عودة إبليس الفصل السادس 6 بقلم رشا منصور
#الجزءالسادس
#عودةإبليس
نهي...... هحكيلك كل حاجه
أنا كنت متفقه مع عزيز أنه يبلغ البوليس وكنت متوقعه حاجه من الاتنين
إلا البوليس يقبض ع الساحر والمارد والجن اللي معاه يموت وأنا اكون ساهمت في أنى انقذ كل الناس اللي حضرت الحفله
وإلا أنى أموت واتقدم قربان. زى كل الموجودين
لكن لما الساحر كان خلاص هيحصل ع قوة إبليس خو.فت ع عزيز وكل الناس وكان لازم انقذهم علشان كده قررت اقtتله وكدا يبقي الشر أنتهي واغمي عليا بعد ما شوفت نفسي واقفه في وسط الد.م
واتفاجأت لما فوقت في المستشفى أن الكلبشات في أيدي واتصد'مت من كلام رئيس المباحث وفهمت أنى هكون كبش فداء علشان الرأي العام يهدي
ولو كنت طلبت من عزيز وقتها أنه يهربني كانت الناس مش هترحمنا ولا هيبطلوا كلام ومش بعيد وقتها كانوا قبضوا ع مرات عمي بحجه أنها عارفه مكانى وكنت هفضل هربانه طول الوقت ده غير أبني اللي كان يتحكم عليه يفضل في عالم الجن ع طول وأنا مش عاوزة كدا
علشان كده كان لازم أفضل لحد آخر لحظه وبفضل القرناء كنت بعرف كل حاجه بتحصل وميعاد تنفيذ الحكم
تواصلت مع عزيز وفي الوقت المناسب
لقيت صرماط وعزيز مع بعض وقدر صرماط يعمل لهم خداع بصري وشافونى وكأني متفحمه
لكن الحقيقة أنارشامنصور كنت واقفه وسامعه كلام الضابط واللي معاه والقرين قال للضابط أن الجن أنتقم منها ولما الضابط قال للكل كدا طلع أمر بتسليم جثتي
وعزيز جاب مليكان وادفنت مكانى وكنت شايفه كل حاجه بتحصل
واتنقلت لعالم الجن مكنش ينفع حد يشوفني ولو بالصدفة
ومكنش ينفع مرات عمي تعرف أى حاجة مكنش عندي تبرير لها وعيشت هنا مع احفادى
وبتابع أخبارها واخبارك وادى كل الحكايه
مها....
أنا لحد دلوقتي مش مصدقه أنك واقفه قدامي
نهي....
تعالي بقي اوريكي احفادي سلڤانا وسليم وحابس وناحس
مها....
روحت مع نهي ولقيت جنينه كبيرة وفيها مراجيح ولقيت سلڤانا وسليم من جمالهم كان نفسي أسمي الله وأكبر بس مينفعش في عالم الجن
وببص لقيت 😲 خفافيش بتطير وجايين علينا صوت بأعلي صوتى أجري يا نهي بسرعه وفضلت أجري وببص ع نهي لقيتها فضلت تضحك
وقالت ليا مش قادره أنتي كااارثه 😂
تعالوا يا حبايب تيتا اعرفك ع احفادي حابس وناحس
ارجعوا لشكلنا وسلموا ع طنط يا أولاد
لقيت أطفال بس بجناحات وقمامير أوى وسلموا عليا
ولقيت بنت ظهرت ليا جميلة أوى 😂 وبجناحات بردو بس طويله إيه حكايه الجناحات عندكم
نهي....
أعرفك ب مرات أبني ميسان أم ناحس وحابس
مها....
أهلا يا نيسان ياحبيبتي عيالك زى القمر وانتي قمرين
نهي... نيسان ايه هى عربيه واقفه قدامك
ميسان.....
ازيك يا طنط أنارشامنصور سعيدة بزيارتك دايما عزازيل وطنط نهي كانوا بيحكولي عنك
مها....
أن شالله يخليكي تبقي تعالي زروني عزيز عارف العنوان بصي أنتي اركبي أى حاجة نازله القاهرة واتصلي عليا ابعت الواد أبني يجيلك بالعربيه
ميسان.....
ضحكت حسيتها طيبه زى ما قالي عزازيل وشكلها كدا ناسيه هى موجودة فين وبتكلم مين
قولت لها تسمحي ومسكت ايدها وطيرت بها افرجها ع المملكة وهى تصوت وتقولى يسترك نزليني عندى فوبيا من الطيران😲 رجعتها عند طنط نهي واستأذنت منهم
نهي......
بقي جايه ل مملكة الجن الطيار تقولي لها اركبي حاجه نازلة القاهره أومال لو مكنتش الست لواحظ خالتك
مها.....
هو أنا مخي دفتر أنا كنت بعرفها السكه
عزيز.....
يلا يا طنط مها علشان النهار طلع وتيتا بدأت تصحي وأول حاجه بتعملها بتدخل اوضتي تطمن عليا
مها.....
سلمت ع نهي وقولت لها تبقي هاتي مرات إبنك وتعالي بقي أنا بقيت عايشه أنا والعيال بس أنا خلعت جوزى
خلاص وأنتي مش غريبه عن العيال يا نهي
نهي.... هيحصل خلي بالك أوعى تقعي بلسانك قدام مرات عمي ولا حتى عيالك فاهمه يا مها
عزيز ....
تواصلت مع أمي لما كانت بتكلم مع طنط مها وقولتلها
أنا محتاج اسأل عن حاجه مهمه خاصه بالأنس ضرورى
نهي.....
وصل مها واتحجج أنك هتنام وتعالى منتظراك
وفضلت أفكر ياتري ايه اللي حصل فجأة شقلب حالك يا عزيز ما أنت لسه كنت عندى امبارح
عزيز....
وصلت طنط مها ع اوضتها واطمنت ع جدتى وعرفتها أنى هنام ومحدش يصحيني ودخلت على اوضتي وطرت ل مملكتي وفي لحظه كنت قدام أمي ومولاتى
نهي....
ايه اللي شاغل بالك يا عزيز
عزيز....
هو ممكن الإنس يشوفوا الجن والأموات عادى من غير ما يكون لهم في السحر قصدى يعني ناس عاديه
نهي....
تطلع مين يا عزيز وعاوز منها إيه
عزيز....
طول عمري مكشوف قدام أمي 😂
بصراحه في بنت عاديه جدا بتشتغل في الكشك اللي قدام المستشفى وابتديت احكي كل حاجه وكان ردها غريب جداً
نهي....
اة يا عزيز في ناس عاديه بيحسوا بالجن وأحياناً بيسمعوا وأوقات ممكن يشوفوا بس ده قليل جدا
ودول الزوهريين ومنهم درجات وع حسب درجتهم بتكون قدرتهم ودول بيمتد نسلهم ل نبي الله سليمان أو نبي الله محمد عليه افضل الصلاه والسلام
وأهم ميزة فيهم الدعاء المستجاب حتى لو وفات وقت إلا أن ربنا بيستجيب دعاهم
وع فكره في ناس كتير متعرفش قدرتهم ولا حاجه عن الموضوع ده وفى ناس تانيه عاديه جدا بيمتلكوا قدرة روحانية وشفافيه ودول أوقات كتير بيكون معاهم جن مسلم ودول ميزتهم أنهم متدينين جدااا
تحس أنهم موجودين في الأرض علشان يعبدوا ربنا وبس الأمور الدنيوية مبتشغلش دماغهم
عزيز.....
شكرآ يا أمي رغم أن حيرتي زادت بس ع الأقل عرفت أن اللى ظهرتلي دى تبقي من الجن المسلم
نهي.....
عزيز افتكر عشيرتك مينفعش تعر'ضهم لأى خطر' لمجرد فضول عندك
استخدم عقلك وفكر في مصلحتك وبس ويلا أرجع البيت متنساش أن أولاد مها ضيوفك ولو في اي حاجه مستعجله ابعتلي حد من الجن يبلغني بها
خلي بالك من نفسك واحذر الجن المسلم
قوة الواحد يعادل ألف من عشيرتك وأنا معنديش استعداد اخسرك يا عزيز
عزيز.....
ع أد ما كلام أمي خوفني ع أد أنه زود الفضول عندى إني اتعرف على الجنيه وافهم منها تطلع مين سهي بالظبط
رجعت البيت وحاولت أنام وصحيت ع صوت أمير
أمير....
أنت يا عم اصحي ايه أنت نايم ولا في غيبوبه فوق كدا عاوزك في موضوع
عزيز..
موضوع ايه أمشي من قدامي أنا منمتش غير ساعتين بص روح دلوقتي وتعالي بالليل
أمير....
حاضر وخرجت بالفعل ورجعت ومعايا شفشق ميه ونزلته ع رأسه قام جري ورايا ويحدفني بالمخدات.
الحقيني يا تيتا حوشي حفيدك عني ياعم خلاص
جدتى....
فضلت اضحك عليهم وهما بيهرجوا سوي عاملين للبيت حس ياريتهم يفضلوا معانا ع طول
أنت عملت ايه يا أمير في عزيز علشان يعلقك كدا في الباب
أمير.... ابدا يا تيتا أنا بصحيه علشان يفطر معانا وجتلي فكرة قولت هتفيده في المستشفى بس
جدتى....
اخص عليك يا عزيز بقي هو بيصحيك تأكل تعمل فيه كدا نزله يا واد
مها..... تصدق يا أمير شكلك حلو وأنت متعلق
عزيز...
هنزلك بس إياك تعملها تاني ساعتها هعلقك في البلكونه أهو تشم الهواء
نزلته وفطرنا وشربنا الشاى ولقيت أمير بيقولى
أمير....
أسمع بقي فكرتي وركز معايا أنا صحيت الصبح وحسيت أنى مرهق وجسمي وجعني وساعتها افتكرت الچيم
بينفع الواحد في الوقت ده وطقت الفكرة في دماغي
ليه متعملش قسم علاج طبيعي في المستشفى ده اكيد هيفيد جدا مرضي العظام
عزيز.....
أول مرة تقول حاجه مفيده بس هعمله فين يا ناصح ما أنت اللي مصمم المستشفى وعارف أن معنديش أقسام فاضيه
أمير.... ما أنا رايح معاك المستشفى أشوف مكان مناسب
عزيز...... هشششش مشيت براحه لحد ما 😲
يتبع.....
