رواية خديجه الفصل السابع 7بقلم جهاد سعيد
رواية خديجه بقلم جهاد سعيد
وقفنا المرة اللي فاتت لما خديجه اتصدمت لاني ياسمين فاتحه الاسبيكر وكل أهلها سمعو هبل خديجه.
خديجه بصدمه: امسحي رقمي يا ياسمين بوظتي سُمعتي منك لله.
اهل ياسمين: ههههههههه
ياسمين وهي بتضحك: خلاص يا دوده بابا وماما مش حد غريب.
خديجه بجديه: بعد اذنك يا ياسمين لما تبقي فاضيه ابقي رني عليا عايزه اكلمك ضروري.
ياسمين بقلق: في ايه يا خديجة قلقتيني.
خديجه بابتسامه: عادي والله عايزين نتكلم مع بعض شويه.
ياسمين براحه: حاضر يا خديجة هصلي وهكلمك
خديجه بابتسامه: تقبل الله يا جميلة يلا بقا مش عايزه اعطلك عن الصلاه اكتر من كده.
ياسمين بحب: يلا ياحبيبتي السلام عليكم
خديجه: وعليكم السلام ورحمة الله
قفلت الخط خديجة وطلعت علي بره.
انتو فين يا بشر أنا جعانه يا بشر جعانه يا ناس ياللي في البيت
ام خديجه بضحك: ههه ايه مفيش مرة تبقي شبعانه خالص نفسي في مرة تطلبي حاجه غير الأكل
خديجه بهزار: عندك حق طب عندكو عصير ايه يتشرب
ام خديجه بغيظ: أمشي يابت من هنا عشان عصبتيني
خديجه بضحك: ليه كده ياست الحبايب ياحبيبه كل ده عشان قُلت اني جعانه
ام خديجه بابتسامه: طب روحي ياحبيبتي هاتي الطلبات اللي في الورقه دي يكون الأكل جهز أحنا مستحملينك النهارده عشان كنتي في الجامعه بكره محدش هيطبخ غيرك
خديجه بزعل: طب ليه تسدي نفسي علي الأكل كده اروح اجيب طلبات وكمان هطبخ ليه الظلم ده انتو لو كنتو لاقيني علي باب السيدة مش هتعاملوني كده
ام خديجه بصدمه: اجري يابت من قدامي هاتي الحجات دي بدل مااخلي الشبشب يسلم عليكي
خديجه بخضه: شبشب لا هوا هطير أجيب الطلبات من السوبر ماركت وارجعلك ياحبيبتي بس بلاش الشبشب.
ام خديجه بابتسامه: يلا ياحبيبتي بسرعه
خديجه بابتسامه: حاضر ياامي هغير هدومي واطلع أجبلك اللي أنتي عايزاه.
ام خديجة: ربنا يصلح حالك ويرزقك بابن الحلال اللي يسعدك ياخديجه يابنت بطني
خديجة بهزار: وهي داخله علي أوضتها بلاش بنت بطني دي ليكون لاقيني علي باب مسجد ولا حاجه
ام خديجه الشبشب اهووووو
خديجه قفلت الباب بسرعه: الحمد لله مجاش فيا
خديجه لبست العبايه السمرا والخمار الاسود وطبعا لبست الچونت والشراب هي عارفه اني الاسود مش دين بس هي بتحب انها تمنع اي زينه ليها بره البيت ومبتحبش حد يشوف رمش عيونها
ناس كتير بينصحوها اني الالوان الغامقه مش حرام بس هي بتفضل تقول الاسود زينة المرأة الملتزمه بجد بحس اني ملكه وانا كلي سواد في سواد مميزه كده.
خرجت خديجة وهي بتشتري في الطلبات سمعت اتنين جيرانها بيتكلمو بصوت عالي شويه
الجارة الأولى: أسكتي يا صفيه أمبارح مسكت بنتي فضلت أضرب فيها لما كانت هتموت في أيدي مش بتسمع ليا كلمه وعايزه تفضل في الشارع ومبقتشي بقدر عليها خالص بتقلد اخوها وكل ما أقول لها بطلي لعب تفضل تقول اشمعنا اخويه بيلعب اشمعنا بيكلم بنات وترد عليا الكلمه بكلمتها روحت مسكاها وفضلت أضرب فيها بالعصايه وبأيدي لغاية ماكانت هتقطع النفس وصعبت عليا بس أعمل ايه لازم اربيها
الجارة التانيه: العيال كلهم بقو حاجه تقرف جدعه يا حُسنيه ربيها الضرب عمره مابيموت وعلي رأي المثل أكسر للبنت ضلع يطلع ليها أربعه وعشرين العيال بتوع اليومين دول عايزين قطم رقبتهم
خديجة : عندك حق يا خالتي صفيه أكسري للبنت ضلع يطلع ليها أربعه وعشرين
صفيه بتباهي : أُمال ايه لازم البت تتربي صح ومتطلعشي مدلعه تجيب لينا العار لما تكبر ولا منعرفشي نحكمها
الناس في في السوبر ماركت منتظرين خديجة تتكلم ومستغربين من كلامها ده هي دايما تنصح الأُمهات إنهم ميضربوش عيالهم وهي مبتضربشي عيل أبداً عندها في المقرءه ( كُتاب يعني )
خديجة بابتسامة : بس ممكن أسألك سؤال
صفيه : أسألي ياخديجة
خديجة بجديه : بتحبي النبي محمد صل الله عليه وسلم وبتثقي في كلامه
صفيه : عليه الصلاة والسلام ايوه طبعا
خديجة بجديه : اهو بقا النبي محمد قال رفقاً بالقوارير شوفتي بقا النبي وصف البنات بأيه النبي صل الله عليه وسلم كان لما بيشوف بنته داخلة عليه يقوم يقف ويروح يقابلها ويقبل بين عينيها ويقول ريحانة رسول الله وكان دايما بيوصي علي النساء و يكره الراجل اللي يمد أيده علي واحدة والقرآن لما ذكر نشوذ المرأة يعني الواحدة اللي تتمرد علي جوزها وأهل جوزها ربنا مش أمره ان يعاقبها بالضرب الا لما العقابين اللي قبل كده ميجبوش نتيجة معاهم وكمان النبي صل الله عليه وسلم قال الضرب الغير مُبرح يعني اللي ميأذيهاش أو يوجعها جامد شوفتي بقا النبي كان بيعامل بنته أزاي وأنتي بتقولي أكسر للبنت ليه أنتو مفكرين كده إنها هتتربي بالعكس أنتي لما تصاحبي بنتك
وتعرفيها الصح من الغلط وبدل قاعدة الشوارع ولا قدام المسلسلات أقعدو مع بناتكو و أتكلمو معاهم و أسمعوهم و أحترمو أفكارهُم لا لاما العنف لاما البنت تمشي علي حل شعرها
مفيش حاجة أسمها مسؤليه و تربايه و واحدة واحدة معاهم الضرب مش بيصنع بنت مؤدبة الضرب بيصنع بنت جبانة عديمة المسؤلية متعرفشي تاخُد قرار صح في حياتها
البنت لو أتعودت إنها متمشيش إلا لما أُمها تضربها بكره لما تتجوز برده مش هتمشي الا بالضرب وده للأسف مصيبه كبيرة بيربي جيل نصه فاشل والنص التاني جبان عديم المسؤلية
ربنا هيسألكو عن المسؤليه اللي رزقه بيها فيه ناس كتير أتحرمت من الذُرية وربنا رزقكم أنتُم يبقي تحمدو ربنا و تصونوها مش تكسري ليها ضلع
عرفي بنتك الصح والغلط ولما تغلط عقبيها علي حجم الغلط اللي عملته
حُسنيه : والله عندك حق ياخديجة بس هما مش بيسمعو الكلام أعمل ايه طيب
خديجة : لما تصاحبي بنتك هتعرفي هي بتحب ايه وبتكره ايه وهتوصلي لكل نقاط ضعفها وساعتها لما تغلط غلط كبير أحرميها من حاجه هي بتحبها قوي هتحس بغلطها وصدقيني مش هتكرره
لما كنت في بداية سن المراهقه أُمي كانت دايماً تقولي قدامك طريقين، طريق يخلي راسك دايماً مرفوعة، والطريق التاني هتخلي راس عيلتك كلها موطيه في الارض
لو مشيتي في الطريق الغلط صدقيني هتندمي وهتبوظي سُمعة أبوكي اللي طول عمره واثق وفخور بيكي أختاري.
وفعلا كنت بختار دايماً مش مسكت عصايه وكسرت ليا ضلع لا مسكت دماغي وعرفتني وفهمتني أخر كل طريق ايه أتكلمو مع بناتكو عرفوهم وفهموهم وعلموهم أمور دينهم، المصيبه اني العيل اول مايبتدي يتكلم بتقولو ليه أشتم فُلان وأضرب عمو وأشتم خالو وتفضلو تضحكو لما يشتم ويضرب ولما يكبر تقولو مش عارفين الولد ده قليل الادب ليه كده وياريت الضرب بيجيب نتيجه معاه
حضراتكو أنتو السبب في كل ده لو من أول ما البنت والولد بدأو يتكلمو عودتو الطفل علي قول ورايه ياحبيبي بسم الله قول يلا أحسنت ياجميلة
عيب ياحبيبي تقول الكلمة دي و دايماً تاخدو بالكو من الألفاظ اللي بيسمعوها في الشارع أو في الحضانة مكُناش وصلنا للي بيحصل ده
لو كل واحدة علمت بنتها او ابنها من صُغره كلمة احترام مكُناش وصلنا للجيل اللي شايفينو دلوقتي للأسف خرجتو جيل مفهوش عمر بن الخطاب ولا حتي أسماء بنت ابو بكر. طلعتو جيل كل قدوته في الحياة حمو بيكا وشاكوش طلعته جيل بدل مايقلد محمد بن عبدالله قائد الأُمه حبيب الله طلعتو جيل بيقلد عبده موته والألماني
ف بالله عليكو بدل ماتكسرو لبناتكو ضلع علمو أولادكو أخلاق الإسلام عرفو ولادكو الصح من الغلط كونو أُمهات مش جلادين.
خديجة بتعب من كُتر الكلام : بجد اسفه لو كلامي فيه شديه وأسفه اني أدخلت بس أنتو عارفين اني بحبكو كلكو في الله وبخاف علي عيالكو لإني بحسهم أخواتي و أوعو تزعلو مني أنا خايفة علي مصلحتكو وعارفة أنكو مش هتزعلو
جارة بابتسامه : بجد يا خديجة ربنا يبارك فيكي يابنتي أحنا بنتعلم منك كتير
جارة تانيه : بجد ياخديجة عندك حق في كل كلمة قولتيها أُمك عرفت تربيكي
خديجة بفزع : أُمي يا نهار أنا نسيت أروح اديها الحاجه هتعملني شاورما
الناس : هههههههه
خديجة : أنا ماشية السلام عليكم أدعولي الشبشب يكون خفيف عليا
يتبع
