رواية زوجتى وساحرتى الفصل الرابع 4 بقلم زهرة الربيع
رواية زوجتى وساحرتى بقلم زهرة الربيع
 |
| رواية زوجتى وساحرتى |
رواية زوجتى وساحرتى الفصل الرابع 4
#زوجتي_و_ساحرتي_4
طرقي جوزك البقف عايز اشوفك ضروري بس اوعي ياخد باله
ناجي اتسعت عنيه بزهول شديد ومسك التليفون وفتحو لانو يعرف الباسورد تاريخ ميلاده
بقى يقلب في التليفون شاف الرقم اللي اخر مره اتصل عليها وشاف مجموعه من الرسائل من نفس الرقم بس مش واضح منها اي حاجه غير كلميني او انزلي عايزه اقابلك استغرب جدا وقلبه بقى يدق بعنف
جاب التليفون بتاعه اخذ الرقم اول ما كتبو في تليفونه ظهر معاه اسم سالم لانه اخو مراته وكمان قريبهم ويعرفوه اتسعت عنيه بذهول وقال.. سالم ...هو في ايه بالظبط
بس سمع صوت الميه اتقفل ساب التليفون بسرعه ..سحر طلعت من الحمام وبصتله باستغراب وقالت ..مالك شكلك متضايق كده ليه
ناجي قال بضيق شديد... ابدا ما فيش انا هدخل اخد دش
ودخل وسابها واقفه باستغراب بس لمحت ضوء خلفيه تليفونها شغال مسكته وشافت الرساله على الشاشه بلعت ريقها بارتباك شديد وخافت يكون ناجي شافها بس قالت بسرعه.. لا لا لا لا لو شافها اكيد كان سالني وبعتت رساله لسالم وقالت مش هقدر انزل دلوقتي خليه يمشي وهكلمك...و غيرت الباسورد بتاع التليفون وبقت تحاول تهدى شويه
بعد وقت خرج من الحمام بهدوء ومسك تليفونه وبقى يتصل على حد
سحر قالت بارتباك..احم بتكلم مين دلوقتي
ناجي ابتسم بضيق وقال..بكلم بابا من وقت ما سافر وانا ملاحظ اني كل ما اكلمه بلاقيه متضايق كده او مرتبك مش عارف ماله
بقلم...زهرة الربيع
سحر قالت بارتباك ...انت لسه معرفتش هو مسافر فين
ناجي اتنهد وقال ..مش عارف ماله ليه مش راضي يقولي راح فين المره دي ..هحاول اعرف منه
بس نفخ بزهق لما لقاه مغلق ..اتنهد وقال مغلق برضو اهو على الحال ده من ساعة ما سافر ..يا اما مغلق يا اما مرتبك وبالعافيه بيتكلم خايف يكون معاه حاجه وانا مش واخد بالي
سحر اتنهدت وقالت ان شاء الله خير
ناجي قرب منها وهو بيبصلها جامد وقال... ان شاء الله خير..سحر هو فيه حاجه مخبياها .. حاجه المفروض اشوفها اعرفها... ومسك ايدها وقال بابتسامه جميله..انا مستعد اساعدك في اي وقت.. و حط ايده على خدودها وقال...انا جوزك وبحبك اكتر من نفسي لا عايزه اخسرك ولا عايز اتصدم فيكي ممكن تحكي لي لو معاكي اي موضوع
سحر ارتبكت جدا وقالت..ليه بتقول كده
ناجي اتنهد وقال ابدا حاسك متوتره دايما وحابب لو في حاجه تشاركيني اشيل معاكي شويه واطمنك
سحر حضنته فجأه وبقت دموعها تنزل وقالت..لو عايز تطمني خليك جمبي .. مش عايزه غير افضل معاك طول العمر مش عايزه غيرك .. هو انا مستاهلش كده معقول انا مستهلكش
ناجي ضمها بقوه وقال.. ليه بتقولي كده
ده انتي تستاهليني وتستاهلي احسن مني كمان
سحر قالت بدموع..بس انا مش عايز غيرك يا قلبي
ناجي بص لعيونها جامد وقال .و انا بعشقك يا سحر بعشق كل حاجه فيكي وقرب من شفايفها ولسه هيبو،،سها بس سحر بعدت خطوه لورا ..اتنهد وشدها ليه وباس جبينها وقال...خلاص ادينا اخوات مش هعمل حاجه
سحر ضحكت وناجي ابتسم ومسك ايدها ونزلو على تحت اول ما نزلوا اتصدمو بشده لما لقوا سالم قاعد مع جدتهم وبيضحكوا
سحر كنت بتبصله بارتباك..وناجي كان بيبص لنظرات سحر ليه بغضب واستفهام
وراح سلم عليه وقال.. ازيك يا سالم بقالنا كتير مشوفناكش يعني
سالم ابتسم وقال ..يا اهلا يا ابو نسب والله ليك وحشه ..انا جيت اشق على اختي امبارح كلمتها وكانت بتبكي
ناجي قعد و ابتسم بسخريه وقال ... وايه الجديد من وقت ما اتجوزتها وهي بتبكي
سالم قال بضيق.. وده ملفتش نظرك لحاجه
ناجي بصله جامد وقال.. لفت نظري انها مش مرتاحه معايا وانا لو عندي اخت مش مرتاحه مع جوزها اكيد هخلي عندك د،،م واطلقها منه
سالم قال بغضب من كلامه..سامعه يا حجه...انا جوزتهالو لجل خاطرك انتي
جدتهم اتنهدت وقالت.. سامعه يا ولدي ..متزعلش قعدتو في البندر خلتو ما يعرفش يتحدت مع الناس
ناجي ابتسم بسخريه وقال مين قالك.. ان ناس البندر ما بيعرفوش يتكلموا مع الناس ..وبص لسحر بابتسامه وقال.. ده الجمال كله والذوق كله واحلى لسان في الدنيا لسان ناس البندر
سحر ضحكت بخفه ...بس اختفت ابتسامتها لما سالم بص لها بغيظ شديد وتوعد وقال..بالاذن انا ..اصل في بهيمه رابطها حدايا بقالها يومين تعبانه ما اعرفش اجبلها دكتور ولا استنى اجلها بقى
سحر اتسعت عينيها بزهول لما فهمت تلميحو و قالت بسرعه ..اكيد لو جبت لها دكتور هيبقى في ميزان حسناتك وبعدين هتكسب من وراها
سحر كانت قاصده توصله انها هتعمل اي حاجه يطلبها
سالم قال...يا ريت يكون كلامك صح
وطلع بضيق شديد سحر حطت ايدها على دماغها بتعب وقالت انا النهارده مش قادره اقعد هنا هاطلع انام
و طلعت على اوضتها بسرعه ولسه هتدخل على اوضتها وقفت قدامها وداد وقالت... سالم كان تحت
سحر قالت بضيق شديد..عارفه انا كنت لسه تحت وشوفتو
وداد قالت بابتسامه خبيثه ...على فكره قال لي حاجه اقولها لك بيقول لك عمك حبيبك تعبان وهو مش مضطر يجيب له دكتور ويداويه ويتعب نفسه وانت لسه لا حس ولا خبر
بقلم...زهرة الربيع
سحر نزلت دمعه من عيونها مساحتها بسرعه وقالت كلام اخوكي السخيف وصلني وفهمتو...وصليلو اني هخلص الموضوع اليومين دول وهسيب ناجي و اطلب منه الطلاق يا رب انتي واخوكي ترتاحوا وانتوا بتخربوا بيوت الناس
وداد ضحكت ببرود وراحت على اوضتها
سحر دخلت اوضتها وبقت تبكي جامد وافتكرت يوم فرحها لما كانت مبسوطه وطايره بالسعاده بس اتهدت احلامها لما سالم فاجأها بانه خطف عمها والد ناجي ومن يومها بقت تحت امره
ناجي طلع وراها وفتح الباب وتفاجئ انها بتبكي بالشكل ده استغرب وقرب منها وقال سحر مالك ايه الي حصل
سحر اترمت في حضنه وبقت تحضنه جامد وقالت بحبك قوي يا ناجي بحبك قوي
ناجي بقى يحضنها بقوه وقال.. وانا كمان يا قلبي بحبك بحبك قوي كمان بس ايه اللي مضايقك للدرجه دي
سحر بقت تحضنه اكتر وقالت احضني .. احضني قوي يا ناجي خبيني في حضنك وبقت تمشي ايديها على دراعاته ووشه بايديها وتبص لعينيه وقالت... هتوحشني ..انا...
ناجي اندهش لحالتها دي وقال بسرعه ... انتي ايه اتكلمي قولي اللي عايزه تقوليه كله ما تخافيش من اي حاجه..مهما كان الموضوع انا هحلو
سحر قالت بدموع ...طلقني
ناجي اتسعت عينيه بدهشه وقال..نعم.. بتقولي ايه
سحر قالت بدموع... ايوه انا مش قادره اكتر من كده لو سمحت طلقني ..انت من حقك تعيش وتتجوز وتخلف طلقني ارجوك
ناجي هز ذراعتها بغضب وقال.. والسبب الي هطلقك علشانو.. ايه السبب اللي يخليكي تعملي كل ده فهميني حتى
سحر بصتلو بارتباك شديد وهي بتفتكر كل كلام سالم عن عمها وانه تعبان جدا وتحذيره انها ما تقولش حاجه لناجي والا هيقتله ..اتنهدا بدموع وقالت.. ما فيش انا بس عايزه اطلق
ناجي بصلها بغضب شديد وقال ..انسي طلاق مش هطلق..انتي مراتي ولا يمكن اطلقك ولو فيه حاجه ووو
بس قاطعته بغضب وقالت.. ما فيش حاجه مخبياها عنك يا ناجي انا عايزه اطلق وبس انا حره
ناجي قرب منها جامد وبص لعيونها و شدها من وسطها عليه بقوه وقال هو بيبص لعيونها ...انا بحبك يا سحر ما اقدرش اعيش من غيرك يا بت وانتي عارفه كده كويس اي حاجه هنحلها سوا بس ثقي فيا واحكيلي
سحر قالت بغضب.. قولتلك ما فيش اي حاجه ارجوك طلقني انت ليه مصر اني مخبيه عنك حاجه
ناجي اتعصب وجاب تليفونها وقال افتحي الباسورد الي غيرتيه وشوفي انا ليه بقول كده .. ايه الرسائل اللي جايه لك من سالم دي يا سحر ..ما هو يا اما هو بيضايقك بحاجه معينه يا اما السبب التاني مش هقدر افكر فيه حتى مش هقدر حتى انطقه
سحر اتسعت عينيها بزهول شديد ووووووو
رواية زوجتى وساحرتى الفصل الخامس 5 من هنا
الرواية كاملة من هنا (رواية زوجتى وساحرتى)
