رواية عاشقة الفصل الثانى 2 بقلم سولييه نصار
رواية عاشقة بقلم سولييه نصار
 |
| رواية عاشقة |
رواية عاشقة الفصل الثانى 2
الجزء التاني♥️بقلم سولييه نصار♥️
-بتقولي ايه يا حماتي ...
قولتها ودموعي بتنزل على وشي ...كنت حاسة بخنـ قة مش طبيعية ...حاسة اني همو ت وهي بتقولي كده...
اتنهدت حماتي وقالت:
-بقول الصح يا بنتي ...انتي عارفة سلطان قد ايه بيحب الاطفال ....ابني هيمو ت عشان يبقاله ابن من صلبه بس مش قادر يتكلم عشان خاطرك ...مش عايز يزعلك لانه فعلا بيحبك.....تفتكري سلطان مش يستاهل أنك تضـ.حي شوية عشان خاطره ...
هزيت راسي وانا بعيط وقولت :
-يتجوز براحته يا حماتي بس يطلقني وانا مش عايزة منه أي حقوق ...بس أنا مش هتحمل اني اكون على ذمته ويتجوز واحدة تانية ...ده أنا ممكن امو ت فيها ...انتي ست زيي وعارفة مشاعر الست في اللحظة دي بتكون ايه !!
اتنهدت. قالت :
-عارفة يا بنتي والله ....ومقدرة والله كمان ...بس محدش بياخد كل حاجة ...لازم نضـ حي شوية ...
-ما هو كمان مش هياخد كل حاجة ...لو عايز يتجوز براحته لكن ميجبر نيش اني أقبل الوضع ده ....براحته يتجوز من بكرة لو حابب بس وقتها اطلق وبقولك مش هاخد منه أي حاجة وهبعد للأبد
هزت حماتي راسها والدموع بتنزل من عينيها وقالت:
-كده سلطان مش هيرضي ابدا انه يتجوز يا دعاء يا بنتي ....سلطان بيحبك وميقدرش يعيش من غيرك ...متعمليش كده ...متبقيش انا نية حرام عليكي ...ابني سلطان مش هيخـ سرك ...لو خيروه بين أنه يكون عنده طفل أو انتي هيختارك انتي ويخـ سر ابوته للابد ...انتي ليه انا نية كده ....
صرخت وانا بحط ايدي على ودني وبقول :
-خلاص كفاية حرام عليكي ...اسكتي يا حماتي ...أنا مش انا نية ...أنا قلبي محر وق ...مش هقدر اتحمل والله ...ازاي عايزة اعرف ان جوزي في حضن واحدة تانية واسكت ...ده صعب عليا والله ما اقدر اتحمل ...صدقيني ده صعب عليا ....
-عارفة أنه صعب ...بس لو اتمسكتي بموقفك ده ابني مش هيكون اب طول حياته وهيجي يوم ويلومك...واتحملي بقا تأنيب الضمير !!
وبعدين سابتني ومشيت وانا فضلت اعيط جامد ...كنت حاسة اني بمو ت مش قادرة اصدق اللي هي قالته ده ...مش قادرة اتحمل فكرة أن جوزي يتجوز عليا ...مش هقدر ....
حطيت ايدي على وشي وانا بعيط جامد .....
.......
في اليوم ده استنيت سلطان يجي بفارغ الصبر اول ما جه كان جايب معاه الايس كريم بتاعي المفضل ...كان فيه غصه في قلبي...مكنتش عايزة احرمه من ان يكون اب...بس كمان عارفة اني لو سمحت له يتجوز أنا هخسر الحاجات الحلوة دي ....هكون رقم اتنين في حياته وانا بطبيعتي مش هتحمل....
-وحشتيني ...
قالها سلطان بإبتسامة وهو بيبوس راسي وبيقول:
-جبتلك الايس كريم اللي بتحبيه ...يالا الاول جهزؤ نتعشى وبعدين ناكل الايس كريم أنا وانتي ...
هزيت راسي وروحت اجهز العشا ....
.........
حطيت الاكل واتعشينا واحنا بنتكلم عن حاجات كتيرة ...كنت بحاول الهي نفسي ...
. ...
بعد شوية كنا قاعدين على الانتريه واحنا بنتفرج على فيلم وبناكل الايس كريم ..مكنتش قادرة اركز وكلام حماتي بيدوي في راسي ....بصيتله فجأة وقولت:
-مش نفسك تبقى اب يا سلطان ؟!
بصلي بصدمة ولمعت عيونه بشوق بس سيطر على نفسه وهو بيقول بإرتباك ؛
-لا انتي بنتي الوحيدة مش عايز غيرك ...
بصتله بحزن وقولت :
-بس عيونك مش بتقول كده يا سلطان ....
-حبيبتي ليه بتتكلمي عن الموضوع ده مش اتفقنا نقفله....وخلينا نبقى مبسوطين ولو مكتوب يكون لينا اطفال هيكون ...خليها على ربنا. ...
-انا عاقر مستحيل يكون عندي اولاد ...بس انت تقدر ...
-يعني ايه الكلام ده ...
صوتي اتخنق وقولت وانا بعيط :
-يعني اتجوز يا سلطان أنا مش همنعك !!!
يتبع
#عاشقة
#سولييه_نصار
رواية عاشقة الفصل الثالث 3 من هنا
الرواية كاملة من هنا (رواية عاشقة)
