رواية القدر الفصل السابع عشر17 بقلم ملك ياسر الشرقاوي
صلوا على الحبيب المصطفى محمد صل الله عليه وسلم تسليما كثيرا 🌺
ملاك بصدمه: علييي؟!
علي: احكي كل حاجه حالا.
ملاك: لأ اصل واحده صاحبتي عايزه تجوز جوزها لواحده و عايزاني اساعدها بدل ما عينووو تبص بره هي تلحقوا.
علي بشر و هو بيقرب منها و هي عماله تبعد لحد ما وصلت للحيطه و حاوطها بيديه: قولي ي ملاك الحقيقه انا مش عيل صغير هتضحكي عليه بكلمتين.
ملاك سرحت في عيونه و بدأت تحكيله كل حاجه.
علي بفرحه: يعني انتي مش بتحبي أدهم و مش هتتجوزيه و هتجوزيه لبنت تانيه هو كان بيحبها.
ملاك بضعف و هي باصه في عيونه: أ.. أه
علي قرب منها اكتر: يعني انتي بتعملي كده علشان تساعدي البنت.
ملاك بضعف: أه.
علي بمكر اكتر: يعني انتي بتحبيني.
ملاك بضعف: أه.
علي بعد عنها وقعد يضحك.
و هي اتصدمت من اللي قالته و حطت ايديها على بؤقها بصدمه.
ملاك بشرر: اطلع بره يااالا.
علي بضحك: اناا علي البحيري يتقالي اطلع بره يااالا.
ملاك بعصبيه: اه و ياض كمان ة زقتوا و طلعتوا بره: يلا ياابا هنرش ميه مش عايزين لعب عيال.
ملاك: احييه عليااا انا ازاى قولت كده انا لايمكن استسلمله تاني ده سحرني بعيونه الرمادي ابن الإيه...
علي رجع لها تاني و قال:....
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
نورا: حاضر حاضر جايه اهو.
آسر و سلمى دخلوا.
نورا سلمت عليهم و قالت: خير ي ولاد في حاجه.
آسر: تعالي بس ي ست الكل اقعدي و احنا هنفهمك كوول حاجه.
نورا: حاضر و أدينا اقعدنا هاا قولوا.
آسر: انا عايز اطلب ايد سلمى تاني بس المره دي هطلبها و هي مرات آسر الكيلاني مش ك سلمى الانسه و هعملها اكبرر و احلى فرح هي تطلبوا.
نورا بصدمه: ازاى يعني مش انت طلقتها قبل ما تمشي.
آسر بإبتسامة: لأ ي نونو انا رجعتها قبل ما أسافر ماتقلقيش يعني هي دلوقتي لسه مراتي.
نورا: قومي ي سلمى اعملي قهوه و هاتيها.
سلمى: حاضر ي ماما.
آسر: هااا موافقه ي حماتي.
نورا بفرحه: طبعا ي بني بعد اللي سمعته ده قلبي اطمن و ماعدتش خايفه على سلمى تاني لأنك هترجعلها الامان لي هي خسرتوا من سنين بس الحمدلله ربنا عيوض صبرها خير.
و انطلقت الزراغيط و الفرحه ملت بيت سلمى و أخيرا آسر و سلمى هيرجعوا لبعض بس يا ترا آسر قال ايه لمامه سلمى علشان يقنعها و تقول الكلام ده
هتعرفوا بس مش دلوقتي يلا نكمل 😂
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
سلمى: الو ي ملاك عندي ليكي خبر حلو.
ملاك: أشجيني ياختي أشجيني.
سلمى: تعالي انتي و شمس و انا احكيلكم على كل حاجه علشان ده موضوع كبيرر و محتاج قاعده حلوه.
ملاك: انا بقول كده برضو لأني اتكشفت انهارده بس عدت على خير الحمدلله جايه اهو انا و شمس.
قفلت معاها و كلمت شمس و في ظرف نص ساعه كانوا جم عند سلمى
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
نورين فاقت وكانت منهاره.
زين: اهدي اهدي مافيش حاجه لكل ده.
نورين بعياط: انا أه بكرهوو بس والله... ماتمنتش ان يحصلوا كده هو فعلاً اذاني اووي بس فعلاً ربنا عوضه كبير.
زين: هو انا مش فاهم حاجه بس فعلاً ربنا عوضه كبير و مش بيسيب حق حد و حقك جالك لحد عندك كمان بس خلاص انسي و اهدي وانا جنبك اهو.
روميساء: انا اسفه ي نورين لازم امشي ماما تعبت اووي و ماحدش معاها.
نورين: لا عادي ي حببتي ولا يهمك روحي لممتك.
زين بإبتسامة جذابه: خلاص انا هوصلك
نورين سرحت في ابتسامته.
و شهد لاحظت كده و...
شهد: نورين ي نورين.
نورين فاقت: هااا.
شهد بغمزه: روحتي فين؟
نورين بخجل:لا ولا حاجه انا بس تعبانه عايزه روح.
زين: هوصلك في طريقي كده كده انا جنبكم مش بعيد.
شهد غمزت مؤمن و قالت: يلا احنا ي حبيبي نروح انا خلاص اطمنت على نورين بقت في إيد امينه و بصت ل نورين و غمزتلها: سلام ي رورو.
نورين بغيظ: ماااشي انا هوريكي.
زين: بتقولي حاجه.
نورين: هاا لأ.
زين: طيب يلا علشان الوقت اتأخر.
نورين: بس العربيه بتاعتي تحت.
زين: هبعت حد يجيبها على بيتك ماتقلقيش يلا.
و خدها و نزلوا.
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
ملاك و شمس وصلوا لسلمى.
ملاك: ايه ي بت قولي فرحينااا بقااا.
سلمى: آسر جه و طلب إيدي من ماما و الفرح هيكون الاسبوع الجاي.
شمس بفرحه: هيييههه عندنا عروره عندنا عروره.
ملاك بصتلها بنص عين: انا مش مستريحالك ي بت.
سلمى بخبث: لا عادي مافيش حاجه دي خبطه كده صغيره و هعلموا الادب من اول و جديد.
ملاك: هتعملي ايه ي اخره صبري
شمس: ايوا فعلاً هتعملي ايه انا بحب الاكشن اووي ياريت في ضرب و شد شعر.
سلمى بضحك: يا خساره مافيش بس في حاجه اكبر.
ملاك: انا قولت برضو المجيه دي وراها حاجه.
سلمى بضحك: تربيتك ي معلمم.
شمس بضحك: واحنا منك نتعلم.
ضحكوا هما التلاته.
سلمى: اه صحيح مين كشفك ي ملاك.
ملاك: علي ياختي مافيش غيره طالعلي في البخت و انا بختي اسود طول عمري.
سلمى: ياختااي عملتي ايه.
شمس: اوبااا دي شكلها هتولع احكوا احكوا عقبالي كدهووو اما اجيب مصايب زيكم 😂
بدأت ملاك تحكيلهم كل حاجه.
ملاك: وانا دوبت في عيونه بصراحه و اعترفت بكل حاجه لدرجه انه خلاني اقوله بحبك وانا مش داريانه.
سلمى: كمااان.
ملاك: اه ياختي بس لقيتوا رجع تاني و قالي هنتفق عليه سوا علشان نعلمه الادب.
شمس: اتفاق ايه.
ملاك:.....
سلمى: ي نهاار ابيض ربنا معاكوا و اتنين ملايكه.
ملاك: علشان يتعلم الادب يستي و بعدها نرجعله كل حاجه.
شمس: علي طلع ابن لعيبه و مش سهل اللعب معاه كويس انه عرف كل حاجه كان زمانك دلوقتي متاخده في الرجلين.
ملاك بضحك: الطيور على اشكالها تقع علشان كده ربنا وقعه فيا 🤭
خلصوا كلام و كل واحد روح بيته علشان الوقت اتأخر.
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
نورين: شكرا لحضرتك ي دكتور.
زين: مافيش شكر بينا ده احنا جران و زمايل في الشغل كمان بس ياريت تقولي زين بلاش حضرتك دي و ي دكتور و كده يعني بلاش دول زين على طول.
نورين بخجل: اوك تصبح على خير و لسه بتلف لقت آسر واقف و عيونه بطلع شر.
نورين: آس... و لم تكمل كلماتها لقت آسر اداا ل زين بالبوكس و قعد يضرب فيه.
نورين بصريخ: خلاص ي آسر هتموته هو كان بيوصلني علشان اغم علياااا ابعدددد عنه سيبووو.
آسر قام وقف و سابه.
آسر: اغم عليكي ازاى يعني.
نورين و بدأت تحكيله كل حاجه.
نورين: بس كده و لما لقاني بالشكل ده قالي اوصلك و وصلني علشان كنت تعبانه.
آسر بحرج: انا اسف لحضرتك و شكرا ليك.
زين: عندك حق بصراحه تعمل كده و اكتر كمان انا لو عندي اخت بالحلاوه دي قصدي بالاحترام ده ماكنتش سيبت حد يوصلها و خوفت عليها زيك كده.
آسر بهزار: انت بتعاكسها قدامي شكلك عايز تضرب تاني.
زين بضحك: لا ي عم خلاص كتر خيرك انا مروح عايزين حاجه.
آسر: طب استنا اعمل معاك الواجب.
زين بضحك: خدته و بزياده سلام انا.
و دخلوا الڤيلا و نورين بدأت تحكي لأهلها شافت مين و......
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
و يكون كده خلص البارت بتاع انهارده عارفه انه قصير بس علشان بنعمل حكك العيد و كده 😂 و هحاول انزل واحد تاني بليل بس زعلانه منكم جدااا علشان التفاعل مش كويس.
يا ترا سلمى هتعمل ايه في آسر و علي اتفق مع ملاك على ايه و هتبدأ قصه حب جديده بين زين و نورين ولا ايه هنعرف ده كله ان شاء الله في الفصول الجايه و توقعاتكم بقا معايا كده 🥰🌹
سبحان الله و بحمده سبحان الله العظيم 🌷
