رواية عودة إبليس الفصل السابع والعشرون 27 بقلم رشا منصور
#الجزءالسابع_والعشرون
#عودةإبليس
عزيز….
وقفت قدام المغسله وناديت ع لوفيرا وأول ما ظهرت قولت لها
الإتفاق إنى اجيبلك سهي لعندك لكن اللى كنتي ناويه عليه كان هيعرضني. للموت. وحذرتها لو أتصرفت من دماغها مرة تانيه أنا اللى هحاسبها مش إبليس وركبت عربيتي ووصلت البيت
جدتى…
عزيز حبيبي كدا متسألش عني ولا تتصل عليا هونت عليك
عزيز…
حبيبتى هو أنا ليا غيرك بس الخطوط هناك مختلفه ولو جبت خط لازم اغير نظام الموبايل وقولت هما أربع أيام وهرجع
شوفي جبتلك إيه وطبعا طلبت من الجن جابولى حاجات كتير وجبت ل سهي ومامتها كمان وقولت لها ع فكرة يا تيتا أنا هاخدك بكره عند طنط مها كانت محتاجاكي معاها فى تجهيز حاجات أميرة بس كانت منتظرة رجوعي وأنا هنشغل فى المستشفي الفترة الجايه وأول ما يرجع عبدالله أخو سهي تبقي تعالي مع طنط مها أكون أنا كمان خلصت توضيب المستشفى واستلمت الاجهزة. الرياضيه والآلات الطبيه اللي شحنتها من ألمانيا
أم عبدالله. …
ربنا يفرحكم يابني إحنا كمان مروحين بيتنا نشوف حالنا ونستني رجوع عبدالله وسهي تبقي تتصل بأمير وتعرفه بوصوله
عزيز…
أنا حقيقي مش عارف اشكركم ازاى لولاكم مكنتش قدرت اسافر انا هوصل جدتى بكره الصبح عند طنط مها وهرجع ع طول وعاوزك يا طنط تيجي المستشفي علشان الدكتور عمر يشوفك وتعيدي التحاليل ونشوف اذا كنتي هتغيري حاجه فى العلاج ولا هتستمري عليه أوعي تنسي يا سهي ولا أقولك أنا هعدى عليكم واخدكم معايا المستشفى وأول ما تخلصوا هوصلكم ع طول
ام عبدالله. ..
كتر خيرك يابني والله ما عارفه أودى جمايلكم دى فين ربنا يحفظك ويحميك من كل شر
عزيز… كفايه عندى الدعوة دى مش محتاج غيرها
جدتى…
يلا يا جماعه علشان ناكل زمانك يا حبيبي جعان اما سهي بقي عملت لك صنيه مكرونه وفراخ مشويه بصراحة مخلتنيش أعمل اى حاجه عقبال ما أعمل لها يوم فرحها يارب
عزيز…
إيه مكرونه وروحت جري ع السفرة فضلت أكل كنت جعان أوى وبعد كدا تظهرت بالتعب وانى محتاج أنام ودخلت أوضتي ونمت ع السرير بهدومى وكنت منتظر إى لحظه أكون قدام إبليس وفعلا بعد دقايق لقيت النور بيترعش ولقيت نفسي قدامه وطبعا تظاهرت بأني بقاوم التعب وقالي
لوسيفر…
مرحبا ب ولي العهد أنا ملاحظ أنك تعبان طمني ع حالك ويا تري عملت إيه معاهم كنت قلقان عليك يا ابني العزيز
عزيز….
كنت واقف بشكلي البشري وقولت له بعتذر بسبب ضعفي مش قادر اتحول ولكن اطمن أنا قدرت اخدعهم لحد ما عرفت مكان البوابه وأفضل ميعاد هو وقت الفجر كلهم بيكون بيمارسوا طقوس. غريبه كدا إسمها الصلاة ومحدش بيكون واقف ع البوابه وقدرت كمان أضحك ع بنت هناك واخدت منها عبائه علشان أبقي اروح اشوفها من غير ما حد يعرف
وكدا إحنا معانا المكان والميعاد ووسيلة الدخول أتمني أكون قدرت انال رضاك وتمنحني بعض من قوتك انت شايف ضعفي
لوسيفر…
هايل انت عملت اللى مقدرش حد يعمله قبل كدا كنت واثق من ذكائك وأنك هتقدر تخدعهم ومتقلقش كلها كام يوم وقوتك هترجعلك بس فى حاجه أكيد هلاقي لها تفسير عندك
انت ليه هتنقل نهي لعالم الانس وهتاخد جدتك كمان مش غريبه دى
عزيز….
امي أعصابها تعبانه من كتر احتجازها فى العشيرة ولقيت أنها لما تقضي كام يوم مع صاحبتها أكيد ده أفضل لها اما جدتى طول ما هى موجودة سهي هتفضل فى البيت لكن لما تسافر وقتها سهي هترجع بيتها وقتها هقدر استفرض بها بسهوله
ثق فيا أنا مرتب كل حاجه وهخليها تدخل برجليها المغسله
لوسيفر….
أنا فخور بك أنت تستحق أن تكون ولي عهدى ووريثي ع الأرض
عزيز….
كل ما اتمناه رضاك المهم ان لوفيرا تحضر وياريت سموك تكون موجود انت شايف أنا قدرتي ضعيفه فى الوقت الحالي ووجودك هيقويني ويشجعني وأكيد هتساعد لوفيرا أنها تقدر تختر'ق جسد سهي هى لوحدها مش هتقدر وهى جربت بنفسها ومعرفتش
لوسيفر….
اطمن هتلاقيني موجود والمره دى هتبقي ضر'به قويه للجن المسلم
والفضل يعود لك سيكون لك شأن عظيم
عزيز…
عملت نفسي دايخ وهقع ولقيت لوسيفر نقلني ونمت ع السرير فى الحال واستسلمت للنوم علشان كنت سهران طول الليل وفضلت نايم ل بالليل وصحيت ع جدتى بتصحيني
جدتي. …
قوم يا حبيبي اتعشي انت نايم من الظهر والساعه داخله ع 10 دلوقتي وكمان نايم بهدومك قوم خد شاور من تراب السفر ع ما اجهزلك الأكل وع فكرة سهي ومامتها مشيوا من بدري بس أنا خدت رقمها علشان أبقي اطمن عليهم وأنا عند مها
عزيز…
تمام يا جدتى أنارشامنصورصحيت خلاص بس عاوز أتكلم معاكي فى حاجه مهمه وعاوزك تسامحيني أنا فى حاجه كذبت عليكي فيها لكن كان غصب عني بصي أنا اصل هو يعني يعني اااان
وخدت نفس كبير وبعدين ابتديت امهد للموضوع وقولت
إنتي عارفه ان ماما كان معاها حارس بيحميها وبفضل الحارس ده أنا كمان فى حمايه و ويوم تنفيذ حكم. الإعدام. الحارس خدع. الكل وانقذ ماما وحط تمثال مكانها وخدها معاه لعالم الجن. وطبعا مكنش ينفع أقولك ان أمي وسط الجن بصراحه خوفت عليكي ومينفعشي طبعا حد من الناس يشوفها أحسن ينكشف الموضوع والحارس بتاعي كل فترة بيخليني أشوفها واطمن عليها
جدتى…
بقي كدا يا عزيز هان عليك تشوف قهرتي ع امك ومتقوليش طب كنت طمني وأنا مكنتش فتحت بوقي ده أنا سيبت إبني الوحيد وقطعته علشانها ده أنا اعتبرتها بنتي اللى مخلفتهاش وهى مفكرتش فى مرة تشوفني للدرجه دى هان عليكم حر'قة قلبي 😓
عزيز…
مكنش مسموح لها تخرج من عالم الجن لكن أنا فضلت اتحايل عليهم لحد ما وافقو أنها تيجي لعالمنا كام يوم بس بشرط من غير ما حد غريب يشوفها علشان كدا أنا هوديها عند طنط مها لأن كل اللى فى العمارة عارفين اني يتيم وكمان قولت تكون فى وسطكم علشان كدا أنا هاخدك بكرة عند طنط مها
علشان خاطرى دموعك دى غاليه عليا كفايه أرجوكي أنا أمي لازم تفضل قدام الناس ميته فاهمه يا تيتا أوعى تقولى حاجه قدام حد
جدتى….
بعد الشر عليها يابني والله ما عارفه أفرح برجوعها ولا ازعل لإن محدش فيكم فكر يطمني ولو بكلمه وياتري يا عزيز فى ايه تاني مخبيه عليا قول ما أنا طلعت أخر من يعلم
عزيز. …
هى خربانه. خربانه بصي بقي يا تيتا أنا عيالي من لميس الجن خطفهم فعلا بس الجن اللى بيحمي أمي وعايشين معاها
لقيت جدتى برقت ليا وفتحت بوقها قولت أكمل بقي ما هى باظت.
والبنت اللى ظهرت لكى يا تيتا تبقي ميسان حبيبتي ومراتي وأم اولادى حابس وناحس
جدتى. …
ايه متجوز وعيالك محبوسين. كمان هما عملوا إيه
عزيز …. لا يا تيتا دى أسماءهم كدا
جدتى….
يعني انارشامنصور شايله الهم وحزينه عليك علشان امك ماتت وعيالك اختفوا. ومراتك وطلقتها فى الآخر يطلع كل ده كدب عايشه فى نكد تلات سنين وانت أصلا متجوز ومخلف وعيالك عايشين مع امك طب تعالي بقي ومسكت الشبشب وهو نط من السرير وأنا وراه والله يابن نهي ما أنا سيباك
عزيز….
الحقونى 🏃🏃وفضلت أجري قدامها وميسان ظهرت وتقولها خلاص يا تيتا معلش حقك عليا
جدتى …
بقي أنتي طلعتي مراته ومتقوليش ليا طب خدى أنتي كمان 👊
ميسان…. اة اضر'بيه هو انا مالي هو منبه عليا منطقش
جدتى….
ليه ياختى ده انتى زى القمر ازاي توافقي يابت ع كدا يكنش الواد ده متجوزك من وراء أهلك طب وعيالك يا خيبه أكيد معملش لهم شهادة ميلاد أنتي ارفعي قضيه' نسب واضمني حق عيالك
عزيز…
هو فى ايه إنتي طلعتيني واطي. ومتجوز فى السر ومشرد. عيالي إيه الفيلم الهندى ده يا تيتا اطمني كل أهلها عارفين
جدتى …. بقي كلهم عارفين وأنا لآ طب خد 👊
عزيز…
اة اة ياني أخدت ضر'ب مخدوش حرا'مى غسيل اة يا ضهري أه يا وشي ياني أول مرة أعرف ان تيتا بتلعب بوكس.
ميسان…
فضلت أضحك ع عزازيل وقولت له كان ممكن تختفي ولا تطير إيه اللى وقفك قدامها قالي كفايه عليها اللي عرفته عوزانى كمان اطير قدامها
فضلت اضحك ع منظره بس من جوايا كنت مبسوطة أنه أعترف بيا وهيخليني مع جدته وطنط نهي والأولاد عند طنط مها بكره ولأول مرة من يوم جوازنا ابات مع عزيز فى اوضته فى عالم الأنس واحس إني معترف بيا زوجة فى عالمه
جدتى..
صحيت من قبل الفجر عملت ساندوتشات لزوم السفر يمكن الواد يجوع فى السكه وصليت الفجر وخبطت ع عزيز ولقيته مراته اللى فتحتلي قولت لها صحي جوزك علشان نفطر ونسافر وطلعت جهزت الأطباق ع السفرة وأول ما عزيز ومراته قعدوا ع السفرة
ميسان ….
اتفاجأت ب جدة عزيز جايبه ليا سلسله وبتلبسها ليا وتقولى هديه جوازك متزعليش منى أنا مكنتش متخيله ان عزيز ممكن يخبي عليا حاجه مبروك يا حبيبتي 😙
عزيز ….
خدت جدتى بالحضن وقولت لها حقك عليا وفطرنا وسفرت واتصلت فى الطريق بأمير وقولت له جهزاكل حلو جدتى ومراتي واولادى جاين فى السكه بلغ طنط مها
وقولت ل ميسان أول ما نوصل بلغي الجماعه يجيبوا أمي والأولاد وطبعا كان قصدى ابي الأمير صرماط بس مكنش ينفع أقول كدا قدام جدتى ووصلنا بعد ساعتين وأمي والأولاد وبعد السلام والاحضان والعتاب والعياط . قولت لهم أنا عندى شغل سلام
وسيبتهم ورجعت السويس واتصلت ع سهي علشان يستعدوا
وفعلا أول ما وصلت لقيتهم خرجوا ع طول وروحت المستشفي وقولت ل سهي استني هنا فى العربيه رجعلك ع طول واخدت إم عبدالله في المستشفي فوق وطلبت منهم إعادة التحاليل والاشعه ونزلت بسرعه قولت ل سهي
تعالي المغسله أنا هدخل معاكي علشان تطمني واسألي الطفله ع العنوان علشان نبلغه ل أمير
سهي…
أنا خايفه آوى وقولت له طب ما انادى عليها وانا بره وبلاش ادخل بس قالي مش عاوزين نلفت النظر ولا عاوزة الناس يشفوكي بتكلمي نفسك يلا بينا وفضلت اقرئ الفاتحة وآيه الكرسي والمعوذات وأول ما قربت من الباب لقيت القطط فضلت تشدنى من الفستان عاوزة تمنعني من الدخول مش عارفه ليه لقيت الدكتور عزيز بص لهم وزعق ومسك إيدي ودخلني ومرة واحدة لقيته قال بصوت عالى
لوفيرا…. لوفيرا …. قولت له بتنادى ع مين وببص لقيت 😲
يتبع….
ياتري ايه اللي هيحصل ل سهي منتظرة توقعتكم
بقلم الكاتبه
#رشامنصور
