رواية ملاك في عالم الشياطين الفصل الأول 1بقلم ورده
رواية ملاك في عالم الشياطين بقلم ورده
🖤 الحلقة الاولى 🖤
🖤🖤🖤🖤🖤🖤🖤🖤🖤🖤🖤🖤🖤🖤🖤🖤
هى بنت بسيطة كل حلمهاا انهاا تكون دكتورة وتحقق حلم والدتهاا الله يرحمهاا بعد ما والدتهاا ماتت على ايد دكتور فاشل شخص حالتهاا غلط ومن وقتها قررت انها تكون دكتورة وهى فى سن ١٠ سنوات بتحلم بحياة وردية
امتى يجى الى يقدر يشغل قلبهاا ويدخل من غير استاذان
ويخطفهاا على الحصان الابيض مش مهم اوى يكون ابيض ممكن بنى عادى هى بتحب الالوان وممكن تتنازل مفيش مشكلة احلامها بسيطة
عيونها العسلى لامع من صفاء قلبهاا بتشد كل الى يشفهاا وبيعشق رقتهاا اخلاقها بس عنيدة وحنية قلبها الى بتظهر فى كلامها بتعشق اللون الابيض وبتحب شعرهاا الطويل بيوصل لخصرها وبتحب تهتم بية جدا اهتمام يومى
تحت شعار شعر البنت رمز جملهاا
...............................................................................................
هو انسان لا شيطان على شكل انسان بيملك السلطة والمال فى ايدو وتحت رجلو رجاالة بشنبات تحت اشارة منو بيعشق الدم بيكون راحة نفسية لية لما بيشوفو لون الدم بيريحو
جدا هو مافياا متحركة مخدرات سلاح بيع اعضاء كل حاجة متاحة ملقب( بالفهد )
اى حاجة متاحة لية البشر بالنسبة لية لعب بيلعب بيهاا زى ما هو عاوز مغررور بلا حدود عيونو باللون الاسود وشعرو الاسود وهدومه السودة علامة مميزة لية الكل بيخاف منو
ملوش عزيز ولا غاالى ابدا ملوش نقطة ضعف وحدة ودة سبب قوتو
**********************************
فى حى الدقى عمارة ٩ فى الدور التالت ريحة الدخان خرجة من شباك المطبخ
جمال / نسمة
نسمة بشهقة بترمى الاب توب بتعهاا على السرير وبتجرى على المطبخ بسرعة
نسمة / اتحرقت يا باباا اتحرقت
جمال بيدخل المطبخ وباين علية الغضب
جمال /اناا مش عارف لما يوسف يرجع ويقولى يا عمى نعمل الفرح هقولو اية هتكسفيناا مع حماتك الله يسمحك شوية بطاطس مش عرفة تحمريهم
نسمة وهى بترمى البطاطس المحروقة
نسمة /هو انا هتجوز علشان اعمل بطاطس يعنى ااووف
اعمل اية اناا فاشلة فى المطبخ خلاص ارمونى فى الشارع علشان ترتاحو عااااا
نسمة بتعيط وبتروح على اوضتها و جمال والدها بيكلم نفسو فى المطبخ
جمال / انا برضو غلطان يعنى لازم اكل بطاطس على العشاء كفاية جبنة وزتون اما اروح اصالحهاا
**********************************
جمال بيروح على اوضة نسمة وبيشفها قاعدة على طرف السرير وبتعيط و جمال بيقاعد جمبهاا
جمال/ زعلانة
نسمة / ومخصماك كمان
جمال / وانا مقدرش على خصام حبيبت قلب ابوهاا ابدا
وبيحضنهاا اوى وبيبوس جبنهاا
نسمة / حبيبى يا بابا
مليكه نايمة ورهم على السرير التانى
مليكه / ممكن لما تخلصو الفيلم التركى دة تطفو النور عوزة انام
جمال/ دى غيرة بقي مش كدة
مليكه /وانا هغير لية بقي خطيبى انت ولا جوزى مثلا
جمال بيغمز لنسمة
مليكه / انا شفتك على فكرة وانت بتغمزلهاا خليها تنفعك
جمال بيضحك اوى
مليكه / متفتكرش ان ضحكتك الحلوة ولا الغمازات دول هياثرو عليها
جمال / ابدا يعنى
مليكه /ابدا ابدا ممكن تسبونى انام عندى مقابلة بكرة الصبح فى الجامعة ومش فاضية ومشغولة مش زى ناس فاشلة
نسمة / بابا دى بتقصدنى اناا
جمال / لا يا روح ابوكى سيبك منها تعالى فى حضنى هناا
مليكه بتتنفض من السرير وبتقف على السرير بعصبية
و جمال بيتخض من اندفعها ووقفتها فوق السرير
مليكه / لحد هناا وكفااية بقي اناا خلاص مش مستحملة
نسمة / هتعملى اية يعنى
مليكه / همسك شعرك هنتفو بايدى
نسمة / بابا هى دى اختى بجد
جمال / لا ياحببتى احنا بنربيهاا ثواب لله كدة
مليكه / كلمة كمان وهعيط والله
و جمال بيضحك وبيروح على مليكه وبيقربهاا منو وبيخدها فى حضنو
جمال / ان كانت هى روح ابوهاا انتى قلب وعقل ابوهاا انتى اول فرحتى يا هبلة
مليكه بتحضن ابوهاا اوى و نسمة بتسمع رنة من الألب توب بتعهاا
نسمة / انا نسيت يوسف كان معاياا
مليكه و جمال بيضحكو وجمال بيشيل مليكة وبيخرجو
من الاوضة وهو لسة شيلها على دراعااتو زي الطفل الصغير
جمال / مرتاحة كدة يا قلب ابوكى
مليكه / جدا خدنى لفة فى الصالة وبعد كدة على المطبخ
هعملك شوية بطاطس اماا اية جناان مش بطاطس الفاشلة بنتك الى جوة دى
نسمة بصراخ / سمعتك على فكرة
مليكه و جمال بيضحكو اوى وجمال بينزل مليكه على الارض قدمه وبيبسها من جبنهاا
جمال / ربنا يخليكو لياا يا حبيابى هاا مقولتليش مقابلة اية الى فى الكلية بكرة الصبح
مليكه / دى مفاجاة بس تتم وهقولك اكيد
جمال / اممممم طب يلا هموت من الجوع فين البطاطس
مليكه / فوريرة
مليكه بتجرى على المطبخ و جمال بيتنهد اوى وعلى وشو ابتسامة جميلة وفى عيونو حزن كبير وبيقرب من صورة كبيرة على الحيطة وبيلمسهاا
جمال / هدي وحشتينى عدى على وفاتك ١١ سنة امتى بقي هتخدينى معاكى .... طب خلاص متتعصبيش البنات فى عيونى وقلبى يا حببتى مش هجيلك غير لما اطمن عليهم الاول حاضر مليكه فى اخر سنة فى كلية الطب هتطلع
جراحة كبيرة اما بقي اخر العنقود دى بقي مجننانى يا هدي وخايف عليهاا بس تعرفى ان انا خايف على مليكه اكتر من نسمة والله عارف ان مليكه عقلة وقد المسؤالية بس مش
عارف لية قلبى بيتقبض لما تخرج حتى من الشقة بقولك اية تعالى النهاردة فى الحلم ونتكلم براحتناا انا وانتى احسن حد منهم يسمعناا
وبيرجع يملس على صورة هدي مراتو الله يرحمها بحنان
وبعد دقايق بتخرج مليكه من المطبخ وفى اديها طبق بطاطس
جمال / الله على ريحة البطاطس السخنة
مليكه / الف هناا يا باباا
مليكه بصوت عالى / نسمة يلاا العشاء
نسمة بتخرج من الاوضة وبتقاعد جمب مليكه
نسمة / بابا يوسف بيسلم على حضرتك وبيقولك ان كمان شهرين هينزل علشان نحدد ميعاد الفرح لان الموبيليا هتوصل كمان اسبوع خلاص
جمال / يرجع بالسلامة يا حببتى خلاص يعنى مستعجلين اوى
نسمة بتبص للارض بخجل
مليكه/ مش عرفة انتو مستعجلين لية كان ممكن تخلصى تعليمك الاول انتى لسه صغيرة
جمال / يوسف وعدنى انك مش هتقصري فى مذاكرتك
نسمة / ابدا ابدا يا باباا وعد
مليكه / امممممم فى المشمش
نسمة بتضرب مليكه فى جمبهاا
مليكه / اة
جمال / اسكتى انتى وهى يلاا اتعشو كويس وعلى النوم على طول علشان كل وحدة تروح كليتها
مليكه / انا شبعت هروح اغسل سنانى وانام
جمال / يا حببتى كولى كويس مينفعش اكلك دة ابدا تعبت معاكى
مليكه / والله يا بابا انا شبعت اعمل اية بس
جمال / ياحببتى انتى الكلية بتعتك متعبة جدا ومحتاجة مجهود منك لازم تتغذى شوية علشان تقدرى عليهاا
مليكه/ بنتك اسد يا باباا
مليكه لسة هتمشى وبتتكعبل فى السجادة و نسمة بتضحك عليهاا
جمال / اسد اوى
مليكه /عادى يعنى اسد على قدى
وبيضحكو اوى و مليكه بتروح على الحمام تغسل سننها
**********************************
فى امريكاا
فى المطار بتهبط طيارة خاصة المطار وبينزل منها بسرعة حوالى ٢٠ شخص باجسام عملاقة والسلاح على خصرهم وبينزل رئيسهم شاب فى ال ٣٠ من عمرو بنظراتو المرعبة بيمسح بيها المكان
وبيتحرك حولية الرجالة بتعتو بخطوات سريعة وبيخرج من المطار بيركب عربية مصفحة ضخمة دفع رباعى والرجالة بيركبو خمس عربيات وره وبيتحركو
تحت انظاار المتواجدين فى المطاار الى بان على ملامحهم الخوف وبيوصلو قصر ضخم وبيبداو ينزلو وبيتفرقو فى كل انحاء القصر وبيدخل هو بخطواتو السريعة القصر
مديرة الخدم فى القصر / حمدالله على سلمتك يا فهد بية
فهد بيشاورلها انها تمشي وبيدخل شاب تقريبا فى عمر الفهد بهدوم شيك كاجول
ريان / حمدالله على السلامة اتاخرت يعنى المرة دى
فهد بيطلع سيجار ضخم وبيدخنو وبينفخ الدخان قدمه بعصبية
ريان / صفقة السلاح اتسلمت بس
فهد بيرفع عيونو لريان
ريان / مايكل ورجلتو ظهرو وحولو يخربو الصفقة بس قدرنا نسيطر عليهم بس مايكل هرب هو واتنين من رجلتو
فهد / سيبو هو هيظهر لوحدو
ريان / لازم يتعلم الادب
فهد / متقلقش اناا هعلمو ازاى يلعب مع الفهد انا هطلع ارتاح
ريان / تحب ابعتلك ميين كريستين ولا انجى ولا ااا
فهد/ ابعتلى انجى
ريان بيطله الموبيل
ريان / تعالى على جناح الفهد
الفهد بيطلع على الجناح بتاعو و ريان بيقاعد و مديرة الخدم بتقرب من ريان
مديرة الخدم مدام اولفت / هو هيطول هناا
ريان / روحى اسالية هو
اولفت / هو اناا مستغنية عن روحى يارب يخلص شغلو ويروح بسرعة
ريان بيضحك على خوفهاا ورعبهاا الواضح عليهاا
ريان / روحى خليهم يعملولى قهوة
اولفت/ حاضر
وبتدخل بنت جميلة بشعر اسود طويل بهدوم خليعة
وبتشوف ريان وبتبتسم اوى وبتقرب منو
انجى / هو وصل امتى
ريان / من شوية يلاا اطلعى
انجى بتظبط شعرها بايتساامة وبتطلع بسرعة على جناح الفهد
**********************************
فى الصباح
فى مصر فى كلية طب جامعة القاهرة
مليكه بتخرج من مكتب عميد الكلية ومعاها رشا صحبتها فى الجامعة
رشا / مليكه انتى فهمتى حاجة من الى سمعناة جوة دة
مليكه / لاا
رشا / ولا اناا
مليكه و رشا بيبصو لبعض وباين عليهم الصدمة وفى شاب بيروح عليهم
تامر / اية يا موزة انتى وهى العميد كان عاوز منكو اية
رشا و مليكه مبيتكلموش وسكتين
تامر / اية هو شربكو حاجة اصفرة ولا اية
تامر بياخد الورقة الى فى ايد مليكه والى فى ايد رشا
وبيقرا الورقة
تامر / ياولاد المحظوظة
تامر / هتسفرو امريكا تخدو السنة الاخيرة هنااك
رشا / تامر اقرصنى ونبى
تامر بيضرب رشا على كتفها بغباوة و رشا بتصرخ و مليكه بتتفزع
مليكه / اية
رشا / مليكه احنا هنسافر امريكا سنة انا انا وانتى
مليكه / انا مش مصدقة انا لما بلغونى ان العميد طلبنى النهاردة كنت مفكرة علشان مكافئة عن سنين الكلية والامتيازات
رشا / وانا كمان
تامر / افهم من كدة هتسفرو وتسبونى
مليكه / انت ازاى تقول كدة يا تامر هنسيبك طبعا
رشا / نعم يختى
مليكه / دة انا مش عوزة اعرفك اصلا كانت صحبية منيلة
تامر بيقرب من مليكه بغضب و مليكه بتبص لفرق الطول بنهم
مليكه / اصحبى بهزر معاك هبعتلك من هناك اية
تامر / مش عاوز حاجة المهم ترجعو بالسلامة انتى وهى
مليكه / حبيبى يا صحبي
تامر / هتسفرو امتى
رشا / العميد بيقول ان لو سلمنا البسبور بكرة هنسافر اخر الاسبوع
**********************************
فى الليل
جمال فى اوضته و مليكه وقفة على الباب وبتعيط
مليكه / يابابا طب ممكن نتكلم بس
جمال مبيردش عليهاا و مليكه منهارة من العياط
مليكه / يابابا دة حلم اى بنت انها تدرس فى امريكاا وتاخد الشهادة من هناك واحقق حلمى دى فرصة مبتجيش غير مرة وحدة فى العمر
نسمة / مليكه اهدى بس بكرة نتكلم معاة هيكون رايق اكتر من كدة
نسمة بتاخد مليكه على الاوضة بتعتهم و جمال واقف قدم صورة هدي
جمال / مقدرش اخليها تبعد عنى يا هدي ازاى امن على مليكه بنتنا انها تسافر بلد غريب وتفضل هناك سنة كمان
**********************************
فى امريكاا
فى قصر الفهد ريان بيدخل لفهد اوضة المكتب
ريان / كل المخازن بتعتو بمستوى الارض
فهد / علشان يحرم يلعب مع الفهد هو حب يلعب معايا
واناا حبيت كمان العب معاة
ريان / بس احنا كدة دمرناة نهائى
فهد / مايكل لازم يتعلم الادب من اول وجديد
ريان / بس كدة افريقيا لازمهاا تقسيمة تانية بما ان مايكل انسحب بعد الى عملناة فية
فهد / اتصل بويليم هو مستني الخبر دة بفارغ الصبر
ريان / بس ويليم طماع
فهد / اناا بعرف ازاى اتعامل معاة
وبيدخل عليهم شاب طويل ووسيم بيشبة ريان فى وسمتو وجسمو العريض
كنان / حبايب قلبى وحشتونى والله
فهد / انت لحقت تخلص الى قولتلك علية
كنان / انت فكرنى ريان ولا اية اناا كنان يا كبير متنساش
انا بتاع المهمات الصعبة وبس
ريان بيجز على اسنانو بغضب و كنان بيضحك
فهد / عملت اية
كنان بيحط شنطة سودة جلد على المكتب قدم فهد
ريان / فيها اية الشنطة دى
فهد بيرجع بضهرو على الكرسى وبيرتح بارتياح وعلى وشو ابتسامة خبيثة
فهد / افتحهاا
ريان بيقرب من الشنطة وبيفتحهاا وبيتفزع وبيصرخ وبيبعد لوري
ريان / الله يخرب بيتك اية القرف دة
كنان بيضحك اوى وبيمد ايدو جوة الشنطة وبيطلع راس انسان منها
ريان بقرف / دة يوسف
فهد / الخاين هى دى الطريقة الوحيدة معاة
كنان بيضحك وبيحرك الراس فى اتجان ريان
كنان / عااا اوعة ياكلك
ريان / ياحيوان بتعمل اية انت غبى
فهد / خلاص شيلو من هناا وابعت حد ينضف المكتب
و الفهد بيخرج من المكتب و كنان بيرجع الراس فى الشنطة وبيشيل الشنطة
ريان / انت اية حجر
كنان/ يعنى اعمل اية هو الى طلب منى انو يتاكد ان يوسف مات قولت اجبلو معايا راسو علشان يتاكد
ريان بيبصلو بغضب وبيخرج من المكتب
كنان / هو فى اية هو زعل اية دة يا ريان يا روورو
**********************************
فى الصباح فى مصر
مليكه بتحس بوالدها بيملس على شعرهاا و بتفتح عنيها
جمال / صباح الخير
مليكه / باباا انا مش عوزة ازعلك لو مش موافق خلاص انا هعتزر عن السفرية دى بس بلييز متزعلش منى
جمال / ايوة افضلى عيطى بقب وعيونوك تورم اكتر من كدة
وصورة البسبور تطلعى فيهاا بع بع
مليكه / بسبور
جمال / يلا تعالى هروح معاكى اعملك البسبور يلاا
مليكه / يعنى
جمال / اة موافق
مليكه بتحضنو اوى وبتعيط
مليكه / حبيبى يا بابا ربنا يخليك لياا وميحرمنيش منك ابدا
جمال / مليكه بس توعدينى انك تخلى بالك من نفسك انتى فاهمة ولو حصل اى حاجة كلمينى وترجعى على طول مفهوم
مليكه / حاضر يا احن اب فى الدنياا
جمال / هتوحشينى يا مليكه هتوحشينى يا حببتى انا طول السنة دى مش هكون عايش ابدا لحد ما ترجعى متتاخريش
نسمة / ياسلام على الحب ياسلام واناا خلاص راحت علياا يا استاذ جمال بقي طول السنة مش هتكون عايش لية ان شاء الله وانا هروح فين
جمال / يا حببتى انتى الى فى القلب بس برضو البطاطس بتاعت مليكه هتوحشنى
نسمة / اة صح هنعمل اية من غيرهاا مين الى هياكلنا انا وانت
جمال / دلفرى وامرى للة
مليكه / يعنى انتى بتضحكو علياا وبتستغفلونى علشان اعملكو اكل
نسمة /مش بالظبط
مليكه / وانتى طول الليل عمالة تعيطى وتقوليلى متسفريش يا مليكه انتى اختى وامى ومقدش اعيش من غيرك
نسمة/ ما دى الحقيقة انتى اختى وامى واخويا وكل حاجة
مليكه بتحضنهاا اوى و نسمة دموعها بتنزل وجمال بيملس على شعرهم هم الاتنين بحنية
**********************************
فى امريكاا
فى اوضة الفهد بيفتح عيونو وبيشوف بنت شقرة نايمة على صدرو وعريانة و فهد بيدفعهاا عنو بغضب
كريستين / ااا صباح الخير ياسيدى
فهد بغضب وبصرخة قوية / انتى هناا لحد دلوقتي برررة
وكرستين بتهرب من غضبو بسرعة وبتلملم هدومها من على الارض وبتخرج من الاوضة بتعتو وبتخبط فى كنان وهى خرجة
كنان / ينهار ملط اية يا كريستين انتى عملة عرض ازياء فى القصر
وكرستين بتبعدو عنهاا و بتلبس هدومها بسرعة وهى بتجرى
و كنان بيضحك اوى عليهاا وتلفونو بيرن
كنان / ايوة خلاص جهزو انتو الاجتماع واحناا نص ساعة نكون هناك
ريان بيخرج من الاوضة بتعتو وبيشوف كنان بيتكلم فى التلفون ولسة هيبعد عنو وينزل تحت الصالة
كنان / ريان استنى رايح فين
ريان/ اية انت مراتى ولا اية هاخد ازنك
كنان / بقولك اية انا الغزالة بتعتى ريقة النهاردة ومش فايق لتقل دمك جهز نفسك هنروح الشركة
ريان / عندى خبر يا استاذ وقبل ما الخبر يوصلك كمان
كنان / بمزاجى وحياتك
ريان / اخلع من نفوخى
وبيخرج الفهد من الجناح بتاعو و كنان و ريان بيقفو مظبوط للتحية
كنان / صباح الخير
ريان / صباح الخير
فهد / مش هتكبر ابدا انت وهو مش هترتاحو غير لما اقتل حد فيكو
كنان و ريان بيبصو لبعض
فهد / ودة قريب جدا
ريان و كنان بيتوترو اوى
كنان / اا احم الاجتماع جاهز وكل حاجة تمام
فهد / ريان رتب امورك هنتحرك كمان عشر دقايق
ريان / تمام
وبينزلو هم التلاتة و ريان بيخرج من الباب و كنان و الفهد بيروحو على السفرة وبيفطرو مع بعض وبعد دقايق ريان بيروح عليهم وبيقاعد معاهم
ريان / العربيات جهزة وكل حاجة تمام
الفهد بيكتفى انو بيهز راسو بنعم
**********************************
بعد اسبوع فى مطار القاهرة
مليكه مع نسمة و جمال و رشا مع والدها ووالدتهاا ومعاهم تامر ابن خالتها
جمال / مليكه هتكلمينى كل ساعة ومتكلميش حد خليكى
فى مذكرتك وبس مفهوم
مليكه / طب لما انام هكلمك ازاى
جمال / مليكه
مليكه /هههههة حاضر يابابا متقلقش علياا بنتك بمليون راجل
ولا يدخل عليهاا العيون الخضرة ولا الزرقة الى هناك
جمال بيبص لمليكه بحزن و مليكه بتترمى فى حضنو وجمال بيضمها اوى و نسمة بتحضن مليكه من ضهرهاا ......
يتبع
