رواية خديجه الفصل التاسع 9 بقلم جهاد سعيد
رواية خديجه بقلم جهادسعيد
- استيقظت خديجه من النوم.
خديجة: الحمد لله الذي احياني بعد مااماتني واليه النشور وقامت خديجة اتوضت وصلت ركعتي الضحي اجرها عظيم عند الله وراحت تشوف ايه اللي وراها من شغل البيت وطبعا الترتيبات اللي بتتعمل لعريس الغفله.
خديجة بزهق : كفايه بقا كل ده عشان عريس امال لو كانو دسته كنتو عملتو ايه.
ام خديجة : هو اي حد ده ابن ناس وحاجه كده الله اكبر عليه.
خديجة : هو حد كان قالك انو مش ابن ناس.
ام خديجة بفرحة : لا ده باين عليه من عيله مبسوطه وحاجه تشرف كده.
خديجة بضحك : طب كويس هتجوز في عيله بتضحك علي طول بدل النكد اللي عايشه فيه هبقي جهاد مجاهد بضحك بسرعه هيهيههي
ام خديجة بضحك : ههههههه بجد انتي حكايه مش عارفه هتعجبيه ولا هياخد جزمته وينقذ نفسه من المصيبه اللي كان هيبتلي بيها
خديجة بمزاح : ده انا قمر اول مااشوفو هقوله مادام انكشفت عليك هتتجووني يعني هتتجوزني.
ام خديجة : وهو طبعا هيخاف وهيتجوزك
خديجه بغرور : طبعا لاما احطله سم فران.
ام خديجة بصدمة : اييه ربنا يهديكي يابنتي يارب وتعجبي الراجل خليني افرح بقا
خديجة بجديه : ايه ياامي انا لسه في التعليم ولما نصيبي هييجي مفيش كلام بس الواحد يحسن اختياره عشان مندمشي بعدين ويكون سبب ضياع ديني
ام خديجة بحزن : الناس كلت وشي ياخديجة هي بنتك هتتجوز بعد اللي عملاه في نفسها وكلام يسم البدن وانا مبقتشي قادرة استحمل كلام الناس اكتر من كده انتي شايفه البنات هنا بتتجوز علي 14و 15 سنه وعايشين اهم اما انتي داخله علي 23سنه يعني كل ما تكبري فرصتك في الجواز هتقل.
خديجة بجديه : ياامي الجواز قسمه ونصيب وهو رزق ومستحيل حد يموت من غير مايستكمل رزقه ولا تقولي نقاب ولاحجاب وبعدين كلام الناس مبيخلصشي وهما مش هيدخلو القبر يتحاسبو معايه الناس اللي بتتكلم وبتقول ايه اللي هي عملاه في نفسها ده مش هيدخلو معايه القبر ويجاوبو مكاني علي سؤال الملكين اهم حاجه رضي ربنا وانا متاكده اني ربنا مش هيضيعني ابداً.
ام خديجة : ونعم بالله ربنا يجعله زوج صالح ليكي.
خديجة بابتسامة : ربنا يختار ليا اللي في الصالح ياامي.
ام خديجة : طب يلا البسي عشان هو خلاص قرب يوصل.
خديجة : بتبص علي نفسها طب ماانا لابسه اهو.
ام خديجة بصدمه : هتطلعي ليه بالعبايه السمرا برده.
خديجة بجديه : ايوه طبعا لازم يشوف طبيعة لبسي عشان في شباب مبيحبوش البنات اللي متشددين قوي في لبسهم عشان نبقي واضحين من دلوقتي ميجيش بعد الجواز ويقول ايه اللي عملاه في نفسك ده
ام خديجة : بس دي رؤيه شرعيه يعني ينفع يشوفك بلبس الوان عادي ومن غير النقاب
خديجة : عارفه ياامي الكلام ده بس انا معرفشي هو مين ولا هوافق عليه ولا لا وبعد كده بأذن الله هرفع النقاب واخليه يشوفني
ام خديجة بحنق من بنتها لانها محبكاها جامد من وجهة نظرها : اللي شيفاه صح اعمليه انا تعبت معاكي
خديجة بابتسامة : ادعيلي انتي بس وربنا هيجبر بخاطرك.
ام خديجة برجاء : ربنا يكرمك يابنتي ويفرح قلبي بيكي وانتي عروسه
خديجه اللهم امين.
وصل عريس الغفله قصدي العريس اللي هيخطب خديجة وهو طبعا باسم باشا.
باسم باحترام : اتشرفت بمعرفتك ياعمي.
ابو خديجة : ده شرف لينا احنا ياابني.
باسم بجدية : شكرا
عبدالرحمن اخو خديجه اصغر منها بتلت سنين (في سن اخويه البارد )
عبدالرحمن بيهمس لباسم : انت هتتعصر اسئله النهارده اختي بتحضر ليك ورقه من امبارح مذاكر ولا هتاخد صفر وهتكسفنا
باسم بذهول : بيتكلم بصوت واطي هو انا داخل امتحان.
عبدالرحمن : ده افظع من امتحان الثانويه العامه تحس انها فيثاغورث قدامك.
باسم : ليه كده يعني.
ابو خديجة : بتقولو ايه.
باسم بجديه : لا ياعمي مفيش حاجه ممكن حضرتك تنادي الانسه خديجه عشان مستعجل
ابو خديجة : لسه بدري يابني حاضر هنادي عليها روح يا عبدالرحمن نادي أختك من جوه.
عبدالرحمن : حاضر يابابا دخل عبدالرحمن تعالي ياختي عشان تقابلي العريس أنا مش عارف تاعب نفسه وجاي ليكي علي ايه يعني الواد حليوه وباين عليه ابن ناس كفايه العربيه اللي ركبها يسيب بنات مصر كلهم ويجي ليكي أنتي.
خديجة بغيظ : وانت مالك انت متغاظ ليه غيران مني يعني عشان احسن منك مثلا هو انت تطول تتجوز واحده زي.
عبدالرحمن : الحمد لله انك اختي ياخديجة.
خديجة بغرور : ليه.
عبدالرحمن : عشان مقعشي فيكي
خديجة بغيظ : يامتخلف بقي أنت خايف تتجوز واحده زي.
عبدالرحمن : ده حتي ضميري صحي وحاولت اطفش الراجل خايف عليه وبعدين رجعت في كلامي قولت عايز اخلص من البلوه مليش دعوه حد قالو ييجي.
عند باسم كل شويه يبص في ساعته أول مره ينتظر حد عايز يقوم يتخانق ويسيب المكان ويمشي بس. هيخسر التحدي قدام ابوه ده اللي بيحاول يقنع بيه نفسه.
نرجع للغتت عبدالرحمن.
عبدالرحمن وهو بيخبط علي دماغه ياااه نسيت اقولك تعالي يلا عشان بابا عايزك.
خديجة بغرور مستفز : طب امشي ورايا
عبدالرحمن بغيظ : يكشي تقعي علي وشك وانتي مش شايفه قدامك.
خديجة : مش هرد عليك عشان انا طيوبه
عبدالرحمن بقرف : انتي عفريته اي حاجه غير طيوبه دي
خديجة : بطل بقا تحبط قدراتي وقولي شكلي حلو.
عبدالرحمن : قمر ياناس ورفع ايده لسماء سامحني يارب علي الكذبه دي
خديجة بتخبطه علي دراعو طب يلا يا بارد مش لاقيه غيرك واخد رايك.
دخلت خديجة المطبخ.
خديجه بحنق : هو لازم ياماما ادخل شايله العصير
ام خديجة : ايوه طبعا هي دي العادات
خديجة بزهق : يخربيت دي عاده.
ام خديجة : شيلي يااخرة صبري ويلا بقا
خديجة بتوتر : حاضر
دخلت خديجه وعنيها في الارض.
خديجة : السلام عليكم ورحمة الله
كلهم وعليكم السلام ورحمة الله
باسم رد السلام بصوت واطي هي مركزتش من شدة خوفها وتوترها ولسه برده مرفعتشي عينيها
ابو خديجة : تعالي يااحمد انت وعبد الرحمن نتكلم في الصاله ونسيبهم يتعرفو علي بعض.
خديجة رفعت راسها لباباها.
عبدالرحمن : متخافيش ياحبيبتي احنا هنقعد قصادكو بس عشان تاخدو راحتكو في الكلام.
خديجة في نفسها : الله علي الاحترام ياااه لو يفضل يحترمني كده.
عبدالرحمن بيهمس في ودنها وهو طالع : اي خدمه اديني بحترمك اهو بس لما يمشي هسلم علي قفاكي لاني وحشني الضرب عليه الصراحه
خديجة بتلقائيه حطت ايديها علي قفاها وكزت علي سنانها بغيظ تحت النقاب وباسم عمال يحاول يسمع اخوها بيقول ليها ايه في ودنها معرفشي بس حس بشعور غريب لما اخوها قرب منها اتغاظ منه.
باسم : احم اذيك ياخديجة
خديجة بصدمه : عرفته من صوته انت.
باسم بجديه : ايوه انا ايه رايك بقا في المفجأه دي.
خديجة : مفجأه متفرحشي الصراحه.
باسم بحده : قصدك ايه.
خديجة بحده في كلامها : قصدي أن لو أعرف أن حضرتك العريس مكنتش هوافق اني ارضي أقابلك اصلا
باسم بغيظ : وليه بقا أنتي أصلاً كنتي تحلمي إنك ترتبطي بواحد زي
خديجة باستفزاز : عندك حق.
باسم ابتسم بغرور.
خديجة بجديه : لاني متمناش اني اسمي يربط جنب اسمك ( الله يا باسم على الكسف )
باسم بعصبيه : أنتي عارفه أنا مين و أزاي تتكلمي معايه كده
خديجة بجديه : واحد مغرور بص ملوش لازمه الكلام أنا عارفه أن يجوز الكلام في الرؤيه الشرعيه بس ده لو فعلا بفكر إني ممكن ارتبط بيك عشان كده
ياريت حضرتك تعمل فيا معروف بعد ماتروح من هنا تتصل علي بابا وتقول ليه كل شئ قسمه ونصيب.
باسم في نفسه : ده فعلا زي ما بابا قال هترفض.
باسم بغيظ : ولو قولت لا وهتجوزك يعني هتجوزك برضاكي غصب عنك هتجوزك وده اللي عندي.
خديجة بغيظ : من اسلوبه غصب عن مين يا اخينا بقولك مش عايزه اتجوزك هو بالعافيه وبعدين سبت بنات مصر كلها وملقتشي غيري روح يااخينا دور علي حد غيري
باسم بذهول : اخينا بصي بقا أنا قولت ليكي اعملي حسابك انا مش هتجوزك عشان سواد عيونك لا انتي مجرد حاجه جديدة والمصيبه ان أهلي طالعين بيكي السما قولت أخلص من الزن بتاعهم شويه
خديجة باستغراب : أهلك وهما يعرفوني منين
باسم : ياسمين تبقي أُختي.
خديجة بصدمه : أُختك يامحاسن اللي بتغني.
طب ياسمين مقالتشي ليا خالص علي رغم إنها مكلماني الصبح
باسم بجديه : انا منبه علي الكل محدش يقولك خليها مُفاجأة
خديجة بحنق : و مُفاجأة استغفر الله العظيم الصراحه.
باسم بغيظ : انا مش مُستعد اتكلم معاكي اكتر من كده أنتي بني ادمه مُستفزه.
خديجة بفرحة : طب الحمد لله يلا بقا هقوم أنا وانت كلم أهلي و زي ماقولت ليك أنا مرتحتش معاها وكل شئ قسمه ونصيب
باسم : اتفضلي يلا
خديجة فرحانة : إنها هتتخلص منه ولكن انصدمت. الحلقه اللي جايه بأذن الله هنعرف ايه اللي صدم خديجة وبرده هنعرف هي مني مختفيه ليه و ايه سبب اختفائها.
يتبع
