رواية الهروب إلي المجهول الفصل الثالث 3 بقلم أروي عادل

#رواية / الهروب إلى المجهول

#الفصل الثالث

٠٠٠٠٠٠٠٠٠٠٠٠٠٠٠٠

صرخت إيلا و هى بدافع عن نفسها بكل قوتها

كما ظلوا الطفلين يصرخون هم مسكين فى قدم إيلا

و عندما رأى أحد الشباب مقومت إيلا أخرج سكين

من جيبه و قال

الشاب ٠٠٠١ تعالى معانا احسن ما أدبحلك العيال دى

إيلا ٠٠٠ ( بصراخ وخوف قالت) خلاص هجى معاكم بس سيب الولاد

ثم أقترب منها الشاب إللى ماسك السكين و قال

الشاب٠٠٠١ طيب ما كان من الأول بدل وجع القلب ده

عندها مسكت إيلا منه السكين بسرعة و جرحته فى يده

أستخبه الأطفال خلف إيلا ثم وجهت ايلا السكين عليهم وقالت

إيلا ٠٠٠ إللى هيقرب منى هقتلوا

الشاب٠٠٠٢ دى طلعت مجنونه

الشاب٠٠٠١ انتى عورتينى يا بنت ....

لم يكمل عبارته لان كان فيه ضوء قوى متوجه على عينه

كان ضوء كشاف سيارة . خرج من السيارة رجل و شاب يحمل حديده فى يده

لذلك أضطر الشباب للهروب داخل الحديقه

هنا أخدت أيلا نفس طويل و جلست على الأرض هى تحضن الطفلين و تبكى

الرجل الذى يبدو فى الخمسين من عمره وهو كامل

و الشاب هو أبنه فادى

هنا قال كامل

كامل ٠٠٠ بس يا بنتى أهدى. ايه بس إللى جابك هنا فى الوقت ده

لم ترد إيلا عليه أكتفت فقط بالبكاء

هنا خرجت سيدة هى زوجة كامل سميرة

سميرة٠٠٠ فادى هات أزازة الميه من العربية

فادى ٠٠٠ حاضر ....( جاب الماء) اتفضلى يا ماما

سميرة ٠٠٠ خدى يا بنتى أشربى

هنا قالت هى مازالت حضن الطفلين

إيلا ٠٠٠ أنا مش عارفه اشكركم ازاى انتم انقذتم حياتى و حياة ولادى

سميرة ٠٠٠ احنا معملناش غير الواجب يا بنتى

ممكن تبطلى عياط بقى

هنا رفعت إيلا رأسها .. عندما رأت سميرة وجه إيلا قالت

سميرة ٠٠٠ بسم الله . تبارك الله فى خلقه . ايه الجمال ده

كامل ٠٠٠ يلا قومى يا بنتى أوصلك لبيتك

إيلا ٠٠٠ متشكره ممكن توصلنى بس لأى فندق

سميرة ٠٠٠ هو انتى مش من هنا

إيلا ٠٠٠ لأ انا من القاهرة

كامل ٠٠٠ طيب مالكيش قرايب فى الغردقة

إيلا ٠٠٠ لاء ماليش

فادى ٠٠٠ آمال بتعملى ايه هنا

سكتت إيلا هى لا تعلم بماذا تجيب

لاحظت سميرة أرتباك إيلا من سؤال فادى لذلك قالت

سميرة ٠٠٠ فى ايه يا فادى هو تحقيق . انت مش شايف حالتها و حالة الولاد عامله ازاى

ساعدتها سميرة لكى تقف على قدميها و تركب السيارة هى و الطفلين أما فادى حمل الشنطه

ذهب كامل لأول فندق قابله

نزلت إيلا من السيارة توجهت إلى الفندق بعد ما اخدت الطفلين و شنطه هنا قالت سميرة

سميرة ٠٠٠ معلش يا كامل ممكن تروح معاها

كامل ٠٠٠ حاضر ياستى الحنينه

دخل كامل خلفها عندها سمع موظف الإستقبال يقول بأيلا

موظف الإستقبال ٠٠٠ أنا أسف ماينفعش أحجز لقاصر

..حضرتك ١٨ سنه تحت السن القانونى

إيلا ٠٠٠ طيب حتى لو لليله واحده

موظف الإستقبال ٠٠٠ أنا أسف يا فندم لازم يكون معاكى ولى أمرك

عندما أستدارت إيلا لتغادر رأت كامل أمامها ينظر لها بأستغراب عندها قالت إيلا

إيلا ٠٠٠ استاذ كامل حضرتك لسه هنا

كامل ٠٠٠ عندك ١٨ سنه و عندك طفلين مش غريبه

أرتبكت إيلا من سؤال كامل لكنها حاولت أن تكون طبيعيه لذلك قالت

إيلا ٠٠٠ عادى . حضرتك ماسمعتش عن الزواج المبكر

ثم خرجت من الفندق عندما رأتها سميرة خرجت من السيارة وقالت

سميرة ٠٠٠ طلعتى من الفندق ليه.. هو مافيش مكان فاضى ولا ايه

كامل ٠٠٠ لأ فيه بس المدام عندها ١٨ سنه يعنى قاصر

و ماينفعش حجز لقاصر

سميرة ٠٠٠ عندها ١٨ سنه ازاى.. الولاد ده مش أقل من ٣ سنين

إيلا ٠٠٠ لو سمحتم دى حاجة خاصه بيا . على عموم انا بشكركم على عملتوا معايا عن أذنكم

هنا مسك كامل أيد كريم و كارما وقال

كامل ٠٠٠ استنى عندك رايحه فين مش الأول أعرف انتى جايبه الولاد دول من فين

هنا صرخ كريم و كارما على إيلا

كريم ٠٠٠ ماما

كارما ٠٠٠ سيب ايدى عايزه ماما

نظره كامل للطفلين الذين ركضوا لحضن إيلا

إيلا ٠٠٠ كده وصل لحضرتك الرد من الأولاد. انا أمهم

سميرة ٠٠٠ واضح ان الأولاد متعلقين بيكى زى أمهم بس سنك صغير على انك تكونى أم ليهم

إيلا ٠٠٠ بس انا أمهم دى حقيقه

كامل ٠٠٠ يبقى اشوف شهادة ميلاد الأولاد. أما نروح قسم الشرطة هم هناك يقولوا دول ولادك ولا لاء

أترعبت إيلا من كلام كامل

ثم فتحت الشنطه و طلعت منها شهادة ميلاد الأولاد

عندما قرأ كامل الشهادتين قال

كامل٠٠٠ بس اسم الأم إلين و انتى إيلا

إيلا ٠٠٠ أيوه لانهم ولاد أختى

سميرة ٠٠٠ وأختك فين

إيلا ٠٠٠ ماتت

ثم طلعت شهادة وفاة بتاعت إلين

سميرة ٠٠٠ لا حول ولا قوة إلا بالله

كامل ٠٠٠ أمال أبوهم فين

إيلا ٠٠٠ ( قالت كاذبة) أبوهم طلق أمهم من زمان انا معرفش عنه حاجة

سميرة ٠٠٠ طيب انتى جايه بيهم الغردقة ليه

إيلا ٠٠٠ قولت أشوف شغل هنا عشان اقدر اصرف عليهم

كامل ٠٠٠ معلش يابنتى متزعليش منى انى شكيت فيكى .

إيلا ٠٠٠ لا ولا يهمك ممكن امشى بقى

سميرة٠٠٠ هتروحى فين الساعة قربت على ١٢ . كمان مافيش فندق هيقبلك.. تعالى معانا لليلة دى و بكرة يحلها ربنا من عنده

إيلا ٠٠٠ لأ لأ متشكره انا هتصرف

كامل ٠٠٠ أسمعى الكلام . احنا بردوا مش هنقدر نسيبك كده فى الشارع

سميرة ٠٠٠ يلا يابنتى

مشيت إيلا مع كامل و مراته إلى انا وصلوا لعمارة كبيرة

■■■■■■○○○○○■■■■■■■■

داخل شقة كامل

سميرة ٠٠٠ اتفضلى يا إيلا

كامل٠٠٠ فادى خد شنط إيلا و دخلها أوضت أختك لبنى ٠٠٠ شنط مين إللى تدخل أوضتى....أيه ده هو احنا عندنا ضيوف.. مين الحلوه دى يا ماما

سميرة ٠٠٠ لبنى اعرفك بأيلا

لبنى ٠٠٠ أهلآ يا إيلا ....

هزت إيلا رأسها للبنى

لبنى ٠٠٠ ايه هو الحلو ما بيكملش .. هى ما بتتكلمش

سميرة ٠٠٠ بتتكلم بس هى جايه من سافر و تعبان فياريت تبطلى رغى كتير.. و تاخدى إيلا هى و الاولاد على الاوضتك يرتاحوا شويه

لبنى ٠٠٠ أيه ده مين القطاقيط دول

إيلا ٠٠٠ ولادى

لبنى ٠٠٠ بتهزرى انتى لسه صغيره

سميرة ٠٠٠ لبنى بطلى كلام

لبنى ٠٠٠ حاضر ..

ثم اخدت لبنى إيلا و الطفلين على غرفتها لم تنطق إيلا بولا كلمة أكتفت فقط بأنها تنام و الطفلين فى حضنها

■■■■■■○○○○○■■■■■■■■

فى الصباح اليوم التالى

لبنى ٠٠٠ حمزه . حمزه تعالى لما اقولك

حمزة ٠٠٠ خير يا رويترز

لبنى٠٠٠ عندنا ضيوف

حمزة ٠٠٠ مين دول انا اعرفهم

لبنى٠٠٠ لاء دى واحده معرفهاش

حمزة٠٠٠ حلوه

لبنى ٠٠٠ قمر . صاروخ أرض جو

حمزة ٠٠٠ لدرجدى

لبنى ٠٠٠ بقولك صاروخ يابنى .. بس معاها عيلين

حمزة ٠٠٠ تبكى كبيرة

لبنى ٠٠٠ شكلها أصغر منى

فادى ٠٠٠ بتتوشوشوا على ايه على الصباح

لبنى ٠٠٠ على الضيفه

فادى٠٠٠ أيلا

حمزة٠٠٠ انتى شوفتها

فادى ٠٠٠ اه شوفتها . انا كنت مع ماما و بابا لما قابلنها

حمزة ٠٠٠ هى حلوه زى ما لبنى بتقول

فادى ٠٠٠ بصراحه هى جامده طحن

لبنى ٠٠٠ طيب احكلنا قابلتها ازاى

هنا حكى فادى على كل شئ

لبنى ٠٠٠ أنا قولت بردوا دول أكيد مش ولادها

هنا دخل كامل و سميرة من باب الشقة

سميرة ٠٠٠ صباح الخير .. متجمعين عند النبى

لبنى ٠٠٠ صباح الفل على عيون القمر

حمزة ٠٠٠ انتم كنتم فين على الصبح كده

كامل ٠٠٠ كن بنكلم السمسار على شقه أيجار

حمزة ٠٠٠ ايه ناوين تسيبونا و تعزلوا من الشقه

سميرة ٠٠٠ لأ يا ابو لسانين ده عشان إيلا

حمزة ٠٠٠ دى الضيفه إللى عندنا مش كده

هنا خرجت إيلا من الغرفة وقالت

إيلا ٠٠٠ صباح الخير

هنا انبار حمزة من جمالها وقال

حمزة ٠٠٠ الله مصلى على النبى ... قصدى صباح الجمال . لا صباح الخير

إيلا ٠٠٠ ( بأرتباك من كلام حمزة قالت) لو سمحتم كارما عايزه تدخل الحمام

سميرة ٠٠٠ لبنى روحى مع إيلا

لبنى ٠٠٠ حاضر

بعد ما حضرت سميرة الفطار الكل على مائدة الطعام

هنا قالت سميرة

سميرة٠٠٠ إيلا احنا كلمنا سمسار يشوفلك شقه أيجار

إيلا ٠٠٠ ياريت بس يكون أيجارها بسيط

لبنى ٠٠٠ صح يا ماما . أميرة كانت بتدور على واحد تسكن معاها عشان تشيل معاها فى الإيجار

حمزة ٠٠٠ بس الشقه دى ساكن فيها ٣ بنات

نظرت لبنى لحمزة بخبث وقالت

لبنى ٠٠٠ وانت عرفت ازاى انهم ٣ بنات

حمزة ٠٠٠( بأرتباك قال) عادى مش ساكنين معانا فى نفس العماره

سميرة٠٠٠ سيبكم من الكلام ده

لبنى ٠٠٠ لسه من يومين أميرة قالتلى انها عايزه واحده كمان تسكن معاهم عشان تشيل معاهم فى الإيجار

إيلا ٠٠٠ ياريت ده هيكون أوفر بكتير من أنى اخد شقة لوحدى .. ياريت نروح نشوفها دلوقتى

هنا قال حمزة بسرعة دون أن يشعر

حمزة ٠٠٠ مستعجله ليه ما أنتى قاعده معانا شويه

شعرت إيلا بأحراج من كلام حمزة

هنا قالت سميرة لحمزة هى تنظر له بتحذير

سميرة ٠٠٠ ياريت تقوم تروح شغولك عشان انت اتأخرت مش كده

حمزة ٠٠٠ أه صح انا اتأخرت( ثم غادر)

سميرة٠٠٠ يلا يا إيلا نروح نشوف أميره

إيلا ٠٠٠ هو المكان بعيد عن هنا

لبنى ٠٠٠ بعيد ايه ده الشقه إللى جانبنا

■■■■■■■○○○○○■■■■■■■

فى شقة أمير و صديقتها

أميرة ٠٠٠ اتفضلى يا طنط سميرة

سميرة ٠٠٠ عامله ايه يا أميرة .. ايه شمسك غايبه ليه اليومين دول

أميرة ٠٠٠ معلش والله يا طنط عندنا ضغط فى الشغل انتى عارفه موسم الصيف بقى

سميرة ٠٠٠ اه صح معرفتكيش.. إيلا

أميرة ٠٠٠ أهلآ وسهلآ

سميرة ٠٠٠ أميرة لبنى قالتلى انك عامل اعلان عشان عايزه بنت تانى تسكن معاكى فى السقه

أميرة ٠٠٠ أه صح . صاحب الشقه على علينا الإيجار عشان كده كنا هنشوف واحده رابعه معانا

سميرة ٠٠٠ طيب ايه رأيك فى إيلا .هى بتدور على مكان تسكن فيه

أميرة ٠٠٠ بس للأسف فى واحده كلمتنى امبارح و جايه النهاردة عشان تتفق معايا

سميرة ٠٠٠ يعنى هتكسفينى يا أميرة. ده انا قولت لأيلا انك مش هترفضى ليا طلب

أميرة ٠٠٠ خلاص يا طنط إللى انتى تأمرى بيه

إيلا ٠٠٠ بس لازم تعرفى انى مش لوحدى معايا طفلين ولادى

أميرة ٠٠٠ أنتى عايزه تقوليلى انك عندك ولاد

إيلا ٠٠٠ أه معايا كريم و كارما عندهم ٣ سنين

أمير ٠٠٠ بس كده الموضوع مختلف

سميرة ٠٠٠ ولا مختلف ولا حاجة دول ولاد زى النسمه

مش هتحسى بيهم

أميرة ٠٠٠ واللهى يا طنط انا عشان خاطرك موافقه

بس لازم اخد رأى البنات

سميرة ٠٠٠ طيب خير البر عاجله .. أدخلى أسأليهم دلوقتى

أميرة ٠٠٠ حاضر يا طنط

ذهبت أميرة لتسأل أصدقائها..بعد عشر دقائق خرجت أميرة معاها ياسمين و رقية

سميرة٠٠٠ خير يا بنات قولتوا ايه

ياسمين ٠٠٠ أحنا موافقين عشان خاطرك انتى

بس يا طنط سميرة .. بس بشرط تعملى لينا صينية مكرونة بالبشامل

إيلا ٠٠٠ اذا كان على المكرونة اعملها ليكم انا

أميرة ٠٠٠ كويس يعنى بتعرفى تطبخى

إيلا ٠٠٠ يعنى على أدى

رقية ٠٠٠ بس ايه الحلوه دى . هو انتى أهلك كانه بيرضعوكى ايه

أتكسفت أيلا من كلام رقية

ياسمين ٠٠٠ ألحقى دى بتتكسف .. ايه يا بنتى هو فى حد بيتكسف فى الزمان

■■■■■□□□□□■■■■■■■■■■

نبذه عن الشخصيات التى ظهرت فى الروايه

كامل ٥٠ عام محاسب فى إحدى الشركات

سميرة ٤٦ عام ربة منزل

حمزه ٢٤ عام شغال فى السياحه

فادى ٢١ عام كلية حقوق

لبنى ١٩ عام سياحه و فنادق

أميرة ٢٥ عام بتشتغل فى خدمة تنظيف الغرف أو روم سيرفس فى أكبر فندق فى الغردقه

رقيه ٢٣ عام بتشتغل نادله فى نفس الفندق

ياسمين ٠٠ ٢٢ شغاله فى المطبخ فى نفس الفندق

■■■■■■■□□□□□■■■■■■■

فى القاهرة

منزل كوثر

عمار ٠٠٠ انطق بقولك . انتى أكيد عارف هى راحت فين

جلال ٠٠٠ هى مين

عمار٠٠٠ انت هتستعبط . انطق قول إيلا فين

جلال ٠٠٠ إيلا بنتى هى فين . و إلين فين ..بناتى فين

كوثر ٠٠٠ سيبك منه هو مش حاسس بحاجة

عمار٠٠٠ اقسم بالله ما هسيبها بس القيها و آنا هخنقها بأيدى

كوثر ٠٠٠ دى واحده حراميه سرقت فلوسى

عمار ٠٠٠ هو ده إللى فارق معاكى فلوسك و آنا سمعتى إللى بقت فى الأرض بعد ما الكل عرف انى هتجوزها

كوثر ٠٠٠ بكره الناس تنسا

عمار ٠٠٠ هو انا هستنا لبكرة انا هقلب الدنيا عليها لحاد ما ألقيها ساعتها ماحدتش هيرحمه منى

كوثر ٠٠٠ ريح دماغك البوليس بيدور عليها . انا بلغت عنها

عمار٠٠٠ بلغت عنها . عشان خطفت ولادى

كوثر٠٠٠لأ ياروح أمكم عشان سرقت فلوسى ٢٥ الف جنية الظابط قالى انهم هيقبضوا عليها خلال يومين

عمار٠٠٠ ليه بس كده

كوثر ٠٠٠ أيه هتحن يا كبدى

عمار٠٠٠ لا بس عايزها تقع تحت ايدى انا الأول ...

انا خارج

كوثر ٠٠٠ رايح فين

عمار ٠٠٠ هقلب الدنيا.. مش راجع غير لما ألقيها

■■■■■■□□□□□□■■■■■■■

بعد مرور شهر

فى المنزل أميرة بالغردقة

أميرة ٠٠٠ أنا مش عارفه عايزه تشتغلى ليه .. قولتلك خليكى انتى تعملى البيت و الأكل و اهنا هنشتغل

إيلا ٠٠٠ خادمة يعنى

ياسمين ٠٠٠ أنتى ليه شايفها كده

إيلا ٠٠٠ عشان هى كده .. بعدين انتم ناسين أن عندى ولاد و ليهم طلبات . لازم اشتغل عشان اعرف اصرف عليهم

رقية ٠٠٠ بصراحة يا إيلا احنا خدنا على نظافة البيت و الأكل الحلو .. ليه عايزه ترجعينا للهمجيه تانى

إيلا ٠٠٠ بصوا بقى انا مش عايزه وجع دماغ .و يكون فى علمكم ده اخر يوم هطبخ فيه ليكم

أميرة ٠٠٠ خلاص خلاص .. انا هكلم بكرة المشرف مستر جمال يشوف ليكى شغل معانا

ياسمين ٠٠ ايه رأيك تشتغلى معايا

إيلا ٠٠٠ لا انا عايزه اشتغل مع أميرة

رقيه ٠٠٠ روم سيرفس تصدقى انتى غاويه فقر انتى بجمالك ممكن .....

قطعت إيلا عبارتها وقالت

إيلا ٠٠٠ أنا عايزه اشتغل و اكسب فلوس من عرق جبينى و بشرفى .. مش عايزه اتاجر بشكلى

رقية ٠٠٠ على فكره انا ماكنتش اقصد انك تعملى حاجه غلط

حبت تغير الموضوع

أميرة ٠٠٠ إيلا انا كلمت مستر جمال و عايز يشوفك بكره

إيلا ٠٠٠ تمام

■■■■■■■○○○○○■■■■■■■

لتسريع الأحداث

بعد مرور ثلاثة سنوات

أصبحت إيلا فى عمر ٢١ عام

أشتغلت إيلا روم سيرفس فى نفس الفندق مع أميرة و ياسمين و رقية

اختارت إيلا انها تعمل فى خدمة تنظيف الغرف لتبتعد عن نظرات نزلاء الفندق التى كانت تأكل جسدها عندما كانوا ينظرون إليها

خلال هذه الفترة تعرضت إيلا لكثير من مدايقات

و سخافات من بعض نزلاء الفندق كما كان يوصل الأمر من بعضهم النزلاء لتحرش بها لكنها كانت بتردهم بكل قوة و صلابه .. وفي منهم من كان يريد أن يتزوج منها عرفى و فى من كان يريد أن يتزوجها رسمى .لكنها كانت بترفض أي ارتباط من أى نوع

برغم ذلك لم تهمل دراستها انها فى كلية إلسن

==================

فى الفندق

أميرة ٠٠٠ إيلا روحى نضفى جناح ٩ هو فاضى دلوقتى

إيلا ٠٠٠ تمام رايحه

اخدت إيلا العربه التى بها المفروشات النظيفه و أدوات التنظيف و ذهبت إلى جناح ٩

عندما كانت تفتح باب الجناح ٩ .كانت توجد بنت خارجه من الجناح لبسه ملابس فاضحه

هنا قالت إيلا

إيلا ٠٠٠ أستغفر الله العظيم .. يارب توب عليا من الأشكال دى

ثم دخلت الجناح و بدأت فى تغير ملايات السرير

ثم دخلت الحمام لتنظيفوا

وهنا صرخت إيلا بعد ما سمعت صوت فجأة خلفها يقول