رواية للصبر حدود الفصل الخامس 5 بقلم بسملة بدوى
رواية للصبر حدود بقلم بسملة بدوى
 |
| رواية للصبر حدود |
رواية للصبر حدود الفصل الخامس 5
البارت5
عضيت ايده بغل وهو سابني بسرعه جريت على باب الشقه وانا بصرخ الحقوني الحقوووووني يانااااااس الحقوووووووني حراااااامي
كان واقف مزهول بس نظرته خوفتني كانت جامده وواثقه وكأنه ملوش كبير ومش بيخاف من حد
قال بهدوء شديد في باطنه تهديد ..... وعزه وجلاله الله لو نفسك طلع لهد العماره عليكي وامشيكي منها بفضيحه ووراكي وراكي لحد ما اجيبك راكعه عند رجلي
لقيت شويه ناس كتير طالعين بسرعه ...مالك يامدام صوتك جايب اخر الحاره لي وبعدين بص على الي معايا .... نوح ق قصدي عزرائيل
اسمه فضل يرن في دماغي ولقيتني بنطقه من غير صوت ...نوح
زعق بعصبية..... يالا ياخويا منك ليه براااا انتو لسا فاكرين تيجوا دا تلاقي الحرامي هرب وروح نام كمان غووووروا من وشي بس حسابكوا معايا عشان مشغل معايا بهاااايم شويه حريم عشان يتجرأ حرامي بن ***** يخش الحاره بتاعتي غووووروا من وشي
فـ أقل من دقيقه كانوا اختفوا من قدامنا
لقيته قرب مني وانا ببعد كل ما يقرب خطوه ابعد قدها خطوتين ....ابعد انت عايز اي انا نفذت كلامك اهو ومنطقتش ابعد عني بقاا دموعي نزلت بقهر .... هو انا كنت نقصاك انت كمان حرام عليكوا والله العظيم انا كل الي عايزاه اعيش من بناتي في سلام وبس مش عايزه حاجه تانيه...حرام عليك اعتبرني اختك بالله عليك انا الدنيا جايه عليا بزياده كفايه بختي المايل في اخويا وجوزي فجأه صرخت بألم اه سيب دراعي ... لقيته بيبصلي بعصبيه ...الي كان جوزك
ماشي ماشي الي كان جوزي بس سيبني بقا دراعي حرام عليك هينكسر
نفض دراعي من أيده .... انا ماشي بس الكلام ماخلصش بيا وسابني ومشا ..جريت وراه وقفلت بابا الشقه بالترباس والمفتاح كمان وانا بتنفس برعب وبمسد على دراعي بألم ....حسبي الله ونعم الوكيل فيكو كلكو ياظلمه
ماما ياااماما اصحي هنتأخر على المدرسه
فتحت عيني بأرهاق مش قادره حتى افتحهم واتكلمت بوهن ...في اي يارودي
انتي اتأخرتي اوي لي كدا في الصحيان ياماما ...احنا اتأخرنا على المدرسه ولسا مفطرناش وحتى الانش بوكس لسا مجهزش غير أن مين هيودينا المدرسه بعد ما الباص فاتنا ياست ماما
غمضت عيني بحزن وعصبيه ...كله بسبب الهمجي دا معرفتش انام غير الصبح وفاتني معاد الصحيان
ياماما
زعقت فيها .....اوف بقاااا خلاص اتزفتت اومت قومي من وشي
بصتلي بعتاب وجريت من قدامي بعييط
لبست وجهزت لكل واحده اللانش بوكس بتاعها ...يالا خلصوا لبستوا الشوز قدامي بقا عشان اوصلكو
بصولي الاتنين بعتاب ومشيوا قدامي
نزلت من العماره بسرعه ...يالا بسرعه عشان تلحقوا قبل البوابه ماتتقفل واحنا ماشين قابلته قاعد على القهوه وبيدخن من الارجيله واول ما شافني قام .... راحه فين
بصتله بصدمه من جباحته واتجاهلته ومشيت .
لقيته شد رودي بحنيه .. مش هتصبحي عليا
لا هصبح اكيد على احلا عمو في الدنيا
بصتلها بشر ... رودي تعالي هنا
خافت وجريت وقفت ورايا
بصلي بغل .... راحه فين
رديت بسخريه.... سلامه النظر .. مش شايفهم بلبس المدرسه راحه اوديهم
نوح بهدوء ...لا اطلعي انتي انا هوديهم
لسا هتكلم .. اخدهم مني ببرود....يالا ياحبايبي معايا
بصولي بإستإذان الاول ف لقيتني ببصيله غصب عني لقيت نظرته جامده خوفتني اعانده ... انت انت مش عارف المدرسه و
لا عارف مكتوب على التيشرتات ...اطلعي انتي نامي شكلك مرهق اوي وتعبان
هزيت راسي بقلق وطلعت ماسابنيش غير لما طلعت العماره ومشا اخيرا
..
صحيت على صوت الموبايل بيرن ...الو
اي الرقه دي كلها اومال انتي اول ما بتشوفيني بتقلبي جعفر ليه
فوقت شويه من نومي ....مين
عزرائيل
اتخضيت ...ايه مين
ضحك بصوته كله ....مالك اتخضيت ليه لا مش عزرائيل الي بيموت البشر ولا صحيح انا هو هو بس انا بدي أنذار الاول وبعد كدا خلاص ...المهم انا وصلت البنات واطمنت عليهم ووصيت كمان المدرسين عليهم واتفقت مع الباص أنه يجبهم ويوديهم
عضيت ع شفتي بحرج ورديت بعصبيه....وانت بتتصرف من دماغك لي هو انا قولتلك تكلم الباص و
هششش متقلقيش دفعت المصاريف .ضغطت اكتر ع شفايفي بقهر ...انا مش عايزه شفقه من حد
شفقه اي كله بتمنه ياحلوه
عصبني ولقيتني بزعق فيه ....تصدق انك حيوان ومش محترم وقليل الادب و
ههههه استني استني انتي فكرتي اي بس انا قصدي انك هتشتغلي معايا في الوكاله عادي انتي بس الي دماغك شمال لا وبتقولي عليا انا الي قليل الادب. .. نص ساعه وانزليلي عشان اعرفك على الشغل وقفل السكه في وشي من غير حتى مايستنى ردي
بصيت على الموبايل بصدمه..... دا قفل في وشي ... دا طلع مش همجي وقليل الادب وبس لا وقليل الذوق كمان
على النغمات وصوت كارم محمود وأغنيه "مرحب شهر الصوم مرحب" وروائح ونفحات رمضان تجول في الشارع وهنا بالاخص في إحدى حواري الجيزه
تقف فريده تتابع كل هذا بنظرات منبهره سعيده ...الله بجد الاجواء هنا تحفه
وهي حاره اي حد كفايه أن اسمي جنبها
بصتله بقرف ... لا خلاص غيرت رأيي
ضحك بصوته كله لدرجه ان كان فيه ناس وقفت مخصوص متعجبه أنها شايفاه بيضحك ... تعرفي بالله العظيم انا مامصدق انك انتي مخلفه بنتين
بصتله بعصبيه...لي مشبهش ولا مشبهش
ضحك تاني ....انتي طفله اكتر منهم ...المهم اكمل بجديه انتي متعلمه ؟
ابتسمت بهدوء ...اه انا اصلا مترجمه قد الدنيا بس الدنيا نفسها جت عليا بقا
بصلها بدهشه بس اخفاءها .... امم ميأكلش عيش.. البت ذكيه جوا هتعرفك كل حاجه بس شغلك جوا ماشي يا ويلك يا ءء ..تصدقي لحد دلوقتي معرفش اسمك اي
بصتله باستكار ....اومال عملت المحضر ازاي على العموم اسمي فريده
_مش انا ياختي دا زميلي بس حلو الاسم شبه بتاع الناس الذوات كدا
بصتله باستنكار اكبر ومشيت
لاحول ولا قوه الا بالله ..ماتتهدي بقا يامرا انتي
وابعدي عن وشي اصل عفاريت الدنيا والاخره بتتنطط قدامي
قربت منه بدلع ... انا عايزه راحتك ياسي نوح انت عارف اني رايداك وبحبك والله العظيم يناااس بحبك
_اكتمي يلعن انتي اتهبلتي يابت غوري من وشي ..انتي مرات اخويا
قربت منه بعصبيه. ..ما انت عارف الي فيها يانوح انا والله اتجوزته عشان ابقا قريبه منك و
نوح بغل ....قسما عصما ياصباح لو ما لمېتي نفسك واتعدلتي لقټلك فيها وارتاح منك ومن قرفك غوري من وشي ودفشها بغل ومشا
صباح بشړ ...بقا كدا يانوح ماشي وربنا لو ماوريتك مابقاش انا صباح وهتبقى بتاعي يعني بتاعي .
وقفت مكاني پصدمه .. يالهوي اي الي سمعته دا
نوح خرج وشافني ملحقتش اجري ... زعق فيا وقالي...انتي بتعملي اي هنا وډخلتي ازاي
بصتله بړعب ..انا انا جيت اديلك دول ذذكيه قالتلي دول مكانهم في البيت ووو من المفتاح الي ادتهولي وو مسمعتش حاجه صدقني انا
البت دي لازم ټموت يانوح قالتها صباح
بصتلهم بړعب ولسا هجري مسكتني من شعري بغل ...تعالي هنا ياروح امك هو دخول الحمام زي خروجه
بصيت ل نوح برجاء.... خليها تسيبني والنبي
فجأه قرب مني ومسكها هي من شعرها ف صړخت بشړ ... الحقييني ياااماما قفشتهم مع بعض وأما واجهته عايز يضربني الحقووووني
يتبع الفصل التالى اضغط هنا (رواية للصبر حدود)
