رواية خفايا القلوب الفصل التاسع 9 بقلم نور محمد
رواية خفايا القلوب بقلم نور محمد
 |
| رواية خفايا القلوب |
رواية خفايا القلوب الفصل التاسع 9
#البارت_التاسع(خـفـايـا_الـقـلـوب❤)
طلعت من الغرفه وهي متوتره اوي وصلت لصالون وخطفت نظره سريعه تجاه يوسف اللي كان مركز اوي معاها بزهول واعجاب كبير وجميله ابتسمت بسعاده وقعدت جنب اخوها عماد
عماد ببسمه:والله انتوا نورتوا البيت كله
يوسف بأعجاب واضح: شكرا البيت منور بأهله وقمره ياعماد
جميله سمعته وخدودها توردت بالون الاحمر من الخجل وعماد اخد باله منها وبصلها ببسمه وسعاده وقال:تمام كده ندخل في المفيد لان الكتاب باين من عنوانه ها اتفضل يايوسف
يوسف ابتسم باحراج وقال بتوتر:احم تمام انا جاي وبدون مقدمات كتير عاوز اطلب ايد جميله اختك على سنه الله ورسوله قولت ايه ياعماد
عماد ابتسم بسعاده كبيره على طلبه وبص على اخته جميله اللي ظهر على ملامح وجهها السعاده والرضا ولسه هيرد عليه بالموافقه
دخل حمدي بسرعه على الصالون وقال بغضب وحده:طيب مش من الاصول برضو تاجي تطلبها من اخوها الكبير والا ايه يابن عمي
الكل انصدموا من رد فعل حمدي الغريب عليهم ويوسف بصله بضيق وتحدي
عماد وقف بعدم فهم وقال: اهدي ياحمدي يوسف اجه اصلا علشان يطلبها منك الاول بس انت مكنش موجود فطلبها مني واكيد يعني مفيش شئ هيتم بدون موافقتك انت الاول
حمدي سمعه وتوجه للكنبه اللي قدام يوسف ببرود تحت نظرات الضيق المرسومه على ملامح يوسف قدامه وقال: تمام قولت المفيد ياعماد ومدام الموضوع ده في ايدي انا.. انا بقول قدامكم الكل انا مش موافق على الجوازه دي ابدا
الكل انصدموا منه وجميله نزلت دموعها بصدمه وحزن كبير ويوسف وقف قدام حمدي بتحدي وقال: تمام عن ازنكم خمس دقايق بس ياجماعه عاوزه اكلم حمدي ابن عمي على انفراد
محدش رد عليه لانهم لسه مصدمين من كلام حمدي ويوسف قرب من حمدي بغيظ وغضب وقال: تعال معايا عاوز اتكلم معاك بره افضل من هنا
حمدي تجاهل كلامه وهو بيصفر قدامه بستفزاز وقال: لو عندك كلام مهم عاوز تقوله قوله هنا محدش غريب دول اهلك واهلي يابن عمي
يوسف ضغط على ايده بنفاذ صبر وقرب منه بهدووء ماقبل العاصفه وهمس له: قوم معايا بازوق احسلك ياحمدي انا مش عاوز اكشف ورقي قدام الكل هنا وانت عارف انك اول واحد هيزعل فينا
حمدي توتر اوي من كلامه وبلع ريقه بخوف وقال: تمام اطلع قدامي
يوسف نفخ بضيق وطلع من البيت كله وتوجه لبيته المجاور لهم وحمدي طلع ودخل خلفه وفجأه ضربه يوسف لكمه قويه وقعه على الارض بألم
وقال بفحيح وغضب:بـقـى بـتـرفـضـنـي انا قـدام اهـلـك واهـلـي ياحـمـدي
حمدي مسح الدم جنب شفته بسخريه وقال:وانت متوقع مني اوافق على حيو"ان زيك بعد اللي عملته في اختي يايوسف بقلم نورمحمد
يوسف قرب منه بتحدي وقال:اه هتوافق عليا ياحمدي علشان انت اكتر واحد عارف انا اقدر اعمل فيك ايه والا نسيت الفديو اللي معايا
حمدي بصله بتوتر وخوف ويوسف كمل بخبث وتحدي:الفديو اقدر بسهوله العب فيه واشيل وشي واحط مكانه وشك القمر ده وبعدها اوعدك هتبقى انت حديث البلد كلها ومن اول يوم هتطلع الترند شاهد ماذا فعل الاخ المخـ"ـتل القـ'ـذر بأخته الضحيه المسكينه
حمدي بصله بصدمه وزهول وندفع مسكه من لياقه قميصه بغضب رهيب وقال:انت ايه ياخي شيـ'ـطان ازاي بتفكر بالطريقه دي اصلا خاف على اختك يجي يوم يترد ده كله فيها كمان يايوسف
بعد يوسف ايديه عنه ببرود وقال:انا قولت اللي عندي تطلع فورا تقول قدام اهلك واهلي انك غيرت رأيك وكمان الخميس الجاي كتب الكتاب او انتظر ردي بكره الصبح على مواقع التواصل الاجتماعي قولت ايه؟
تهند حمدي وجواه غضب كبير وتوعد اكبر وقال:تمام موافق بس اوعدك انك هتندم اوي يايوسف وبكره تشوف
ابتسم يوسف ببرود وقال:وانا قد التحدي يابن عمي وبكره نشوف مين هيكسب التحدي فينا
حمدي بصله بتحدي توعد ويوسف بادله نفس النظره وخرجوا سوى من البيت وتوجهوا لبيت حمدي بقلم نور محمد
دخل حمدي الاول وخلفه يوسف وجميله كانت في حضن امها وهي بتعيط بقوه حمدي بصلها بشفقه لانه عارف انها بتحب يوسف بس هو رفض من خوفه عليها تهند بحزن وقرب منها بحنيه وقال:كفايه ياجميله انا مش بحب اشوف دموعك دي ياقلبي خلاص انا موافق علشانك وكمان اتفقت مع يوسف كتب الكتاب الخميس الجاي
الكل سمعوه بفرحه كبيره وجميله بعدت عن امها بسرعه وجرت حضنته بقوه وقالت بفرحه عارمه:بجد يابيه حمدي انت موافق بجد
حمدي حاوطها بحنان اخوي تحت نظرات الضيق والغيره الواضحه من يوسف وقال: بجد ياقلب ابيه انا علشانك مستعد اعمل أي شئ في الدنيا ياجميله
جميله ابتسمت بشده وبعدت عنه وهي بتبص على يوسف بفرحه وحب ويوسف بيبادلها نفس النظره بحب كبير
وعماد قرب وحضن يوسف وباركله بفرحه والجو كان سعيد جدا في المكان بس فجأه قال حمدي بخبث:بس انا عندي شرط الاول عاوز عماد وسندس يجوز معاهم في نفس اليوم
عماد بصله بصدمه وفرحه كبير وسندس حست بغصه في قلبها ولمعت الدموع في عنيها بحزن
ويوسف كان بيبصله بشك وعدم فهم بس قال بتحدي:تمام وانا مش عندي مانع يوم الخميس الجاي كتب كتابي على جميله وكتب كتاب عماد على سندس اختي
بقلم نور محمد
حمدي ابتسم بخبث وتحدي وعماد في دنيا تاني من السعاده وجميله كمان كانت في حاله مماثله له على عكس سندس كانت حزينه اوي ونفسها ترفض بس ازاي بعد ماوافقت بنفسها عليه
وزهره حضنت عايده بسعاده على ارتباط اولادهم وحبهم الظاهر في عنيهم لبعض
وبعد مرور اسبوع جاء اليوم المنتظر والكل كان متحمس وفرحان اوي باليوم ده
عماد بسعاده:حمدي انا فرحان اوي النهاردا ده اجمل يوم في حياتي كلها
حمدي ببسمه:ربنا يديمها عليك سعاده ياحبيبي
عماد بحماسه: اللهم امين يارب طيب انا هروح اجيب سندس من عند الميكب علشان منأخرش على القاعه وكمان يوسف راح يجيب جميله دلوقتي
حمدي سمعه و تهند بتمثيل وقال: اااه الحقني ياعماد
عماد سنده بسرعه وقال بقلق: مالك ياحمدي انت كويس؟
حمدي بتعب مزيف: لا حاسس بطني وجعاني اوي
عماد بقلق وخوف: طيب تعال معايا افحصك في البيت احسن
حمدي باعتراض وتمثيل: لا الوقت خلاص اتأخر وجميله اختك اكيد لوحدها دلوقتي وانت لازم تروح تقف معاها ده اهم يوم في حياتها كلها ياعماد
عماد بتوتر: طيب وانا هسيبك لوحدك ازاي وانت تعبان كده وكمان سندس مين هيجيبها دلوقتي وهي لوحدها
حمدي تهند بتعب وخبث وقال: انا انا هروح اخد دواء لبطني ولما تخف شويه هروح اجيب سندس لغايه القاعه بنفسي متقلقش بس انت لازم تمشي دلوقتي تقف مع اختك ومتسبهاش لغايه القاعه وانا وسندس مش هنتأخر عليكم
عماد تهند براحه وقلق وقال: تمام تمام انا هروح اقف مع جميله وانت خلي بالك من نفسك ومن سندس كمان ومتتأخرش علينا ماشي
حمدي ببسمه: حاضر ياعماد
عماد ابتسمله بطمئنان وسابه ومشي علشان يقف مع اخته جميله وحمدي بص في طيفه بحزن وندم وقال: يارب تقدر تسامحني ياعماد بس انا هعمل كده علشان اختك جميله
وبعد وقت في قاعه الفرح دخل يوسف وفي ايده جميله وجنبه عماد وجميله كانت فرحانه اوي اوي وكمان يوسف كان فرحان زيها وصلوا وقعدوا قدام المعازيم واهل الحاره كلهم والاجواء كانت ممتازه جدا
بس عماد كان في دنيا تانيه وهو قلقان اوي وحاسس أن في شئ وحش هيحصل حط ايده على قلبه وتهند بعمق
ويوسف قرب منه بقلق وقال:عماد لاخر مره هسئلك انت ليه مرحتش تجيب سندس بنفسك وفين اخوك حمدي مش ظاهر ليه؟
عماد بتوتر:اصل اصل حمدي تعب شويه وقالي اروح اقف مع جميله علشان لازم حد يقف معاها في اليوم ده وكمان قالي انه بعد مايتحسن شويه هيروح يجيب هو سندس بنفسه لهنا
يوسف سمعه بصدمه وزهول وصرخ فيه بغضب:اييه انت يتقول ايه ياغبي حمدي هو اللي راح يجيب سندس مكانك انت عبيط يالا
عماد خاف منه ولسه هيرد عليه قاطعه دخول حمدي اخوه للقاعه وهو لابس بدله العريس وفي ايده سندس
الكل انصدم بشده من شكلهم واولهم عماد اللي جرى على حمدي بصدمه وزهول وقال:حمدي انت انت ايه اللي لابسه ده وكمان اتأخرت كده ليه؟
حمدي بصله ببرود حاول التمسك بيه قدامه وقال بتوتر: احم عماد انا عاوز اقولك الاول ان الجواز قسمه ونصيب و
قاطعه اندفاع يوسف اللي مسكه من لياقه بدلته بقوه وقال بغضب:انـت بـتـقـول ايـه ياحـيـو"ان انـت اوعـي اوعـي ياحـمـدي يـكـون عـمـلـت اللي في دمـاغـي والله اقـتـ'ـلـك وشـرب مـن دمـ'ـك انت سامعني
حمدي بصله بجمود وفك ايده عن لياقه بدلته ببرود وقال:ايوه عملت اللي في بالك يايوسف انا اجوزت سندس على سنه الله ورسوله ولو عاوز تتأكد قسمه الجواز في جيبي تحب تشوفها بنفسك
يوسف انصدم بشده وبص تجاه اخته سندس بغضب جحيمي ولسه هيقرب منها حمدي وقف قدامه بحمايه وقال:سندس بقت مراتي ولو عاوز حاجه منها تقدر تقولي انا بقيت رجلها وحمايتها دلوقتي
يوسف ضم ايده بغضب رهيب ولسه هيهجم على حمدي وقف بصدمه وخوف لما سمع صوت مرات عمه زهره وهي بتصرخ برعب:يالـهـووي الحـقـنـي ياحـمـدي اخـوك عـمـاد اغـمـى عـلـيـه ومـش بـيـتـنـفـس خـالـص يـالـهـووي
حمدي سمعها بصدمه كبيره وجرى زي المجنون على اخوه عماد وووو
يتبع...بقلم نور محمد
#خفايا_القلوب❤(عائله_الزوهيري)
#ليس_على_القلب_سلطان
الله يخرب بيت يوسف على حمدي الولد الغلبان هيضيع بسببهم 🤦🏻♀️🥺 وكده هتولع ناااار البارت القادم وهنبدأ اللعب بجد😉😎 تفاعل جامد اوي بقى علشان نلحق الغلبان ده بسرعه🥺💙
رواية خفايا القلوب الفصل العاشر 10 من هنا
الرواية كاملة من هنا (رواية خفايا القلوب)
