رواية خديجه الفصل السادس 6 بقلم جهاد سعيد
رواية خديجه بقلم جهاد سعيد
ياسمين بقلق: الوو
باسم بغضب: انتي فين ياهانم
ياسمين بخوف: انا مع واحده صاحبتي كنت جايه اقابلها وقلت لبابا
باسم بحده: وهتيجي امتي
ياسمين لسه هترد: خديجه بضحك رجعت ليها يلا بقا ياياسمينا انا هطير عايزه مني حاجه
اتصدم باسم عندما سمع صوتها
باسم يتمتم في نفسه: مش معقول هي وأخته يعرفو بعض ازاي وايه اللي وصل اخته عندها او ايه اللي وصلها عند اخته لا اكيد مش هي يمكن انا بتخيل او اي حاجه.
ياسمين ترد علي خديجه: برده مصممه ياخديجه استني انا هوصلك.
خديجه بهزار: يارمضان لازم نتقل شويه عشان تعرف اني تقيله وقلتها بلهجه فلاحي عشان تتجوزني ياراجل.
ياسمين. بضحك: لا انا هتجوزك من غير ماتبقي تقيله.
خديجه: بصي بقا أحنا كده هنتاخر وأبويه هيطلق أمي بسببي وأبويه بقي يعترف إني مش بنته وأفضل أعيط وهو يقولي أنتي مش بنتنا وأنا أعيط أعيط بس تعرفي اكتر حاجه هزعل عليها ايه.
ياسمين بضحك: اكيد مامتك.
خديجه بضحك: مامتي ايه لا طبعا هزعل علي المطبخ اصلا فيه ذكريات بيني وبينه 🍕🥘
ياسمين تضحك علي مزاحها
خديجه بتبص: اهي الاخت مني جت اهي يلا بقا السلام عليكم ورحمة الله وبركاته
ياسمين: هتوحيشني بجد
خديجه: هو أنا مراتك لو سمحتي الكلام ده بعد كتب الكتاب ونعلي الجواب أنا بنت ناس برده.
ياسمين بضحك: يلا ياخديجه من قدامي مش عايزه اعرفك تاني.
خديجه بضحك: يلا السلام عليكم.
عندما انتهت ياسمين من حديثها مع خديجه نظرت للهاتف وأنصدمت لأنها تذكرت إنها كانت تتحدث مع أخاها والخط متصل وهذا يدل إنه سمع حديث أخته مع خديجة
باسم. يتمتم في نفسه. يبتسم علي مزاح خديجه يعني كلامها مش مضحك اوي ولكن في حاجه جوايه بتشدني ليها يااه كل شويه اكتشف فيها حاجه جديده ايه البنت دي.
ياسمين بخوف: الووو باسم انت معايه.
باسم بانتباه: ورجع لأسلوبه تاني.
باسم بحده: أنتي ايه اللي موديكي الدرسات العليا
ياسمين بدهشه: وأنت ايه عرفك إني في جامعة الازهر وخصوصا الدرسات العليا.
باسم: لايعلم ماذا يقول لاخته.
باسم بحده: وأنتي مفكرة معرفشي أنتي بتروحي فين وبتيجي منين.( لأ عرفت تتصرف 😂 )
ياسمين بخوف: أنا قولت ليك جايه لصاحبتي.
باسم: طب يلا بقا تعالي.
ياسمين: حاضر أنا ركبت العربيه وجايه.
باسم: طب يلا بقا سلام.
ياسمين رجعت للمنزل: وهي تشعر بالفرحه لإنها قررت ستبدأ حياه جديدة مع الله نظرت أمامها بعد دخولها للفيلا رأت والدها ووالدتها جالسين ذهبت لهم وقبلت يداهم وجلست في حضن والدها
والد باسم: بابتسامه ايه ياحبيبتي مالك فرحانه كده يارب تبقي كده دايما يفرحك كمان وكمان
والدة ام باسم: يارب ياحبيبتي تفضلي دايما كده فرحانه الدنيا كانت مضلمه اليومين اللي فاتو بسبب زعلك.
ياسمين بفرح: أنا قررت البس الحجاب ايه رأيكو.
والدة ياسمين بسعادة: أخيراً الحمد لله بجد فرحتيني ياياسمينا.
والد ياسمين بسعاده: ربنا يبارك فيكي ياحبيبتي وتفضلي دايما مفرحانه كنت مستني اليوم اللي هتفرحيني وأنا شايفك لابسه الحجاب.
ياسمين. بفرح: ومش هلبس حتة قماشة علي شعري لأ ده أنا قررت البس الحجاب اللي يرضي ربنا عشان ربنا ميزعلشي مني وطبعا الصلاه في ميعادها كفايه بقا الغفله اللي احنا فيها دي.
باسم: يقف علي السلم ومصدوم من حديث أخته لإنها تتكلم مثل خديجه ولكن سعيد أن أخته سترتدي الحجاب لإن من كلام أخته زي كلام خديجه بالظبط واقف ومبتسم وفرحان ان اخته. هتلبس الحجاب هو كان بيزعق ليها كتير بسبب إنها بتمشي بشعرها بس باباه كان بيخليه يسيبها براحتها.
باسم في نفسه: ياتري عملتي ايه في اختي ياخديجه ده انتي عملتي اللي بقالي سنين بحاول اعمل حاجه منه.
ياسمين مش شايفه باسم وعماله تحكي عن خديجه وكلام خديجه وخفة دمها وبتوصف لبسها وكمان بتحكي عن هزارها وكل حاجه بالتفصيل.
ابو ياسمين: هههههه بجد ربنا يبارك فيها انا نفسي اشوف البنت اللي خلت بيتنا يدخله السعاده تاني.
ام ياسمين: قوليلي ياسمين هي خديجه دي مخطوبه (أنا مش مخطوبه ينفع اكون مكان خديجه هههههه 😂)
ياسمين بتفكير تقريبا لا ياماما لإنها في أول القاعده قالت ياريت تكوني جيبالي عريس لإني مفلسه اليومين دول ( اه يا فضحتك يا خديجة )
والد ووالدة ياسمين ههههههه: بجد ربنا يبارك فيها.
ام ياسمين: واخده بالها من ابنها وهو مركز معاهم بس عامله نفسها عبيطه.
ام ياسمين بمكر: بفكر اجيب ليها عريس وتفضل عايشه في القاهرة علي طول.
ابو ياسمين: عندك حق ياام باسم فعلا البنت دي جوهرة نادرة في الزمن ده افضلي دايما مصحباها دايما يا ياسمينا عشان باين عليها بنت كويسه جدا
ياسمين بفرحه: كويسه جدا جدا يا بابا انا مكنتش عايزه اسيبها تمشي كان نفسي اجيبها معايه هنا
ام ياسمين بمكر: وهي بتبص علي باسم طب ماتكلميها وخليها تيجي بكره بعد مااتخلص محاضراتها تتغدا معانا ونتعرف عليها.
ياسمين بسعاده: ياريت ياماما ترضي تيجي هروح اكلمها حالا ولا أقولكم هرن عليها دلوقتي وفعلا رنت علي خديجه.
خديجه بجديه السلام عليكم ورحمة الله وبركاته
ياسمين بسعاده: وعليكم السلام ورحمة الله وبركاته، اذيك ياخديجه انا ياسمين اللي كنت معاكي النهارده.
خديجه بهزار: ام العيال يامرحب بيكي ياوليه عاش من سمع صوتك.
ياسمين فاتحه الاسبيكر. (خديجه لوعرفت هتموتك 🤌 )
ياسمين بضحك: انا حلوه ياحاج انت عامل ايه.
الاب والام: بيكتمو ضحكتهم من اسلوب خديجه. وياسمين وباسم مبتسم وواقف زي الهضبه كده.
خديجه: حلو ياام العيال المهم انتي والعيال عاملين ايه اديني مستحمل الغربه عشان البطانيه. الفايبر والمروحه ام مكتب.
ياسمين بضحك: هههههههههه
خديجه بجديه وابتسامه: اخبارك ايه ياياسمينا وروحتي كده صليتي ودعتيلي ولا نستيني ياخاينه.
ياسمين: انا اتصلت عليكي لسببين السبب الاول اني قررت البس الحجاب الشرعي.
خديجه بسعاده: اللهم بارك عليكي ربنا يثبتك يا اجمل ياسمينا شوفتها في حياتي.
ياسمين: شكرا بجد كنت متاكده انك هتشجعيني كتير علي القرار ده عشان كده حبيت اشاركك فرحتي لانك السبب في كل حاجه حصلت ليا ربنا بيحبني عشان كده بعتك ليا.
خديجه بزعل: بس بقا ايه الهبل اللي يتقوليه ده انتي جميله من يومك وربنا بيحبك بجد.
ياسمين: والسبب التاني بقا ياستي ماما عزماكي عندنا بكرة علي الغدا والسواق هياخدك من قدام الجامعه ويرجعك علي المحطه ايه رايك.
خديجه بجديه: بجد اشكري مامتك وقوليلها ربنا يبارك فيكي ويحفظك انا بعتذر بجد مش هقدر اجي وياريت يا ياسمين تفهمي مامتك اني غصب عني.
مامت ياسمين اخدت الموبيل.
ام ياسمين: اذيك يابنتي انا مامت ياسمين معاكي.
خديجه باحترام وجديه: ازي حضرتك ياطنط ربنا يبارك فيكي ويحفظك يارب بجد سعيده اني سمعت صوت حضرتك.
ام ياسمين بزعل: ليه ياخديجه مش عايزه تيجي اتعرف عليكي عشان لسه عرفانا انا حاسه اني اعرفك من زمان
خديجه: يعلم الله انا حبيت بنتك ياسمين ازاي وحبيت حضرتك باين علي حضرتك انك جميله زي ياسمين كده.
ام ياسمين: ربنا يبارك فيكي ياخديجه بس برده زعلانه ليه مش عايزه تيجي عندنا.
خديجه بابتسامه: ياطنط انا بطلع من بيتي علي محاضراتي وده اللي اهلي عارفينه وطبعا انتي عارفه حضرتك اني القاهره غريبه عليا معرفشي فيها حاجه غير مقر الجامعه بتاعتي وبتاع السندوتشات فمينفعشي أخرج وأروح أي مكان من غير مايكون أهلي عارفين وطبعا متأكده أن أهلي هيرفضو عشان كده بعتذر من حضرتك مش هقدر اجي.
ام ياسمين بمكر: طب ماتيجي الصبح وأمشي علي الميعاد اللي بتخرجي فيه من الجامعه.
خديجه بابتسامه: برده مينفعشي عشان لو ربنا قبض روحي وانا عندكو وأهلي يجو ياخدو جثتي هيقولو كانت بتعمل ايه هنا وهيطلعو عليا الاقاويل وانا فضلت محافظة علي سمعة بابا في حياتي مش هاجي الوثها في مماتي.
ام ياسمين: بعد الشر عليكي يابنتي ليه بتقولي كده ربنا يطول في عمرك.
خديجه بابتسامه: ياطنط عمري محدود معرفشي هموت امتي كل واحد فينا ليه انفاس معدوده مع اخر نفس مكتوب ليا خلاص روحي هتطلع بقا. وانا مضمنشي هموت امتي.
ام ياسمين: بجد انتي جوهرة ربنا يبارك فيكي ويحفظك ويبارك في اهلك
خديجه بابتسامه: الله يحبك يارب ويحفظك.
ام ياسمين: بجد سعيده اني اتعرفت عليكي.
خديجه: جزاكي الله كل خير ياطنط.
ام ياسمين: خدي ياسمين معاكي عايزه تكلمك.
ياسمين: الو ايوه ياديجه.
خديجه بقرف: ايه ديجه دي أمسحي رقمي من عندك.
ياسمين بضحك خلاص يادودو سماح بقا المره دي.
خديجه بهزار لو عايزاني اسامحك. هاتي حلة المحشي اللي امك عزماني عليها بكرة.
كلهم بصوت عالي: ههههههههههه حتي باسم وكلهم مش قادرين يمسكو نفسهم🤣🤣🤣
خديجه بصدمه: بت يا ياسمينا ايه الضحك اللي جنبك ده أوعي يكون اللي في دماغي.
ياسمين بضحك: ايوون بالظبط اصلا انا فاتحه الاسبيكر وكلهم سامعين.
خديجه بصدمه . يا ترى خديجة أتصدمت من اي ده الي هنعرفه الفصل الجاي إن شاء الله
يتبع
