رواية القدرالفصل السادس عشر 16 بقلم ملك ياسر الشرقاوي
صلوا على الحبيب المصطفى محمد صل الله عليه وسلم تسليما كثيرا 🌺
علي بصدمه: انتي بتطرديني ي ملاك علشان الكلب ده.....
ملاك بزعيق: ماسمحلكش تغلط في خطيبي و بعدين وقتك انتهى ي بشمهندس ضيعت كل حاجه من بين إيديك و يلا بره انا مش عايزه اشوفك هنا تاني.
علي مشى و هو مصدوم حب حياته اتصدم فيها و بدافع عن مين... عن واحد واطي مالوش أي تلاتين لازمه كان صاحبي أه بس صاحب خاين خد مني كل حاجه بس والله العظيم ما هرحمهم لازم اعلمهم درس عمرهم ما ينسوه و اعرفهم مين علي البحيري على اصوله.
ملاك بإبتسامة هادئة: اتفضلوا ي جماعه كملوا ماحصلش حاجه هاتي ي حماتي الشبكه علشان نلبسها.
كل ده و أدهم و سلمى و شمس واقفين مصدومين من اللي بتعمله.
و فعلاً كلهم لبسوا الدبل و عملوا الخطوبه و فرحوا بس فرحه ملاك كانت خبيثه و كانت مضايقه إنها حطت علي في الموقف ده و الاحراج ده.
و عدا اليوم بس للأسف مش على خير خاالص ملاك كان في دماغها حجات كتيره لازم تنفذها و سلمى هي كمان لازم تنفذ اللي في دماغها علشان تعلم آسر درس ماينساهوش طول عمره و علي هو كمان كان مستحلف لأدهم صاحب عمره اللي خانه و ملاك حب عمره اللي حرجته و مسحت بكرامته الارض انهارده.
و نورين هي كمان اعلنت الحرب على زين لانه بيعاملها ببرود و هي كمان قررت تعمل كده.
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
سلمى: ماما انا نازله الشركه.
نورا: تمام بس شكلك مش على بعضك بقالك كام يوم مش عاجباني.
سلمى بتوتر: هاا لا مافيش يلا عايزه حاجه ملاك مستنياني هتأخر عليها و هتموتني.
نورا بخبث: هعرف كل حاجه ي بنت بطني.
سلمى نزلت جري عند ملاك.
سلمى: يلا ي بنتي.
ملاك: في إيه مالك؟!
سلمى: ماما شكت إن في حاجه مخبياها و خلي بالك لو كلمتك.
ملاك: تمام ماتقلقيش يلا.
وصلوا الشركه.
ملاك: زي كل يوم ي سلمى هستناكي تمام.
سلمى: تمام.
سلمى طلعت و دخلت مكتبها و لقت مين داخله عند آسر مافيش غيراها الحربوقه مايا 😂
سلمى قامت و بخبث: لازم انفذ خطتي أستعنا عشقا بالله و شمرت كمها.
سلمى دخلت عليهم و سبقتها قبل ما تروح عند آسر و راحت هي.
سلمى بدلع و قربت منه: صباح الخير ي إيسوو ي حبيبي و باسته في خده.
مايا بزعيق و بتشدها: انتي مجنونه ي بت اوعي تكوني ناسيه نفسك انتي سكرتيره بس مش اكتر و ده خطيبي ياماما وسعي كده.
سلمى بخبث: إيه ده هو مقالكيش إني مراته و انه بيتسلى بيكي بس مش اكتر ي حرااام زمانك اخدتي الصدمه معلش جبتهالك لزق كده على طول أصلك بت ملزقه قولت اجبهالك لزق احسن لسه هتعب نفسي معاكي.
مايا بغيظ منها و بتقرب من آسر: حقه ي آسوره الكلام ال... و لم تكمل كلماتها.
سلمى شدتها من شعرها وقعتها على الارض و سلمى قصيره و التانيه طويله و سلمى ماسكه شعرها و بتشدو جامد و آسر واقف عمال يضحك على اللي بيحصل.
سلمى: لسانك يامااا لقطعهولك ماحدش يدلع جوزي غيري و بخبث صح ي إيسوو.
آسر بضحك: اه طبعا ي قلب إيسوو من جوه كفايه عليها كده سيبيها خلاص هي عرفت غلطها صح ي مايا.
مايا بخوف: أه أه خلاص والله.
سلمى سابتها: ناس مابتجيش غير بالعين الحمره يلااا ي حيلتها من هنا ماشوفكيش مع جوزي تاني و إيلا اقطعلك رجليكي و أقصلك شعرك اللي فرحانه بيه ده.
مايا بغيظ طلعت و أستحلفتلهم.
آسر عمال يضحك.
سلمى بخبث: إيه ي حبيبي عجبتك.
آسر: اوووي.
سلمى بضحك: انفع اشتغل في ماڤيا و عصابات صح 😂
آسر كشر: لأ طبعاً.
سلمى قربت منه: مالك ي حبيبي كشرت كده ليه.
آسر بتوتر و بيحاول يغير الموضوع: لا مافيش حاجه بس أستغربت اللي عملتيه مع مايا و كمان قولتي جوزك و انتي مش طايقاني اصلا و عايزه تطلقي.
سلمى بخبث: لأ ما انا عقلت ي حبيبي و قولت لازم احافظ على جوزي حبيبي من الحربوقه دي مش انت برضو جوزي حبيبي ولا انا غلطانه.
آسر بإبتسامة جذابه و شدها عليه: طبعا جوزك و حبيبك و ملكك و تعملي اللي انتي عايزاه.
سلمى بخبث: مانفسكش تنفصل عن الحربوقه دي بقا و ترجعلي
آسر بلهفه: طبعاا نفسي و حالا انهي كل حاجه بس انتي موافقه تعيشي معايا.
سلمى بتوتر: أ... أه و ماله بس المشكله في ماما.
آسر بفرحه: متخافيش سيبي طنط نورا عليا.
سلمى بفرحه: أوك عن أذنك بقا اكمل شغلي.
آسر شدها ليه و قال: ماتخليكي نتسلى شويه تسليك زور عقبال ما نكون في بيتنا.
سلمى بخبث: اه ي قليل الادب لا ي روحي خليها لما نكون في بيتنا هنا مش ينفع و سابته و راحت مكتبها.
سلمى: كفك ي ميمووو.
موده: هااا رجعتوااا.
سلمى بخبث: عيب عليكي هو انا قليله.
موده بضحك: ابدااا.
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
عند ملاك
ريم: ملاك بشمهندس علي عايزك ضروري.
ملاك بتوتر: تمام جايه اهو.
ملاك راحت المكتب.
علي بشر: في ساعه يكونوا ال 200 ملف دول خلصانين.
ملاك بصدمه: أنت مجنون ساعه إيه دي انت مفكرني ساحر اخلصلك الحاجه دي في ساعه هقولها اختفي و أظهري و اخلصي في الوقت كذه.
علي ببرود: انا قولت كلمه و مش هقررها تاني.
ملاك بنرفزه: انت واحد مريض و اخدت الحاجه و راحت مكتبها.
ملاك: هو صدق نفسه ولا إيه بس اللي حصله امبارح مكانش قليل خاالص بصراحه و ضحكت بس علشان يتعلم ازاى يحافظ على الحاجه اللي في إيده.
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
نورين كانت في مبنى التدريب.
شهد و مؤمن مشتركين في جثه واحده و بيشرحوا فيها بمهاره.
شهد كانت ماسكه السكينه و كانت بتدرب كويس اووي.
مؤمن بهزار:لأ انا كده اخاف منك لتشرحيني لو خونتك.
شهد بغيظ: ابقااا جرب كده 😒
نورين كانت هي و روميساء مشتركين في جثه واحده و هي خايفه تشرح الجثه.
نورين بتوتر: أحييه عليااا كان لازم ادخل يعني طب تشريح ما الاقسام كتيرره قدامي بس انا كنت كويسه و مقتنعه بالقسم ده لأ انا الجثه دي مش مريحاني.
روميساء بضحك: معلش ي نونو استحملي كلها السنه دي و نخلص.
نورين و بدأت تعيط: لأ بجد ايه ده انا كنت كويسه بس حاسه ان في حاجه غلط مش قادره اشرحها.
روميساء بقلق عليها: خلاص ي شهد ماتعيطيش خدي نفس عميق و طلعيه براحه وانا معاكي اهو متخافيش و هساعدك و مسكت إيديها و بدأت تشجعها و هي فعلاً بدأت تتشجع بس في حاجه غريبه جواها مش عارفه ايه هي بتقولها لأ ماتشرحيش الجثه دي و سابت السكينه من إيديها لأ كده كتيرر مش قادره.
نورين بنداء: لو سمحت ي دكتور زين هي الجثه دي بتاعه مين اسمها إيه يعني علشان مش مريحاني منظرها مخيف اووي و كمان ملامحها مش باينه.
زين بإستغراب: هو مش من حقك تعرفي بس هقولك علشان تطمني دي جثه لقيناها في مبنى جريمه قتل و حد حرقه.
نورين: هو راجل.
زين: اه و أسمه.....
نورين من الصدمه لما عرفت الاسم اغم عليها.....
روميساء بصريخ: نورييييين
زين شالها بسرعه و وداها مكتبه.
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
بعد ساعه ونص كانت ملاك لسه مخلصه الملفات و رايحه ل علي.
ملاك: خلصت ي فندم.
علي بزعيق: انا قولت الساعه واحده مش ساعه ونص اتفضلي دول بقا خلصيهم و ياريت يخلصوا في ساعه و إيلا مش هتروحي بيتكم انهارده ولا هتقدري تشوفي خطيبك ي عيني.
ملاك بغضب خدت الملفات و راحت مكتبها.
ملاك بزفير: انا أستاااهل ضرب الجزمه كان مالي انا و مال أساعد الناس بس البنت مسكينه و باين عليها بتحبوا اووي و لازم اكمل علشان يتجوزها.....
علي: بنت مين و تتجوز مين و تكملي في إيه؟؟!
ملاك بخضه و وقعت الملفات من إيديها: علييي!!
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
آسر: استني ي سلمى انا جاي معاكي البيت.
سلمى بإستغراب: ليه؟
آسر: علشان اطلب إيدك من جديد ي قمرر.
سلمى بتوتر: بس انا بروح مع ملاك خليها يوم تاني.
آسر: لا انهارده و رني على ملاك قوليلها اني هوصلك خليها هي تروح و شدها من إيديها.
سلمى: م... ماشي.
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
و بكده يكون خلص بارت انهارده
أشوفكم بكره ان شاء الله العصر
و الله يبارك فيكووو ي حبايبي و دعواتكم ليا على طول بالنجاح 😗😍
يا ترا علي هيكتشف الخطه بتاعه ملاك و هل هيساعدها ولا لأ و سلمى و آسر هيعملو إيه مع نورا و نورين ليه اغم عليها لما سمعت الاسم هل ليها علاقه بالجثه ولا لأ هنعرف ده كله الفصول الجايه إن شاء الله ي حبايبي 🩵 انا زعلانه اووي منكم علشان التفاعل قل عايزه تشجيع كده منكم علشان انتوا اللي بتدعوني و بتخلوني اكمل لو البارت ده جاب تفااعل حلووو اووي انا هنزل بليل واحد تاني ان شاء الله 😉
سبحان الله و بحمده سبحان الله العظيم 🌷
رواية القدر الفصل السابع عشر 17 من هنا
