رواية خديجه الفصل العاشر 10 بقلم جهاد سعيد
رواية خديجه بقلم جهاد سعيد
وقفنا الفصل اللي فات عن لما خديجه اتصدمت
باسم : ياعمي منتظر من حضرتك الرد.
ابو خديجة : طب يابني لما تروح وتشوف نفسك كده
باسم باحترام : حضرتك أنا مرتاح جداً وبنت حضرتك جوهره بجد.
خديجة بصدمه : ياابن الايه ياترى بقا هيعمل زي ابطال الرويات ويتجوزني ويرسم عليا الحب وييجي يوم الفرح يصدمني ويقولي انا اتجوزتك عشان انتقم منك لانك رفضتيني ويفضل يعذب فيا لالا افرض طلع بخيل وحرمني من المطبخ يستحيل اتجوزو ايه الهبل اللي بقوله ده انا دلوقتي مش هكسر فرحة اهلي انا هفضل استخير ربنا وهوافق واللي ربنا كاتبه هو اللي هيكون انا متأكده اني ربنا هيختار ليا الصالح وانا ليه احط نفسي في حرب واوجع دماغي لا وعسى ان تكرهو شيئا وهو خير لكم وعسي ان تحبو شيئا وهو شر لكم والله يعلم وانتم لا تعلمون
عند باسم وهو في السيارة.
باسم بغيظ : بقي انا تعمل معايه كده ده انا هوريكي ايام ### علي دماغك هتجوزك يعني هتجوزك ياخديجة مش انا اللي واحده فلاحه تعمل معايه كده الغلط عليا من الأول اني فكرت ارتبط بدي بس انا هتجوزها وهخليها تتمنى كلمه مني هكسر غرورها ده.
خديجة في اوضتها
خديجة بقالي يومين مكلمتش منى ولاهي كلمتني انا خايفه ليكون في حاجه هرن عليها.
منى بابتسامة وهي بترد علي خديجة
منى : السلام عليكم ياهانم لسه فاكرة تسألي.
خديجة : وعليكم السلام ورحمة الله لا أنتي اللي مقطعه الأتصالات طب اسألي يمكن موت ودفنوني
منى بأسف : بجد ياخديجة اليومين اللي فاتو كانو صعبين جدا ماما كانت محجوزه في المستشفي وكان البيت مقلوب.
خديجة بخضه : وزعل علي صاحبتها إن لله وأن إليه راجعون خير يامنى مامتك عندها ايه وهي كويسة دلوقتي
منى بضحك : يابنتي إن لله وان اليه راجعون بتنقال لو لقدر الله حد مات.
خديجة بجديه : لا يامنى دي بتنقال عند اي مصيبه بتحصل ربنا قال ( وإذا أصابتهم مصيبة قالو ان لله وان اليه راجعون ) فهمتي ياحبيبتي لازم الواحد دايما يتذكر الرجوع الي الله.
منى : أول مره أعرف المعلومه دي ربنا يرزقك الفردوس الأعلى.
خديجة : اللهم آمين أنا وأنتي كده وكل واحده مع جوزها عند كلمة جوزها افتكرت باسم.
خديجة ببرود : أسكتي يامنى مش أنا جالي عريس النهارده.
منى بلهفه : بجد مين هو وسنه وعنوانه ورقم القومي بتاعه والفرح امتي.
خديجة بضحك : هههههه ايه ده كله هو أنا لسه وافقت أصلاً ده أنا لسه هفكر
مني بغيظ : تفكري ايه عايزه أشتري لبس جديد أخلصي بقا قولي مين ده. .
خديجة باستفزاز : مش هتصدقي مين.
منى بفضول قاتل : مين ياخديجة بدل مااقتلك
خديجة : باسم باشا.
منى بتساؤل : باسم مين.
خديجة بغيظ : الأخ اللي كان هيخبطني بالعربيه وطلع أداني كلمتين حرقو دمي.
منى بفرحه : بجد الواد الحليوه ده أتقدملك.
خديجة بعصبيه : ايه حليوه دي وبعدين ده شكله يقطع الميه والنور.
منى : أنتي غيرانه.
خديجة بسخريه : أنا أغير وعلى مين على ده هااا
مني بجديه. بصي ياخديجه. انتي دايما تقولي ليا. إني أسلم أمري لله ودايماً بتقولي ربنا بيقول وعسى أن تكرهو شيئا ويجعل الله فيه خيراً كثيرا.
وبرده كنتي بتنصحيني إني أدعي ربنا يختار ليا ولا يخيرني.
خديجة بابتسامة : فعلا اللهم أختار لي ولا تخيرني.
منى : ربنا يختار ليكي الصالح أنتي تستاهلي كل خير والله.
خديجة : صح الأخ مش هينزل بقا وتعملو الفرح ولا عجبه السفر ليكون أتجوز عليكي يامنى
مني بغيظ : بعد الشر مش لما يتنيل يتجوزني الأول بدل ماهو كاتب كتابه وسايبني كده.
خديجة بضحك : فضلت تذليني إنك أتخطبتي قبلي باين عليا هتجوز قبلك ( وأنتي ياصاحبتي باين عليا هتجوز قبلك بأذن الله )
منى بابتسامة : ياريت والله ياخديجة أفرح بيكي بقا هيبقي أسعد يوم في حياتي.
خديجة : أسعد يوم في حياتنا يا منى هو لما ربنا يقول لينا رضيت عليكم ولا اسخط عليكم ابدا.
منى : اللهم أرزُقنا حبك وحب من يحبك وحب عمل صالح يقربنا إلى حبك.
خديجه برجاء : الله علي جمال الدعاء ده الواحد بيحس إني قلبي هيقف من جماله حب ربنا ده والقرب منه هي السعادة الحقيقه.
منى : ربنا يجمعنا دايماً علي طاعته.
خديجة : اللهم آمين يلا بقا السلام عليكم عشان هروح أقعد مع أهلي شويه لغاية ما العشا تأذن أصلي وأنام بأذن الله
منى : وعليكم السلام ورحمة الله مع السلامه ياحبيبتي.
قفلو الخط وقامت خديجة وقعدت شويه مع أهلها سمعت أذان العشاء قامت توضئت وصلت وفضلت تدعي ربنا
خديجة ببكاء : يارب أختار ليا ولا تخيرني وكلتك أمر زواجي أنت حسبي ووكيلي لا تخذلني يالله وقفت ببابك فلا ترُدني كن معي دائما يالله يارب أهدي أهلي وأجعلهم يلتزمو في الصلاه يارب أهدي المسلمين جميعا يارب أجعلني ممن يقولون القول فيتبعون أحسنه يارب استعملني في نصرة دينك ولا تسبدلني اهدي بنات وشباب المسلمين وردهم إليك رداً جميلاً حبب ياسمين في الحجاب وأجعلها دايماً قريبه منك وابعد عنها كل سوء أجمع منى مع زوجها عاجلاً غير أجلاً وأرزقها منه بذريه صالحه تقر عينها أرزق كل بنت لم تتزوج بالزوج الصالح عاجلاً غير أجلاً
انتهت خديجه من صلات العشاء وصلت الشفع والوتر لإنها تعلم من صل ركعة الوتر كأنه أقام الليل كله ياااه يعني ركعه واحده كاني طول الليل أصلي قيام الليل ايه أسهل من كده ربنا كريم قوي.
نامت خديجة علي جنبها الايمن ذي ماالنبي صل الله عليه وسلم وصانا وجمعت ايديها ونفثت فيهم وقرأت سورة الاخلاص والمعوذتين وقرأت اذكار النوم بسمك ربي وضعت جنبي وبك ارفعت فان امسكت نفسي فارحمها وأن ارسلتها فحفظها بما تحفظ عبادك الصالحين بسمك الله مااموت واحيا.
انتهي الاسبوع وبدء يوم دراسي جديد وطبعا الروتين بتاعها تقوم من قبل الفجر بساعه تقيم الليل وبعد كده تصلي الفجر وتقرء وردها وبعدين تلبس وتروح جامعتها.
منى وخديجة في الجامعه.
منى : ياااااه اخيراً خلصنا المُحاضره
خديجة بضحك : الحمد لله أنا سمعت كل كلمه بس إني افهم كلمه.
منى : هههههه تصدقي والدكتور يقول فهمين يابنات واحنا متنحين.
خديجة : هههههه ده حال أغلب الطلبه بندخل المحاضره ونطلع واحنا بنسأل بعض هو كان بيقول ايه.
منى : يلا بقا نمشي ولا وراكي حاجه.
خديجة : ياسمين قالت إنها هتيجي بعد ما أخلص المُحاضره
منى بمزاح : الله يسهلك ياعم أخت العريس بقا.
خديجة : أنا لو هتجوز الغتت ده عشان أخو ياسمين بس.
منى : عبيطه هو حد يلاقي زيه تاني فين حظك إني مرتبطه كنت زمان خطفتو منك
خديجة : الكلام ده اتسجل وهيوصل حالا للأخ جوزك
منى بشهقه : عايزه تخلي الواد يطلقني ياخديجة
خديجة : هههه ايوون عشان تبطلي تبصي بره.
منى : ده جوزي ده مفيش زيه لسه بتسجلي ولا خلصتي
خديجة بمزاح : ههههه لا عيدي المشهد ده لإني مسجلتهوش ياسمين وصلت اهي.
منى : طب يلا نروح نقعد شويه في الكافتريا وبعد كده نمشي.
خديجة : يلا يامعلم.
ياسمين بسعاده وهي بتحضن خديجة وحشتيني اوي.
خديجة بمزاح وهي في حضن ياسمين قولنا نكتب الكتاب يابنتي.
منى : وأنا بنت البطه السوده
ياسمين بابتسامه وهي بتحضن مني أنتي العشق كله.
خديجة بحده : أنا بغير على فكره.
ياسمين بضحك : لو مش عجبك طلقني.
خديجة بتمثيل : طب انتي طا
ياسمين بفزع : لا بلاش أنا اسفه ياحاج.
خديجة : أعتذارك مقبول ياحجه.
وضحكو وراحو قعدو في الكافيه وبيتكلمو بس طبعا خديجة أخدت البنات وراحو قعدو مع مجموعة بنات.
خديجه بابتسامه من تحت النقاب
السلام عليكم يابنات
البنات : وعليكم السلام ورحمة الله وبركاته
خديجة : ممكن أتكلم معاكو شويه.
بنت : أتفضلي ياخديجة سمعينك.
واحده تانيه : كنا عرفين انك جايه لاننا اتعودنا عليكي بس كنتي ناديتي علينا واحنا جينا ليكي
خديجة بابتسام : لا طبعا هو النمل اللي بيروح لسكر ولا السكر اللي بيروح لنمل.
البنات : لا النمل اللي بيروح لسكر.
خديجة : واحنا النمل وانتو السكر عشان كده احنا اللي جينا ليكو انتو عارفين اني مهما نعمل ذنوب لما بنقول اغفرلي يارب ربنا بيقبلنا ويغفر لينا ربنا بيتقبل ويغفر لينا وبيقبل توبتنا الا في توبة كعب بن مالك ربنا متقبلشي التوبه علي طول وكان عقابه في الدنيا عظيم بسبب انو تخلف عن غزوة واحده.
بنت عقاب ايه و أزاي يعني وهو عمل ايه ده كان بيشارك النبي في جميع غزواته.
خديجة بابتسامة : بصي ياستي
موبيل ياسمين رن وهي فتحت : الو
الحلقه اللي جايه بأذن الله هنعرف حكاية كعب بن مالك وهنعرف مين اللي بيكلم ياسمين وعايز ايه.
يارب تكونو استفدتو حاجه من الحلقه. استودعكم الله.
#تفاعل
عشاق الروايات ✨📖🖋️
