رواية قطتي الشقية الفصل الثاني والعشرون 22 بقلم همس كاتبه
غدير : ممكن اعرف ليه مش بترد عليا ؟
سليم بهدوء : كنت مشغول
غدير بغضب : مشغول مع ميرا مش كدة ؟؟
سليم : الله الله .. انا متراقب بقا ؟
غدير بدموع : ايوة متراقب .. عشان ديل الكلب عمره ما هيتعدل .. و انا الغلطانة اني فكرت ابص لواحد زيك
سليم : انتي بتشتمي كمان ! مهو فعلا انا الي غلطت و اديتك وش زيادة … احنا مفيش بينا اي حاجة رسمية يغدير يعني مش من حقك تراقبيني و انا اتكلم مع اي حد انا حر .. هتبدأي من اولها كدة … لا طالما احنا ع البر كل واحد يروح لحاله
غدير بصدمة و دموع : للدراجادي انا رخيصة عندك ؟
سليم : لا انتي مهمة جداً .. و انا فعلا بحبك .. بس مش منطق كل ما اتكلم مع اي حد ابقى بخونك .. انا قولتلك من البداية مش عايز نرتبط قبل ما احقق اهدافي .. انتي مش خطيبتي و لا مراتي عشان تفرضي اوامرك .. حتى لو اتكلمت مع ميرا ملكيش فيه … ميرا صاحبتي مش حببتي يعني و هي صديقة مقربة مني .. مش طبيعي هتشكي بيا من دلوقتي
غدير بدموع : سليم .. اعتبر اني ما قولتلكش حاجة في الشركة … اعتبر ان مفيش غدير ماشي !
سليم بصدمة : نعم ؟
غدير : ايوة انا مش عايزاك تحبني .. كفاية اوي لغاية هنا … من النهاردة احنا اولاد عم عادي جدا … عن اذنك
ذهبت من امامه و هي بتعيط و هو بيبص لاثرها و مصدوم جدا انها استغنت عنه بسهولة
دخلت اوضتها بتعيط
مليكة بصدمة : مالك يا غدير في ايه ؟
غدير بدموع : انا خلاص مش هستحمله اكتر من كدة .. فوق ما هو غلطان جاي و بقولي انا الغلطانة و مليش حق اتصرف كدة و مش لازم اتدخل بصحابه البنات
مليكة : ده اكيد اتجنن ايه الغباء ده
غدير بدموع : انا مش عايزاه .. كفاية اوي كل الي قاله .. هو قالي احنا لسا ع البر .. يبقى نسيب بعض احسن
مليكة : و انتي هتستحملي يا غدير ؟ هتقدري تشوفيه كل يوم مع واحدة شكل و تسكتي ؟ هتقدري ترجعي لنقطة الصفر ؟ انتي كنتي تتجنني لما تشوفيه بيكلم رزان اختي فما بالك دلوقتي
غدير بحزم : انا خلاص اخدت قراري
مليكة : ايه هو ؟
عدير : هوافق ع العريس الي اتقدملي و الي يحصل يحصل
مليكة بصدمة و زعيق : انتي اكيد اتجننتي .. انتي هبلة و لا بتستهبلي ؟؟؟ عريس مين الي توافقي عليه ؟ عايزة تضيعي نفسك عشان سليم الي ما يستاهلش دمعة من عينك ؟ عايزة تظلمي راجل محترم معاكي بس عشان زعلتي من سليم ؟؟؟ غدير اعقلي .. بلا جنان و تسرع .. ده جواز و الغلطة هتدفعي تمنها العمر كله … سليم مش عايزك طز فيه … المهم اكسبي نفسك
غدير ببكاء : بس انا بحبه .. بحبه اوي
مليكة : دوسي على قلبك عشان كرامتك .. مش هتعيشي من غيرها … ما تعمليش زي كل الافلام العربي اوعك تفتكري الجواز من حد تاني يعني خلصتي … لا ده يمكن انيل بمليون مرة .. لو عايزة نصيحتي اعملي زي رضوى ..ذاكري و اشتغلي .. حاولي تخرجي تدرسي برة عشان تبعدي عن اذى سليم و تنسيه … و يمكن هو خلال الفترة دي يكون كون نفسه و عقل … يمكن القدر يجمعكم بظروف احسن من دي
غدير بدموع : اوعدك هحاول .. هعمل اي حاجة بس عشان اخرج من الي انا فيه … انا بجد تعبانة .. حاسة اني مليش حد … مليكة ارجوكي ما تسيبينيش .. انا بجد مليش حد غيرك احكيله
مليكة بدموع : مش هسيبك يا حببتي .. بس ارجوكي فكري بنفسك شوية .. حبي نفسك هتحسي كل الي حواليكي بيحبوكي
**********************
في اوضة المكتب
ابراهيم : انا بقول تستقر هنا يا عادل يكون افضل
عادل : للاسف ما يناسبنيش
هشام بنظرات خبيثة : على فكرة يابا عادل عرف بالصدفة عن موضوع الوصية
ابراهيم بصدمة : نعم
و وجه نظره الى اسد الذي أومى برأسه لجده و يعطيه نظرة ثقة
مهران باستغراب: وصية ايه دي ؟
ابراهيم : دي وصيتي بعد ما امو…ت .. بس ممكن اعرف يا عادل عرفت منين
عادل ببرود : من ابن المحامي بتاعك … بس مش ده موضوعنا … المهم الكلام الي سمعته صحيح ولا لا ؟
ابراهيم بضحكة ساخرة : يعني مجيتك دي عشان كدة .. منا قولت مش محبة فينا برضو … طول عمرك بتعبد القرش
خالد بحنق و ينظر الى عادل : ربنا يخليك لينا يابا و يمد بعمرك … حسبي الله و نعم الوكيل بس
عادل بهدوء : انا قولت اتناقش معاك بالموضوع ده
مهران : عادل .. مينفعش كدة .. عايز تورث ابوك بالحيا ؟ عيب اصلا نتكلم بحاجة زي دي
عادل : ممكن تسكت انت .. منت الي هتكوش على كل حاجة لازم تقول كدة
اسد بحدة : هو مين ده الي يسكت ؟؟ ايه هو حتى اسلوب مفيش ؟
عادل : ما شاء الله على التربية … كدة علمك ابوك تكلم عمك
هشام : اممم علمته … انا ابني بيقدر الكلام على حسب الي قدامه .. عادل الي انت الي بتقوله ده ملهوش تفسير
عادل بجنون : انا مش هتنازل عن حقي و لو فاكرين عشاني بعيد مش هطالب بيه لا فوقو و فتحو عنيكو كويس .. انتو عايزين تكوشو على الفلوس و تطلعوني برة
مهران بغضب : انت بجد متخلف .. حق مين الي بتقول عليه ده .. يا اخي استحي على شيبتك
هشام : لا وفوق كل ده بتغلط فينا .. احنا شبعانين يا عادل و عمرنا ما اكلنا حرام .. عيب الي بتعمله ده
عادل بحدة :لا منا عارفكو كويس …متاكد هتخبو الموضوع و مش هتقولو لحد .. و هتعملو رباطية و تطلعوني برا … انا عندي مشاريع محتاجة تمويل .. و اعتقد ان انت يا هشام مش محتاج حاجة و رضوى و خالد عندهم الي كافيهم .. مفيش غير مهران الي هيكوش ع الفلوس و ياخدها
مهران بجنون : انت اكيد اتجننت .. انت واحد زبالة و كلب فلوس … من النهاردة انا متبري منك و مش عايز اعرفك تاني يا عادل فاهم
عادل : بالناقص منك و من اشكالك … ده انت حتى ما رحمتش ابني و عايز تلزقه بنتك .. و دبست اسد بواحدة كمان … و اتهمتو شادي بكل ده … فوق كل ده عايز تاخد فلوس ابويا
مهران بجنون : و الله لاخلص عليك
و مد ايده على عنقة بينما هشام و اسد و خالد ابعدوه
كان ابراهيم يتابع الحديث بصدمة
ابراهيم بصوت عال جدا : كفاااااية … ايه مش محترمين حد .. كبرت يا عادل و جاي تطاول على اخوك الكبير …. عايز تكبر على ابوك و اخواتك ؟ .. ده انت عملت كل ده و انا عايش امال لما اموت هتعمل ايه ؟
عادل : يابا افهمني
ابراهيم بمقاطقة : مش عايز افهم منك حاجة .. دلوقتي بس عرفت شادي طالع لمين … مهران احسن منك … مهران احسن منكو كلكو .. و انا هكتبله نص ثروتي .. و وريني هتعمل ايه .. انا مش هحرمك من الميراث عشان ما اظلمكش .. بس ملكش دعوة بمالي …انا حر اديه للي انا عايزة … و شرع ربنا ما يسمحلكش تتصرف بمالي و انا عايش يا عادل … روح ارجع من مطرح ما جيت … و لما اموت ابقى تعالا طالب بحقك
هشام : بعد الشر عليك يابا .. عادل لو سمحت انت زودتها اوي …اتفضل امشي من هنا
عادل بغضب : ماشي … كان فعلا قرار صحيح لما قررت اسيبكم و اهج
خرج عادل و هو في قمة غضبه
مهران بحدة : انا مش عايز فلوس من حد .. و عمري ما اشتكيت .. ربيت تلات بنات و صرفت عليهم من تعب جبيني .. مش عايز فلوس و لا عايز تكتبلي حاجة يابا .. انا مبسوط بحياتي و راضي بعيشتي … مش مستني من حد حاجة .. و بناتي عمري ما فكرت ادبسهم في حد و عمري ما تثقلت منهم
ابراهين بهدوء : مهران يا ابني ما تحاسبناش على كلام اخوك .. هو مش فاهم حاجة و جاي عايز فلوس و بس … و الموضوع ده انا مش حابب حد يتدخل بيه .. ده موضوع يخصني انا و انا الي اقرر هودي فلوسي فين حتى لو عايز ارميها في البحر
مهران : بس انا من دلوقتي بقول .. مش عايز من حضرتك ولا جنيه .. كفاية كده
ابراهيم: من هنا لوقتها تبقى تقرر يا مهران
مهران : بعد الشر عليك يابا ربنا يطول بعمرك .. بس مش عايز اتخانق مع اخواتي عشان فلوس
خالد : مستحيل يا مهران دحنا نشيل اللقمة من بوقنا و نديهالك يا اخويا .. بس عادل مراته العقربة لحست دماغه ما تاخدناش بذنبه
هشام : بالزبط .. انا شايف اننا لازم نقفل على الموضوع ده تماما .. ربنا يديمنا لبعض و ما يدخل بينا شيطان
*********************
عادل : فاتن .. انتي يا ست
نزلت فاتن و قالت : عايز ايه بتزعق كدة ليه ؟
عادل : جهزي نفسك و بنتك هنرجع مطرح ما جينا
فاتن بصدمة : و الفلوس
عادل بغضب : هجيبها منهم بالقانون بس نصبر شوية .. يلا وضبي الشنط عايزين نمشي من البيت القذر ده
خرج اسد و هو يبتسم بخبث و قال : غدير مش هتروح معاك الا لو هيا عايزة .. مينفعش تجبرها
عادل : اسد خليك براني .. مش عايز اتخانق معاك انت كمان .. احنا بينا شغل
اسد بضحكة خبثة : لا منا فسخت العقد الي بينا .. بصراحة انت جبت سيرة مراتي و غلطت بحمايا و انا عندي مراتي خط احمر عشان كدة مش هشتغل معاك تاني
عادل بصدمة : حتى انت يا اسد
اسد : الي ملهوش خير باهله ملهوش خير بالدنيا كلها .. و انا مع عيلتي بكل حاجة
عادل بزعيق : غديير .. فاتن يلااااااا
نزلت غدير ومعها مليكة
غدير بحزم : بس انا مش هروح معاك
عادل : اخرسي .. يلا اجهزي
مليكة لاسد : حبيبي ارجوك ما تسمحلوش ياخدها معاه
اسد : ما تقلقيش يحببتي .. مش هتروح
غدير بحدة : مش هروح .. و هفضل مع عيلتي هنا
قرب منها و كان هيضربها بس نزل فراس جري و قال بغضب : استنا عندك .. انت بتعمل ايه ؟؟ احنا حيا الله اولادك بالاسم احنا اولاد البيت ده و مش من حقك تجبرها على حاجة مش عايزاها
عادل : انت بقا الي مقويها علينا مش كدة .. فراس ما تخلينيش امسح فيك الارض .. ابعد عايز اخدها و اربيها تربية كويسة بدل قلة الادب دي
غدير بغضب و دموع : انا متربية احسن تربية .. جدي هو الي رباني يا عادل بيه .. بالوقت الي انت ومراتك كنتو بتتفسحو و مستمتعين بحياتكم و رمتوني لجدتي و جدي …. انا مش هسامحك يا عادل بيه على كل الوقت الي سبتوني بيه … مش هساحكم ابدا على كل مرة تمنيت يكونلي ام و اب .. حسيتوني اني يتيمة و انتو عايشين .. انا بقيت بكرهكم .. مش هروح معاك انا مش بنتك .. انا بنت ابراهيم العمري .. الراجل الي اهتم بيا و عوضني عنك و عن مراتك .. انا امي اسمها صباح … مش عايزة عادل و فاتن بحياتي خالص .. انتو بقيتو اغراب بالنسبالي
فاتن : انتي اكيد المسلسلات لحست مخك … كفاية دراما و جو الاحزان ده
غدير : ده الي حضرتك شاطرة فيه .. بتكسري اي حد عادي .. مفيش حد اتعلم غيرك ؟؟؟ مفيش حد درس بالجامعات قبلك ؟؟؟ فهميني ليه عايشة الدور كدة .. انتي عمرك ما كنتي امي … سبتوني وحيدة و مليش حد .. و فراس شال مسؤلية اكبر من سنه .. حتى شادي انتو الي بوظتوه .. انتو دمرتو حياتنا … انا مش عايزة اعرفكم تاني .. خلاص سبونا بحالنا بقا
كانت تبكي ..مسحت دموعها ثم صعدت الى الاعلى بسرعة و تبعتها مليكة تحاول تهدئتها
رضوى : عادل انا بقول لازم غدير ترتاح لو سمحت امشو انتو .. بس تهدا هتكلمكو
*************************
في المساء
في اوضة اسد و مليكة
مليكة : من ساعة ما جينا و البيت قايم قاعد
اسد : كان لازى نيجي عشان نحط حد للجنان ده .. ملوكتي .. حببتي حاولي تقربي من باباكي شوية و كلميه … هو زعل اوي من عمي عادل
مليكة : يا ربي بجد حاجة تقرف .. ازاي الراجل ده بيفكر كدة .. مستحيل يمون اخو بابا بجد
اسد : مليكة .. حالك مش عاجبني .. في ايه مالك ؟
مليكة بضيق : مدايقة اوي يا اسد
اسد : ليه يحببتي .. تعالي
جلس و اخذها بحضنه و قال : يلا احكيلي مالك
مليكة : قلقانة اوي على غدير .. و مدايقة اوي من رزان
اسد: طيب نبدا وحدة وحدة .. ليه عدير مالها
مليكة بحزن : انا خايفة عليها بجد .. صعبانة عليا اوي .. نفسيتها صفر .. النهاردة سليم زعلها جامد .. و انفصلو … و من كتر الزعل كانت هتودي نفسها بداهية و توافق على العريس الي متقدم … و بعدين اتخانقت مع اهلها .. صعبت عليا اوي .. ما صدقت تنام ساعتين .. كمان شوية هروح اطمن عليها
اسد بحب : انتي مليكة اسم على مسمى .. خليكي جنبها يا حببتي .. و انا هربي سليم الكلب و اوريه ان الله حق
مليكة : ايوة كدة ساعدني .. لو سليم يقدر يوقف معاها هتتحسن كتير
اسد : طب ورزان مالها
مليكة : برضو حالها مش عاجبني .. تغيرت اوي .. على طول سرحانة و مش معانا حالص .. حاسة انها مخبية حاجة
اسد : اممم اعتقد مشغولة مع فرو
مليكة : ليه يعني مهي مش موافقة عليه
اسد : امم بس ع الاغلب هتوافق لانه بيحبها بجد
مليكة : طب ان شاء الله .. فراس حد كويس و غير عن مامته و باباه .. هو وغدير كويسين
اسد : طب سيبك منهم دلوقتي.. بحبك
مليكة بضحكة ناعمة : و انا بحبك اوي
اسد : مليكة كفاية .. انا عايز اخدك و نبعد بقا .. مش حابب افضل بالضغط ده .. ده انا حاسس اني بقيت اشوفك بالسرقة .. مش عارف اتلم عليكي يا بت .. هنا كلهم موجودين و بيت اهلي مليان برضو ده حتى في شقة اسكندرية مامتك ما سابتناش بحالنا
مليكة بضحك : يحبيبي اصبر شوية و بعدين نروح بيتنا و محدش له دعوة بينا
اسد بحب : مليكتي .. انا عايز استفرد بيكي على طول .. عايزك تفضلي بحضني .. و نخلف دسة عيال يتنططو حوالينا
مليكة بضحك : لا يحبيبي انا اكتر عن اتنين مقدرش .. لسا عندي كلية و شعل و دنيا تانية .. لازم ننظم
اسد : هو انا قولتلك دلوقتي دنا بقولك بعدين يعني السنة الجاية او الي بعديها .. ربنا كريم
مليكة : طب هروح اساعدهم في تحضير العشا
اسد : تعالي هنا .. عشا ايه .. انا هاكلك دلوقتي تعالي
مليكة بضحك : لا لا يا اسددد
اسد : هششش
*************************
عادت دنيا و رزان من الخارج
دنيا : ايه ده ليه غدير نايمة .. مش بدري ؟
رزان : فعلا غريبة
استيقظت على صوتهم
غدير بتعب : هو في ايه
دنيا : ليه نايمة بدري كدة
غدير : تعبت شوية
قامت و غسلت وشها
رزان : بقولك يا دنيا احط مناكير احمر و لا اسود
دنيا : يععع لا طبعا لا ده ولا ده حطي حاجة هادية .. لون بيج هيكون حلو
جلست غدير و هي تنظر امامها بسرحان
دنيا وهي بتقلب بالموبايل : انا بجد اتخنقت من الولية حماتي .. ده داخلة دخلة حموات بجد
رزان بصدمة : لا يشيخة
دنيا : انا اصلا مستحملاها عشان مروان .. بس بحسه بيوقف بصفها كتير
رزان : يا لهوي .. وانتي ساكتاله ؟
دنيا : طالما مش مدايقني اكيد مش هعمل مشكلة
رزان : بس ده كدة من اولها امال لما يمر شوية وقت هيعمل ايه ؟
دنيا : ارجوكي يا رزان ما تسخنينيش عليه ..انا مش ناقصة
غدير : مهو احنا كدة بنغمي عنينا في الاول عشان ما نخسرهمش و بعدين نكتشف اننا خسرنا نفسنا
دنيا بسخرية : لا والله وبقيتي تتفلسفي .. واضح ان مامتك اثرت عليكي جامد
رزان : دنيا
غدير بغضب : انتي وحدة قليلة الادب
دنيا : والله ؟ و انتي بقا ايه ؟
غدير : انا احسن منك و من الي خلفوكي
دنيا بغضب : وحياة امك .. و بتغلطي بينا كمان .. هو ايه سليم معبركيش ؟ عشان كدة بترمي كلام علينا ؟ ولا تكوني غيرانه اني هتخطب
غدير بسخرية : لا انتي و لا اخوكي فارقين معايا .. و انا مستحيل اغير من وحدة زيك فاهمة عشان انتي مش من مستوايا
دنيا ضحكت بسخرية و بعدين قالت : انتي اكتر بنت حقودة و نرجسية شوفتها بحياتي
رزان : دنيا عيب مش كدة
دنيا : عارفة يا غدير … انتي عندك مرض .. عندك نقص بتحاولي تداريه .. انانية و مش بتحبي حد غير نفسك .. و الكل بيبعد عنك .. انتي وحدة مغرورة و انانية فعلا
غدير بزعيق و صوتها فيه غصة : ايوة انا بحب نفسي .. انا انانية .. عشان انا الوحيدة الي قدرت احبها .. انتو كلكو كدابين .. كلكو بتبينو انكو بتحبوني و مع اول موقف بتبدأو تجرحو من غير ما تفكرو .. انا بحب نفسي عشان معنديش حد يحبني
قربت رزان من غدير و حضنتها بس غدير بعدت
غدير بدموع : ابعدي عني .. كفاية كدب .. انتو كل وحدة اتربت بحضن اهلها .. كل وحدة فيكو عندها مين يخاف عليها ..، بس انا مليش حد .. حتى اخواتي بعدو عني .. و فراس انتي يا رزان سرقتيه مني .. بقا كل تفكيره معاكي .. و سليم سابني عند اول خلاف بسيط .. و انتو كلكو عايرتوني باهلي … دايما انا الشريرة بحكاية كل وحدة فيكو .. كلكو بتبعدو عني .. حتى صحاب معتديش و حاىلت اتقرب منكو بس انتو بعدتو … اعتبرتكو زي اخواتي بس محدش حبني … انا اتيتمت و اهلي عايشين .. محدش حاسس بيا .. و بكل بساطة حضرتك بتعايريني باهلي .. ع الاقل انا قدرت اسند نفسي من غيرهم . . بس انتي اقسم بالله لو عمو هشام بعد عنك ما هتعرفي تعملي حاجة .. و اخوكي انا الي انفصلت عنه عشان انا مش بقبل حد يفرض حكمه عليا .. مش بقبل بشروط ما تناسبش شخصيتي .. عمري ما هكون زيك يا دنيا
نظرت دنيا نظرة غاضبة و تركتها وخرجت
رزان : غديرحببتي ارجوكي ما تزعليش منها
غدير : مش زعلانة .. اتفضلي اطلعي عايزة ارتاح
رزان : ماشي يا حببتي
******************
مليكة : رزان كنتي فين كل ده
رزان بضيق : كنت عند واحدة صاحبتي .. المهم روحي اطمني على غدير و طيبي خاطرها
مليكة : ليه حصل ايه
رزان : تخانقت مع دنيا
مليكة : يا انهار اسود .. و الله ما هي ناقصة
و ذهبت الى غدير
ايمان : دنيا امته الخطوبة ؟
دنيا بضيق : لسا ما قررناش
رضوى : مالك ؟ في ايه
دنيا : انا بحد مدايقة .. حاسة اني مش جاهزة للخطوبة
ايمان : عادي لسا في وقت تجهزي
دنيا : مش قصدي .. انا اقصد اني مش جاهزة للفكرة من اساسه
رضوى بصدمة : نعم يختي ؟؟ امال اتنيلتي وافقتي ليه ؟
دنيا : عشان بحبه
ايمان : طيب ؟ و ليه مش حاهزة
دنيا : اصله بيفرض عليا حاجات و انا بعدي عشان بحبه .. ومامته بتدخل بينا كتير .. و هو بيحترمها اوي .. و بيعاملني على اني صغيرة و انا الوضع ده ما يناسبنيش
رضوى : و انتي عايزة الراجل يزعل امه عشانك ؟ فعلا ما عندكيش مخ
ايمان : دنيا اسمعيني يا حببتي .. ما ينفعش تتكلمي عن خطيبك و اهله كدة قدام اي حد الناس هتفهمك غلط .. و بعدين دي مامته و هو ابنها الوحيد و ما حدش ضربك على ايدك و قالك وافقي .. دنيا اعقلي و اركزي شوية .. هو بيعاملك على انك صغيرة علشان تصرفتك كدة .. و مش بتفكري بكلامك ابدا . .. لازم تكوني اوعى من كدة
رضوى : اللهم صل على النبي .. هو ده .. اسمعي الكلام يا دنيا و اعقلي ها
اتت رزان و هي غاضبة
رزان : الانسة المحترمة قالت لغدير كلام زي السم
ايمان بصدمة : معقولة .. حرام عليكي البنت نفسيتها مدمرة
دنيا : مهي الي غلطت فيا
رزان : بلاش كدب انتي الي بدأتي
دنيا بندم : طيب عارفة .. والله من غير قصد
رضوى بزعيق : هو ايه الى من غير قصد .. البنت نفسيتها مدمرة .. النهاردة تخانقت مع اهلها خناقة كبيرة … و انتي اكيد زديتها عليها
رزان : دنيا .. لازم تعتذريلها
دنيا : خلاص حاضر كمان شوية
***********************
دلفت مليكة الاوضة
كانت غدير واقعة ع الارض و فاقدة الوعي و بايدها علبة دوا
مليكة بصدمة وصراخ : اعاااااااااااااا … غدييييير
اتى اسد و خالد جري على صوتها بما انهم الاقرب
خالد بصدمة : فييي ايييه
مليكة بصراخ و دموع : غديييير ….واقعة ع الارض .. قاطعة النفس
قرب منها بسرعة و حملها و نزل
تجمعت العائلة بأكملها
قرب فراس و حاول يصحيها
فراس بصدمة و خوف : مالها ؟؟
اسد : مفيش وقت .. لازم تودوها المستشفى حالا
سليم بخوف و اضراب : هروح اجهز العربية .. اسد اطلب اسعاف
في لمح البصر كانت غدير في المشفى
.**************
ابراهيم بخوف : مليكة .. مالها ليه عملت كدة بنفسها ؟
مليكة كان جسدها ينتفض و هي مرعوبة
احتضنها اسد و قال : اهدي شوية يا حببتي .. هتبقى كويسة .. بعدين يا جدي نبقى نعرف المهم نظمن عليها
ابراهيم : انا هروح اطمن عليها
اسد ترك مليكة بهدوء و قال : طب انا هوصلك
فجأة وقعت مليكة على الارض مغماً عليها …..يتبع
رواية قطتي الشقية الفصل الثالث والعشروم 23 من هنا
