رواية الهروب إلي المجهول الفصل الثامن 8 بقلم أروي عادل
اتسعت عينيها عندما قرئت محتوى الورقه
وهنا شهقت بصدمه وهى لا تصدق ما تقرأ عينيها
ثم قالت بقهر
إيلا ٠٠٠ لاء لاء مستحيل الورقة دى مزوره. مش هى دى الورقة إللى انا وقعت عليها
ثم قامت بتمزيق الورقه
عمر ٠٠٠ على فكره دى مجرد صورة أنما الأصل فى الحفظ و الصون
إيلا ٠٠٠ كده فهمت انت أستغلت أنى كنت محتاجة فلوس و اتفقت مع الكلب إللى اسمه جمال انه يخلينى
أمضى الورقه دى ... وانا زى الغبيه مضيت. من غير ما أقرأ المكتوب في الورقة
صفق عمر و هو يضحك بخبث و يقول بسخريه
عمر٠٠٠ برافو عليكى 👏 هو ده بالظبط إللى حصل
إيلا ٠٠٠بس انتم ضحكتوا عليا ..و أنا هوديكم فى ستين داهيه
عمر ٠٠٠ أسمعى ياريت تتقبلى الوضع بسرعة
على الأقل عشان نوفر وقت و جهد و وجع دماغ مالهوش لازم
إيلا ٠٠٠ لو كنت فاكر ان بالورقة هتقدر تلمسنى تبقى جعبيط .
مسكها من معصمها بقوة و قال
عمر ٠٠٠ هو أهلك مش علموكى لما تتكلمى مع جوزك تتكلمى بأدب
إيلا ٠٠٠ جوز مين انت هتكدب الكدبه
و تصدقها. كمان
عمر ٠٠٠ خلاص مش معترفه بالجواز ده اطلبى الطلاق و ساعتها المفروض تدفعيلى ٥ مليون جنيه لان مكتوب فى الورقة عندى فى حالة...انك رافضتى تنفيذ أى طلب انا أطلبو منك.. أو طلبتى الطلاق خلال سنه المفروض تدفعى ليا الشرط الجزائى وهو ٥ مليون
ضحكت إيلا بسخريه
إيلا٠٠٠ لا أنت مش طبيعى .انا شايفه انك تروح تكشف على قواك العقلية ..
لان مافيش حاجة اسمها كده أصلآ
عمر ٠٠٠ العقد شريعة المتعاقدين . وانتى لازم تلتزمى بالمكتوب فى الورقة .
إيلا ٠٠٠ الورقه دى بلها و أشرب ميتها.. لانها مالهاش أى لازمة . لأن من شرط من شروط الجواز هو القبول بين الطرفين و آنا موفقتش على جواز منك. و مستحيل أوافق
أقترب منها و فجأة حملها .. صرخت إيلا و هى بتحاول الافلات منه. لكنه لم يهتم بصراخها ثم ألقى بيها على الفراش .
ثم أعتلاها . و كانت إيلا بتحاول تضربه على صدره وهى تصرخ لكى يبتعد عنها لكنه كان ثابت لم يتزحزح من مكان.. ثم ثبت يديها الاثنين بيده حتى يمنع مقاومتها له
ثم نظر فى عينيها التى سحرته من أول مره رأها
و قال
عمر٠٠٠ دلوقتى انتى تحت أيدى ممكن أعمل فيكى. إللى أنا عايزه .. بس متخافيش انا مش هعمل كده عارفه ليه .. لان انا عايزك بمزاجك لانى متعودتش أخد واحده غصب عنها
ثم غرز أنفه فى عنقها ليستنشق عبيرها.
هنا شهقت إيلا يخضة شعرت بأن روحها تهرب منها
و قبل ما تستوعب ما حدث قال عمر
عمر ٠٠٠ بعشق ريحتك.. دلوقتى لو خايفه على نفسك قومى امشى بسرعة. لانى ماسك نفسى بالعافيه عنك
قامت بسرعة من على الفراش و ركضت للخارج الجناح هنا أبتسم عمر وقال
عمر ٠٠٠ لأمتى هتفضلى تقاومى
ركضت حتى وصلت لغرفة خدمة الغرف هى بالكاد. تحملها قدميها . هى تتنفس بصعوبه
و عندما رأتها أميرة
أميرة٠٠٠ فى ايه اوعى تقوليلى عمر تانى
إيلا ٠٠٠هو مش ناوى يسبنى فى. حالى
أميرة ٠٠٠ لاء كده بقى كتير .. عمل ايه المردى
إيلا ٠٠٠ ضحك عليا و اتفق مع الزفت جمال
و خلونى أمضى على ورقه جواز عرفى
شهقت أميرة بذهول عندما سمعت ما قالت إيلا
أميرة ٠٠٠ لاء واحدة واحده و فهمينى ايه موضوع ورقة الجواز دى
حكت إيلا كل شئ خاص بالورقة و الخدعه الذى قامه بيها عمر و جمال حتى تقوم بتوقيع على الورقه
قالت أميرة و هى مصدومه من ما حدث
أميرة ٠٠٠ . الله يخربيتك يا إيلا انتى ازاى تمضى على ورقه من غير ماتشوفى ايه المكتوب فيها .
يا نهار أسود ٥ مليون حته واحده
إيلا ٠٠٠ هو ده كل إللى همك ٥ مليون . ونسيتى انه معاه ورقة بتقول ان احنا متجوزين
أميرة ٠٠٠ ماتتجوزى ولا تتنيلى مش مهم. المهم دلوقتى هو ممكن يطلب الشرط الجزائى ده
إيلا ٠٠٠ آه. لو طلبت الطلاق. و ......
قطعت أميرة عبارتها وقالت
أميرة ٠٠٠ طلاق ايه بعد الشر . مافيش الكلام ده .صح انتى مش هتطلبى الطلاق مش كده
إيلا ٠٠٠ أميرة فى ايه هى هبت منك ولا أيه. انا أساسآ مش معترفه بالجواز ده
أميرة ٠٠٠ ياختى اتنيلى انتى تطولى تكونى مرات عمر القاضى ده يبقى طاقة القدر أتفتحتلك .
إيلا ٠٠٠ أنتى بتقولى ايه
أميرة ٠٠٠ إللى انتى سمعتى . وافقى يا إيلا. عمر ده منبع فلوس ملهاش أول من أخر . هيحققلك كل إللى بتحلمى بيه.. و يرحمك من بهدلة و قرف الشغل .
و ترتاحي بقى من عيون و ألسنة الزبائن الفندق إللى مبترحمش
إيلا ٠٠٠ أنتى عايزانى أوافق انى اتجوز بطريقه دى
أميرة ٠٠٠ لو موضوع الورقه مدايقك. خلاص اطلبى منه يتجوزك رسمى . و صدقينى هيوافق
إيلا ٠٠٠ إيه اللى مخليكى متأكده كده
أميرة ٠٠ لأن عمر القاضى خلاص حطك فى دماغه ..و هيعمل اي حاجة تقوليله عليها عشان تبقى ملكه و بتاعته .. وانتى
و شطرتك بقى تستغلى الموضوع ده
لصالحك
سكتت إيلا وهى تفكر فى كلام أميرة
أميرة ٠٠٠ صدقينى يا إيلا الموضوع مش محتاج تفكير . عمر هياخدك هياخدك .. طالما حطك فى دماغه مش هيسيبك . يبقى فكرى
. تطلعى من الحوار ده كسبانه
فكرت آيلا كثير فى كلام أميرة
■■■■■■○○○○○○■■■■■■
فى المساء فى منزل الفتيات
===================
حكت إيلا للبنى كل ما حدث مع عمر و كلام أميرة لها
لبنى ٠٠٠ اوعى تقوليلى انتى موافقه على كلام أميرة
إيلا ٠٠٠ و ليه لاء
لبنى ٠٠٠ بس ده مش تفكيرك انتى مش كده
إيلا ٠٠٠ يعنى القيم و المبادئ و الأخلاق عملتلى ايه ما أنتى عارفه كل حاجة. انا من عشر ايام كنت بعيط ليكم هنا عشان ماكنتش لاقيه فلوس اعمل عملية لكريم... على أقل لو اتجوزت عمر هضمن انى مش هتعرض للموقف ده تانى
لبنى ٠٠٠ أنتى فاكره بالورقة إللى معاه دى انتى كده بقيتى مراته
إيلا ٠٠٠ لأ انا هطلب منه يتجوزنى رسمى
لبنى ٠٠٠ حتى لو وافق انه يتجوزك رسمى .بس ده هيبقى جواز متعه.فاهمه يعنى ايه جواز متعه
.ده غير كده انه اول ما هيزهق منك هيطلقك
و يرميكى
إيلا ٠٠٠ فاهمه و عارفه كل إللى بتقولى عليه . عشان كده انا هطلب منه يأمن ليا مستقبلى
لبنى ٠٠٠ و شكلك قدام الناس لما تطلقى بعد شهر ولا شهرين من الجواز
قالت إيلا بسخريه
إيلا ٠٠٠ ايه خايفه عليا اخد لقب مطلقة .. ولا انتى ناسيه ان الناس كل هنا فكرانى انى مطلقه فعلآ... يعنى عادى انا متعوده على القب ده
لبنى ٠٠٠ شكلك اخده قرر و مصممه عليه
إيلا ٠٠٠ كده كده عمر القاضى مش هيسبنى فى حالى.. بعدين انا معنديش رفاهية الأختيار. لازم أوافق عليه برضايا أو غصب عنى .
لبنى ٠٠٠ رغم انى مش موافقه على إللى انتى ناوى تعملى . بس عذراكى و عارفه انك
مجبوره تعملى كده
■■■■■■■○○○○○■■■■■■■
اليوم التالى
فى الفندق
==========
إيلا أخذت نفس طويل و هى واقفه أمام الباب الجناح ثم طرقت على الباب .. فتح عمر الباب
نظر إليها. وهو مستغرب من وجودها ثم قال بدهشه
عمر ٠٠٠ أوعى تقولى انك جايه تنضفى الجناح
إيلا ٠٠٠أكيد لاء انا جايه اتكلم معاك
عمر ٠٠٠ أدخلى نتكلم جوه
قالت إيلا بقلق
إيلا ٠٠٠ لاء انا هتكلم و آنا واقفه مكانى
عمر ٠٠٠ أدخلى متخافيش مش هعملك حاجة
إيلا ٠٠٠ و مين قالك انى خايفه . انا بس مستعجله ومش فاضيه
عمر ٠٠٠ و دخولك جوه هو إللى هيعطلك
إيلا ٠٠٠ لو سمحت ممكن تسيبنى اقول الكلمتين إللى عندى
عمر ٠٠٠ اتفضلى
آيلا٠٠٠ ( بأرتباك قال) بص انا فكرت فى كلامك كويس عشان كده بقولك انا موافقه على كل الموجود فى الورقة .. بس انا عندى ٣ شروط لو وافقت على شروطى يبقى تمام لو مش موافق يبقى تسيبنى فى حالى و تبعد عنى
عمر٠٠٠ (بأستغراب) و ايه هى بقى الشروط دى
إيلا ٠٠٠أول شرط الجواز يكون رسمى على أيد مأذون لأنى مش بعترف بأى جواز غير الجواز الرسمى
تانى شرط عايزه شقة و عربيه بأسمى .. أكيد من حقى أامن نفسى منك. و ده مش عيب
و حرام خصوصآ أنا عارفه ان الجوز بينا مش هيدوم كتير
عمر ٠٠٠ ليه مش يمكن تعجبينى و اكم....
اتكلمت إيلا قبل ان يكمل عبارته
إيلا ٠٠٠ سيبنى اكمل لو سمحت.. فاضل الشرط الأخير ده أهم شرط.. ولادى هيبقوا معايا ..يعنى لو عايزنى يبقى انا و ولادى غير كده لاء ..
عمر ٠٠٠ خلصتى شروطك
إيلا ٠٠٠ آه خلاص
عمر ٠٠٠ قوليلى انا ايه إللى يخلينى أوافق على الهبل بتاعك ده .. مع انى معايا ورقة بتقول انك مراتى و كمان ملزمة تنفيذى كل طلباتى
إيلا ٠٠٠ أنا إللى عندى قولته.. موافق تمام
مش موافق براحتك .. فكر
ثم تركته و انصرفت من أمامه دون انتظار اي رد منه
ظل عمر يفكر كثير فى كلام إيلا .و هو يعلم جيدآ انها لن تتنازل عن أى شرط من شروطها
.بالنسبال عمر الشرط الوحيد الصعب هو الزواج الرسمى
و لأن فكرت حصوله على آيلا و أمتلكها كانت مسيطره على كيان عمر لذلك سأل عمر نفسه
هل هو فعلآ يريدها لدرجة انه مستعد أن يتزوجها رسمى
بعد تفكير طويل قرر عمل ماذا سيفعل
<><><><><><><><><><><><><><><><><><>
فى مطعم الخاص بالفندق
================
يجلس عمر يتناول الغداء و يتحدث مع مروان صديقة و بصفته ايضآ المحامى الخاصة لعمر
بعد قال له عمر ما القرار الذى اتخذه بخصوص إيلا
عمر ٠٠٠ ياريت تنفذ إللى انا قولتلك عليه خلال ساعة
تكون جاهز . ومش عايز مخلوق يعرف حاجة بالموضوع ده فاهم
مروان ٠٠٠ عمر انت بتتكلم بجد ولا بتهزر
عمر ٠٠٠ و ايه الهزار فى إللى انا بقوله
مروان ٠٠٠ يعنى انت ناوى تتجوزها رسمى بجد
عمر ٠٠٠ أه ناوى اتجوزها رسمى
مروان ٠٠٠ تبقى اتجننت . انت عارف انت مين و هى مين ده غير انها كانت متجوزه وعندها ولاد
عمر٠٠٠ انت ليه مكبر الموضوع أوى كده انت عارف انه الجوز ده لفترة مؤقته و هطلقها
و كل واحد هيروح لحاله
مروان٠٠٠ عمر ده جواز مش لعبه . و خصوصآ انه جواز رسمى يعنى هيكون ليها حقوق
و واجبات حتى لو طلقتها.. طيب مافكرتش افرض خلفت هتعمل ايه
عمر ٠٠٠ متخافش انا حاسب حساب كل حاجة. اعمل انت بس إللى انا قولتلك عليه
مروان٠٠٠ أنا مش عارف هى تفرق ايه عن غيرها
عمر ٠٠٠ تفرق كتييير .. إيلا مش شبه حد فيها حاجة زى المغناطيس بتجذبنى ليها... ده غير ان مافيش واحده قدرت تتحدانى
و تقف قدامى غيرها . نفسى
اكسر مناخيرها إللى حطها فى السما . لازم
تفهم و تعرف ان مافيش واحده تقول لعمر القاضى لاء
مروان ٠٠٠ منين عايزها و منين عايز تكسرها.
تعرف انا خايف عليك من البنت دى
قال عمر بسخرية
عمر٠٠٠ ههههه . ايه ده انت بتغير عليا ولا ايه يا حلوه
مروان ٠٠٠ بتهزر تمام .. بس ابقى حاسب على قلبك يا صاحبى .
عمر ٠٠٠ يلا قوم نفذ إللى قولتهولك و بطل
حكم و مواعظ اللى مالهاش لازمه دى
إنصرف مروان لينفذ ما أمره به عمر
هنا عمر طلب من جمال أن يأتى بإيلا
بالفعل بعد عشر دقايق جاءه جمال و معاه إيلا
عمر٠٠٠ جمال روح انت
انصرف جمال وهنا نظرة عمر لإيلا و قال
عمر ٠٠٠ أقعدى
إيلا ٠٠٠ خير عايزنى ليه
عمر ٠٠٠ أقعدى الأول. ولا هنتكلم و انتى واقفه هنا بردوا
جلست إيلا قم قال
إيلا ٠٠٠ نعم عايز تقول ايه
عمر ٠٠٠ أنا موافق على شروطك كلها
شعرت أيلا بضيق كأنها كانت بتتمنا انه يرفض
عمر٠٠٠ مالك كأنك أديقتى. ايه كنتى عايزانى أرفض
إيلا ٠٠٠ لاء بس ماكنتش متخيله انك هتوافق بسرعة كده
عمر ٠٠٠ اه تمام . بس زى ما انتى كان ليكى ٣ شروط انا كمان عندى ٣ شروط
إيلا ٠٠٠ شروط ايه دى كمان
عمر ٠٠٠ أول حاجة جوازنا هيكون فى السر محدتش هيعرف عنه حاجة...ثانيآ مالكيش أي علاقة باللى انا بعملوا . يعنى اخرج ادخل اسهر . يعنى ببساطه كده
ما تدخليش فى حياتى ... ثالثآ خلفه لاء . لو حصل حمل حتى بالغلط ينزل فورآ ده موضوع غير قابل للنقاش . فاهمه
دون أن تفكر إيلا بماذا ورطت نفسها قالت
إيلا ٠٠٠ موافقه
عمر ٠٠٠ يبقى تعالى معايا
إيلا ٠٠٠ فين
عمر ٠٠٠ هتعرفي لما نوصل
ثم انصرف و إيلا خلفه حتى وصل لسيارته ثم قال
عمر ٠٠٠ اركبى
إيلا ٠٠٠ ( بتوتر قالت ) هتاخدنى على فين
عمر ٠٠٠ متخافيش مش هكلك
صعدت إيلا السيارة و هى مش فاهمه حاجة
عندما وصلوا أمام عماره فخمه نزل عمر من السيارة ثم نزلت إيلا خلفه
و هنا أمرها عمر بدخول العمارة معاه لذلك قالت إيلا
إيلا ٠٠٠ لاء لحد هنا و أستوب ده اخرك معايا انما تقولى ادخل العمارة و بعدين تقولى معلش أدخلى الشقة لاء الشغل ده مش عليا
عمر ٠٠٠ أيه التفكير القديم أوى ده .بقولك ايه اطلعى وانتى ساكته
إيلا ٠٠٠ لاء مش طالعه غير لما افهم جيبنى هنا ليه
عمر ٠٠٠ عشان نتجوز و تشوفى شقتك
شهقت بضيق ثم قالت
إيلا ٠٠٠ أيه ده بسرعة كده
هنا مسكها عمر من يديها و سحبها لداخل العمارة
حتى وصل للشقة فى الدور الثالث
فتح باب الشقة هنا أتصدمت إيلا عندما رأت ثلاثة أشخاص لا تعرف منهم غير مروان
إيلا ٠٠٠ هو ايه إللى بيحصل هنا
عمر ٠٠٠ ده مروان صاحبى
إيلا ٠٠٠ متهيألى انى اعرفك صح
شعر مروان بالخجل لانه كان قبل عام بيحاول
يتقرب لها
مروان ٠٠٠ انا من نزلاء الفندق
عمر ٠٠٠ و ده المأذون . و ده عز المساعد الشخصى بتاعى و هيبقى الشاهد على اجوازنا مع مروان
لا تعرف إيلا كيف وضب كل شئ بسرعة كده
المأذون ٠٠٠ فين الشهاده الصحيه
مروان ٠٠٠ موجوده . و الصور الشخصية كمان موجوده
إيلا ٠٠٠ لكن جبتوا الصور دى ازاى والشهادة..
قبل أن تكمل عبارتها شاور لها عمر لكى تصمت
مروان ٠٠٠ بطاقتك لو سمحتى
إيلا ٠٠٠ بس بطاقتى فى شنطتى فى الفندق
و لأن الفندق كان قريب من العمارة .
ذهب عز للفندق ليأتى بحقيبة إيلا
هنا قال عمر
عمر ٠٠٠ اتفضلى أمضى
إيلا ٠٠٠ ايه ده
عمر ٠٠٠ عقد الشقة بأسمك .. ومن بكرة تنزلى تشترى العربيه إللى تعجبك .. اظن كده انا نفذت إللى انتى طلبتى كله
و بعد ربع ساعة جاءه عز بالحقيبتها
بعد نصف ساعة كان تم كتب الكتاب
المأذون ٠٠٠ جواز مبارك ان شاء الله
ثم انصرف المأذون.. بعد ذلك انصرف عز
و مروان
هنا نظر عمر لإيلا و هو يتفحص جسدها
لذلك قالت إيلا بتوتر
إيلا ٠٠٠ يلا عشان عايزه امشى
عمر ٠٠٠ ( بأستغراب قال) معلش مش فاهم تمشى تروحى فين
إيلا ٠٠٠ الشغل
عمر ٠٠٠ من أولها كده مافيش شغل تانى
إيلا ٠٠٠ خلاص أروح على البيت عشان الولاد.....
قبل أن تكمل عبارتها قال عمر
عمر ٠٠٠ مافيش خروج من هنا فاهمه
إيلا ٠٠٠ ( بخوف قالت) بس انا عايزه امشى من هنا
كان بيقترب منها و هو يقول
عمر ٠٠٠ أنتى عبيطه . يعنى انا عامل كل ده فى الاخر تقوليلى عايزه امشى .. لاء أنسى انك تخرجى من هنا النهاردة غير لما اخد إللى انا عايزه
إيلا ٠٠٠ انت مستعجل ليه كده .. الأيام جايه كتير
عمر ٠٠٠بس انا مش قادر أصبر اكتر من كده
ثم قامه بفك رباط شعرها ليطلق العنان لشعرها الطويل الذى يغطى معظم ظهرها
هنا و لف ذراعه حول خصرها و يده الاخره تداعب خصلات شعرها .ثم دفن و جهه فى عنقها ليستنشق عبرها
عمر ٠٠٠ أه لو تعرفى أد ايه انا بعشق ريحتك
شهقت إيلا من اقترابه منها و هى تشعر بنار تسرى في جميع جسدها .. ثم وقالت بتأتأ بخوف
إيلا ٠٠٠ طيب... استنا ... لبكرة بس
عمر ٠٠٠ و لا دقيقه تانى
وهنا التهم شفتيها بقبله معبرة عن رغبته بها و اشتياق لها..ثم ابتعد عندما شعر انها بحاجه الى التقاط أنفاسها. هنا قالت ايلا وهى بتحاول تتمالك نفسها بصعوبه
إيلا ٠٠٠ لاء لاء مش قادره اعمل كده . مش قادره
اتفضل عقد الشقه بتاعتك أهو ..انا مش عايزها ..
و ياريت تلغى الاتفاق إللى بينا . و تطلقنى
#يتبع
الكاتبة أروى عادل
رأيكم
هل سيتقبل عمر رافض إيلا بعد ما أصبحت زوجته
ماذا ستكون شكل العلاقة بين عمر و إيلا بعد الزواج
شجعونى ان أعجابكم البارت
