رواية القدر الفصل الواحد والعشرون 21 بقلم ملك ياسر الشرقاوي
صلوا على الحبيب المصطفى محمد صل الله عليه و سلم تسليما كثيرا 🌷
الدكتور بأسف: للأسف دخل في غيبوبه.
محمود بحزن: طب... هو هيخرج منها امتاا...
الدكتور: الله اعلم ادعوله بالشفا و انه يقوم بالسلامه.
هنا وقعت مغشي عليها لا تردي بأحد......
نورا بصريخ: بنتييي.... قومي ي سلمى قوومي.
الكل جرى عليها و شمس كانت لسه واقفه في صدمتها كله بيجي ورا بعضه مش عارفه هتلاقيها من يوسف اللي بتحبه و سابها و خطوبته كمان كام يوم ولا من آسر و سلمى اللي حالتهم تصعب على الكافر و صاحبة عمرها اللي اغم عليها .
ملاك بصريخ: الحقها ي علي شيلها.... دكتووور دكتوور ي بهايم يالي هناااا...
علي شالها و جت دكتوره على صوت الصريخ الجميع.
خرجت الدكتور بعد ربع ساعه محاوله ايفاق سلمى.
ملاك جرت عليها: خير ي دكتوره هي عامله ايه دلوقتي.
الدكتور: للأسف جاتلها صدمه شديده اووي و عماله تقول آسر ماتسيبنيش علشان خاطري هو مين فيكم آسر؟
ملاك ببكاء على حاله صاحبتها: دخل في غيبوبه.
الدكتوره: بس هي محتاجاه جنبها علشان تقوى و تقويه هو كمان.
ملاك بحزن: طب و الحل.
الدكتوره: عندي فكره هنحطهم هما لتنين في نفس الاوضه و لما تفوق و تشوفه هتطمن انه لسه جنبها و مش هيسيبها بس هتقول في نفسها لازم اكون جنبه و اخليه يقوم و ارجعه تاني ليا و للحياه و بكده هتكون حالتها بقت كويسه و تقدر تخليه يفوق من الغيبوبه و نكون ضربنا عصفورين بحجر واحد.
ملاك: طيب يلا اعملوا كده و انا ههتم بيهم عقبال ما تقوم بالسلامه ان شاء الله.
الدكتوره: تمام و ندت على الممرضين و بالفعل حدث ما قالته الدكتوره و ملاك و شمس كانوا دايما جنب سلمى و مش بيسيبوها لحظه و فعلاً سلمى بقت كويس لما شافت آسر جنبها و عزمت ان تكون بجانبه ايضا كمان كان بجانبها منذ الصغر و كانت طول الوقت قاعده معاه في المستشفى و ملاك و شمس و علي بيجيبوا كل اللازم ليهم و مضى 5 شهور و آسر و سلمى على نفس الحال و يحيى كان دايما كان جنب شمس و بيقويها و كان متابع في القضيه بتاع المخدرات و السلاح و فعلاً انهى عليهم تماما و شمس حست فعلاً ان ربنا عوضها ب يحيى.
(مش كل اللي بتتمناه هتاخده بس ربنا عارف فين الخير ولازم تتقبل ده و هو هيحلها من عنده و ده قدر ربنا و مكتوب ولازم يحصل انت تريد و انا اريد والله يفعل ما يريد سيبوها على ربنا و دي مش اخر الطريق لو حد مات في حياتكم عزيز عليكم او حبيبك سابك الدنيا مش هتقف عليه)
ملاك و علي مش راضين يتجوزوا غير لما آسر يفوق و يعملوا احلى فرح بس عملوا خطوبه على الضيق كده.
نورا جت ل سلمى المستشفى بعد مرور 5 شهور سلمى مكانتش بترضى ترجع البيت ولا حتى تقابل حد يجيلها حتى لو كانت مامتها بس اللي كانت بتستقبلهم ملاك و شمس و علي لأنهم الاقرب ليها.
نورا بعياط: سامحيني ي بنتي علشان خاطري سامحيني.
سلمى بصدمه: خاطرك!! طب و كان فين خاطري لما عملتي كده
نورا: كنتي هتموتي لو مش عملت كده كنتي هضيعي مني خلاص ي بنتي بلاش خاطري علشان خاطر آسر حبيبك و جوزك سامحيني ي بنتي انا مش قادره اعيش من غيرك.
سلمى: منا فعلاً ضيعت منك خلاص ادعي ربك ان آسر يفوق لو مفاقش خلاص كده ولا انتي امي ولا انا اعرفك كان فيها ايه لو خلتيني انا احل المسأله دي بنفسي بيني و بين جوزي انا اه كنت هزعل بس مش هزعل طول العمر ولا هخسره طول العمر.
و ادتها ضهرها و دخلت لآسر.
ملاك جت و لقت نورا قاعده في الارض و بتعيط.
ملاك قومتها و قالت: معلش ي نونو محنه و هتعدي ان شاء الله بس انتي ادعيلوا انه يفوق و هو ربنا هيحلها من عنده ماتقلقيش.
نورا بعياط: علشان خاطري ي ملاك كلميها و فهميها وجهت نظري و قوليلها وحشتي امك اووي و هي هتستناكي في اي وقت و راضيه عنك دنيا و اخره.
ملاك بدموع: حاضر ي نونو حاضر.
نورا مشت و سابتها.
ملاك دخلت ل سلمى.
ملاك: ايه ي سرسجيتي عامله ايه.
سلمى بإبتسامه مصطنعه: الحمدلله ي حببتي انتي عامله ايه.
ملاك رفعت ايديها لسلمى.
سلمى فرحه و حضنتها: الف الف مليوون مبروووك ي قلبي ❤
ملاك بفرحه انها قدرت تخلي صاحبتها فرحانه زي ما علي اقنعها: حببتي و عقبال ما آسر يقوم بالسلامه ان شاء الله و نعمل اكبر فرح فيكي ي مصر و هيكون احنا لتنين مع بعض زي ما تمنينا بالظبط ي سوسو.
سلمى بزعل على آسر حاولت ان تخفيه: بس امتا ده ي سوسه انتي؟
ملاك بخجل: امبارح🤭
دخل عليهم علي كان الباب مفتوح.
علي: بعد محاولات كتيررره و اخيرا اقتنعت صاحبتك دي راسها ناشفه اووي انتي مستحملاها ازاى.
ملاك ضربته في كتفه بعنف.
علي بوجع: لا و إيديها تقيله كمان.
سلمى: اوووي ماقولكش انت لسه شوفت حاجه.
علي: الله يطمن قلبك زي ما طمنتيني.
ملاك بصريخ: آسر ي سلمى آسررر.....
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
نورين كانت طول الوقت شارده و مش مهتميه بشغلها و بقت مهمله في اوووي و مش راضيه تقول لحد حاجه علشان سمعه اخوها مش تضر.
زين بنداء: نورين ي نورين.
نورين:....
زين قرب عليها: ي نورين....
نورين حست بيه: ها في حاجه
زين بقلق: ايه ي بنتي فين كل ده بقالك 5 شهور مش على بعضك و مش مركزه في شغلك مالك فيكي ايه؟!
نورين بتوتر: لا مافيش حاجه انا بس تعبانه.
زين: تعبانه بقالك 5 شهور ي نورين العبي غيرها على غيري مش انا نورين انا فاهمك كويس قولي مالك ي نورين.
نورين بعصبيه: قولتلك مافيش ي دكتور.
زين بشك اكتر: لا انتي كده بتأكديلي اكتر ان في حاجه قولي ارجوكي ي نورين يمكن اقدر اساعدك في حاجه.
نورين بتوتر و بتفكير يمكن يقدر يعمل ل آسر حاجه هو دكتور و كمان جراح و عنده خبره كبيره انا هقوله و امري لله: حاضر هقولك بس مش هنا.
زين: تمام تعالي ندخل المكتب.
نورين راحت معاه و بدأت تحكيله كوول حاجه.
نورين بحزن: بس كده.....
زين بتفهم: وانتي اكيد خايفه على سمعه اخوكي.
نورين هزت راسها ب أه.
زين: قومي تعالي معايا.
نورين بإستغراب: هنروح فين.
زين شدها من ايديها عندي حلو لأخوكي يخليه يقوم.
و خدها و طلعوا على المستشفى.
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
ملاك و سلمى و علي سمعوا صوت الجهاز و هو بيقف.
سلمى بصويت: دكتوور بسررعه.
علي طلع جري يجيب دكتور
الكتور جه و عمال يعملوا صدمات و......
نورين و زين دخلوا.....
نورين بخوف: هو في ايه حد يفهمني في ايه اخويا مالووو.
ملاك بعياط: اخوكي حالتو بقت صعبه اووي .
زين دخل العمليات بسرعه و عقم ايدو و بدأ يحل المشكله.
زين: هات جهاز الصدمات بسررعه.
و بدأ يعمله الصدمات و مافيش حاجه نافعه.
زين للممرضه: هو متجوز.
الممرضه: اه و هي واقفه بره على اعصابها يعيني.
زين: دخلوها بسرعه و عقموها كويس بسرررعه قال اخر كلماته بشخيط.
الممرضه: مدام سلمى تعالي معايا بسرعه.
سلمى راحت معاها وهي الصدمه مسيطره عليها و مش بتستوعب اللي بيحصل......
سلمى جهزت و دخلت العمليات.
زين: كلميه.
سلمى واقفه مش في وعيها و مش سامعاه اصلا.
زين بدأ يهز فيها و بزعيق: فووقي كلميه هو هيسمعك هو مستني حاجه منك قوليهالو بسرررعه.
سلمى بدأت تستوعب الكلام و بدأت تعمل اللي قال عليه زين.
سلمى بعياط: علشان خاطر حببتك سلمى قوم قوم ي آسر علشان خاطر كل اللي بيحبوك انا مسمحاك والله و هفضل جنبك طول العمر انا من غيرك ولا حاجه ماسواش حاااجه قووم ي حبيبي علشان خاطري قوم و هنعمل اكبر فرح في الدنيا حتى ملاك و علي هما كمان اتخطبوا و مستنينك تصحى علشان نعمل الفرح هكون اسعد انسانه معاك ي حبيبي و هخليك اسعد انسان في الدنيا كلها والله مسامحاك و مستعدة اعيش عمري كله معاك و تحت رجليك بس قوم علشان خاطري قوم و اترمت في حضنه و فجأه......
الجهاز بدأ يعلن عن حياه جديده لآسر و سلمى مش بس آسر.
زين بفرحه: الحمدلله كده هو عدا مرحله الخطر.
آسر بدأ يحرك ايدو و سلمى كانت مساكها.
سلمى بفرحه:آسر انت فوقت ي حبيبي آسر رد عليا.
آسر قال بتعب: انتي.... ليا.... انا و وبس.... مش... هتكوني ل لغيري... فاهمه....
سلمى بفرحه: فاهمه ي روحي فاهمه انا ملكك انت و بس يلا قوم بقا و بلاش دلع ياض.
آسر: ياض؟! ماشي.
سلمى ضحكت عليه.
زين واقف و شايف حبهم الكبير و فرحانلهم جدااا.
زين: طيب هو لازم يرتاح هناخده على اوضه عاديه و حضرتك روحي غيري هدوم العمليه عقبال ما ننقله.
سلمى: تمام بس هيجيلو تاني و هفضل معاه.
زين: تمام.
سلمى طلعت و حضنت ملاك و شمس جت هي كمان لما ملاك كلمتها و طمنتم انو بقا كويس و فاق كمان و اتكلم معاها و اهل آسر جوم هما كمان و كان الكل فرحااان اوووي.
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
بعد مرور 3 شهور كان الكل بيجهز للفرح و مايا اترمت في السجن زي الكلبه و هتعيش باقي عمرها هناك و يحيى اتقدم ل شمس و شمس وافقت و عرفت انها كانت معجبه بس ب يوسف مش اكتر لكن ربنا عوضها ب يحيى الحب الحقيقي بجدد و ملاك و علي كانوا بيجهزوا هما كمان و آسر بقا كويس اووي كمان و كان بيجهز هو و سلمى و نورين زين اتقدملها و كانوا كلهم فرحهم في يوم واحد بجددد حاجه حلوه اووي ان الاحباب كلهم يكونوا فرحهم في يوم واحد.
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
الكل كان جاهز و نزلوا الفرح كلهم مع عرايسهم و كانوا مبسوطين اووي.
آسر بفرحه: اخيرااا هنتلم في بيت واحد و الفرح مش هيبوظ زي كل مره.
سلمى بخجل: ايوا ي حبيبي.
آسر: طب تعالي نروح عند العيال لحسن لو قعد كده كتيرر قدام كلمه حبيبي دي مش هسيب اللي قالتها في حالها و غمز لها .
سلمى بخجل و ضربه في كتفه: انت قليل الادب.
باس ايديها و خدها و طلعوا عند الكوشه.
ملاك: اووف بقاا الفستان ده تقيل اووي.
علي بغمزه: تحبي نروح بيتنا ي حببتي.
ملاك: بس يااالا.
علي: ماشي ماشي مسير الفار يقع في المصيده.
ملاك بشهقه: قصدك اني فار ي علي.
علي: انا اقدر اقول كده برضو و باسها من راسها و راحوا على الكوشه.
زين: اخيرا هتبقى مراتي ده انتي تعبتيني معاكي ي بنتي.
نورين : معلش بقا ي قلبي اكل العيش مر.
زين بضحك: على رأيك.
شمس: احيييه.
يحيى بخضه: ايه مالك ي حببتي.
شمس بهزار: لا عادي جعانه بس شكل البت ملاك عدتني.
يحيى: اه ي بت المجنونه يلا قدامي لحسن افرغ المسدس ده في دماغك.
شمس بصعبنيه: اهون عليك برضو.
يحيى باسها من راسها: لا طبعا ي روحي.
كلهم سلموا على المعازين و فجأه سلمى لقت...
نورا قربت على سلمى و بحب: الف مبروك ي بنتي ي رب تكوني مسامحاني.
آسر بص لسلمى و غمزها في ايديها و عرفت انه بيقولها كفايه كده خلينا نفرح ده حتى انهارده يوم فرحنا.
سلمى اترمت في حضن نورا: ماما.
نورا حضنتها جاامد: قلب ماما من جوه.
و سلموا على بعض و....
أحمد بفرحه: الف مبرووك ي لومه.
لحسن حظه لقى ملاك وراه.
ملاك مسكته من افاه: عيد كده قولت ايه تاني.
أحمد: ي حوستي السووده و لفلها لا ولا حاجه بقولها ي سوسو و بعدين نستيني الف مبرووك ي عروسه.
احمد بص لأخته و لقاها كانت بتضحك قال بغيظ: و الف مبرووك انتي كمان ياختي.
سلمى حضنته و قالتله: الف مبروك انت كمان ي هندسه.
أحمد: ايه ده عرفتي منين.
سلمى بثقه: ده انا سلمى و الاجر على الله 😂.
ملاك: ثقتي دي يامااا.
سلمى: روحي ي بت ل علي انتي جايه هنا ليه.
ملاك: مزاجي قولت اجي اسلم على نونو حببتشي و سلمت عليها.
محمد جاي يجري على سلمى.
محمد: مبروك ي سيمى.
سلمى بضحك: الله يبارك فيك ي قلب سلمى.
آسر: لااا كده كتيرر و شده من افاه خد يلا اخوك و امشوا من هنا بدل ما اطردكم انتوا جاين تحضنوها قداامي.
محمد شد نفسه: بس ياض.
آسر: لا انا كده اتقل مني اوووي.
محمد شاف ملاك جرى عليها.
ملاك: ايه ده خطيبي بنفسه جاي يسلم عليا .
محمد: الف مبرووك ي قبي.
ملاك بضحك: الله يبارك فيك ي ميمو لسه الدغ يالا زي ما انت 😂
جه علي و مسكه من افاه.
علي: انت بتقول ل مراتي ياالا يقلبي.
محمد بزفير: يوووه بقااا و بعدين معاك يالا انت كمان.
علي بصدمه: هي الكلمه دي عندكم وراثه ولا ايه 😂.
ملاك ضحكت: تربيتشي ي ميمو.
علي بصدمه: انتي بتدلعيه كمان قدامي ده انتي عمرك ما دلعتيني.
ملاك بضحك: لسه الجايات كتيررر ي حبيبي.
علي مسكها من افاها هي كمان و قال: قدامي ياختي قدامي.
أدهم جه و كان معاه أيان هي كمان و معاهم بيبي صغنن.
أدهم سلم على الكل و اعتذر من علي و علي سامحه راحوا لآسر.
آسر: انا اسف ي علي انا السبب في ان ادهم يخطف ملاك.
علي: حصل خير ي صاحبي بس لو كان حصلها حاجه مكانش حصل خير خاللص و بعدين ده قدر و مكتوب و أددهم و أيان رجعوا لبعض كمان.
و حضنوا بعض هما التلاته.
شمس طلعت مسكت المايك.
شمس: ايه ي جمااعه فين المأذون اللي هيجوزنا احنا مش هنتجوز انهارده ولا ايه.
الكل ضحك عليها و جابوا المأذون و كل ما المأذون يخلص جمله الشهيره بارك الله لكما و جمع بينكما في خير اللي عليه الدور من الشباب يشد المنديل و يقعد هو عايزين ينجزوا ي جوودعان 😂
ملاك بصوت عالي: انااا جعااانه.
سلمى: بس ي بت ي مفجوعه ما انتي لسه واكله.
شمس: وانا كمان.
نورين: وانا كمان.
سلمى بضحك: و هي جت عليا و انا كمان.
آسر: البس ي معلم انت و هو.
ادهم بضحك: انتوا لسه شوفتووو حاجه.
و الكل ضحك.
بعد مرور 4 سنوات.
سلمى بصريخ: ي آسر لم عيالك دوول مش عارفه اكمل المشروع اللي حضرتك ملبسني فيه.
آسر بضحك: انا مالي ماحدش قالك تزني و تقولي عايزه اكمل شغلي اشربي بقا.
سلمى طلعت تجري وراه و ضربتوا و عيالهم واقفين عمالين يضحكوا عليهم.
آسر بضحك: عاجبك كده ضحكتي العيال علينا.
و بكده تكون خلصت روايتنا ي حبايبي اتمنا تكون عجبتكم و عايزاكم تختاروا اسم بطل و بطله ل روايه (انت حمايتي).
و اشوفكم في الروايه الجديده ان شاء الله بااي ❤
و عيد سعيد علينا و عليكم ي رب و انتوا بصحه و سلامه و كل عيد و احنا مع بعض ان شاء الله و عايزه تفااعل كتيرر على البارت ده علشان انزل الروايه الجديده في اقرب وقت ان شاء الله و العيد فرحه ماااااء😂🥳🥳❤
سبحان الله و بحمده سبحان الله العظيم 🩵
بقلمي / ملك ياسر الشرقاوي 🌗
يتبع
