رواية خديجه الفصل الثالث عشر 13 بقلم جهاد سعيد
رواية خديجه بقلم جهاد سعيد
وقفنا المرة اللي فاتت لما خديجه اتصدمت لما عرفت اني باسم اللي هيوصلهم.
ياسمين باستعباط : هو أنت اللي جاي تاخدني ياباسم شُكراً بجد
خديجه بتوعد : يلا يامنى عشان اتأخرنا عايزه حاجه يا ياسمين
باسم مركز علي خديجه وبيبص ليها من فوق لتحت لبسها بيلفت نظره.
ياسمين : هو أنا مش قُلت هوصلكو وأنتي وافقتي
خديجه بستعباط : أنا قُلت كده يلا يامنى
باسم بجديه : يلا بقا أركبو وبطلو كلام مينفعشي وقفتكو دي.
خديجه بجديه : جزاك الله خيراً يا أستاذ باسم أحنا ماشين
باسم بحده : أنا قولت أركبو وباباكي عارف اني جاي أوصلكو فياريت يلا عشان متعصبشي عليكي
خديجه بحده : تتعصب علي مين وانا قولت مش هينفع
ياسمين برجاء : بالله عليكي يلا بقا
منى بهدوء : يلا بقا ياخديجه كده هنتأخر علي القطر
خديجه : بتبص ليهم من تحت النقاب بغيظ ماشي
ياسمين بتسقف أيديها بفرحه أخيراً وافقتي.
منى بهزار : هرمنا من أجل هذه اللحظه.
ياسمين ركبت جنب أخوها
منى وخديجه ركبو ورا و أتحرك باسم بالعربية
ياسمين بتبص لخديجه : أنا فرحانه جداً ياخديجه اني عرفتك بجد كان نفسي أعرفك من زمان وكمان أحتمال تكوني مرات أخويه قريب.
في اللحظه دي باسم بص في المرايا علي خديجه.
وخديجه عايزه تقوم تولع في ياسمين في اللحظه دي بس مش هينفع تتكلم قدام باسم لأنه أجنبي عنها
خديجه بجديه : جزاكي الله خيراً
ياسمين بسعاده : ماتيجي نتغدا سوا قبل ماتروحو ماما هتفرح قوي أول ماتشوفك.
خديجه بجديه : أتكلمنا في الموضوع ده قبل كده يا ياسمين سلميلي علي مامتك كتير
وخديجه في نفسها هتسكت البت دي ولا أولع فيها أنا اصلاً مستحرمة ركوبي العربيه معاه وعماله أتخيله سواق التوك توك يالله لو عرف أنا مفكراه ايه هيموتني مدبوحه ههههه
ياسمين بتلقائيه : لفت دماغها لخديجه ومنى تاني بس منى مشغوله بتكلم خطيبها اللي هو كاتب كتابه عليها واتس.
ياسمين بتلقائيه : بجد ياخديجه كلامك روعه حتى باسم ولسه هتكمل...
وخديجه مستنيه تكمل باسم بص لياسمين سكتت
ياسمين بابتسامه بلهاء : ولا أي حاجه.
وصلو علي المحطة
باسم بجديه : خديجه قولي لباباكي جاين ليه بكرة أنا وأهلي.
خديجه بجديه : وهي غضه بصرها والله حضرتك كلم بابا وبلغه.
ياسمين باستغراب : وفيها ايه ياخديجه
خديجه بجديه : هي الأصول كده يا ياسمين أنا مليش أدخل في حاجه غير اني أوافق أو أرفض أما الأتفاقات والحجات دي أهلي هما اللي يعرفوني بيها.
باسم بيعجب بيها أكتر واكتر.
خديجه : يلا بقا السلام عليكم ورحمة الله
ياسمين : وعليكم السلام ورحمة الله
خديجه : هكلمك بليل بأذن الله
ياسمين بابتسامه سعيدة : خلاص هستناكي إن شاء الله.
خديجه ومني ركبو القطر بتاع الشعب لأنها رفضت تركب المكيف لما ياسمين عرضت عليها وده طبعاً طلب باسم لما رفضت أنو يوصلها لغاية باب البيت.
ياسمين ودعت خديجه ومنى وركبت العربيه وبتبص علي أخوها.
باسم بحده : أنتي لسانك ده ايه كنتي عايزه تقولي ايه بيقلد ياسمين بجد كلامك روعه حتى باسم.
باسم بتوعد : عارفه لو كنتي كملتي أنتي عارفه كنت هعمل ايه.
ياسمين عايزة تضحك بس خايفه من عصبية أخوها بس مش مصدقه اللي أخوها بيعمله ده
ياسمين بتلقائيه ذي عادتها : نفسي أعرف ليه عايز تتجوز خديجه علي رغم انكو دماغ مُختلفه خالص والعالم بتاعك غير بتاعها حتى النهارده لما سألتها حطت أيديها علي بوقها
باسم باهتمام : ايوه لما سالتيها قالت ايه
ياسمين : لا مقالتشي حاجه
باسم بحده : أخلصي قولي قالت ايه
ياسمين بخوف : قالت أنا لو ليا نصيب وحكت ليه كل اللي خديجه قالته بالحرف ماعدا سبب هدايته وتغيره والكلام ده عشان مياخدشي باله ويعند أكتر.
عند خديجه بعد ماوصلت ومصدعه من كتر زن منى عليها وهي أتكلمت كتير النهاردة صلت العصر ونامت
( عايزة أفرحكو أنها نسيت تتغدا عشان تعرفو الجواز بيسد النفس 😇 )
صحيت خديجه بعد المغرب جريت صلت المغرب قبل مايفوتها وقرأت الأذكار وطلعت تقعد مع أهلها
خديجه بابتسامه : السلام عليكم يا أهل الخير
عبدالرحمن : وعليكم السلام ياختي يلا الله يسهلك مش معايه فكه
خديجه بمزاح : وأنت من أمتى معاك فلوس اصلاً ده أنت مفلس يابني بتاخد مصروفك من ماما
عبدالرحمن : ليه هو أنا ذيك يافاشله
خديجه : أنت أصلاً تطول تبقى زي
ام خديجه : كفايه بقى أنتو مش هتكبرو أبداً
ام خديجه بابتسامه فرح : نمتي ياحبيبتي بكرة باسم جاي هو وأهله عشان يتفقو علي كل حاجه أخيراً ربنا أستجاب دُعائي ورزقك بالي عمري ماحلمت اني يجيلك واحد زيه.
خديجه : كتمه غيظها أنتي كده بتهنيني ياماما
أم خديجه : ياحبيبتي أنتي مفيش ذيك
خديجه بهزار : ايوه أنا عارفه لو مني أتنين كانت مصر خربت
أم خديجه بغيظ : شكل الشبشب وحشك ياخديجه
خديجه بفزع مصتنع : أسفين ياصلاح.
انتهى اليوم علي أبطالنا وبداية يوم جديد.
خديجه أستيقظت صلت القيام وصلت الفجر وقرأت وردها من القرآن ولسه هتقرء الأذكار لقت منى بترن.
خديجه بابتسامه : السلام عليكم الناس اللي صاحيه بدري.
منى : وعليكم السلام أنا لسه منمتش ياختي كنت بقرء في الورد بتاعي بقالي كتير قوي مقرأتش الورد لغاية ماكنت هموت وخوفت أقُلك تقيمي عليا الحد.
خديجه بتساؤل : هو أنتي بتقرأي قد ايه الورد بتاعك يعني.
منى : بقرء جزء يومياً بس بقالي فترة كبيره بقرء يوم واسيب عشرة
خديجه اللهم بارك جزء يوميا بس في حاجه عايزه أعرفهالك النبي صل الله عليه وسلم قال أفضل الأعمال عند الله أدومها وأن قلت يعني يامنى ياحبيبتي بدل ما تقرأي في يوم جزء وتقعدي عشرة ماتقرأيش ده مش حاجه حلوه بالعكس ابدئي وردك بصفحه واحده يوميا وحاولي تتدبري في معناها.
ولما تحسي أنك اتعودتي علي صفحه زودي كمان نص صفحه وكل شويه زودي شويه متبقيش عامله زي اللي بتصلي خمسين ركعه قيام ليل في يوم وتقعد السنه كلها تاركه قيام الليل كفايه ركعتين بس دومي عليها.
منى بابتسامه : عندك حق أنا هبدأ بصفحه كفايه اني ابدأ يومي بكلام الله.
خديجه بغرور مصتنع : أنا مش مُتخيله الحياه من غيري
منى : ايوه ياختي اتغري هو حد قدك الواد الحليوه جاي يخطبك النهارده
خديجه بغيظ : طب مابلاش حليوه دي وبعدين أنا مغرورة من قبل مااشوف وش الحليوه قصدي باسم
منى بابتسامه : ربنا يكمل ليكو علي خير وسعادة
خديجه بشرود : إن شاء الله يلا بقا السلام عليكم عايزه أنام شويه قبل معركة الطبيخ اللي ست الحبايب ياحبيبه ناويه تعملها.
منى بابتسامه : وعليكم السلام
وجاء موعد وصول باسم في بيت خديجة
الحلقه الجايه بأذن الله هنشوف هل هيحصل خناقه بين خديجه وباسم وهل خديجه هترفع النقاب ولا لا #
