رواية الروح المنكسره الفصل الحادي عشر 11 بقلم لولو وائل
البارت الحادى عشر
ذهبت روح الى منزلها واغتسلت وابدلت ثيابها وذهبت الى الشركه مره اخرى
يوسف بعصبيه:اى يا سليم الى انا سمعته ده بتضرب حور ليه
سليم:ومالك متعصب ليه
يوسف بعصبيه:علشان احنا قولنا هنكتر عليها الشغل حتة لو خلناها تبات من كترالشغل مش مهم بس مش معنى ده انك تضربهااا
سليم:فى اى يا يوسف تكونش حبيتها دى واحده عدوه لينا عايزه توقعنا على حساب شركه تانيه تكبر
بوسف بعصبيه:بقولك اى معاك دليل على كل ده ممكن يكون مضحوك عليها ليه نظلمها لما تعرف الحقيقه كامله انا هسيبك تعمل الى انت عايزه بس تمد ايدك على بنت انا الى مش هسكت على كده انت فاااهم
وتركه يوسف وذهب الى مكتبه وظل سليم جالس غاضب من ما قاله يوسف ومن نفسه لانه ضرب فتاه وهو بالفعل ليس معه دليل عليها
سليم:حورررر
روح بخوف:ايوه
سليم:روحى البيت خدى انهارده اجازه علشان منمتيش من امبارح يلاا
روح: بس حضرتك كنت عايزنى اخلص بقيت الشغل
سليم:لا روحى بدل ما ارجع فى كلامى
روح:تمام
وذهبت روح لأخذ أغراضها لتذهب
روح فى بالها:هو ماله ده من شوايه جه متعصب وضربني معرفش ليه وفجأه يقولى أمشى انا مبقتش فاهمه حاجه
يوسف:حور انتى كويسه انا عرفت الى عمله سليم
روح:محصلش حاجه انا ماشيه
يوسف:ليه هو عملك حاجه تانى
روح:لا بس ادانى بقيت اليوم اجازه وقالى علشان انتى منمتيش من امبارح هو معلش يعنى سليم بيه ده ملبوس
يوسف:ليكى حق تقولى كده طب الحقى بقى امشى قبل ما يرجع فى كلامه
روح:حالاا
وذهب سليم الى مكتب يوسف
يوسف:نعم خير
سليم:خلاص متبقاش قفوش كده مش همد ايدى تانى انا غلطان انا اسف
يوسف:الاعتذار ده ميكونش لياا يكون ليها هى بس الى انا مستغربه هى مزعلتش ولا حتى عملت حاجه تحس انها متعوده على الضرب
سليم:قصدك انها اضربت قبل كده من حد ابوها مثلا او امها
يوسف:ممكن معرفش لازم نعرف ماضى البت دى بس بلاش عنف معاها بجد شكلها غلبان
سليم:والله حنيتك دى الى هتودينا فى داهيه وانت عارف انها جاسوسه من شركة فلورد
يوسف:طب ليه ميكونش مضحوك عليها
سليم:وهى طفله معلش علشان يضحك عليها
يوسف:ممكن مثلا علشان
وقاطعهم دخول سلوى
سلوى بغضب:اى الى انا سمعته بره ده يا سليم بتضرب السكرتيره بتاعتك بتضرب بنت ياسليم انت اتجننت انا ربيتك على كدا
يوسف:قوليلو يا خالتى
سليم:انا بس اتعصبت اوى من ساعت ماعرفت انها جاسوسه من شركة فلورد
سلوى:معاك دليل
سليم:اى حكاية الدليل معاكو
يوسف:يابنى مينفعش تحكم على حد او تكره حد غير وانت معاك إثبات انك على حق وهو على باطل وكمان حتى لو معاك حق متضربش بنت فى مليون وسيله للعقاب لكن ضرب لا
سليم:ندور بس وراها وبعدين هفكر بقى فى العقاب
سلوى:هى فين بقى مفيش حد كان واقف بره
سليم:ادتها يوم اجازه علشان مروحتش من امبارح
سلوى:ربنا يهديك يابنى
يوسف:يارب
•••••••••••••
نور:عمرر عمررر
عمر:اى يا نور فى اى
نور:عايزه اشوف روح
عمر:طب ماتكلميها
نور:مش بترد خالص
عمر:طيب اجهزى علشان نروحلها
نور:شكر يا احلى عمورى فى الدنيا كلها
عمر:بس بسرعه علشان هوصلك عندها واروح الشركه
نور:هوا
••••••••••••••
كارما: اسر استنى قبل ما تمشى كنت هسألك
اسر بمقاطعه:لسه بدور يا امى والله شوفت كل الشركات اتبقى فلورد لسه هشوفها متقلقيش
كارما:طيب يابنى بس لما تعرف حاجه قولى متنساش
اسر:ان شاء الله لو عرفت اى حاجه هقولك بس لازم اعرف كل حاجه بعدها
كارما:ان شاء الله بقولك انا هروح عند روح اقعد معاها شوايه
اسر :ماشى
••••••••••••
وذهبو نور وكارما الى منزل روح وتقابلو بالخارج
نور:اى ده ازيك يا ماما كارما اى الصدفه القمر دى
كارما:والله مفيش قمر زيك عامله اى مش بتسألى عليا خالص
نور:غصب عنى والله نبقى نتجمع كلنا بعد كده عند روح
كارما:ماشى يا بنتى يلا ندخلها بقى بدل وقفة الشارع دة
ورنت نور الجرس وفتحت روح الباب
نور بصدمه:اى الى فى وشك ده
كارما:مين الى عمل فيكى كده
روح:ادخلو ونتكلم طيب مش هنتكلم على الباب
•••••••••••••
سليم:يلاا بقى نروح مش هنبات هناا
يوسف:يلاا نهى مقالتلكش حاجه
سليم:لاا ولا رنت يبقى موصلتش لحاجه
يوسف:طيب يلاا
••••••••••••••
كارما: الى عمل فيكى كدا اوعى يكون الى فى بالى
روح:ايوه هو الى فى بالك شكله عرف كل حاجه
نور:هو مين الى عرف هو فى اى
وحكت روح لنور كل شئ مع اخبارها بعدم اخبار عمر بأى شئ
نور:يعنى الى ضربك كدا سليم
روح:اه هو بس مقدرش اللوم حد طول ما انا مش فاهمه حاجه
نور بغضب:يعنى اى يعنى يضربك عادى وانتى معملتيش حاجه
كارما:اهدى يا نور مش وقتو الكلام ده انا بس عايزه اعرف عرف منين
روح:مش عارفه انا شوفت كل الى داخل والى خارج وكلهم شغل يبقى اكيد هى البنت الى كانت بتقولو سليم حبيبى
كارما:ودى مين دى بقى
روح:دى واحده اسمها نهى دى اول ما دخلت كانت بتقولو سليم حبيبى ومش عارفه اى وبعدين انا خرجت لما قالى اخرجى وانا برضو عارفه ان سليم بيه مش بيحب الستات اصلا بسبب يوم التقديم اى بنت كانت بتلبس لبس ملفت كان بيطلعها بره لكن لو بنت محترمه كان بيعمل معاها المقابله وكلهم كانو بشعرهم لكن انا الوحيده الى كنت بلحجاب وقولت ممكن قبلنى علشان الحجاب بس مش متأكده من المعلومه دى
كارما:تعرفى شكلها كويس
روح: طبعا بس هتعملى اى
نور:طب ما تدورو على البنت دى وتسألوها
روح:معتقدش انها هتتكلم اصلا
كارما:الموضوع بيتعقد جامد والمشكله انى بدور على الشابين بس ملقتش اى حاجه عنهم خالص متعرفيش يا روح اسم الشركه او اسم اى حاجه هما تابعين ليها
روح: للاسف لا بس فاكره شكل اللوجو الى بره المكان الى قبلتهم فيه
كارما:حلو هوريكى كذا لوجو بتاع كذا شركه وتقولى انهى تمام
روح:تمام
وفتحت كارما وعرضت اللوجو لكل شركه وكانت تنظر روح بتمعن الى ان
روح:ايوه هو ده اللوجو بس شركة اى دى
كارما:فلورد اسوء شركة بجد للتعاقد معاها وبيكرهو سليم اوى لانه بعد ما نزل مصر خد اسمهم فى السوق فلورد دى كانت أكبر شركه موجوده فى السوق ومن بعد سليم ما نزل مبقاش ليها وجود واكيد عايزين يكبرو تانى على حساب يوقعو شركة سليم وانتى الطعم او العين الى دخلت علشان توقع الشركه احنا بقى عايزين نقلب كل ده لصالحنا وعايزاكى تنقلى كل حاجه غلط للعيال دى لحد ما نعرف سليم الحقيقه بس قبل ما يعرف لازم العيال دى تبقى فى ايدى
نور:بس كده روح ممكن تتئذى
كارما:انا عمرى ما هعمل حاجه تئذى روح
نور:ربنا يستر
روح:متخافيش انا اتعودت على المرمطه بس المهم اصلح الغلطه الى كنت هقع فيها علشان ابقى مرتاحه لما اسيب الشركه
نور:وهتسبيها ليه
روح:انا عرفت ان بابا سايبلى مبلغ لياا كنت هسافر بره ارتاح شوايه بعل كل المرمطه الى عشتها عايزه اخد استراحه
كارما:الى يريحك يا بنتى
نور:انا المهم عندى تبقى مرتاحه ولو السفر هيريحك ماشى بس مطوليش عليا ماشى
روح:ان شاء الله
نور:تصدقو نسيت اقولكو المفاجأه الى عندى
روح:اى
كارما:قولى فرحينا شوايه بدل الهم ده
نور:انا حامل
يتبع..........
