رواية ضحية عشق الفصل الثانى عشر 12 بقلم مريم احمد
رواية ضحية عشق الفصل الثانى عشر 12
12
بصريخ.....شوووفتي يا شيرين الي كنتي بتدافعي عنها عملت اييييه
ردت عليها شيرين بزهق
شيرين....عملت ايه يا سجده
اتكلمت سجده و هي بتعيط بغيظ
سجده....ضربتني بالقلم يا شيرين و قدام الخدم
حطت شيرين ايدها على بقها بصدمه و بعدين قالت
شيرين...نغم اكيد مش هتعمل كدا من نفسها يا سجده
اتكلمت سجده بعصبيه كبيره و هي بتقول
سجده....قصدك ايييه
شيرين....قصدي انك اكيد ضايقتيها يا سجده
ردت عليها سجده بغيظ و هي بتقولها و صوتها كله مليان حقد
سجده....ااااه يا شيرين جبتها من شعرها عشان كدا ضربتني
اتصدمت شيرين و قالتلها بغضب
شيرين...طب ايه رأيك بقى يا سجده انك تستاهلي
سكتت سجده بصدمه و هي مش مستوعبه ان دي صاحبتها ، ازاي تدافع عن نغممم لا و كمان مبسوطه ان نغم ضربتها!!!
سجده....انتي ليه محسساني انك مبسوطه
اتنهدت شيرين و قالتلها
شيرين...بصي يا سجده انا ولا مبسوطه ولا حاجه و انتي طيبه و كويسه كل الحكايه انك بتقارني نفسك بيها ديما
سجده بعصبيه....انا مبغيرش منهاااا يا شيرييييين انا اصلا احسن منها هي اصلا ولا حاجه دي زيها زي اي كرسي في البيت مش دي الي هقارن نفسي بيها يا شيرين سااامعااانييييي؟؟؟
اتنهدت شيرين بقلة حيله و قالتلها
شيرين...خلاص يا سجده حصل خير
سجده...طيب
قالتلها شيرين بابتسامه....اقولك على مفاجأه
سجده....قولي
شيرين...احنا جايين بكره ان شاء الله
ابتسمت سجده بفرحه و بعدين قالتلها بضيق
سجده...طبعا مش جايين عشاني جايين عشان تطمنوا على الهانم الي لسه راجعه من المستشفى
فضلت مزهوله من كمية الحقد الي ف كلام سجده و قالتلها بزهق
شيرين....اقفلي يا سجده اقفلي
سجده بزهق...احسن برضو
و قفلت السكه
اتنهدت شيرين و هي مش عارفه تتصرف ازاي و ازاي تقنع سجده ان نغم طيبه و متستاهلش كل الكره دا
................
تاني يوم كانت نغم قاعده مع خالتها الي كانت بتتابع التليفزيون
صباح...ايدك عامله ايه يا نغم دلوقتي
هزت نغم راسها بابتسامه و قالتلها
نغم...لا دا الحمدلله خلاص خفت و الحـ ـرق الي كان فيها راح
ابتسمتلها صباح و قالتلها
صباح...طب الحمدلله
ابتسمت نغم و هي بتفكر ازاي خالتها بتكرهها و ف نفس الوقت بتحسها لسه بتحبها
قطع تفكيرها صباح لما قالت
صباح...خالك خالد جاي انهارده هو و شيرين و هيام
ابتمست نغم بفرحه و قالت
نغم...بجد يا خالتو
هزت صباح راسها و هي بتقول
صباح...بجد يا حبيبتي
جت غدير و هي بتقول باحترام
غدير...الفطار جاهز يا صباح هانم
هزت صباح راسها و قالت لنغم
صباح...يلا يا حبيبتي عشان تفطري
قامت نغم هي و صباح و راحوا للسفره
جيه حسن و قعد هو كمان
صباح...اومال سجده و يونس فين؟
هزت نغم راسها بنفي و قالت
نغم...مش عارفه يا خالتو
حسن...يونس راح المستشفى من بدري بس مش عارف سجده فين
قالت صباح لغدير
صباح....طب اطلعي شوفيها يا غدير قوليلها تيجي تفطر
غدير...حاضر يا هانم
كانت لسه هتمشي بس صباح قالتلها
صباح...خليكي انتي انا هطلعلها
حسن...طب م تفطري انتي؟؟
صباح....م انا هفطر حاضر بس هشوفها عشان تحس برضو بإهتمامي بيها
هز حسن راسه ...طيب
وطلعت صباح لسجده
حسن....شكل في خطه جديده
ضحكت نغم و قالت بحزن
نغم....خير خير
كملت و هي بتقول بفرحه
نغم...خالو جاي انهارده
حسن....اه م هو كلمني امبارح
نغم...متروحش الشركه يا حسن و اقعد هما بقالهم كتير مبيجوش ولا بيشوفونا و كمان لما كانوا بيجوا انت بتكون مسافر
حسن....حاضر
................
صباح....منزلتيش تفطري ليه يا بت انتي
سجده....عشان لو نزلت و شوفتها يا ماما هاخد
السكـ ـينه و هموتها بيها
هزت صباح راسها و قالتها بضيق
صباح...طب بصي بقى خالك جاي انهارده
سجده...عارفه
صباح...طب كويس اعملي حسابك بقى انك مينفعش خااالص تزعليها ولا تضايقيها يا سجده خالك حقاني و مبيقبلش بالظلم
نفخت سجده بزهق و قالتلها
سجده...انا معرفش انتوا كلكوا بتحبوها على ايه بجد دي. بني ادمه مريضه نفسيا
صباح..اسمعي الي هقولهولك و تنفذيه
بصتلها سجده و قالتلها بتركيز
سجده...قولي
....................
دخلت صباح و سجده لأوضة السفره
مشيت سجده ناحية كرسي نغم و قعدت جمبها
بصتلها نغم و هي مش عارفه سجده ناويه على ايه
ابتسمتلها سجده و قالتلها
سجده....متزعليش مني مكنتش قصدي ازعلك
سكتت نغم و هي مش عارفه تقولها ايه
سجده...مسمحاني؟؟
هزت نغم راسها بهدوء
نغم....خلاص يا سجده مفيش حاجه انتي اختي
صباح بابتسامه....ايوا كدا انتوا اخوات و الاخوات مبيزعلوش من بعض
سجده بفرحه...ايوا طبعاااا
.....................
بعد كام ساعه كان خالد و عيلته جم
كانت نغم قاعده جمب صباح و هي مبتسمه بفرحه بوجود خالها و الي كان مفرحها اكتر ان خالتها. و سجده رجعوا يعاملوها كويس تاني
حسن بضحك....مروحتش الشغل انهارده عشان عرفت انك جاي يا خالو
ضحك خالد
خالد...و اخوك راح الشغل ليه
حسن....يونس ميعرفش اصلا انك هنااا
ضحك خالد و هو. بيقول....اذا كان كدا ماشي
ابتسمت شيرين على هزارهم و راحت لنغم
شيرين....عامله ايه يا نغم
هزت نغم راسها بابتسامه
نغم...الحمدلله
شيرين...م تيجي نقعد في الجنينه
نغم....عشان مسبش خالو و طنط هيام
شيرين....يا ستي م احنا هنقعد معاكوا كذا يوم يلاا
هزت راسها بابتسامه و قامت
صباح...ايه دا رايحين فين
شيرين...هنروح للجنينه
بصت صباح لسجده و قالتها
صباح...طب م تاخدوا سجده
قالت نغم بابتسامه
نغم...تعالي يا سجده
قامت سجده و راحوا للجنينه
كانت شيرين زعلانه جدا على نغم بسبب انها طيبه و بأقل كلمه بتنسى زعلها
جت رحمه و هي بتقولهم
رحمه...اجيبلكوا حاجه تشربوها؟؟
سجده....اه هاتيلنا عصير
هزت رحمه راسها و كانت همشي بس وقفتها سجده لما قالتلها بحده
سجده....استني يا بنتي!!
بصتلها رحمه باحترام
ف كملت سجده بحده اكبر
سجده....انا قولتلك ايه هو نوع العصير ؟؟ قولتلك تمشي اصلا؟؟؟
بصولها نغم و شيرين بدهشه من اسلوبها في الكلام
اتكلمت رحمه و هي الدموع في عينيها
رحمه...يا سجده هانم انا كنت هجيبلك العصير الي بتحبيه
سجده بدهشه....مش عايزاه يا ستي مش عايزه اشرب نوع العصير دا
شيرين....خلاص يا سجده في ايه لكل دا؟؟
اتكلمت سجده بقرف و هي بتقول لرحمه
سجده....روحي اعمليلي عصير لمون عشان عصبتيني
هزت رحمه راسها و قالت لشيرين و نغم
رحمه...تحبوا تشربوا ايه
ابتسمتلها نغم و هي بتقولها
نغم...هاتيلي عصير على ذوقك يا رحومه
ابتسمت رحمه و قالت لشيرين
شيرين...و حضرتك يا شيرين هانم
ضحكت شيرين و قالتلها
شيرين...لأ انا شيري مش شيرين هانم
فرحت رحمه جدا ان اسلوب شيرين كويس و ابتسمتلها
رحمه...طيب يا شيري تحبي تشربي ايه
شيرين...زي نغم هاتيلي انا كمان اي عصير
هزت رحمه راسها و مشيت
سقفت سجده و هي بتقول
سجده...لأ برافو انتوا الاتنين
شيرين...في ايه يا سجده
سجده قالتلها بسخريه
سجده...لأ يا حبيبتي ولا حاجه
شيرين بزهق...احسن برضو
نغم....خلاص يا جماعه بقى انتوا هتتخانقوا
سجده...شوفي اسلوبك انتي و هي عامل ازاي
بصتلها نغم بزهول هي و شيرين و ضحكوا
سجده...انتوا بتضحكوا على ايه
شيرين بضحك...لأ يا قلبي ولا حاجه
سجده...لا قولوا ضحكوني معاكوا
نغم...اصل مش معقول يعني يا سجده انتي الي اسلوبك صح و احنا الي بنتعامل مع الناس بتكبر
بصتلها سجده بضيق و كانت هتقوم تمشي
شيرين...سجده اقعدي بلاش هبل
نغم...في ايه سجده احنا بنهزر
بس سجده مردتش عليهم و قامت فعلا و دخلت القصر
قالت نغم لشيرين
نغم....هي زعلت ليه
شيرين...سيبك منها
...................
دخلت القصر و هي باين على وشها الضيق
هيام....مالك يا جوجو؟؟
وقفت سجده و فكرت شويه
صباح...مالك يا بنتي ايه الي مضايقك؟؟؟
عيطت سجده ف قام حسن و راحلها
حسن....مالك يا سجده ايه الي ضايقك كدا
هزت راسها يمين و شمال بنفي و هي بتمسح دموعها
سجده...مفيش يا حسن
خدها حسن و خرجوا للجنينه
كانوا واقفين بعيد بكتير عن مكان نغم و شيرين
حسن...ها يا حبيبتي قولي مالك
سجده...يرضيك يا حسن نغم و شيرين يفضلوا يضحكوا عليا
حسن....ايه الي حصل طيب خلاهم يضحكوا عليكي
حست سجده ان دا انسب وقت انها تاخد في حقها و تخلي حسن يضايق من نغم و قالت
سجده...نغم فضلت تقول عليا اني متكبره و مغروره و مستاهلش اني اعيش يا حسن
قالت كلمتها الاخيره و رجعت تعيط تاني
قلبه اتقبض من كلامها لأن مهما كانت هي ف الاخر اخته و بيخاف عليها
كملت بدموع
سجده...خلت شيرين تضحك عليا يا حسن
اتنهد حسن بضيق و قالها
حسن...حقك عليا يا سجده متزعليش
حست سجده انه لسه مضايقش من نغم و انه ممكن ميضربهاش زي المره الي فاتت ف قالت
سجده....هتبقى مبسوطه هي يا حسن لما اموت هترتاح وقتها لما متسمعش صوتي تاني في البيت ولا تشوفني هتبقى فرحانه نغم وقتها يا حسن
حسن...خلاص بقى يا سجده حقك عليا
سجده بدموع...اقولك على حاجه يا حسن
قالها حسن باهتمام...قولي
سجده...امبارح و انت في الشغل سمعتها بتكلم واحده صاحبتها يا حسن و بتقولها انها نفسها تاخد البيت و انها بتكرهني انا و ماما و بتتمنالنا الموت. و انها اول م تجيلها اقرب فرصه انها تاخد البيت هتاخده و هترمينا كلنا برا
كان بيسمعلها و هو نفسه يديها بالقلم على وشها من كتر كذبها على نغم
بس اتصدم لما لاقاها قالت
سجده...انت مش مصدقني صح طيب ايه رأيك بقى لو سمعت دا
و فتحت تسجيل على تليفونها كان بصوت نغم و بنفس الكلام الي سجده قالته بالظبط
اسودت عينيه من كتر عصبيته و غضبه و بص على نغم الي كانت قاعده بتبص للبسين بهدوء بعد م شيرين قامت دخلت القصر
ابتسمت سجده بشماته كبيره لما حسن راح لنغم و هو بيتوعدلها على الي قالته وووووو
يتبععععع
ضحية عشق
بقلمي مريم احمد
استغفر الله العظيم و اتوب اليه 🩷
اسفه جدا جدا ان البارت اتأخر و معرفتش انزله على الضهر 🥺🩷
قولولي رأيكوا و توقعاتكوا🥰🩷
تابع الفصل التالى من هنا (رواية ضحية عشق الفصل الثالث عشر 13)
لقراءة الرواية كاملة من هنا (رواية ضحية عشق كاملة (جميع الفصول) بقلم مريم احمد)
