رواية فتاة بالنقاب تجملت الجزء الجزء 2 الفصل الثالث 3 بقلم مريم محمد
رواية فتاة بالنقاب تجملت الجزء الثاني 2 الفصل الثالث 3 بقلم مريم محمد
وقفنا المره اللي فاتت لما أفنان كانت في غرفة نورين ودخل يزن فلستأذنت لتمشي
أفنان: أستأذن أنا يا نونا وهجيلك تاني إن شاء الله
نورين بحب: إن شاء الله بس استني اسمعي القرار اللي اخدته
أفنان بحب: قرار ايه يا حبيبتي
نورين: أنا قررت هبقي زيك وهكون ملتزمه زيك وهقتدي بيك
أفنان بسرعه: لا حبيبتي دا ستر ربنا عليا وايدك علي قرار الالتزام ولكن أقتدي بأمهات المؤمنين مش بيا سيدنا علي رضي الله عنه قال كل حي لا يؤتمن عليه الفتنه فأقتدي بأمهات المؤمنين وربنا يثبتنا واياك
نورين: أمين أنا هبدأ بالصلاه بس ربنا قبل سيدنا كعب هيقبل بيا
أفنان بحب: أكيد حبيبتي طبعا دا قبل قاتل المئه وابدا بركعتين التوبه صليهم زي اي ركعتين عادي وبعدين اقعد استغفري شويه استاذن بقا
نورين: تمام ولكن المره اللي جايه هتحكي لي قصة قاتل المئه
أفنان هي تخرج: حاضر إن شاء الله
نورين: ها يا يزن ايه رايك في الخطوه دي
يزن سرحان
نورين: يززززن
يزن بإنتباه: ها نعم بتقولي ايه
نورين بضحك: ايه عجابك افنان واخلاقها صح
يزن بغرور: أنا يزن الرفاعي لالا (كداااااااب الواد يزن دا)
نورين بضحك: ههههه هعتبر نفسي صدقتك
يزن بصدمه: انت ضحكتي صح يعني هترجعيلي زي الاول
نورين: إن شاء الله استاذن هصلي ركعتين توبه وبالفعل قامت فعلت
يزن وهي يكلم نفسه: باين الدكتوره دي كلامها صح دا أنا اتحديتها
🎀🎀🎀🎀🎀🎀🎀🎀.
كان الصوت يملئ القاعه واول ما دخل زيد بكل هيبه ووقار سكت الجميع
زيد: السلام عليكم ورحمة الله وبركاته اخباركم
الجميع: وعليكم السلام ورحمة الله وبركاته بخير الحمدلله
الباب خبط
زيد ابن سلسبيلا اللي بعد حمزه: ادخل
دخلت حفصه وهي تأخذ أنفاسها
زيد: خير يا بشمهندسه متأخّرة ليه
حفصه بنت سلمان: أسفه والله يا دكتور صهيب هوا اللي اخرني
زيد غض بصره وندم انه نظر لها: ادخلي ومتقررش
حفصه:حاضر جزاك الله خيراً
(ايوا الدكتور اللي كانت بتتكلم عنه حفصه الحلقه اللي فاتت هو زيد وهو ايضا يكن لها المشاعر)
♥♥♥♥♥♥♥.
صهيب دخل لاحمد المكتب
صهيب: السلام عليكم ورحمة الله وبركاته
أحمد: وعليكم السلام ورحمة الله وبركاته
صهيب: حضرتك طلبتني
أحمد: ايوا الصفقه اللي شغال عليها عامله ايه
صهيب: تمام قربت اخلصها
أحمد نظر في عين صهيب وجد كلام صهيب مش عارف يقولوه
أحمد: ايه يا صهيب عايز تقول حاجه
صهيب بتوتر: هو يعني هو احم لا
أحمد بشك: بجد
صهيب اتنفس بشده وسكت
أحمد قام قعد قدامها
أحمد: مالك يا حبيبي في ايه حاسس انك عايز تقول حاجه اتكلم انا سامعك
صهيب: مافيش يا عمي أنا تمام ولو في حاجه إن شاء الله هقول لحضرتك
أحمد بشك: تمام في انتظارك رغم ذكاءك بس بردوا باين عليك واعرف انت عندي زي حمزه والولاد واظن انا زي سلمان صح ولا لأ
صهيب بحب: طبعا يا عمي استأذن حضرتك لو خلصت اكمل الشغل
أحمد: تمام يا حبيبي لسه هيطلع دق الباب ودخلت ياقوت
تهلل وجه صهيب ولكن نظر ارضا وغض بصره
ياقوت: السلام عليكم ورحمة الله وبركاته
أحمد وصهيب: وعليكم السلام ورحمة الله وبركاته
ياقوت: بابي الحسابات دي فيها أخطاء (نسيت أقول لك أن ياقوت محاسبه ومعاها دكتوراه فيها)
أحمد: اقعد يا ياقوت
خرج صهيب ونزلت ياقوت مقابها وظلت تناقش الاخطاء هي وأحمد
♥♥♥♥♥♥♥.
أفنان كانت قاعده في مكتبها تأخذ أنفاسها بعد ما مرت علي مرضها كلهم وجدت الباب يدق نزلت نقابها
أفنان: أدخل
نورين: عامله ايه
أفنان رفعت نقابها واتكلمت بخضه: قومتي ليه يا حبيبتي
نورين بإبتسامة: أنا بخير الحمدلله وبعدين جيت أصلي معاك الظهر هتسبيني اصلي لوحدي
أفنان بفرح: اللهم بارك مشاء الله هو خلص أذان يلا نصلي سوي
وبدأوا يصلوا
أفنان بحب: تقبل الله
نورين: يارب منا ومنكم
أفنان: عجبتني خطوة الصلاه دي ربنا يثبتك
نورين: يارب
أفنان: طب اخبار نفسيتنا ايه دلوقتي
نورين: يا حبيبتي أول ما صلت وأنا نفسيتي عال العال الحمدلله
أفنان بضحك: هههه عال العال طب الحمدلله
نورين بحب: تعرفي انا بحبك أوي
أفنان بحب: حبيبتي أحبك الله وملائكته ورسله والناس جميعا
نورين: اللهم آمين واياك
نورين: عارفه كنت خايفه جداً اصحابك وتسبيني
أفنان: ليه بس حبيبتي بتقولي كدا
نورين بدموع: مش عايزه افتكر
أفنان: ماشي ياحبيبتي لو عوزتي تتكلمي أنا موجوده
الباب خبط ودخلت الممرضه
الممرضه: حرام عليك حضرتك هنا اخو حضرتك قالب الدينا
نورين: يا نهار يزن نسيت انه جاي
الممرضه: طب هروح اطمنه لانه صعب جدا
الممرضه طلعت ونورين ضحكت: دايما راعب الكل يزن ههههه
نورين: أنا هروح اوضتي
أفنان: تمام حبيبتي وأنا هاجي اطمن عليك قبل ما أمشي لان اخويا جاي ياخدني
نورين: تمام مشت نورين ونص ساعه وراحت أفنان تطمن علي مرضها قبل ما تمشي وتطمن علي نورين
دخلت أفنان عند ست عجوزه
أفنان: السلام عليكم ورحمة الله وبركاته الجميل عامل ايه
أم محمود الست العجوزه: وعليكم السلام ورحمة الله وبركاته الحمدلله اهو عايشين
أفنان: ايه بس الكلام ده دا تحسن جميل جداً الحمدلله
ام محمود: الحمدلله
أفنان: اصبري يا ست يا طيبه لان عوض ربنا كبير عارفه سيدنا ايوب كان مبتلي اكتر منك ولكنه صابر
أم محمود: ازاي
أفنان: سيدنا ايوب عليه السلام كان غني جداً جداً وكان عنده اولاد كتير وكان دايما يطعم الفقراء فجاءه اراضيه كلها تولع واولاده يموتوه وربنا يبتليه بمرض يسقط جلده وامراته فضلت مراته تخدم فيه في مره باعت شعرها ففضل صابر كتييييييير جدا بعدين دعا الله ان يشفيه فشفاه ووهبه له أهلهم ومثلهن معه حيث قال عز وجل { وَاذْكُرْ عَبْدَنَا أَيُّوبَ إِذْ نَادَىٰ رَبَّهُ أَنِّي مَسَّنِيَ الشَّيْطَانُ بِنُصْبٍ وَعَذَابٍ (41) ارْكُضْ بِرِجْلِكَ ۖ هَـٰذَا مُغْتَسَلٌ بَارِدٌ وَشَرَابٌ (42) وَوَهَبْنَا لَهُ أَهْلَهُ وَمِثْلَهُم مَّعَهُمْ رَحْمَةً مِّنَّا وَذِكْرَىٰ لِأُولِي الْأَلْبَابِ (43) وَخُذْ بِيَدِكَ ضِغْثًا فَاضْرِب بِّهِ وَلَا تَحْنَثْ ۗ إِنَّا وَجَدْنَاهُ صَابِرًا ۚ نِّعْمَ الْعَبْدُ ۖ إِنَّهُ أَوَّابٌ (44) }
[ سورة ص : 41 إلى 44 ]
ام محمود: ربنا يبارك فيك يا بنتي أنت اللي مهونه عليا
أفنان: وفيك بارك يا حبيبتي هسيبك بقا ترتاحي
ومشت أفنان بصت علي كل المرضي وراحت لنورين وخبطت ودخلت
أفنان: السلام عليكم ورحمة الله وبركاته
نورين: وعليكم السلام ورحمة الله وبركاته تعالي يا حبيبتي ويزن مردش بس منزلش عينه من عليها وبيقول ايه الكائن الغريب اللي مش باين منه حاجه
أفنان بإبتسامة من تحت نقابها: في تحسن كبير جدا اللهم بارك بكرا إن شاء الله اكتبلك خروج
نورين بحزن بتتكلم زي الاطفال: مش عايزة اسيبك
أفنان بحب: يا حبيبتي انت بقيت كويسه وإن شاء الله نبقي علي تواصل
نورين: إن شاء الله
رن تلفون أفنان وكان أنس
أفنان: استأذن بقا يا حبيبتي علشان اخي تحت ولازم أمشي
نورين: تمام
ولسه أفنان هتمشي اتكلم يزن
يزن: شايفك قد كلامك يا دكتوره
أفنان استغفرت ومرضتش ومشت اتكلم تاني(مش ناوي يجبها لبرا الواد دا باين عليه)
يزن بغضب وعصبيه: بكلمك يا دكتوره
وقفت أفنان ولفت ليه واتكلمت وهي غاضه بصرها: نعم حضرتك بتقول حاجه
أنس ببرود واستخفاف: لا بكح
افنان خرجت من غير ما ترد واستغفرت لانها كانت متضايقه منه ومشت نزلت لقت انس ركبت ومشت
♥♥♥♥♥♥♥♥.
وصلت ياقوت البيت لقت سلسبيلا عامله للمطبخ فرح
ياقوت وهي تحتضن سلسبيلا: السلام عليكم ورحمة الله وبركاته عامله ايه يا احلي سوسو
سلسبيلا بحب:وعليكم السلام ورحمة الله وبركاته الحمدلله في زمام النعمه
ياقوت: ايه عامله للمطبخ فرح ليه.
سلسبيلا بضحك: ههههه أضحك الله سنك يعني حلو الفرح ولا لا
ياقوت: يعني ايه أضحك الله سنك
سلسبيلا: يعني ربنا يملي حياتك بالضحك والفرح والسعادة
ياقوت: اللهم آمين واياكم بس بردو عاملاله فرح ليه مايكونش اللي في بالي
سلسبيلا بضحك: ايوا دا علي ما رضي نشف ريقي عيل دماغه خشب
ياقوت: يعني البشمهندس صهيب جاي
سلسبيلا: ايوا جاي هو وحمزه و..
لسه مكملتش لقتهم داخلين ووراءهم أنس وأفنان
وبعد سلامات كتير سلسبيلا وهي تحتضن صهيب: واحشني أوي يا ولد
صهيب بمرح: وحضرتك كمان يا عمتو والله بس بالله تبعدي الا اروح عضامي متكسره
سلسبيلا بضحك: هههه متخفش مش هخليه يلمسك
صهيب: طالما كدا حضن كبير بقا
أحمد من وراءهم: صلاة النبي ﷺ ايه دا
صهيب بعد بسرعه بمرح واستخبي وراء سلسبيلا: قولتك يا عمتي ماليش دعوه
سلسبيلا: عليه افضل الصلاة واتم التسليم في ايه يا ابو حمزه ماشفتهوش من زمان دا نشف ريقي علي ما رضي يجي
جلسوا وياقوت وأفنان حضروا السفره
ياقوت ندهت علي سلسبيلا
سلسبيلا راحتلها: نعم يا حبيبتي
ياقوت: الاكل جهز بس زيد لسه موصلش هرن عليه
ياقوت: السلام عليكم ورحمة الله وبركاته
زيد بحب: وعليكم السلام ورحمة الله وبركاته
ياقوت: فينك يا اه دا ماماتك عامله للمطبخ فرح النهارده المفروض تكون حاضر من بادري
زيد يضحك: هههههه يا بت هو انت مابتفكريش غير في الاكل يا مفجوعه وبعدين سوسو دايما عامله للمطبخ فرح
ياقوت: بس النهارده بزياده
زيد بتساؤل: ليه يعني
ياقوت: عندنا ضيف
زيد: مين
ياقوت: البشمهندس صهيب
زيد: اممممم خلاص أنا داخل من البوابه
ياقوت بشهقه: انت بتكلميني وانت سايق مامي لو تعرف هتنزل منك
زيد: لا ياختي انا حاطط الهندفري مش ماسك التلفون
ياقوت: تمام بس النهارده مش هتفلسع وزي ما اتفقنا هتعمل اختبار متشابهات القرآن علشان داخله في بعضها
زيد بحب: بس كدا عيوني ليك يلا علشان هدخل البيت السلام عليكم ورحمة الله وبركاته
ياقوت: وعليكم السلام ورحمة الله وبركاته في رعاية الله
♥♥♥♥♥♥.
سلسبيلا: عارف لو تغيب عليل تاني الغيبه الطويله دي هعمل فيك ايه
صهيب بإبتسامة لعمته الذي يحبها جدا وكيف لا يحبها وهي من حفظته والقرآن وجعلته إنسان ملتزم: هتعملي ايه يا سوسو
سلسبيلا: سيبلها لوقتها
صهيب بضحك: هههههه ماشي يا سوسو وبجديه بس معتش ينفع اجي كتير زي الاول الاول كتا أطفال دلوقتي لا معتش ينفع يا عمتي
لمح من يفرح قلبه حين يراها فغض بصره واستغفر ربه ودعا إنها تكون من نصيبه
♥♥♥♥♥♥♥.
تاني يوم في الشركه صهيب كان قاعد في مكتبه سرحان في لا شئ
حمزه: السلام عليكم ورحمة الله وبركاته
صهيب سرحان
حمزه وهو يصفق امامه
صهيب بخضه: بسم الله الرحمن الرحيم انت جيت امتي
حمزه بضحك: ههه شفت عفريت ولا ايه سرحان في ايه بقا
صهيب: مافيش
سكت شويه
صهيب بتردد: بص يعنى يعني انا احم
حمزه: ماتتكلم يابني
صهيب بسرعه:عايز اتجوزها
حمزه: ههههه عايز تتجوز اختي
صهيب: ما انت فاهم اهو عامل نفسك مش عارف ليه
حمزه: انا فاهم من زمان يا صهيب من اليوم اللي قررت انك معتش تبقي قاعد معنا زي الاول خوفا عليها عارف انك بتحبها ومالقيش افضل منك ليها دا انت خفت عليها من نفسك بس كنت منتظرك تتكلم
صهيب: يااااه طب عايز اكلم باباك وخايف
حمزه: خايف من ايه
صهيب: من ردة فعله ومن يرفض
حمزه: قوم حاول دا أنت صهيب الذكي يعني بذكاءك تعرف
وبالفعل قام راح مكتب أحمد ودخل بعد ماذنله
صهيب: السلام عليكم ورحمة الله وبركاته
أحمد: وعليكم السلام ورحمة الله وبركاته اقعد يا صهيب
صهيب: عمي عايزك في موضوع
أحمد: اتقضل
صهيب: بصراحه يعني كنت يعني عايز عايز
أحمد بضحك: ههههه مالك س ابني ما تتكلم عدل انت لو رايح تطلب واحده الزواج هتتكلم افضل من كدا
صهيب: ما أنا دا اللي جاي عشانه
أحمد بنتباه: ازاي مش فاهم
صهيب بهدوء: احم انا عايز اتزوج بنت حضرتك
أحمد بهدوء: انا عندي اتنين مين فيهم بقا
صهيب:...........
بقلم: مريم محمد القطيفي
ـــــــــــــــــــــــــــــــــــــــــــــ
يا تري ايه اللي هيحصل وصهيب عايز يتزوج مين وهل أحمد هيوافق وايه قصه الحلقه اللي جايه دا بإذن الله اللي هنعرفه الحلقه اللي جايه بحبكم في الله وماتنسوش تصلوا علي النبي والسلام عليكم ورحمة الله وبركاته دمتم بخير
يتيع
