رواية خديجه الفصل الحادي عشر 11بقلم جهاد سعيد
رواية خديجه بقلم جهاد سعيد
وقفنا المرة اللي فاتت لما هاتف ياسمين رن ولما كانت خديجة بتكلم البنات علي توبة كعب بن مالك.
ياسمين : بعدت شويه عن خديجة وردت علي الموبيل.
ياسمين : الووو
باسم : أنتي فين.
ياسمين : مع خديجة.
باسم فرح من جواه لما سمع اسمها
باسم : احم مقولتيش ليه.
ياسمين بخوف : أنت كنت مشيت وانا استأذنت من بابا وماما
باسم بحده : في حاجه اسمها زفت موبيل.
ياسمين : اسفه بس النهارده مكانشي عندي محاضرات قولت اجي أقعد مع خديجه.
باسم : هي جمبك.
ياسمين بضيق : لا هي بتكلم البنات وأنا قولت اكلمك وخايفه تخلص القصه وانا لسه بكلمك
باسم باستغراب : قصة ايه.
ياسمين بابتسامه : قصة كعب بن مالك.
باسم بفضول : مين ده.
ياسمين : ده صحابي من أصحاب النبي صل الله عليه وسلم يلا بقا عشان عايزه أشوف ايه العقاب أو الأختبار اللي ربنا عقبه بيه في الدنيا وهل هو نجح في الأختبار ولا لا.
باسم : احم طب سيبي الخط مفتوح وروحي اسمعي.
ياسمين بدهشه : بجد
باسم بجديه : اخلصي يلا
ياسمين بفرحه : أوكي
باسم ابتسم وعندو فضول يسمع خديجه وهي بتتكلم وبرده عايز يعرف مين كعب بن مالك.
نروح عند خديجه بقااا قبل شويه :
خديجه : بصي بقا ياحبيبتي كعب بن مالك الانصاري أسلم في بيعة العقبة طبعا كلنا عارفين اني النبي صل الله عليه وسلم كان مابيصدق موسم الحج ييجي عشان يكلم الناس عن الإسلام وطبعا هما كانو للاسف بيعبدو الاصنام والنبي اتكلم مع مجموعه جايه من يثرب اللي هي المدينه المنورة دلوقتي والحمد لله دخلو في الإسلام اهو كعب ده من الناس اللي سمعت النبي صل الله عليه وسلم وصدقته وأمنت بيه ولما النبي صل الله عليه وسلم هاجر المدينه كان كعب بيقعد يسمع النبي ويعمل كل حاجه ربنا أمره بيها ولما النبي طلع يحارب الكفار سيدنا كعب خرج معاه كل الغزوات.
بس للأسف غزوة تبوك الوحيده اللي تخلف عنها.
والمصيبه الأكبر أنها كانت اخر غزوة في حياة النبي والغزوة اللي ربنا أنزل فيها لقد تاب الله على النبي ) يعني ربنا بشرهم بالتوبه في الغزوة دي.
تعالو بقا نشوف كعب بن مالك تخلف عن الغزوة دي ليه
النبي أمر المسلمين إنهم يجهزو للجهاد وطبعاً كل الصحابه ابتدو يجهزو نفسهم ماعدا
سيدنا كعب ومرارة بن الربيعه وهلال.
وطبعاً المنافقين اللي بيظهرو الإسلام وهما بيكرهوه.
سيدن كعب كل يوم يقول أنا لو عايز أجهز هجهز بس مش دلوقتي وكل يوم يقول بكرة بكرة لغاية مالنبي اخد الجيش وراح للأرض المعركه.
ساعتها كعب أبتدا يندم انو ساب النبي و مرحشي الغزوة بس الندم بعد فوات الأوان مينفعشي.
ورجع النبي صل الله عليه وسلم والصحابه وأنتصرو في المعركه.
سيدنا كعب رايح لنبي صل الله عليه وسلم سمع المنافقين بيخترعو أعذار كذب في كذب والنبي ساكت
سيدنا كعب دخل على الرسول وهو حزين ومكثوف مش عارف هيقول ليه ايه هيكذب وينجي نفسه طب ربنا أكيد عالم اني كذاب طب أصدق والرسول يزعل مني وقرر كعب أنو هيقول الحقيقه واللي يحصل يحصل.
النبي بيبتسم لكعب بعتاب ماخلفك عن الغزوة يا كعب
كعب ببكاء وحرقه والله يارسول الله أنا تخلفت عن الغزوة من غير عُذر ولا بسبب مرض ولا قلة صحه والفرس بتاعي شديد ولكن غلبتني نفسي.
كعب عمل زي ناس كتير كل يوم هنتوب بكرة بكرة وأكبر غلط عمله انو مفكر لما يقرر أنو يتوب هيتوب لا لو ملحقتش دلوقتي تتوب يمكن تندم بعدين بس بعد فوات الأوان.
النبي ﷺ بص لكعب وقالو أنتظر حتي يحكم الله فيك.
مشي كعب مش عارف يقول ايه
سأل واحد من الصحابه حد قال زي
رد عليه ايوه هلال بن اميه و مرارة بن الربيع.
وطبعا بعد ماقالو راحو بيوتهم يبكو من شدة الندم و أعتزلو الناس.
النبي ﷺ أصدر قرار اني محدش يكلم كعب أبداً ولا الأتنين اللي معاه.
متخيلين يابنات انك تعيشي في الدنيا من غير ماحد يكلمك صحابك يخصموكي وأهلك وعيالك وكل الناس وهما مش اي ناس دول أصحابه حبايبه أخواته في الله.
سيدنا كعب يكلم اي حد منهم محدش يرد عليه.
وفي يوم سيدنا كعب كان بيصلي وراح صلى جنب النبي صل الله عليه وسلم وافشى عليه السلام والنبي ماردش عليه سيدنا كعب نفسه يشوف النبي بيبتسم ليه زي ما كان بيعمل وقعد يذكر الله شاف النبي بيبص ليه وأول ماسيدنا كعب ينظر لنبي النبي ينظر للأرض أو اي مكان تاني زعلان من كعب.
تخيلو يابنات حبيبي وحبيبك النبي صل الله عليه وسلم زعلان منك هتعملي ايه.
البنات بيبكو في صمت من قصة كعب بن مالك.
خديجه بدموع : كعب تعب من شدة الندم وكمان محدش بيكلمه كفايه العذاب اللي في قلبه لإنه فعل هذا الذنب وتخلف عن نصرة الدين.
مرة كعب كان بيخبط علي ابن عمه صحابي برده شافه مرضيش يفتحله قام سيدنا كعب نط من على السور ودخل ليه.
سيدنا كعب ببكاء أستحلفك بالله يا سعد أنت تعلم اني أحب الله ورسوله.
سيدنا سعد مش راضي يرد عليه.
كعب بن مالك ببكاء شديد أستحلفك بالله رد عليا أنت تعلم اني أحب الله ورسوله.
سعد رد عليه الله ورسوله أعلم
سيدنا كعب خرج وهو ماشي لقى واحد من جنود ملك الروم بيسأل عليه.
رسول ملك الروم خد الرسالة ملك الروم بعتهالك
سيدنا كعب فتح الرسالة لقى ملك الروم كاتب فيها انو عرف اني محمد أستغنى عنه ومش عايزه تعالى عندي واحنا نواسيك
سيدنا كعب أخد الرسالة وولع فيها قدام الجندي اللي ملك الروم بعته.
ملك الروم بعت الرسالة لكعب بالذات لأنه كان قوي و شجاع وبعدين عايز يهدم الإسلام ويحرق قلب محمد علي أصحابه النبي بيحزن حزن شديد لما يهودي يموت لأن نفس ماتت علي غير الإسلام فما بالكو بقا لما مسلم يموت او يُكفر بالله.
سيدنا كعب جاء ليه رسالة من عند النبي صل الله عليه وسلم اني زوجته تروح عند أهلها.
سيدنا كعب بحزن أمرك اني أطلقها ولا أُتركها تروح عند أهلها بس
الرسول لا تتركها بس
سيدنا كعب تعب بقى لواحده فضل فوق السطح وفضل يدعو الله أن يغفر له ذنبه معدشي ملجأ إلا الله. وفجأه سمع حد بينادي عليه بصوت عالي يا كعب بن مالك.
يا كعب بن مالك لقد تاب الله عليك ☺️
وأتنين من الصحابه جريو يبشرو هلال و مرارة.
سيدنا كعب لما سمع نزل يجري وراح عند النبي صل الله عليه وسلم لقي النبي بيبصله بفرح وسعاد
وسيدنا طلحه جري عليه يحضنه من شدة فرحته.
النبي بفرح وسعادة أبشر يا كعب بخير يوم مر عليك منذ ولدتك أمك لقد تاب الله عليك.
سيدنا كعب من شدة الفرحه مش قادر يتلم علي أعصابه يارسول الله امن عندك ام من عند الله
النبي بفرحه وابتسامة كبيره : من عند الله.
خديجه بدموع فرح : شوفتو بقا يابنات سيدنا كعب لما أذنب ذنب حصل معاه ايه محدش يستعجل يابنات أقفو علي باب ربنا وقولو مش هنسيب بابك يارب.
قال تعالي : (وعلي الثلاثة الذين خلفو حتي إذا ضاقت عليهم الأرض بما رحبت وضاقت عليهم أنفسهم وظنو أن لا ملجأ من الله إلا اليه ثم تاب الله عليهم ليتوبو )
الثلاثه دول منهم كعب بن مالك يلا كلنا نتوب من جديد ونرجع لربنا وصدقوني هيقبلك.
وبكده خلصنا قصة كعب بن مالك.
إن شاء الله بكرة هنشوف القصه دي أثرت في باسم ولا لا وايه موقفه. وياترى هيحصل ايه أنتظروني في الفصل القادم باذن الله
لو لقيت تفاعل كبير على الفصل هنزل فصلين بكرة إن شاء الله ♥
#تفاعل 💗💗
يتبع
