رواية أمل الحياه الفصل الثانى والعشرون 22 بقلم يارا عبد العزيز
رواية أمل الحياه الفصل الثانى والعشرون 22
الفصل الثاني و العشرون
نرمين راحت عنده و وقفت قدامه باحترام و استغراب من نظراته
بدالها كريم نظراتها بنظرات مليئه بالاعجاب و الرغـ.به فيها و اتكلم بخبث
= تتجوزيني!!!!
برقت عيونها بصدمه ممزوجة بفرحتها الشديده
هي متنكرش ابدا انها مُعجبه بكريم من اول يوم شافته فيه لكن كانت مصدومه من عرضه
اتكلمت و هي مش مستوعبه و بتبصله بخجل و صوتها طالع بالعافيه
= بس حضرتك متجوز !!!!
كريم قام وقف و راح وقف جانبها و هو متعمد ميسبش ما بينهم اي مسافه
بدأت تتوتر من نظراته و قربه و بعدت عنه بتوتر
اتكلم ببأبتسامه جانبيه
= و مالو انا راجل و يحقلي اتجوز مره و اتنين لحد اربعه صح و لا ايه
بصتله و الدموع اتجمعت في عينيها و اتكلمت بصدمه و الم...
= يعني انت عايز تتجوزني على مراتك ابقى الزوجه التانيه يعني !!!!!
كريم بسخريه و الم.. و هو بيفتكر حياة
= دا انتي هتبقي التالته و حياتك بس اااه انت مفكره اني هطلق مراتي عشانك يعني !!!!!!
نرمين بدموع
= و يا ترى بقى كريم باشا في نيته يتجوزني ليه ؟
معتقدش حُب !!!
بقلمي يارا عبدالعزيز
بدأ يضحك بقوه و اتكلم في وسط ضحكاته
= حُب لا دا انتي دماغك راحت لبعيد خالص
قلب كريم الهواري مدخلش فيه غير واحدة بس و مفيش واحدة هتدخل بعدها و لا واحدة دخلت قبلها
حسيت بغصه في قلبها و الم و كانت لسه هتمشي بس وقفها
و هو بيتكلم بجديه
= انا عارف مشاعرك من ناحيتي من ساعه ما شوفتني تقريبا و انا دلوقتي بعرض عليكي ابقى ملكك بجواز رسمي فكري كويس
بصتله ببأبتسامه الم... و اتكلمت ببعض السخريه
= عايز تتجوزني ليه ؟!
كريم بخبث = عاجبني و مش عايز اخدك في الحر.ام مع اني اقدر جدا و على فكره الموضوع مش محتاج تفكير دا انتي هتبقي مراتي رسمي و على حد علمي انك معندكيش اهل هنا و محدش بيسأل عليكي هنتجوز رسمي من غير ما حد يعرف و هعيشك معايا ملكه قولتي ايه
نرمين بهدوء = موافقه
بصلها و ابتسم و اتكلم بفرحه
= حلو اوي يلا بينا على المأذون دلوقتي
بقلمي يارا عبدالعزيز
نرمين بصدمه = دلوقتي!!!!!
كريم بهدوء = عندك مانع!!!
نرمين ببأبتسامه و فرحه من فكره انه هيبقى معاها و هتبقى على اسمه حتى لو في السر
عرضه بالجواز فرحها جدا
= لا معنديش يلا بينا
بصلها بمكر و هي فضلت بصاله بفرحه كبيره لان بقى عندها فرصه انه يشوفها و يحبها
يا ترى ممكن تحبني في يوم كريم ؟
يا ترى اللي جوا قلبك دي مراتك و لا واحدة تانيه و هقدر اشيلها من جواك ؟
فضلت الافكار دي تدور في دماغها و هي شارده فيه
ريان كان مترقب حياة بخوف شديد عليها و هي بتشرب العصير
كانت ملاحظه نظراته ليها فحاولت تتماسك و متبينش تعبها عشان متخوفهوش اكتر من كدا و لانه هيفضل يلوم نفسه على تعبها
خلصت العصير و حطيت الكوبايه على الكومود جانبها
بصلها و اتكلم بخوف و هو بيمسك ايديها و بيحـ.ضنها بين ايديه
= بقيتي احسن ؟
كان المفروض نروح المستشفى انبارح او نطلب الدكتور
حياة بهدوء = ريان انا كويسه خالص و مفيش داعي لا لمستشفى و لا لدكتور شيل تعبي من دماغك بقى عشان خلاص مبقاش موجود
هقوم بقى البس و احضر الفطار و نفطر في البلكونه
جت تقوم مسك ايديها و شدها عليه و قعدها على رجله و حاوط ضهرها بحمايه
حطيت راسها على صد.ره بارهاق و حطيت ايديها على كتفه و اتكلمت بهمس
= حاسه اني عايزه انام!!!!
ريان بهدوء و هو بيملس على شعرها بحنان
= نامي يحبيبى
حياة ببأبتسامه= جعانه اطلب الفطار بقى و لا انزل انا احضره
ريان بهدوء و لسه علامات الخوف باينه على وشه
= حاضر هطلبه
لاحظت خوفه ، حاوطت ضهره بايديها و حطيت ايديها التانيه على وشه و اتكلمت بهدوء
= طلعت خويف اوي بجد مكنتش شويه دوخه دي
انت ريان النصراوي بجد و لا اتبدلت و لا ايه !!!!!!
قبـ.ل ايديها بعمق و اتكلم بحب و عشق
= ريان النصراوي بيتبدل كليا معاكي بيتحول لأب خايف على بنته من الهوا و زوج عايزاك في حضـ.نه طول الوقت و ابن عايزاك تفضلي طول الوقت تطبطي عليه و تقوليله معلش من كل حاجه حصلت و كل حاجه هتحصل
افتكرت كلامه عن امه اتجمعت الدموع في عينيها من كل اللي عاشه و كان عندها اسئله كتير في دماغها بخصوص الموضوع دا بس محبتش تفكره لانه عند سيره الموضوع دا بيتحول ، نزلت دموعها بتلقائية و ميلت على وشه قبـ.لت خده بعمق و فضلت تقـ.بل كل انش في وجهه و بايديها بتربط على ضهره بحنان
اتصدم من جرائتها اللي لاول مره يشوفها و هي معاه بس كان قلبه بينبض بسرعه و فرحه من احساسه بانها عايزاه و بتبداله مشاعره من ناحيتي
ابتسم بحب و مسح بابهامه على شفايفها
و لسه هيقرب قاطعه رنه هاتفه
نفخ بضيق ، ابتسمت حياة و قامت من على رجله و دخلت مطبخ الجناح تحضر الفطار
دخل البلكونه و رد على الفون بدون ما يتكلم
= ايوا يباشا كريم اللي انت باعتنا نراقبه دخل دلوقتي مع واحدة عند ماذون شرعي
ضحك ريان بكل قوته و اتكلم من وسط ضحكاته و بأمر
= مبيضيعش وقت كريم!!!!
خليك مستني و واحد فيكم يدخل للماذون و تعرفلي كل حاجه عن البنت اللي معاه و بمجرد ما القسيمه تطلع عايز نسخه منها
= اوامرك يباشا
ابتسم ريان و اتكلم بفحيح
= اما نشوف روان هيكون ردها ايه عن جواز كيمو عليها !!!!!
يعيني عليكي
حياة كانت واقفه في المطبخ بارهاق و دوخه ، لاقيت نفسها بتحط ايديها بتلقائية على بطنها
اتكلمت و هي بتطرد الفكره من دماغها
= حياة انتي اتهبلتي و كلام الدكتور نسيتي و لا ايه بس هو نفس الاعراض و الله نفس الاعراض كلها
كملت بدموع = انتي مبتخلفيش يحياة بطلي هبل هتلاقيهم شويه برد بلاش تعشمي نفسك في حاجه مش هتحصل
قاطعها ريان اللي دخل و حضنها من ضهرها و دفـ.ن وشه في عنقها و قبـ.ل عنقها بعشق و عمق
غمضت عينيها بتوهان في قبـ.لاته و اتكلمت بهمس
= ريان
ريان بحنان و هو بيلفها ليه
= عيونه
كمل بصدمه و خوف لما شاف الدموع متجمعه في عينيها
= مالك يحبيبتى انتي لسه تعبانه
حياه بدموع = مش هتسبني صح ؟
مش هيجي عليك وقت و تقول عمري ما هبقى اب معاها فهروح اتجوز عليها
مسح دموعها بحنان و ضمها لحضـ.نه و اتكلم بحنان و هو بيقـ.بل رأسها
= حياة اهدي هعيد كلامي تاني انا مش عايز ولاد يحياة انا عايزاك انتي كفايه بقى تفكري في الموضوع دا
حياة ببكاء و هي ماسكه فيه بقوه
= غصبن عني و الله أنت اكيد عايز تبقى اب و انا مش هعرف احققلك دا لو في يوم فكرت انك تتجوز عليا متعملهاش من ورايا تعال و قولي و طلـ
بتر كلماتها و هو بيحاول يتحكم في غضبه
= حياة لتاني مره بتقوليها و انا قولتلك مفيش اي حاجه هتبعدني عنك كبري عقلك شويه هو الجواز ولاد و بس هو انتي لدرجه دي مش واثقه في حبي ليكي انا مستحيل اسيبك و مستحيل ايا كان السبب ابقى مع غيرك و انا اصلا مش عايز اطفال انا لو وافقت اصلا اني اجيب اطفال فدا عشان سعادتك و بس غير كدا انا مش بفكر في الموضوع دا
طلعت من حضنه و هي بتبصله بصدمه من كلامه
= مش عايز اطفال ازاي و ليه
ريان بحده = عايزيني اجيب ولد يعيش نفس اللي انا عاشته!!!!
بقلمي يارا عبدالعزيز
حياة بغضب و هي بتمسح دموعها
= بس انا مش امك
و الظروف مش نفسها انت ازاي بتفكر كدا فيه غيرك بيتمنها و مش طايلها
كور ايديه بغضب و اتكلم بحده
= حياة اقفلي على الموضوع عشان منزعلش من بعض و انا قولتلك عايزه نروح لدكتور انا معنديش مانع
حياة بدموع و غضب
= و دا عشان ايه بقى اروح و اخلف طفل ابوه مش عايزاه يبقى الاحسن اخليني قاعده كدا من غير ولاد احسن و ريح نفسك الدكتور قالي مستحيل و اقولك عشان تطمن اكتر خد التحاليل بتاعتي و اعرضها على دكاتره شاطرين عشان يطمنوك انك مستحيل تبقى اب
كانت لسه هتخرج من المطبخ بس مسك ايديها و سندها على الرخامه برفق و حاصرها بايديه
اتكلم بحنان و هو بيمسح دموعها
= انتي عايزه ايه يحياة انا مش عايز غير سعادتك و بس
حياة بجمود = و على ايه بقى نحملك فوق طاقتك يباشا خليك كدا و انا هخليني كدا افطر لوحدك بقى انا نفسي اتسدت هروح انام احسن
شالت ايديه من على الرخامه و طلعت من المطبخ و هي بتمنع دموعها من النزول بالعافيه
دخلت الحمام و فضلت تعيط قدام المرايا
حسيت انها عايزه تستفرغ وقفت على الحوض و بدأت تستفرغ اكتر من مره و ماسكه معدتها بالم...
خرجت من الحمام ، لاقته واقف بيلبس هدومه في غرفه الملابس
اتكلم بحنان و هو بيشدها من ايديها و بيحط ايديه على خصرها بحنان و بايديه التانيه حاوط وشها و اتكلم بحنان
= هاجي من الشغل انهاردة بدري و نروح لدكتور و نوريله التحاليل و نشوف موضوع الحمل دا متزعليش نفسك و مش عايز اشوف الدموع دي تاني في عينيكي
شالت ايديه من على خصرها و اتكلمت بجمود
= انا مش زعلانة و مش هروح معاك في حته المستر جاي بليل ابقى تعال بدري عشان تعقد معانا
مسح على وشه بغضب و اتكلم بغضب مفرط
= اعملك ايه عشان ترضي يعني قولتلك هنروح و نشوف الموضوع و مش هسيبك الا لما تتعالجي اعملك ايه اكتر من كدا هتفضلي لحد امتى عقلك صغير كدا ما تكبري بقى شويه
اتنفضت بخوف من صوته ، بصلها بندم على اللي عامله
و ضمها لصدره بحنان و فضل يملس على شعرها
= و الله هتأقلم مع الموضوع عشانك و هعمل اي حاجه عشانك انا اصلا مكمل لحد دلوقتي عشانك انتي اهدي يروحي اهدي و متخافيش مني ماشي نروح انهاردة
هزيت راسها بالنفي ، اتكلم بهمس
= خلاص مش هنروح هاجي بدري قبل ما المستر يجي متنزليش تعقدي معاه لوحدك اياكي يحياة
هزيت راسها بهدوء و حاولت تطلع من حضنه
بصلها بحزن و عرف انها لسه زعلانة منه ، اتنهد بحزن و اتكلم بحنان
= مش هروح الشركه انهاردة و هفضل معاكي هنا لحد اما المستر بتاعك يجي مش هخرج من الاوضه دي يحياة الا و انتي مش زعلانة مني حتى لو هفضل العمر كله هنا جانبك
يلا بقى و انا اصلا بتلكك عشان افضل معاكي
ابتسمت بخجل و قبـ.لت خده برقه
= اممم لا هروح انا مبقتش زعلانة خالص خالص
ريان و هو بيبصلها برغـ.به و اشتياق اتكلم بتوهان في رقتها
= لا هو بعد خالص خالص دي انا مش هروح في حته تعالي
قال كلامه و دفـ.ن وشه في عنقها و قبـ.ل عنقها بعمق و حب و شالها و هو ما زال يقـ.بل عنقها و حاطها على السرير و
كريم بخبث = تعالي يا نرمين
دخلت نرمين الشقه و كانت مبسوطة جدا لانها بقيت رسميا مرات كريم اللي فضلت تحلم بيه سنين
دخل غرفه النوم و هو ماسك ايديها و فتح الدولاب
انصدمت لما لاقيت الدولاب مليان قمصا.ن نوم
اتجمعت الدموع في عينيها
= هي مراتك كانت بتيجي هنا معاك
كريم = روان متعرفش اي حاجه عن الشقه دي
الشقه دي لزوم الدلع و بس
نرمين بدموع
= كنت بتتجوزهم برضوا
بقلمي يارا عبدالعزيز
كريم ببرود و هو بيعقد على السرير
= تؤ تؤ مش اي واحدة اتجوزها
نرمين باستغراب= طب و ليه اتجوزتني
كريم ببرود = بصي هو لسببين اول سبب هو اني عارف ان ملكيش في الشمال
تاني سبب بقى هبقى اقولك عليه بعدين المهم دلوقتي البسي اي واحد من دول و تعالي مش هستناكي كتير
اتكلمت بحده و دموع = انا مش بلبس ورا حد انا معايا هدومي هلبس منهم و ادام انا هعيش هنا يبقى الهدوم دي تتشال من الدولاب و دلوقتي
كريم ببرود = اعملي اللي انتي عايزاه المهم متتأخريش برضوا
بصتله بغضب من بروده و شالت الهدوم من الدولاب بغضب مفرط و حاطتهم في شنطه السفر اللي كانت على الدولاب
و خديت هدوم من شنطتها و دخلت الحمام تحت نظرات الضيق من كريم
في المساء
ريان كان قاعد على الكنبه و فارد رجليه على الكنبه و واخد حياة في حضـ.نه و دافـ.ن وشه في رقبتها و مغمض عينيه بتوهان
حياة برقه و خجل = ريان
ريان= امممم
حياة بخجل = المستر زمانه جاي دلوقتي
ريان بحب و هو بيقـ.بل كتفها و لسه مغمض عينيه
= هرن عليه و اقوله ميجيش انهاردة
حياة بخجل = امممم يحبيبى فاضل شهرين على الامتحانات و كل حصه بتكون مهمه يلا بقى دا هم ساعتين
اتنهد بنفاذ صبر = طب يلا
لبسوا و نزلوا و كان استاذ الكميا بتاع حياة داخل
بدأ يشرحلها الدرس و هي كانت مركزه معاه و مع كل كلمه بيقولها تحت نظرات الغيره الشديدة من ريان اللي كان مكور ايديه بغضب و ماسك نفسه بالعافيه
مراد بهدوء = باين عليكي زكيه اوي يحياة و ليكي مستقبل انا مبسوط منك اوي على فكره
حياة بصتله و ابتسمت ، لاحظت نظرات ريان للمستر
فردت ايديه اللي كان مكوراها و حضنتها بين ايديها و هي بتبصله بتوسل انه يعدي اليوم
ريان بحده و غيره = اطلع برا
مراد بصله باستغراب ، كمل ريان بغضب
= بقولك اطلع برااا و متجيش هنا تاني يلاااا
مراد بصله بخوف شديد و لم حاجته و خرج بخوف تحت نظرات الغضب و الغيره من ريان
حياة بصتله و اتكلمت بغضب مفرط
= هو ايه اللي انت عاملته دا !!!!!
هو عمل ايه عشان تطرده
ريان بهدوء = بصاته ليكي مكنتش مظبوطه و احمدي ربنا اني طردته بس انا عشانك انتي بس معملتش حاجه
حياة بغضب = ريااان انت كدا معملتش حاجه !!!
هجيب منين مُدرس انا دلوقتي اعمل ايه
ريان ببرود = هجبلك مُدرسه يحياة و خلاص انتي مكبره الموضوع ليه كدا و تعالي انا هشرحلك حصه انهاردة
حياة= هتعرف
ريان ببأبتسامه = تعالي و هعرفك هعرف و لا لأ
قال كلامه و شدها و قعدها على رجله و فتح الكتاب و بدأ يشرحلها و هي كانت تايهه في وسامته
حطيت راسها على صدره بتلقائية و اتكلمت بهمس
= انا بحبك اوي
ريان بعشق = و انا بعشقك يروحي ركزي بقى و لا نطلع انا بقول نطلع و انتي اصلا وحشتني اوي
حياة ببأبتسامه= على اساس اني مكنتش معاك اليوم كله مثلا
ريان بحب و هو بيشيلها= انا بقول نطلع احسن و بكره هنخلص المنهج كله
ضحكت برقه و هي بتد.فن وشها في رقبته بخجل
فضلت روان ترن على كريم بسبب انه اتأخر
بس مكنش بيرد عليها ، رنيت على نرمين باعتبارها سكرتيرته و تسألها لو في الشركه و لا ممكن يبقى فين
كريم كان خارج من الحمام و لافف منشفه على خصره
بصتله نرمين بخجل و اتكلمت برقه و هي بتاخد الفون بتاعه و بتروح عنده و بتديهوله
= رن كتير اوي و انت في الحمام
بص لتلفيون و اتكلم بضيق
= دي روان
بقلمي يارا عبدالعزيز
كانت لسه هتتكلم بس قاطعها رنين هاتفها بصتله بخوف شديد و ايديها بتترعش
= دي روان مراتك ممكن ممكن تكون عرفت حاجه
كريم بغضب و بعض الخوف
= عرفت ايه انتي كمان و هي ايه هيعرفها هتلاقيها بترن تسأل انا في الشركه و لا لأ ردي عليها و قوليلها في الشركه و عنده شغل كتير و هيبات في الشركه
نرمين بخوف شديد
= طب مردش احسن
كريم بغضب مفرط= انتي اتجننتي ؟!
عايزاها تشك فيكي ردي عليها و قوليلها زي ما قولتلك
هزيت راسها بخوف و رديت على روان و اتكلمت بصوت مرتعش
= الو
روان بحده = انتي في الشركه كريم عندك
نرمين حاولت تقوي نفسها و اتكلمت ببعض القوه
= كريم بيه في اجتماع مهم و مش هيعرف يكلم حضرتك دلوقتي و هيبات هنا في الشركه عشان فيه شغل كتير
روان بغضب = تمام
مر يومين و روان كان عندها متابعه مع دكتورة النسا
قعدت قدامها على المكتب و اتكلمت بدموع
= انا و الله تعبت و مستعده اعمل اي حاجه عمليه اي حاجه حتى لو الموضوع خطير
الدكتوره ببأبتسامه= بس حضرتك مش محتاجه يا مدام روان انتي فعلا حامل
روان بفرحه كبيره = ايه بتتكلمي بجد انا بجد حامل
الدكتوره= ايوا بس المهم دلوقتي الراحه التامه لانك عارفه ان الرحم بتاعك ضعيف و مش مستحمل و انا هكتبلك شويه فيتامينات و اشوفك بعد اسبوعين
هزيت روان راسها بفرحه كبيره
طلعت من عند الدكتورة و هي في قمه سعادتها
ركبت العربيه و قررت تروح لكريم الشركه عشان تبلغه الخبر دا
كريم كان قاعد على الكنبه اللي في مكتبه و مقعد نرمين على رجله و بيقـ.بل كل انش في وجهها برغـ.به
دخلت روان المكتب و هي بتتكلم بفرحه كبيره
= عندي ليك حته خبر انا .....
قطعت كلامها لما شافتهم بالوضع دا ، حسيت بالنا.ر بتنهش في قلبها ، اتجمعت الدموع في عينيها
و خرجت من المكتب
كريم بصلها بصدمه و قوم نرمين بسرعه و جري وراها
ركبت عربيتها و طلعت بيها
كريم. بص لطيف العربيه بغضب و ركب عربيته بسرعه و طلع وراها
كانت سايقه العربيه بسرعه جنونيه و وراها عربيه كريم
و فجأة العربية بتاعتها اتخبطت في عربيه نقل كبيره و
يُتبع....
و اخيرا روان بدأت تحصد كل اللي زراعته
الدنيا مش دايمه يا ابن ادم اظلم براحتك بس ابقى عارف انك في الاخر انت اللي هتزعل
عااايزه توقعاتكم للجاي و عايزه تفاااعل قوي جدا و مشاركات كتير اوي عشان الفصل يوصل حقيقى بتعب و موقف حاجات كتير في يومي عشان انزل الفصل يوميا
#امل_الحياه
#بقلم_يارا_عبدالعزيز
تابع الفصل التالى من هنا (رواية أمل الحياه الفصل الثالث والعشرون 23)
لقراءة الرواية كاملة من هنا (رواية أمل الحياه كاملة (جميع الفصول) بقلم يارا عبد العزيز)
