رواية قصيرة القامه طويلة اللسان الفصل الرابع والعشرون 24 بقلم شيماء صبحي

رواية قصيرة القامه طويلة اللسان الفصل الرابع والعشرون 24 بقلم شيماء صبحي

 الفصل الرابع والعشرين.. 

رواية🌸قصيرة القامة طويلة اللسان🌸

#بقلم_شيماء_صبحي 

وصل هادي وهوا مبسوط وكان طالع علي السلم بفرحه  لحدما لما سمع صوت شاهي وساندي وهما بيتكلمو وصوتهم كان واضح جدا .. 

كان مكمل طريقه لاوضته هوا وقمر ومش مهتم لصوتهم لحدما فجاه وقف لما سمع كلامهم اللي صدمه ،،،!ساندي كانت بتقول لمامتها بفرحه" واحنا طبعا  يا مامي  لو قدرنا نجيب لعزيز الملفات بتاع المشروع الجديد وقتها هيكتبلي الفيلا والعربيه باسمي وانتي هيكتبلك العربيه اللي عجبتك باسمك ووقتها هنقدر انا وانتي نعيش في الفيلا  بسلام وكل واحده معاها عربيتها وهما بق يرجعوا يفلسوا تاني ويترجونا اننا بس نعيشهم معانا ..

شاهي ابتسمت علي كلام ساندي وقالت" عندك حق صافي تستاهل علشان وافقت علي كلام جوزها وسابته يطردنا وبسبب اننيتها دي تستاهل اكتر واكتر من اللي عزيز وابوه هيعملو فيهم .!

ساندي ضحكت وقالت" عزيز يماما حكالي علي الحجات الي هما عملوها فيهم انتي متخيله ان كان احمد دا بيسرق منهم المشاريع ولما جه  باباه ياخد حقه بق من احمد وردله الضربه بعشره هو وقتها فلس وشركته وقعت بسهوله ودا معناه ان  احمد الجارحي اصلا فاشل وقال ايه هادي الي هوا اصلا فاشل وبتاع بنات وسهرات رجع الشركه تاني.. بزمتك يا مامي في بني ادم طبيعي هيوافق يشتغل مع واحد فاشل زيه..!

شاهي ضحكت وقالت" طيب وطي صوتك بق ليكون في حد واقف  بيسمع كلامنا ووقتها هتبوظ خطتنا .. 

ساندي  قامت وهيا رفعه حاجبها باستغراب  وبتقول " وهو ممكن يكون حد بسمعنا فعلا ولا ايه.. 

شاهي بصتلها بعدم فهم ووقتها ساندي وقفت عند الباب وفتحته وهيا بتقول  براحه " متقلقيش يا مامي محدش واقف.. 

شاهي قالت بضحك" كويس يلا بق تعالي علشان نشوف هنعمل ايه بكرا .. 

ساندي ابتسمت وقربت منها وفضلوا يتكلموا وكل تفكيرهم هو انهم ازاي هيقدرو يمثلوا علي هادي ويقنعوه ان ساندي تنزل الشركه معاه وتشتغل فيها.. 

واما هادي  كان واقف في جمب وهوا سامع كل كلامهم مع بعض ومصدوم مش مصدق الكلام اللي سمعه منهم ازاي اللي بيقولوه دا وازاي طلعو بيكرهوهم اوي كدا وعاوزين انهم يرجعوا تاني يفلسوا ازاي ..؟

وهو يعرف ان صافي دايما بتدي فلوس لاختها شاهي لانها عارفه ان جاك جوزها مش بيهتم ليها ودايما مضيع فلوسه علي المخ"درات وناسيهم ... ولاكن مامته عمرها منستها ودايما بتحولها فلوس من حسابها الخاص ويعتبر هيا اللي بتصرف عليهم. 

ازاي بعد الي كانت امه بتعمله معاهم هما عاوزين يأذوها باللشكل دا.. 

كان بيحاول انه يكدب الي سمعه ولاكنهم لما اتكلموا عن ازاي هيقعوه ان ساندي تشتغل معاه وحطو خطه حقيره علشان يخلوه يوافق .. اتعصب جدا من تفكيرهم فيه وفي باقي عيلته.. 

كان هيروح يواجههم ويطردهم ولاكنه رجع تاني في كلامه وقرر انه يلاعبهم بنفس طريقتهم ويحاول يعرف نية عزيز وابوه الحقيقيه ويوقعهم في شر اعماله.. 

فاق علي لمسة ايد نسائيه  بص علي ايد  الشخص بصدمه وقال" اييه.. 

صافي باستغراب" مالك يا حبيبي واقف عندك كدا ليه وليه مش في جناحكم  .. 

هادي بصلها وقال بابتسامه " متقلقيش يا حبيبتي انا كويس بس كنت باخد نفسي هنا بس مش اكتر وكنت راجع تاني " 

صافي ضحكت علي كلامه لانها فهمت هوا يقصد ايه وقالت" طيب يلا روح لمراتك  يا حبيبي مينفعش تسيبها كل الوقت دا وهيا لوحدها وانا هدخل لشاهي وساندي اطمن عليهم .. 

هادي بصلها بصدمة  وقال برفض" لا متدخليش؟ 

صافي رفعت  حاجبها   بإستغراب وقالت ".. ليهيا حبيبي  مش عايزني ادخل.. 

هادي مسك ايديها وقال بهدوء ""اصلهم نايمين انا كنت عندهم وهما حاليا نايمين.. 

صافي هزت رايها وقالت بهدوء.. خلاص انا هنزل انا وابق اطمن عليهم لما يصحوا براحتهم.. 

هادي هز راسه بتفهم .. وصافي نزلت علي طول ..  ووهوا فضل واقف يبص عليها  لحد ما اتاكد انها نزلت بعدها راح لجناحه ولقي ان قمر نايمه .. 

قرب منها وهوا حاسس بتعب في قلبه .. كانت حاضنه المخده وهوا لما شافها ابتسم وقرب من شعرها لمسه بهدوء وهيا صحيت علي لمسة ايديه وهيا بتستوعب المكان لحدما شافته قاعد قدامها وبيلعب في شعرها.. ابتسمت بحب وقامت وهيا بتقول بصوت واطي.. هادي حبيبي انت رجعت امتي.. 

هادي بصلها وقرب منها وقال.. انا لسا جاي حالا .. بس انتي ايه الي خلاكي تنامي مش انا قولت مفيش اي نوم غير في حض"ني ازاي بق يا هانم تنامي برا حضني لا وكمان  بق حاض"نه المخده مش عارفه اني بغير ولا ايه.  

قمر ابتسمت ووقفت وهيا بتبصله باستغراب وبتقول" اي دا هو انت زعلان بجد.. 

هادي هز  راسه بحزن وقال" طبعا زعلت  . 

قمر قربت عليه وحض"نته برقه وقالت" انا مش قصدي ازعلك والله.. 

هادي حط ايده علي شفايفها وقال" ششششش خليكي بس في حض"ني شويه..

قمر استغربت ولاكنها  ايتسمت وضغطت أكتر علي حض"نه بحب وهوا دفن راسه في حض"نها وهوا بيحاول يهدي ويقدر يتحكم في اعصابه لان اللي سمعه مكنش سهل ابدا عليه .. 

قمر بعدت عنه ولاكنه شدها تاني. فحست ان في حاجه حصلت معاه ولاكنه بعدها وهو بيقول" وحشتيني اوي يا قمر.. 

قمر ابتسمت وقالت" وانت وحشتني اكتر والله.. 

هادي ابتسم وقرب من شفا"يفها وقب"لها  وهيا كانت فرحانه انه اخيرا بق معاها.. 

هادي شالها وحطها علي السرير وهوا بيبص علي ملامحها الي تقريبا نسته كل حاجه حصلت ومكنش بيفكر في حاجه غير انها معاه وطول مهيا جانبه بيبق حاسس انه ملك الكون… حاسس بآمان غريب وجودها طلع مهم اوي بالنسباله.. 

قمر كانت مكسوفه من نظراته الي طالت اوي عليها وهوا انتبه ليها وقرب منها وقال" انا نفسي اوي اخلف منك بنت وولد يكونوا شبهنا كدا الواد يكون هادي بس مش هادي والبنت تكون قمر وهيا قمرين..! 

قمر ابتسمت وهزت راسها بالموافقه وهوا سحبها عليه برومانسيه وقال" يبق توكلنا علي الله يا قلبي

...............

 في الشركة انتهي اليوم وخرج محمد من مكتبه وهوا بيحرك راسه بتعب ولاكنه ابتسم لما  لقي اتصال جاي من سهر.. 

فتح  المكالمه  بفرحه واول لما سمع صوتها غمض عينيه وقال" روح قلبي اللي وحشتني اوي .. 

سهر كانت ماسكه التيلفون ومتفاجئه بكلامه ولاكنها كانت مبسوطه لان قلبها كان بيدق جامد.. 

محمد كان مستني يسمع ردها ولاكنها كانت ساكته.. 

محمد بهمس" لو سمحتي يا انسه انا عايز خطيبتي هيا كانت ماسكه التيلفون من شويه ممكن تدوري عليها اصلي نفسي اسمع صوتها اوي.. 

سهر خجلت جدا ولاكنها ردت وقالت" انا موجوده علي فكره مفيش حد ماسك التيلفون غيري... 

محمد ابتسم وقال" الله اخيرا سمعت صوتك ' وحشتيني اوي يا سهوره! 

سهر  ضحكت علي الاسم الي بيدلعها بيه وقالت" كان نفسي أقولك انت كمان وحشتيني بس مينفعشي.. 

محمد ابتسم لانها قالت الكلمه ولاكن من غير توضيح فابتسم وقال" عامله ايه وخلصتي شغل ولا لسا.. 

سهر هزت راسها وقالت" انا الحمدلله كويسه وايوا انا  خلصت شغلي وفي طريقي للبيت.. 

محمد هز راسه وقال" طيب كويس يدوبك اجي اوصلك.. 

سهر ضحكت  علي كلامه وقالت" معلش بس توصلني فين دا البيت قدام المحل.؟

محمد ضحك وقال" مدا احلي حاجه يدوبك نتمشي خطوتين مش ممكن اقولك فيهم كلمة حلوه حتي او اسمعها منك .. 

سهر خجلت من كلامه  وبصت حواليها بتشوف لو في حد شايفها  وهيا بتكلمه .. 

محمد اتكلم وقال بهمس.. سكتي لي يا سهر .. لا انا عايز اسمع صوتك .. 

سهر ابتسمت وقالت.. " هواحنا ا لازم نتقابل علشان نقول كلام حلو يعني مينفعشي أقوله علي التليفون مثلا !!

محمد قال"  هو ينفع بس  انا لما اقابلك واقولك في وشك الكلام الحلو دا بيبق ليه متعه تانيه احسن ميت مرت لما اقوله من علي التلفون .. 

سهر هزت راسها  بإقتناع وقالت" خلاص ماشي اللي انت عايزه بس اهم حاجه انت كويس.. 

محمد هز راسه وقال" من خمس دقايق لأ بس دلوقت انا كويس اوي الحمد لله!! 

سهر ضحكت وقالت" ويا تري ايه الي تاعب حبيبي بالشكل دا .

محمد بص للتلفون بصدمه ورجع قال " اي دا هيا سهر هيا الي كانت بتكلمني حالا وقالت خبيبي!. 

سهر اطلقت ضحكه جميله وقالت" أيوا انا وفيها ايه لما أقولك حبيبي منت فعلا حبيبي وكلها يومين بس وهكون مراتك.. ؟ 

محمد هز راسه وقال" فعلا انتي صح  بس كلها يوم مش يومين.. 

سهر ضحكت وقالت" ايوا يوم بس انا عندي ليك سؤال معلش. ارجو الرد عليه سريعا . 

محمد هز راسه بابتسامته وقال " اتفضلي يا حبيبتي انتي تؤمري !! 

سهر ابتسمت وقال" هو انا فعلا همشي معاك بعد كتب الكتاب يعني  قصدي هروح بيتك زي قمركدا لما راحت بيت هادي..!

محمد هز راسه وقال" طبعا هاخدك بيتي بس متقلقيش انا هعملك احلي فرح في الدنيا بس انا بس مستني لما نظبط امور الشركه وهادي بنفسه الي هيحجزلنا القاعات..! 

سهر ابتسمت وقالت بحماس " طيب يا محمد طمنتني انا هقفل بق علشان انا وصلت البيت وطبعا هبق اكلمك بعدين.. 

محمد هز راسه وقال" طيب مع السلامه يا حبيبتي اهم حاجه خلي بالك من نفسك لان دا الاهم .! 

سهر ابتسمت وقالت" متقلقش نفسي في حمايتي ومحدش هيقدر يقربلها. 

محمد هز راسه وقال" اربعه وعشرين ساعه بس وهنتقاسم فيها مع بعض في الحمايه ف لو سمحتي انتي تخصيني بجد وعاوزك تخلي بالك من نفسك فعلا.. 

سهر قلبها فضل ينبض بشده من جمال كلامه ليها وابتسمت  وقالت" طيب بق انا هقفل مع السلامه!! 

محمد بابتسامه : " مع السلامه يا حبيبتي  

قفلت سهر المكالمه ودخلت بيتها ومحمد خرج من مكتبه وراح لمكتب عبدالله وهناك لقي سعيد قاعد جمبه.. 

محمد بصلهم وقال" خير يا رجالة وصلتو لايه..! 

سعيد قال وهوا بيشاورله يجي عندهم" وصلنا بمعلومات تودي ادهم وعزيز وكل عيلته في داهيه بس في حاجه صدمتنا بصراحة.. 

محمد باستغراب" حاجة اي تاني .. 

عبدالله بصله بحزن وقال " لقينا فيديو وحش جدا لساندي بنت خالة هادي وعزيز ابن ادهم. وهما في وضع مخل جداا!!! 

محمد بصلهم بصدمه وقال" بتتكلم بجد،، 

عبدالله وراله الفيديو ومحمد لف وشه وقال  بضيق "" استغفر الله العظيم واتوب اليه.. طيب يا عبدالله امسح الفيديو دا ملوش لازمه والمهم دلوقت انا عايزك تحفظ المعلومات دي كلها في اكتر من ملف وتعمل منهم كذا نسخه  للامان .. ولازم منقولش حاجه لهادي غير بكره انشاء الله!! 

الشباب هزو راسهم وقامو وعبدالله اخد اللاب توب وقال" هكمل شغل في البيت انشاء الله..؟ 

محمد هز راسه وقال" هادي سايبلنا عربيته التانيه تحت هنروح بيها ويلا بق علشان انا عاوز ارتاح..

سعيد هز راسه ومشي معاه  وعبدالله بعدما هما خرجوا قفل باب المكتب بتاعه بمفتاح ومشي وراهم.. 

وفي مكتب ساره كانت خلصت شغلها واخدت شنطتها وخرجت ولاكنها وقفت لما سمعت صوت واحد من رجالة الأمن بيوقفها وبيقول" أنسه ساره لو سمحتي اقفي ثانيه.. 

ساره هزت راسها ووقفت وهيا بتبصله بإستغراب.. رجل الامن دخل في مكان صغير كدا وخرج بعدها وهوا شايل بوكيه ورد كبير وبيقول" اتفضلي يا انسه ساره الورد دا علشانك .. ساره باستغراب" علشاني أنا.. 

الراجل هز راسه وقال بابتسامه" ايوا يا فندم اتفضلي!! 

ساره اخدت الورد وهيا بتبصله بإستغراب وبتقول" من مين الورد دا.؟ 

رجل الامن هز كتفه بعدم علم وهيا  هزت راسها وشكرته وبعدها اخدت الورد  ومشت وركبت عربيتها وهيا بتبص للورد باستغراب لحدما لما فتحته ولقت فيه رساله مكتوب فيها" انا اسف مكنش قصدي انزل دموع عينك.؟؟ 

بصت للرساله دي بصدمه وهيا بتقول" ميين دا !!! سالت نفسها باستغراب وقالت" اكيد مش هادي بيه الي بعتها ..لانه ببساطه ميعرفش اي حاجه عني ولا حتي عن مشاعري ليه .. يبق ميين !!!!!!

فضلت تكلم نفسها بصدمه وهيا مش عارفت الورد دا جايلها منين لحدما فجاه شافت عربيه سودا جمبها  وراكنه قصادها بالظبط بصتلها باستغراب وقالت" عربية مين دي.. 

فضلت تبص عليها وهيا مش عارفه مين صاحب العربيه  لحدما قررت انها هتتحرك وتبق تشوف مين اللي باعتلها الورد  بعدين " واول ما شغلت العربيه واتحركت ووقتها لاحظت ان  العربيه  التانيه اشتغلت.. 

ساره مشيت خطوتين لحدما بعدت عن الشركه ووقفت العربيه وقررت تعرف مين الي بيمشي وراها بس بحركه ذكيه.. 

غمضت عينيها ورجعت بالكرسي لورا وفضلت علي نفس الوضع دا دقايق لحدما لما حست ان في شخص بيقرب منها وبيفتح الباب علشان يطمن عليها.. 

وقفت ساره بسرعه وهيا بتبصله وبتقول" قفشتك!! 

سميح بصلها بصدمه وقال" انتي كويسه كنتي بتعملي ايه تحت.. 

ساره رفعت حاجبها وقالت" مستر سميح!!! قالتها بصدمه وكملت باستغراب "انا الي بعمل ايه ولا حضرتك اللي بتعمل ايه ورايا .؟

سميح هز راسه وقال" انا كنت ماشي عادي وفجاه لقيت العربيه واقفت فكرت حصلتلك حاجه.. 

ساره هزت راسها وقالت" متقلقش يا فندم انا كويسه بعد اذنك بس علشان اتاخرت  ولازم امشي.. 

سميح بص علي الورد اللي كانت حطاها في الكوسي اللي جمبها  وابتسم انها اخدته وبصلها وهز راسه وبعد عن العربيه وهيا بصتله بإستغراب ومشيت .. 

فضل واقف مكانه وهوا بيبص علي عربيتها وبيهمس بضيق" قفشتك يا غبي..!

قال كلامه وبعدها اتحرك وركب عربيته وساقها..!

وعند  ساره كانت بتضحك علي غبائة وقالت" معقوله خاف عليا..؟ 

قالت الكلمه بصدمه ورجعت  بصت لنفسها وقالت" هو كان خايف عليا وعلشان كدا جه يطمن اني كويسه؟.. 

بصت علي الورد وقالت " وهو برضوا الي بعتلي الورددا  علشان انا خبطت فيه النهارده لما كنت بعيط.. يبق هوا فكر انه هو الي خلاني اعيط لما خبطنا في بعض.. 

ابتسمت وهيا مش مصدقه ان في حد مهتم بيها او حتي فكر انه يصالحها بعدما عمل موقف معاها.. 

مسكت الورد شمته وهيا بتقول" ريحته حلوه اوي.! 

حطته جمبها وشغلت اغاني في العربيه وزودت السرعه واتحركت للبيت.. 

وسميح كان ماشي وراها ومتابع طريقيها بتركيز وهوا مش مستوعب انه كدا واقع في حبها..! 

______

وصلوا الشباب القصر واول ما دخلوا كانت ساندي ماسكه فنجان قهوه بتشربن وهيا حاطه رجل علي رجل بغرور..! 

الشباب بصوا لبعض باستغراب من حركتها وعدوا من جمبها وقعدو قدامها..! 

ساندي رفعت حاجبها بإستغراب وقالت" هو انتو بتعملو ايه هنا وليه قاعدين عادي كدا .. 

محمد وسعيد وعبدالله بصولها وقالو" احنا عايشين هنا بس انتي اللي بتعملي ايه هنا مش المفروض انكم سيبتوا القصر .. 

ساندي رجعت بضهرها لورا وقالت بنبره مليانه غرور.. دا بيت خالتو وانا ومامي رجعنا نعيش هنا انما انتو بق عايشين هنا ليه.. 

قالت كلمتها وهيا بتشاور عليهم بتقزز ولاكنهم قالو بسخريه" بيت صاحبنا واخونا ومتنسيش ان القصر اصلا بتاعه.. 

ساندي قالت بصدمه" يعني ايه القصر بتاعه!!! 

محمد بصلها بسخريه وقال" كل الاملاك دي كلها بتاع هادي لوحده! 

ساندي بصتله بصدمه ولاكنها حاولت تداري رد فعلها وقالت بعدم مبالاه" عادي وفيها ايه الف مبروك ليه..  وقفت وهيا ماسكه الفنجان بتاعها وقالت" بعد اذنكم انا هطلع لمامي!! 

الشباب هزو راسهم وهيا مشيت وهيا بتقول بهمس" كل الملاك بإسم هادي طيب ازاي دا..! 

ساندي طلعت علي السلم وهيا بتقول بفرحه" يبق انا ممكن العب علي الاتنين  في نفس الوقت !! 

قمر كانت نازله هيا وهادي علي السلم واول مشافت ساندي بصتلها بإستغراب من وجودها لانها عرفه انها مشيت هيا ومامتها علشان كانت هتتجوز من ابن ادوهم!!! 

ساندي  كانت بتبص عليها ومصدومه  وقالت وهيا بتبص علي هادي اللي ماسك ايديها " اي دا مش انتي البنت الي كانت في المنطقة العشوائية دي..! 

قمر بصتلها باستغراب من طريقتها السخيفه في الكلام وبصت لهادي واللي. رد عليها وقال" دي قمر مراتي يا ساندي وايوا هيا البنت الي قعدتك في بيتها انتي ومامتك .. 

ساندي رفعت حاجبها بصدمه  وهيا لسا بتشاور عليها بتقزز " انت اتجوزتها ؟؟؟ 

هادي بص لقمر بحب وابتسم وقال" ايوا قمربقت نراتي رسمي وقريب اوي هيكون عندما اطفال    !! 

ساندي بصتلها وقالت وهيا بتجز علي سنانها" الف مبروك ! 

قمر هزت راسها وقالت" الله يبارك فيكي يا حبيبتي عقبالك بما تتجوزي انتي كمان !! 

هاادي مسك قمر من وسطها وقال" يلا يا حبيبتي ننزل علشان ناكل وانتي يا ساندي اندهي علي شاهي وانزلو.. 

ساندي هزت راسها ومشيت وقمر نزلت مع هادي واول مشافت الشباب قالت بفرحه" عبدالله ،محمد ،سعيد!! 

الشباب ابتسموا لما شافوها وهادي كان ماسكها جدا من وسطها مانعه تروح لهم.. 

عبدالله فتح ايديه بفرحه وبيقول" قمر روح قلبي وحشتيني!! 

قمر كانت بتحاول تفك جسمها من هادي علشان تروحله ولاكن هادي الي حض"نه وقال" وانت كمان وحشتيني اوي يا عبدالله.. 

عبدالله بصله بصدمه وقال" لا انت موحشتنيش الي وحشتني صحيح قمر عروستنا الحلوه.. 

هادي مسكه من دراعها وقال" وانت فاكر اني هسيبها تحض"نك عادي كدا.. 

علدالله بصله باستغراب وقال" وفيها ايه دي قمر اختي.. 

هادي بابتسامه" دا كان زمان انما دلوقت هيا مراتي ومتحض"نش حد غيري.. 

قمر اتكسفت من كلامه وقربت من عبدالله ومدت ايديها وقالت" ازيك يا عبدالله عامل ايه ! 

عبدالله بابتسامه" الحمدلله يا روح عبدالله! 

هادي ضربه في بطنه جامد وعبدالله صرخ وقال بوجع" مش كويس يا قمر ابعدي جوزك عني!! 

قمر ضحكت عليهم وقربت من سعيد ومحمد وسلمت  عليهم وقالت" عاملين ايه يا شباب ليكو وحشه!! 

سعيد بضحك" وانتي كمان يا قمر وحشتيني!! 

محمد بص لسعيد بصدمه وبعدين الاتنين بصوا لهادي الي عيونه احمرت منوالغيره وهوبيبص لسعيد وبيتوعدله !! 

قمر انتبهت عليه وقربت منه وقالت بهمس" بيهزر يا حبيبي!! 

هادي بصلها وقالت" علشان خاطرك انتي بس! 

قمر ابتسمت وبعدها وصل احمد وهوا حاض"ن صافي وبيقول" العرسان نزلو اهو" 

هادي ابتسم  هو وقمر وقربوا منهم وسلموا عليهم" 

صافي همست لقمر وقالت" ها طمنيني طلع سبع ولا ضبع!! 

قمر ابتسمت علي كلمتها دي لانها كانت دايما بتسمعها من امهات العرايس فابتسمت ان صافي مهتمه بيها وسالنها سؤال الامهات.. 

هادي كان سامع كلمة صافي  وبص لقمر الي عيونها عليه  وكان وشها احمر وهيا بتهز راسها لصافي وبعدها هادي ضحك وقرب منها وقال" مش عيب يا صافي تقللي من قدرات ابنك !! 

صافي ضربته علي صدره وقربت من احمد وقالت" ابنك قليل الادب يا حج!! 

احمد ضحك علي كلمتها وقال" انا بقيت حج!! 

الشباب ضحكوا عليهم ولاكن اول مشافوا ساندي وشاهي نازلين كلو كشر واولهم هادي !!! بقلمي شيماء صبحي 🌸

يتبع 

رواية🌸قصيرة القامة طويلة اللسان🌸

انا اسفه علي التاخير اللي بيحصل بس انا حاليا مسافره وبحاول اني اكتب البارت علي مرتين ودا اللي بياخرني معلش يا حلوين اعذروني بس وانا لو عرفت اكتب بارت كمان هنزلوا النهارده😍

مجمع الرواية من هنا

رواية قصيرة القامه طويلة اللسان الفصل الخامس والعشرون 25 من هنا