رواية باسم قانون الحب الفصل العاشر 10 والأخير بقلم نشوه عادل
 |
| رواية باسم قانون الحب |
رواية باسم قانون الحب الفصل العاشر 10 والأخير
-انتى بس بصى ف عيونى ورجعيلى الحياة تانى ي بطتى
فاطمة بلهفة: محمد انت هنا؟!
محمد: من زمان ي ست الستات وحشتينى اوى ي فاطمة كفاية بعد لحد كده ان الاوان نرجع بقا ولا ايه رايك ي حمايا
اشرف: وماله ي ابنى ربنا يهدى سركم انا فخور بيك جدا ي محمد وكل فترة بتثبتلى ان بنتى عرفت تختار صح
فاطمة بندم: حقك عليا ي محمد سامحنى انا مش لاقية كلام اقوله ولا عارفة اعتذرلك ازاى!
محمد: متقوليش حاجة انتى ليكى عذرك واى واحدة اصيلة زيك كانت هتعمل كده
رقية: طب لو واصلة الرومانسية دى خلصت ممكن نروح بقى انا هموت وانام
محمد بضحك: ممكن تسبقينا طالما مستعجلة ع النوم
رقية: وماله بتهوينى ي رجولة اشى
محمد: وتبقى عملتى معايا الصح لو اخدتى الولاد معاكى
رقية: كمان ده انت داخل ع طمع بقى
الجميع ضحك ...محمد: معليش ي روقا نخدمك يوم فرحك ي روح قلبى
رقية: كمان عاوز تجوزنى وتخلص منى لا يمكن انا قاعدة ع قلبكم جميعا
محمد: ف قلبى مش ع قلبى
رقية: احم تمت عملية التثبيت بالنجاح يلا ي ولاد نروح وامرنا لله خلينا نسيب عصفورين الحب دول يتهنوا ببعض شويه
مشيت رقية واخد محمد فاطمة وخرجوا فسحة خاصة
عند طارق اللى راح ع القسم ...ايهاب: حمدالله ع سلامتك ي صاحبى امال فين رقية؟
طارق: اللهم طولك ي روح انت بتسأل عنها ليه ها وبعدين اسمها انسة رقية مش رقية
ايهاب بخبث: لا ي شيخ وده من امتى ولا من ايه؟
طارق: من دلوقتى ي عسل واتظبط بقى امال صاحبك فين؟
ايهاب: ف الحبس الانفرادى متوصى بيه عشانك
طارق: تعجبنى ...نده طارق ع العسكرى : هات المتهم كمال ابو الليل
العسكرى: حاضر ي باشا
راح العسكرى جاب كمال لطارق: المتهم ي باشا
كمال بصدمة: انت ...انت عايش ازاى؟
طارق: مفاجأة مش كده كنت مفكر انك خلصت منى بس كان حلو الطعم ده صح
كمال: طعم ايه؟
طارق: بعت حد تانى يقت*لنى لكن للاسف انا اكتشفت لعبتك تانى ونطيت من العربية قبل ما تقع ولما رجالتك شافوا اللى حصل زفوا ليك الخبر فاستغلتها انا بقا واختفيت لحد ما انت وقعت جيت اودعك
كمال بضحك: ي ولاد اللعيبة لعبتوها صح اوى
طارق: اى خدمة اما بقى العسل اللى بعته يفك ليا الفرامل هجيبه وهعمل معاه الصح
كمال: عادى مش فارقة وبعدين انا مبعتش حد ولا اعرف انه كان ناوى ع ايه هو كان موظف عندى
طارق: هنشوف الكلام ده بعدين ي عسكرى رجعه ع للحجز
اخد العسكرى كمال ومشى ... ايهاب باستغراب: انت ليه مقولتلوش ان محمد كان شغال معاك!
طارق: اللى زى كمال ده ملوش امان هو جوة السجن اه بس ممكن يعمل حاجة لمحمد ويإذيه من هنا لحد ما ياخد حكم لازم تكون عيونا عليه
ايهاب : دماغ شغالة مش بتنام
طارق: عيب عليك انا هروح بقى عشان الجماعة وحشونى يلا سلام
تانى يوم اتعرض كمال ع المحكمة واتحكم عليه بالمؤبد واترقى طارق وايهاب لرتبة مقدم
طارق: مبروك ي ايهاب
ايهاب: الله يبارك فيك ي صاحبى ايه مش ناوى تخلينى انا كمان اقولك مبروك
طارق: مش فاهم!
ايهاب: يعنى افرح بيك يعنى وكده
طارق: قريب اوى عندى مشوار مهم دلوقتى يلا سلام
عند رقية اللى كانت قاعدة بتذاكر ليونس لقت الباب بيخبط وقام يونس فتح: ازيك ي عسل عمتو موجودة
يونس: ايوة مين انت؟
طارق: قولها واحد ظابط بيسال عليكى
يونس: ايوة ليه يعنى ؟
طارق: قولها بس
يونس: ي عمتو فيه واحد ظابط بيسأل عليكى ومش راضى يقول اسمه ولا عاوزك ليه
رقية: ظابط مين؟ ...قامت رقية وشافت طارق: اهلا ي طارق بيه اتفضل
طارق: محمد فين؟
رقية: ف شقته فوق تحب اندهله
طارق: ياريت
رقية: يونس اطلع قول لبابا ينزل وان طارق بيه عاوزه
نزل محمد وعرف ان طارق اترقى وان كمال اتحكم عليه ...محمد: الحمدلله ومبروك الترقية ي باشا تستحقها
طارق: ايوة بس انا لسه ليا عندك حاجة انا عاوزها
محمد: حاجة ايه؟
طارق: رقية ي باشا تخصنى
بص ع رقية لقاها مصدومة ومتوترة قرب منها وقال: ولا انتى ليكى راى تانى ؟!
رقية: انا ..انا مش فاهمة حاجة تقصد ايه؟
طارق: بحبك وعاوز اتجوزك
رقية ودقات قلبها تتسارع: ايه بتحبنى انا؟
طارق: ايوة بحبك انتى من اول مرة شوفتك فيها حركتى مشاعرى وبدون مجهود ولا محاولات سرقتى قلبى ف بكده قصادك حل من اثنين ي ترجعى قلبى ي توافقى تتجوزينى ها قولتى ايه؟
رقية بحب: موافقة🤍
#بإسم_قانون_الحب الاخير
#بقلم_نشوه_عادل
يتبع الفصل التالى اضغط هنا (رواية باسم قانون الحب)
