلمك اول ماا اوصل يا قمر
رمى لها بوسة في الهوا و خرج
بقلمي آلاء إسماعيل البشري
في قصر عائلة آسر
فاطمة : بقى ابنك يجرى له كل ده و الوحيد اللي يفهمه يبقى اخوه ؟ و انت بدل ما تقرب منه و تحاول تصاحبه مش فاضي غير انك تحاسبه و تلومه ؟
محمد : ما بلاش الكلام اللي ما منوش فايدة ده المهم نتطمن دلوقت عليه ..
فاطمة : على رأيك ...الندم معادش يجيب فايدة ..اهو آسر قدامك عايش حياته و ناسينا كأنه يتيم ملوش أهل
- هو انتي كل شوية هترجعي للسيرة الز،فت دي ؟ ما تغيري الموضوع يا اما أروح اتخمد
- طب خلاص سكتت ..ماتتصل تشوف عمل ايه مع الجماعة اصله أتأخر اوي !
في هذا الوقت دخل معاذ :
محمد- اهو قدامك يا ستي اتطمنتي !!
معاذ : سلام عليكم
محمد : و عليكم السلام ..خير يا ابني طمننا
معاذ : كل خير يا بابا الحكاية عدت على خير
فاطمة : هاا احكيلنا ايه اللي حصل ؟
معاذ : تعبان يا ماما مش قادر اصلب طولي هاطلع اغير و اخذ دش و انزل اكل لقمة و ابقى احكيلكم كل حاجة
- حاضر يا حبيبي هخلي دادة عزيزة تجهز لك العشاء
عند ادهم :
كان يستشيط غضبا و هو يتحرك بترنح في غرفته ذهابا و ايابا ممسكا بقارورة خ'مر : عملتيها يا بنت نادية !! فاكرة نفسك أذكى مني صح !؟؟
ألقى بالقارورة نحو الحائط لتنكسر و تتناثر قطع الزجاج و المشروب في كل مكان و اردف بحقد
- طب و اللي خلق الكون ما انا سايبهولك ولا هتلحقو تتهنو ببعض يا ز'بالة منك ليه ! هتشوفي الوش الحقيقي لأدهم
بقلمي آلاء إسماعيل البشري
صعد معاذ الى غرفته بعد ان قص على اهله ما حدث و أتصل بآسر يطمئنه .
كان يهم بالنوم لكنه تذكر وئام فوضع يده على خده مبتسما ثم أتصل بها
- وحشتيني
- هو انت لحقت !!
- بتوحشيني و انتي معايا اصلا ...على فكرة أنا مش متطمن لنظرات أدهم ..مش هأقدر اسيبكم بعد كدة لوحدكم.
اعملي حسابك بكرة الصبح بعد ما يسافر خالك انا هاجي اخذكم القصر على ما يخلص الشهر ده على خير .
- لا ما تخافش علينا ... ادهم بوق عالفاضي مش هيقدر يعمل حاجة ..و كمان ماما مستحيل ترضى تسيب بيتها و تقعد عند حد ...و بصراحة انا مش شايلة غير همها بعد ما نتجوز
هي ما لهاش غيري مقدرش اسيبها لوحدها
- طب ايه رأيك نجيبها تعيش معانا بعد الجواز ؟
- مستحيل تقبل طبعا ...متحبش تحس انها ثقيلة على حد
- بس القصر كبير و فيه اوض كثير و كمان محدش هيحسسها انها ثقيلة بالعكس ده ماما هتفرح اوي ..لان القصر تقريبا فضي عليها خصوصا بعد ما اخوي و مراته سابوا البيت .
- .انت ما تعرفش ماما زيي دي عندها عزة نفس رهيبة
- طب انا عندي اقتراح احسن
-ايه ؟ هتجي انت تعيش معانا في شقتنا ؟؟
- لا طبعا .. انا عندي حل وسط
- ازاي !
- احنا عندنا في الجنينة الخلفية للقصر شقة صغيرة منفصلة من اوضتين و صالة ، بابا بناها لدادة عزيزة... دلوقت جوزها اتو'فى و بنتها اتجوزت وسافرت من ساعتها ماما جابتها تعيش معانا جوة القصر و الشقة دي مقفولة
ايه رأيك اخليهم ينظفوها و تجو تعيشوا فيها لحد ما نتجوز و بعدين هتفضل والدتك فيها و منها تبقى قريبة منك .. منها عايشة لوحدها ..و ممكن تأجر بيتكم و تصرف على نفسها منه و تبقى تدفع ايجارها لبابا مادام بتقولي مش هترضى نساعدها ..قولتي ايه ؟؟
- و الله فكرة حلوة اوي انا هاقترح عليها و اقولك ردنا بكرة ...يالا تصبح على خير يا معاذ ☺️
- معاذ حاف كدة !! ده انا حتى بقيت جوزك يا مفترية !
- طيب ما تزعلش ... تصبح على خير يا جوزي 😂🙄
- الوو...الله!!! دي قفلت بجد!! ماشي يا وئام مسيرك تجي بين ايديا يا مهلبية ☺️
بقلمي آلاء إسماعيل البشري
عند آسر و رنا
كانت تسرح شعرها بجانب التسريحة و بينما يطالعها بشغف و هو يتمدد على سريره عاري الصدر بعدما فتح جميع ازرار قميصه
آسر- شايفك مبسوطة اوي يعني
رنا بفرحة: الحمد لله عدت على خير ☺️ وئام بنت حلال و الحمد لله ان ربنا كرمه بيها و بعده عن شلة الصيع عقبال رغد بقى ...
- كنت هأسألك عنها بس انشغلنا بحكاية معاذ ...هي ايه الحكاية بالضبط ؟؟
رنا : الجدع زميلها .... بيحبها بس بيكابر ..عنده عزة نفس شديدة مش عايز يحس انها بتشفق عليه مع أنه اخذ الرصاصة بدلها ...بس كل تصرف بتعمله معاه بيفسره شفقة
- طب و هي ؟؟ بتشفق عليه بجد ؟
- هي بتحبه بس هو مش عايز يفهم ده ..مع ان نظراتها واضحة اوي ...كل ما بتحاول تقرب بيبعد اكثر من الاول
- هيجي يوم و يفهم أنه لو ضيع حبها مش هيعرف يلاقيه تاني ...هو بس محتاج وقت مش اكثر ..
رنا - طب احنا ما نقدرش نساعدهم مثلا زي ما عملنا مع معاذ ؟
- جرى ايه يا رنون ! معاذ راجل و الوضع مختلف .. عايزاني اروح أقول للجدع اختي بتساعدك عشان بتحبك مش بدافع الشفقة يا لوح ؟؟ شايفاني بقرون للدرجة دي ؟
دهنت بشرتها بكريم ترطيب و هي تقول بحزم - لا طبعا ما قلتش كدة ...بس انت عندك ألف طريقة أكيد
- هنسيبهم ياخذو وقتهم رغد لسة صغيرة و قدامها مشوار طويل تتوظف و تثبت نفسها و كمان هو قدامه رحلة علاج هنأجل الموضوع ده لبعدين ...
وضع يده على خده بحسرة مصطنعة
-هاا يا ستي اديكي اتطمنتي على معاذ و اتكلمتي عن اخته .... ممكن بقى تتطمني على اخوهم الغلبان ده ؟؟
وضعت كريم الترطيب من يدها و توجهت نحوه بدلال قائلة : خير !! ماله ده كمان !!!
احاط بخصرها بكلتا يديه -تعبان و عاوزك في موضوع مهم
رنا بمشاكسة و هي تعبث بازرار قميصه و تغلقها واحدا تلو الاخر - امممم قلتلي !!! طب قل له يأجل مواضيعه المهمة لبكرة انا لازم اصحى بدري عشان ياسين عنده جلسة
اقترب من أذنها و همس بعشق: طب و لو قالك أنه ما يقدرش يأجله لبكرة ؟
تمنعت بدلال و اعطته ظهرها كي تنام و هي تنظر الى الساعة : يووووه بقى يا آسر !! بطل قلة أدب و نام بقى !! دي الساعة عدت واحدة الصبح ؛!!
إعتدل في جلسته و قد تغيرت ملامحه الى الضيق و في ثوان انقلبت نبرة صوته لحزن :
- حتى لو قلتلك أني مسافر بكرة الصبح في مهمة ؟؟
شهقت رنا و شحب لون وجهها و هي تعود لاحضانه برعب : لاااا ...اوعة تقولهاااا !!!
اختبئت داخل ضلوعه و هي ترتعش بشدة : ارجوووك قل لي انك بتهزر 😓💔
بقلمي آلاء إسماعيل البشري
تنهد بعمق ثم اجابها و هو يحاول تهدئتها : أهدي حبيبي ..ماهو انا مش معقول هافضل اجازة على طول ..انا لولا فهمت خالد عن الوضع و أنه شهر عسل بدل اللي ضيعته مكانش اصلا وافق يديني اجازة ..انتي عارفة اني ما اخذتش اجازة من قبل ما نتجوز حتى فاكرة ؟؟
رنا ببكاء- اااه ...فاكرة بعد جوازنا على طول لما طلعت مهمة شهرين و نص ...
- و انتي ساعتها كنتي مبسوطة اوي اني روحت ...يا ستي أبقي اعتبريها زي المرات اللي فاتوا و هي تهون ..
همهمت ببكاء
- لااااااا...الوضع مختلف ...ساعتها انت مكنتش طايقني و بتذ،لني في الرايحة و الجاية .. بس تصدق بالله !!! حتى ساعتها مع كل تصرفاتك الو،حشة كنت باقلق عليك و بيفضل قلبي مقبوض و بأدعيلك في سري لحد ما تجي ....عايزني دلوقت اصبر عادي بعد كل اللي حصل ما بيننا !!! صدقني مش هأقدر ابعد عنك يوم واحد ....بلاش تروح و النبي ! ده انا روحي هتطلع بعدك على طول...ارجوووووك 😭
- أهدي يا قلبي بلاش عياط هو يعني بكيفي ؟؟ ده شغلي !!
- طب ما تبطله و تشتغل مع معاذ في الشركة ايه لزمتها الشحططة و البعد ده كله !!
- للأسف ما اقدرش ... و بعدين المفروض انك مرات ضابط و لازم تكوني أجمد من كدة... ما تخلنيش اندم اني قلتلك ..انا كنت عارف و متأكد ان ده هيكون رد فعلك و كنت ناوي اصلا الصبح اروح أزور ياسين و اسافر على طول ...بس ماهانش عليا ابعد عنك بالطريقة دي ...ارجوكي يا قلبي ما تعمليش فيا كدة ... هو انتي فاكرة الموضوع سهل عليا يعني ؟؟
رنا .......
آسر بتنهيدة : مش هتتكلمي يعني ؟؟ قولي اي حاجة
- رايح فين ؟ و هتقعد قد ايه ؟
- حبيبي انتي عارفة ان المعلومات دي سرية
رنا بحزم و هي تمسح دموعها: مش عليا يا آسر
تنهد بحزن : مسافر شمال العراق ...و ما تخافيش مش هأتاخر المرة دي ..انتي نسيتي ان فرح اخوي بعد شهر ؟؟ ما اقدرش اسيبه لوحده في ظرف زي ده ...
ابتسم بحب و هو يحاول التخفيف من جو الحزن الذي طغى على المكان : و بعدين يا ستي عشان خاطر عيونك انا فهمت خالد اني عريس و كدة و مش هأقدر أروح مهمات طويلة تاني و هو اتفهم الوضع .يعني ما تخافيش يا قلبي هي كلها عشرين يوم بالكثير و ارجعلك
اعتدلت في جلستها و نظرت في عينيه بعمق
- توعدني يا آسر ؟؟؟!
قبلها بجانب شفاهها برقة : أوعدك يا قلب آسر
ثم مال يقبلها قبلات متفرقة في كل نقطة من وجهها و هو يمسح على شعرها: مش عايز أشوف غير ابتسامتك عشان كل ما اشتاق لك افتكرها
ابتسمت ابتسامة باهتة : طب و انا ؟؟
همس بعبث : و انتي ايه ؟!
- لما اشتاق لك اعمل ايه ؟؟
امسك هاتفها و اعطاها اياه
- كل ما اوحشك افتحي التسجيلات الصوتية ..
- مش فاهمة
- سايبلك رسائل صوتية كثير ..
تنهد و اكمل : عامل حساب اليوم ده ..مش هتحسي انك لوحدك أبدا ..و كمان هسيبلك قميصي ده ...عارف انك بتحبيه
هااا .... خلاص يا روحي !! مش زعلانة ؟
اومأت رأسها ايجابا...فانحنى يقبلها بشغف و قد اندمجت مع قبلاته بشدة ...و في لحظة واحدة تذكر كلمة : قلة أدب
قبل رأسها بحنان ثم تمدد بهدوء و هو يقول في سره : آسف يا حبيبتي بس انتي لازم تمشي حسب قوانيني انا .
تعجبت رنا من تصرفه : فيه ايه ؟؟
اجاب ببرود على عكس الرغبة المشتعلة بداخله : مفيش .. يالا اطفي النور عشان نصحى الصبح بدري ..مش ياسين عنده جلسة ؟
رنا بتردد : ايوة ...بس انت كنت ..
آسر بتصنع الجدية ؛ كنت ايه ؟؟
رنا بخجل : كنت ...كنت
آسر بتصنع الدهشة : ااااه افتكرت !! قصدك كنت قليل الادب !
تذكرت رنا ما قالته فشعرت بالندم بينما اكمل هو بهدوء
- لا خلاص انا بقيت مؤدب أهو ...ما دام مراتي مؤدبة زيادة لازم ابقى زيها بقى ..ماهو يا إما حاجة من اثنين ...نبقى قلالات أدب سوا او مؤدبين سوا غير كدة مش هينفع 🙄
اشتعل وجهها من الغيظ و الرغبة الممتزجة مع الخجل و قالت و هي تجز على اسنانها : قصدك ايه يعني ؟
بقلمي آلاء إسماعيل البشري
التفت إليها ثانية و هو ينظر بداخل عينيها
- يعني يا مراتي مش عيب و لا حرام اني ابقى قليل أدب معاكي لإني مليش غيرك و لا ليا ف سكة الحرام... و كمان مش عيب انك تبقي قليلة أدب مع جوزك..و لما تكوني عايزاه يبقى تقوليله بكل بساطة: عايزاك
توترت رنا كثيرا و قالت بلجلجة : بس انا مش عا...يزة ...انت اللي قلت ...
آسر ببرود : و اديني رجعت في كلامي و بطلت حوارات قلة أدب حلو كدة ؟! بس لو بعد كدة بقى لقيتي وحدة تانية قليلة أدب زي نهلة مثلا او ريناد لفت عليا و خطفتني منك ما تبقيش تتحسري يا مؤدبة .
كانت رنا تشتعل غيظا .. ضربته بشدة في كتفه : نهلة اي و ريناد اي اللي يلفوا عليك ي ابن العبي،طة !! ده انا كنت أدف،نك انت و هوما ف تربة وحدة !!
آسر بضحك -يا ساااااتر انتي قلبتي مرة وحدة كدة ليه ؟؟ شوية و هتفترسيني !! خلاص خلاص ...ماقداميش غير سكة وحدة اني ابقى مؤدب و الزم حدودي معاكي ..يالا تصبحي على. خير يا بنت المجنو،نة
رنا بحدة- انا مامتي مجنو،نة ؟؟
آسر بضحك - قال يعني أمي اللي عبي،طة؟
تذكرت رنا ما قالته هي أولا فصمتت ...اعطاها ظهره و هو يكاد يغمى عليه من الضحك...و تمددت في الجهة الاخرى و هي تكاد. تنفجر من الغضب و الشوق .
بعد عشر دقائق
- آسر
آسر بهمهمة : مممم
- انت نمت ؟؟
- اااه
- اومال بتتكلم ازاي ؟
- انتي اللي سألتي !
- لو كنت نايم مكنتش رديت
- كنت ...و صحتيني
- طب نام تاني
- اومال صحتيني ليه ؟
- ولا حاجة
- تصبحي على خير
بعد ربع ساعة
- آسر
آسر و هو يكتم ضحكاته : الظاهر مش هننام ف أم الليلة دي هااااا ...
- أنا آسفة
آسر بهمهمة: على ايه
رنا بتوتر و خجل: اني قلتلك قليل أدب
كتم ضحكته و اجاب : اعتذارك مقبول .. يالا نامي الساعة قربت على اثنين و الوقت متأخر
رنا : آااااسر لفلي ..عايزة أنام في حضنك
آسر بتصنع البراءة - مش هاضمن اني هأبقى مؤدب لو لفيت .و حضنتك...خلينا كدة احسن
اقتربت منه و هي تبتلع ريقها و تعض على شفتيها بخجل
- بس... انا..
-انتي اي ؟
أخيرا همست في اذنه برغبة : عايزاك
التفت إليها و في ثانية كان ممددا فوقها و هو يهمس في اذنها بعشق : ما كان من الاول يا عبيطة بدل ما ضيعتي من عمرنا ساعة بحالها 😉😂
مرت الأيام بدون أحداث كثيرة .
كانت رغد تحاول التقرب من اسلام و مساعدته بكل الطرق لكنه رافضا و بشدة و كرامته تمنعه من قبول اي مساعدة كانت
رنا تكاد تحترق من الشوق و تقضي كل وقتها ما بين المستشفى و بيت سهير نهارا ..و تطالع صورته او تسمع صوته ليلا
تقرب معاذ كثيرا من وئام خاصة بعد ان رحبت والدتها بفكرته و اصبحتا تعيشان في شقة الخدمة .
بقلمي آلاء إسماعيل البشري
كانت تقف في المطبخ و هي تكلم ياسين عبر الهاتف الخاص بالممرضة و تحضر المقادير لصنع كعكة
- هو انت مش بتسمع الكلام ليه ؟؟ مش قلنا ناكل كويس عشان العلاج؟؟ كدة أنا هأشتكيك لعمو آسر
ياسين بزعل طفولي - و هو فين بس ؟!هو بقاله كثير غايب
و انتي قلتيلي عشرين يوم بالكثير و يجي و اهو فاضل يومين على الشهر و برضو لسة ماجاش ...انا زهقت محدش بيعرف يلعب معاي كورة غيره 😓
- معلش يا قلبي ...هو أكيد مش هيتأخر عننا اكثر من كدة انت بس خليك شاطر و كل كويس عشان لما يجي ما يزعلش منك تمام؟
ياسين بإستسلام ؛ حاضر ...بس انتي مش هتجي النهاردة ؟
- معلش يا قلبي أصل أنا النهاردة مشتهية كيكة باللمون و فكرت أحضر واحدة و اجيلك بكرة و ناكلها سوا
- بس انتي مش بتحبي اللمون !!
- يوووه بقى بطل لماظة و اديني طنط ندى
رنا- معلش هاتعبك يا حبيبتي ...أبقي حضريله الحمام لاني حاسة نفسي تعبانة شوية مش هأقدر أجي النهاردة
ندى- حاضر يا ست رنا من عينيا
اقفلت الخط و هي تخلط المقادير ببعضها بينما ترتشف من احدى فصوص الليمون بتلذذ فجأة توقفت مندهشة
-ياسين معاه حق !! انا من امتى بحب اللمون ؟؟
تذكرت آسر فأمسكت هاتفها و شغلت احدى التسجيلات و تستمع لصوته و كأنه يحدثها و هي تتنهد بحزن
- اتأخرت اوي يا آسر .. هو ده وعدك ليا ؟؟ طب بلاش وعدك ليا انا ...فين وعدك لاخوك!! ده هيتجوز بعد يومين ...
يا ترى انت فين بس يا حبيبي ؟؟!
- هنا يا قلب حبيبك...😍
شهقت و هي تسمع صوته و نظرت الى الهاتف بدهشة ظنا انها احدى التسجيلات .. لكن تفاجأت مرة أخرى حين سمعته من خلفها
- بس قميصي هياكل من جسمك حتة 😉🥰
نظرت خلفها و سرعان ما سقط ذلك الاناء من يدها ارضا و ركضت بكل قوتها تتشبث برقبته تقبل كل انش من وجهه
- وحشتني اووووي يا حبيبي
- مش اكثر مني يا روح حبيبك ...
خرجت من بين احضانه تتحسس وجهه بخوف : انت كويس
- الحمد لله اتطمني حبيبي
كانت ان تعود لأحضانه مرة أخرى و هي تضغط على كتفه فتأوه بألم مكتوم
نظرت الى داخل القميص فشهقت برعب
- ايه ده !!! انت متصاب ؟؟؟ دي رصاصة صح ؟؟
آسر بحنان- ده جرح رصاصة بسيط ما تخافيش ...بقيت كويس خلاص ..خلينا فيكي انتي ...واحشاني موووت 🥰
رنا بشوق- اومال انا أقول ايه ؟؟ 😓
غمز بخبث - قوليلي زي آخر مرة 😉
يا جماعة مش كدة راجل و مراته و ما شافوش بعض من شهر مالنا و مالهم بقى ! 😂🙄
بقي يوم واحد على سفرهم للصعيد من اجل فرح معاذ
كانت رغد تستعد للذهاب الى بيت آسر لمساعدة رنا في توضيب حقائبها و اختيار الملابس و الوانها و المستحضرات و الاكسسوارات و غيرها.... فرنا تثق كثيرا في ذوق رغد
فجأة رن هاتفها
- ايوة يا رنون خير فيه حاجة !؟
- بقولك ايه هو انتي فين قربتي توصلي ؟
- لا لسة في البيت .. جايالكم اهو مسافة السكة بس
- طب انا عايزة اوصيكي على حاجة ف طريقك ..
- عيوني ليكي يا قمر انتي تأمري.
وئام و معاذ يجلسان في الحديقة
معاذ : مالك يا وئام ...حاسس انك مش على بعضك بقالك كم يوم ..هو في أي .؟؟
وئام : بصراحة ...مش عارفة ليه خايفة ... حاسة ان سكوت ادهم طول المدة دي وراه حاجة .
- لا من الناحية دي ما تشيليش همه ...مش هيقدر يعمل حاجة
- يا سلام !! مش انت اللي ما كنتش مرتاحله في الاول ؟ ايه اللي غير موقفك و مخليك بالراحة دي ؟؟
معاذ بصوت منخفض..أنا فعلا قلتلك قبل كدة نظراته مكانتش مطمناني عشان كدة انا كلمت آسر بخصوص الموضوع ده تاني يوم ..
و اتطمني يا ستي... أدهم مش هيقدر ياخذ نفس واحد احنا ما عندناش بيه خبر ...كل حاجة تخصه متراقبة.
ابتسمت وئام مازحة - يا خبر !! للدرجة دي !!! ليه هو اخوك بيشتغل ايه ؟؟ مخ... وضع يده على فمها و هو يضحك
- هسس يخربيتك كل حاجة ليها وذان ...مش الحيطان بس
همست برعب: باتكلم بجد هو اخوك بيشتغل ايه ؟
همس في وذنها بحب : كل اللي يهمك تعرفيه دلوقت ان احنا في أمان محدش هيقدر يوصلنا
وئام بتذمر- كل ما اقولك تقولي بعدين ! الفضول هيمو،تني ارجوك يا معاذ 😓😣
همس لها - اخوي ضا 'بط مخاا. برات ارتاحتي ؟
بقلمي آلاء إسماعيل البشري
في بيت آسر و رنا
وصلت رغد الى المنزل فوجدت آسر يهم بدخول المكتب
- و انا بقول الفيلا ظلمت...قصدي نورت ليه !! رغد هانم بنفسها شرفتنا في فيلتنا المتواضعة ؟ أخيرا !!
- بطل تريقة يا ابيه...ما انت عارف اني كنت مشغولة بحاول اخلص المذكرة الزف'ت ...بس انا زرت رنا مرتين انت اللي مكنتش موجود عموما اديني جيتلكم اهو ..هي رنون فين ؟؟
- فوق... لسة داخلة تأخذ حمام
طب انا طالعة عندها بسرعة و بعدين راجعة لك
- ايشمعنى ؟؟
- انت نسيت وعدك ولا ايه يا أبيه ؟؟
اومأ آسر كأنها تذكر للتو : ااااه وعدي !! تقصدي حكاية مروان الحديدي ؟ .. لا ما نسيتش .. انا عند وعدي .
- طب اطلب لنا قهوة على ما انزل لك.
آسر : هأحكيلك على الله ما تخربيش الدنيا بس ...
يتبع بقلمي آلاء إسماعيل البشري
على فكرة الجمدان كله في البارت الجاي استنوا و خمنوا مفاجأة مروان تبقى ايه ؟ 🙈
رواية لا أفهمك الفصل الثانى والعشرون 22 من هنا
لقراءة الرواية كاملة اضغط هنا (رواية لا أفهمك)
