رواية عودة إبليس الفصل الثامن عشر 18 بقلم رشا منصور
الجزءالثامن_عشر
عودةإبليس
عزيز…
بعد ما خلصت كلام مع غدير قعدت ع المكتب منتظرمسؤول. التلاجه وشربت القهوة وخرجت ورجعت البيت
سهي….
اخدت شنطه وحطيت هدوم من اللي جبهالي أمير وشويه حاجات ل ماما وكل الادويه بتاعتها وطلعت ل جارتى اللى فوق واديتها رقم موبايلى وقولت لها في إى وقت يرجع عبدالله خليه يتصل عليا إحنا هنقعد كام يوم عند واحدة قريبتنا تعبانه شويه
ونزلت وروحت ركبت مع أمير وأميرة العربيه
أمير. …
جبتي حاجتك كلها ولا هتحتاجي حاجه نشتريها بالمرة أنا مش عاوز يكون نقصك حاجه لحد ما أرجع تاني في الخطوبه
أميرة ….
لو مكسوفه من أمير قوليلي أنا . اقف يا أمير عند ماركت ده هندخل أنا وسهي وانت استني عند الكاشير
وخدت سهي وجبت لها كريمات وبلسم وشامبو وكانت مكسوفه آوى وفرحانه في نفس الوقت وجبت طبعا شيكولاتات ومكسرات وماما كانت عاوزة حاجات للمطبخ وسيبت الحاجه ل أمير يحاسب وطلعنا إحنا قاعدنا في العربيه ولا كأننا نعرفه 😁
سهي ….
كنت مبسوطة أوي أنا أول مرة أستخدم الحاجات دي كنت بشوف إعلاناتها في التليفزيون بس عمري ما تخيلت إنى ممكن استعملها وفضلت طول الطريق احمد ربنا واشكر فضله عليا
مش عارفة ليه فجأة افتكرت القطط ياتري هما فين وحشوني اوي
أمير…
أهو القطط دول بالذات مقدرش امنعك عنهم وفى اى وقت تقدري تروحي الكشك تشوفيهم بس تبقي عرفيني وتقدري تروحى مع عزيز متتكسفيش منه ده أخويا وهيحافظ عليكي زيي وأكتر كمان
سهي…. ربنا يخليكم لبعض يارب
أميرة….. مجبناش السمك واوعي تنسي الجمبري
أمير….
ده أنا علشان خاطرك هجيب السمك وهخليكي تعمليه فى البيت أيه رأيك بقي
سهي…. فضلت إضحك عليهم وهما عاملين زى توم وجيري مع بعض وفعلا أمير نفذ كلامه واشتري سمك كتير أنواع مختلفه وروحنا البيت وأول ما وصلنا
أمير. .
ماما جبتلك كميه سمك تعمل وليمه ويلا بقي عيشوا حياتكم كلكم فى المطبخ أنا داخل أوضتي أخلص التصميم ل عزيز قبل ما اسافر محتاج بس فنجان قهوة
اة لو الأكل خلص فى ميعاده هاخدكم بالليل ونروح سينما لكن لو أتأخر مافيش خروج من البيت
سهي…
إيه سينما ده انارشامنصورهعملك القهوة ونخلص الأكل بسرعه يلا يا ماما يا أميرة بسرعه ده فيها سينما أنا نفسي اروحها أوى
جدتى….
يلا يا بنات وأنا هساعدتكم يا مها هاتيلي حاجه السلطه وانتي يا أميرة نضفي السمك ع ما سهي تعمل القهوة ل أمير وتساعدك وام عبدالله ومها قطفوا الملوخيه
عزيز…
وصلت البيت ولقيت كلهم فى المطبخ وقالولى أمير في اوضته
دخلت له إيه يابني النشاط اللى نزل عليهم بره ده
أمير. ..
أصل وعدتهم لو الغداء خلص فى الميعاد هوديهم السينماء 😂😂
عزيز. ..
طب أنا هدخل انام شويه مش قادر لما الأكل يجهز صحيني
دخلت أوضتي وخدت شاور وجيت انام حسيت بوجود حد بس كملت نوم عادى ما أنا عارف إنى متراقب..
بعد شويه لقيت ضوء قوى فتحت عيني لقيت نورين
نورين…
أنا عارفه إنك مش لوحدك بس مهما كان مين اللي حواليك مش هتقدر تستعيد قوتك إلا بينا إحنا خد الحبايه دى ابلعها هتحس ان قوتك رجعتلك من جديد واختفيت بس رقيبته لحد ما خدها
عزيز..
خدت الحبايه منها وبلعتها وفعلا حسيت ان الدوخه راحت وقوتى رجعتلي ياااااه أصعب حاجه الإحساس بالضعف.
بس ببص لقيت ميسان ظهرت قدامي واختفت وسمعت صوتها بتقول المغارة
فهمت أنها عوزانى بعيد عن العشيرة لأن المغارة دى مكانا المفضل ومحدش يعرف عنه حاجه ياتري في إيه تاني
تحولت ل عزازيل وطرت لهناك وأول ما وصلت عملت درع الحمايه بيحجب الصوت او إى تتبع لنا
ميسان….
عزازيل أنت عملت ايه ازاى قدرت تختفي وترجع لمدة دقيقة وانت في نفس مكانك من غير ما حد يقدريتبعك
عزيز..
فهمت أنها تقصد وقت ظهور نورين واضح انها قدرت تخفيني أنا كمان كل مرة بتأكد ان قدرتهم اعلي مننا
مافيش كنت بجرب إذا كنت أقدر اختفي عن الجن المسلم وقت ما أروح العشيرة ولا لآ وواضح إنى نجحت أعمل ده لمدة دقيقة بس
المهم نسيت اسألك عن حاجه متعرفيش الحراس ونائب ابليس اللى كانوا بيتتبعونى قدروا يوصلوا لمكان الجن المسلم ولا لآ
ميسان….
جاء لنا أمر أننا منكلمش في الموضوع ده نهائي أصل
اللي حصل كان أكتر من مذ.بحه وكل اللى شاف ده اتفرغ من المنظر
عزيز…
مش فاهم إيه اللي حصل بالظبط هو فى حد هاجمهم. من الجن المسلم
ميسان…
مجرد ما ظهرت لك كانت ظاهرة لنا احنا كمان وسمعين كلامها وطارت بك ودخلت فى سحابه بيضاء دخلنا كلنا وراكم كنتوا اختفيتوا تماما
طار كل حارس فى اتجاة مختلف ولقيت زى صواعق. كهرباء ظهرت وشوفت الحراس وجسمهم بيتحر.ق وبيتقطع
كل اللى كانوا واقفين معايا طارو وسابونى وأنا كنت خايفه عليك طرت وبلغت طنط نهي بس هى قالت ليا أنها عملت لنا فخ
كانت حاسه بوجودنا ومتأكدة أننا هنطير وراك علشان كدا المرة دى ظهرت نفسها لنا وفضلنا قلقانين عليك لحد ما رجعت أوضتك واطمنا وبعدها بفترة استدعاني إبليس لمكان في وسط البحر وطلب منى اظهرلك وأقول الكلام اللي قولتهولك رغم إنى مكنتش فاهمه معني الكلام بس هو قالي نفذى وبس وكان متابع كل كلامنا
علشان كدا استغليت ان محدش يعرف حاجه عن السلسله وقولت انبهك بها
عزيز. … فعلا حركة السلسله دى اللى نبهتني لكن أنا مش فاهم ليه يشك في ولائي له
ميسان….
يمكن خاف إنك لما تعرف اللى حصل مع الحراس أنك هتخاف ومش تنفذ مهمتك أويمكن تبلغ الجن المسلم عنها
عزيز. ..
المهم دلوقتي لما ترجعي كلهم عارفين أننا كنا بعض هتقولي لهم إيه لازم نتفق ويكون كلامنا واحد
ميسان….
إيه جوزى ووحشني وطبيعي نبعد عن عيون الكل وأحنا مع بعض ده غير ان كلهم عارفين ان نفسي اخلف بنت
عزيز. ..
تمام مهما حصل أنا هقول أننا كنا بنقضي وقت مع بعض مهما حاولوا يقولوا إى كلام اوعى تصدقي اة زى ما العلامه بتاعتك السلسله أنا هخلي علامتي أن المس شعرى ويلا بسرعه ارجعي للاولاد
ميسان…
طرت وروحت عند طنط نهي وأنا عارفه ان فى كتير منهم هيسمعني وقولت لها
أنا كنت مع عزازيل حبيت اتأكد انه كويس وواضح انه استعاد قوته يمكن ضعفه في الأول كان بسبب الجزء البشري اللى جواه
لكن هو دلوقتي بقوة الجن وقضينا وقت جميل مع بعض
نهي….
فهمت من نظرات ميسان أنها بتسمع حراس الجن كلامها علشان كدا قولت لها يعني استعد للحفيد الجديد أنا عاوزة القصر يتملئ بأولاد إبني مينفعش ولي العهد يكون عنده أربع أولاد بس منهم اتنين من الأنس لازم أولاده من الجن يزيدوا
ميسان….
هحاول الفترة دى اقضي وقت مع عزازيل حتى يتم الحمل
واتعمدت أقول كدا علشان لما اختفي معاه محدش يشك فى حاجه
صرماط. …
بلغني ما قالته ميسان زوجة إبني وسعيد كونه استعاد قوته فأنا أريد الكثير من الأبناء للحفاظ ع المملكة والعشيرة
عزيز….. رجعت أوضتي ونمت وصحيت ع صوت أمير بيقولى
أمير. .. اصحي بسرعه يلا بينا ع الجمبري والاستاكوزا
بدلعك أهو ومظبطك ع الآخر عقبال ما توجب معايا يوم فرحي
عزيز….
التظبيط بتاعك جه متأخر بس مش مشكله 😂😂 يلا بينا
خلصنا غداء وقعدنا شويه وبعدها خرجنا كلنا روحنا السينماء وبمجرد ما رجعنا البيت دخلت أوضتي انام وصحيت ع صوت نورين وهى بتقولى مستعد
عزيز. …
أكيد وكالعادة لقيت نفسي في مكان واسع وكبير والعطور ريحتها في كل مكان بس لحظت إنى فى مكان مختلف عن المرة اللى فاتت
قولت لها هو أنتى مش هتوديني عند الحكيم لقمان هو قالي أنه موافق يعلمني ولا غير رأيه
نورين…..
مين قال كدا هو منتظرك ولو قصدك ع اختلاف الأرض دى عن المرة اللى فاتت أنا رشامنصورأخترت البوابه الاقرب لجناح الحكيم لقمان ولاحظت ان مشينا شويه وبعد كدا عزيز أتحول ل عزازيل واضح ان مفعول الحبايه جاب نتيجه ولسه
وقولت فى بالي تبقي خلي إبليس ينفعك 😁😁😁
عزيز….
فجأة وأحنا ماشين لقيت بوابه طلعت من الأرض بوابه من غير أسوار ولا حيطان ولا اى حاجه حواليها ولقيت نورين بتقولى لازم نعدى منها مع بعض بس خد البس دى لقيت عبايه لونها دهبي بيلمع نفس لون البوابه وعليها نفس النقوش بالظبط
وفعلا لبستها ودخلت مع نورين واول ما دخلت ببص لقيت 😲
يتبع….
