رواية خديجه الفصل الرابع عشر والخامس عشر 14و15 بقلم جهاد سعيد
رواية خديجه بقلم جهاد سعيد
وصل باسم وياسمين وباباه ومامته.
ابوخديجه بيرحب بيهم. شرفتونا. ياجماعه.
ابو باسم. الشرف لينا احنا. ياابو حسن
ام خديجه داخله تسلم علي ام باسم وتحضن فيها
ام خديجه بابتسامه. شرفتينا ياام باسم. البيت تنور النهارده
ام باسم بمحبه. ده شرف لينا احنا. ربنا يبارك فيكي فعلا عرفتي تربي
ام خديجه بفخر. الحمد لله. وانتي برده ماشاء الله. علي اولادك. عرفتي تربي بجد
ام باسم. الحمد لله
ياسمين بتلقائيه. امال فين خديجه ياطنط عايزه اشوفها
ام خديجه بترحيب. تعالي ياحبيبتي ادخلك ليها. هي في اوضتها بتجهز
ياسمين بفرح. يلا ياطنط.
(ام خديجه متعرفشي اني ياسمين وخديجه صحاب. لاني خديجه. مش متعوده. تحكي حياتها مع حد خالص. )
ياسمين دخلت لقت واحده واقفه قدام المرايا. ولابسه. دريس خروج وعليه خمار لف. ولسه بتلف فيه. من غير ماتحط بونيه. عشان هتلبس النقاب فوق
ياسمين باستغراب وعبط. امال فين خديجه ياطنط
خديجه بهزار. راحت تركيا تسلم علي اردوغان وترجع.
ياسمين بشهقه. انتي خديجه بجد.
ماشاء الله عليكي. ايه الجمال ده. ووشك منور اوي. ايه الحلاوة دي.
خديجه بفزع مصتنع. انتي بتحسديني عيني عينك كده. هي فين وكانت بتدور في الارض
ياسمين باستغراب. هي ايه اللي فين.
خديجه بتدور برده. خرزة زرقه. احطها في رقبتي. خلاص. الشبشب بتاع الحمام ازرق. هروح اجيبه اعلقه في رقبتي
ياسمين بتضحك بصوت عالي. هههههههه. شبشب.
(ياسمين معذورة ياجماعه. متعرفشي. قيمة الشبشب عند خديجه )
خديجه بجديه. وحشتيني. ياياسمين والله.
ياسمين بابتسامه ود. بجد انا حاسه اني في حلم جميل ومش عايزه اقوم منه. هيجي يوم. وتكوني عندنا.
خديجه قرصت ياسمين من دراعها
ياسمين بفزع. بتقرصيني ليه كده
خديجه. عشان تتاكدي انك مش في حلم.
ياسمين بضحك. يعني تقطعي. جسمي عشان تاكيديلي.
خديجه بتتصنع التفكير. تصدقي. لوكنت اديتك بوكس علي مناخيرك. كان هيبقي منظرك ايه
ياسمين بخوف. وبتحط ايديها علي مناخيرها. اسفين ياصلاح بس بلاش وشي
خديجه بضحكه شريره نيهاهاها.
ام خديجه دخلت يلابقا ياخديجه. حماتك عايزه تشوفك وتتعرف عليكي
خديجه بتوتر. هو لازم يعني. متتعرف عليا بعد الفرح.
ياسمين بضحك ههههه. ماما طيوبه خالص علي فكرة
خديجه. امشي من هنا. انتي مين اصلا.
يلا بقا. وامري الي الله.
خديجه. دخلت وهي ماسكه في ايد ياسمين وعنيها في الارض.
خديجه. السلام عليكم. كلهم ردو السلام.
ام باسم تعالي ياحبيبتي. جنبي هنا اخيرا. اتعرفت عليكي. ياسبب السعاده اللي دخلت حياتنا.
ام خديجه وابوها مفكرين بسبب اني ابنهم عايز يتجوزها. ميعرفوش موضوع ياسمين خالص.
خديجه بابتسامه ود. بجد انا سعيده اني اتعرفت علي حضرتك ياطنط.
ام باسم. عروستك قمر ياباسم. باسم.
وباسم ولا هنا. سرح. خالص في خديجه. ولا واخد بالو من اي حاجه.
(خديجه كانت لابسه دريس بني. ضيق من فوق وواسع جدا من تحت ولبست فوقيه خمار لف. طبعا. اول مره تلبسه. هو دايما بيشوفها لاما بالملحفه. او بالكاب. عمره ماشافها كده. ولاهي حتي بتخرج كده. ولكن دي رؤيه شرعيه ومرضيتش. تطلع. بالاسود عشان امها متزعلشي. ولابسه نقاب تاندا وظاهره عنيها. فكان عنيها متحدده في النقاب. وكانت لابسه الجونت والشراب. ومفيش اي زينه في وشها. عشان لو اضطرت تكشف النقاب قدامه متبقاش متزينه )
ام باسم. باسم. انت يابني.
باسم بانتباه. ها. نعم ياماما كنتي بتقولي حاجه
ام باسم بخبث. ايه اللي واخد عقلك
باسم بيتصنع الجديه. لا. مفيش حاجه. انتي كنتي عايزه. حاجه.
ام باسم بقول عروستك قمر. ماشاء الله عليها. ادب والتزام. ومتاكده انها جميله
ياسمين بغباء. اه والله ياماما انا مكنتش متخيله خديجه. حلوه كده. دي.
خديجه بصت ليها بتحذير لانها بتوصفها
ياسمين بضحكه بلهاء. ولاكاني قلت حاجه ياخديجه.
ام خديجه. خديجه قمر والله.
خديجه هتقتل ياسمين وامها. وتدخل تقضي حياتها في السجن.
ابوباسم. ماتيجي ياحج. نطلع بره نشم شوية هوا. بحب هو الريف.
طب يلا ياام حسن اعملي لينا. حاجه نشربها.
ام باسم. خديني معاكي يلا ياسمين.
ابوخديجه. يلا ياعبد الرحمن. اطلع معانا بره.
عبدالرحمن باستفزاز. شويه كده يابابا اصلا عجبني القاعده هنا.
ابوخديجه. يلا بقا. ياعبد الرحمن.
خديجه سيبه يابابا.
ابوخديجه بابتسامه. احنا قاعدين قدامك ياخديجه وشايفنكو. يعني. لازم تتعرفو علي بعض اكتر قبل مانتفق. علي كل حاجه.
عبد الرحمن. عشان خاطرك ياباسم هقوم.
خديجه بتبص ليه بغيظ وتوعد.
ابوباسم. يلا يايا سمين روحي ساعدي طنط او تعالي معانا
ياسمين. لا انا عجبني القاعده هنا.
باسم بص ليها بغضب.
ياسمين بخوف. انا هروح اشوف ماما بتنادي عليا ليه.
خديجه ضحكت بغصب عنها. بسبب ياسمين.
باسم بص ليها. اذيك.
خديجه بجديه. الحمد لله تمام.
بصي بقا. ايه رايك نكتب الكتاب علي طول. عشان. مش فاضي. اجي كل شويه
خديجه بحده. اولا حضرتك. الكلام ده. يتقال لبابامش ليا ثانيا. انا طبعا مش هوافق. اني اعقد علي طول. لازم فترة خطوبه. واكون استخرت فيها كويس. عشان مندمشي بعدين. ثالثا. محدش طلب منك تيجي. لاني. ده شئ مبحبهوش فكرة الخاطب اللي كل يوم والتاني عند خطيبته. هي هتغض بصرها ازاي. وهو كل يومين عندها.
باسم بحده. انااصلا غلطان اني باخد رايك. انتي توافقي علي اللي اقوله وخلاص
خديجه بجديه. انت يااخينا. خلي بالك من كلامك
باسم بذهول. اخينا
خديجه بحرج. اسفه. بص يااستاذ باسم. بعد اذنك ياريت. لو عايزني اكمل الجوازه دي. تحترم قراري.
باسم عايز يتجوزها باي طريقه. خلاص موافق. بس متتعوديش علي كده
خديجه حست انو فيه امل. انو يتغير. ان شاء الله.
باسم اظن طبعا من حقي اني اشوفك.
خديجه بخوف وتوتر. ايوه للاسف.
باسم. طب. يلا ارفعي النقاب.
خديجه هتعيط من الكسوف. وبترفع النقاب وايديها بتترعش.
باسم بيبص علي خديجه و.......
#الفصل 15 : #خديجة
وقفنا المرة اللي فاتت لما باسم طلب من خديجه انها ترفع النقاب.
خديجه بترفع النقاب. وراحت منزلاه تاني. بص. انا مش موافقه وانا مش عايزه اتجوز اصلا.
باسم بصدمه. نعم.
خديجه بتوتر. بجد. بقالي سنين لابسه النقاب. مش قادرة. ارفعه. انا عارفه اني حقك تشوفني. بس بجد مش قادرة راعي ظروفي
باسم. حس انو مينفعشي يضغط عليها اكتر من كده.
باسم بجديه. خلاص مش هشوف وشك النهارده. خليها مرة تانيه
خديجه براحه. الحمد لله.
باسم بجديه. عايزه تساليني. في اي حاجه.
خديجه بجديه. عايزه اعرف ليه حضرتك. عايز تتجوزني. علي رغم اني مختلفه عن حياتك جدا وده حاجه غريبه.
باسم بجديه. ممكن. انا اللي اسال السؤال ده. متقوليش خوفتي من تهديدي. لاني واثق انك مش من النوع اللي بتخافي.
خديجه. علي رغم انك جاوبت سؤالي بسؤال. الا اني هجاوب عليك ومنتظرة منك الاجابه.
خديجه. اولا. انا موافقتش عليك عشان فلوسك او مركزك. واكيد انت واثق من النقطه دي.
باسم هز راسه. بمعني. نعم.
خديجه. انا من صغري. مبحبش الجدال. ولا حتي بحب اختار. دايما. بدعي ربنا يختار ليا. لاني مهما. افكر مستحيل هختار. ذي اختيار ربنا ليا.
فانا صليت استخارة كذا مرة. وتوكلت علي الله وقلت لو ده اختيار ربنا ليا. اكيد هيكون خير ليا.
ولو ده مش اختيار ربنا ليا. وهيبقي سبب فتنتي. اكيد ربنا هيصرفه عني. اما انا. مش مستعده ادخل حرب مع اهلي. لاني انت بالنسبه لماما. شخص ميتعوضش.
ثالثا. كل صحابي مفكرين اني حطه في دماغي. مواصفات قياسيه لزواج. شئ جميل جدا. اننا نختار علي اساس الدين والخلق. وده اللي رسولنا الكريم امرنا بيه. بس انا كنت دايما بدعي. لربنا. انو هو اللي يختار ليا. انا مش عايزه اختار. ولغاية اخر لحظه. بقلك. انا. مسلمه. امري لله. واكيد الخير اللي يختاره ربنا. وانا استخرت بدل المرة عشره وهفضل استخير ربنا. لغاية يوم الفرح. لاني. انا مش اللي اخترت لا ده اختياره هو.
باسم بجديه معني كده. مفيش اعجاب ولا اي حاجه من ناحيتك ليا.
خديجه بجديه اولا مفيش حاجه اسمها اعجاب. لاني مينفعشي نتكلم في المشاعر الان.
ثانيا. انا حتي لو جالي واحد ذي ابن تيميه. برده هفضل قافله علي قلبي. لغاية لما. يجمعني الله معاه في بيت واحد. لاني مشاعري كلها. عايناها لزوجي. اي كان مين هو. اما فكرة اننا اتخطبنا بقا واسيب مشاعري. واحب واتعلق. ده طبعا من وجهة نظر غلط جدا. لاني. احتمال مانكونشي لبعض. ساعتها هيكون الموضوع صعب جدا. لاني اتعلقت. عشان كده الاسلام حدد ضوابط للخطوبه.
باسم باستغراب. يعني ايه ضوابط دي.
خديجه بهدوء. يعني. شروط. الاسلام واضعها. عشان. نمشي عليها. ايام الخطوبه .
باسم بتساؤل. ايه هي بقا الشروط او الضوابط.
خديجه بجديه. اني الخطوبه ماهي الا وعد بالزواج. يعني. الحق اللي ليك عندي. او ليك عند خطيبتك. هو اني محدش يتقدم ليها طول ماانت خاطبها.
باسم بجديه واستغراب . وايه كمان.
خديجه بجديه. لا مفيش كمان. هو ده حقك بس. يعني ولا موبيل ورايحه فين وجايه منين. ومشيتي من غير اذني ليه. والكلام ده كله. ولو تاخد بالك. انا مقولتش المصايب التانيه. اللي هي وحشتيني. وامتي يجمعنا بيت واحد. وهعيشك ملكه والكلام. ا
اللي ميأكلشي عيش ده.
باسم. بفضول. هي مش الخطوبه دي فترة تعارف. امال هيتعرفو علي بعض ازاي. ايه كلامك الغريب. ده. امال لوشوفتي الخروجات. والكلام الجامد ده ومفيش حتي دبله في ايديهم
خديجه بجديه. اولا. انا دلوقتي مبتكلمشي علي حب الشبابيك. انا بتكلم عن راجل. اتقدم. لواحده في بيت اهلها.
وبالنسبه. لفكرة انهم هيتعرفو علي بعض ازاي.
الشيخ محمد الغليظ اتكلم. في النقطه. دي. في سلسلة عاطف وعواطف.
باسم باستغراب. ايه. عاطف وعواطف.
خديجه بابتسامه. وفرح اني باسم. بيسال في امور الدين. واحد غيره كان قام ومشي. ايه اللي يغصبه. علي كده. عشان كده اطمنت اني اكيد ربنا. كاتب ليها الخير.
خديجه.بحماس دي سلسه. الشيخ محمد الغليظ عاملها. بيتكلم فيها عن الحب الحرام. وبعدين عن الرؤيه الشرعيه وعن ضوابط الخطوبه. وعن العقد والزواج. وبعد الزواج كمان. بجد ربنا يبارك فيه. فعلا عنده حق في كل كلمة قالها. وفيه جملة عجبتني.
اني الزواج هيفضل بطيخه. لاما تطلع قرعه لاما تطلع حمره.
باسم باستغراب. ايه بطيخه وقرعه وحمرة. .
خديجه بجديه. ايوه. يعني ولا انا هعرف. شخصيتك ولا انت هتعرف شخصيتي. غير لما يتقفل علينا باب واحد. وده اللي هو قالو
باسم ابتسم. لما قالت كده
خديجه بندم. بسبب الجمله مينفعشي انها تقول كده. قصدي. لما يتجوزو.
باسم احم. معني كده. اني لما نتخطب. مفيش اي تواصل بينا.
خديجه بجديه. بأذن الله. هيكون التواصل. انك ترن علي رقم اخويه او بابا. وهفتح الاسبيكر. ويبقو سامعين كل كلمه
باسم. وليه يسمعو.
خديجه. عشان متبقاش خلوه غير شرعيه.
باسم. بس انتي معقداها اوي الصراحه.
خديجه بجديه. اولا دي مش كلامي. ده كلام العلماء. وده امر ربنا. لينا. وعارفه اني الموضوع صعب مش سهل. بس صدقني. ثمرته جميله جدا. تعرف يااستاذ باسم. فيه واحده صاحبتي. كنت. دايما اكلمها علي ضوابط الخطوبه. وهي كانت تسمع. وطبعا زي بنات كتير. هتعرف عليه ازاي. طب. هو كده هيزهق. ويسبني. مين اللي لسه بيفكر كده. عارف. لسه مكلماني من فترة بسيطه. بتقلي. ياريت كنت سمعت كلامك وطبقته. انا دلوقتي بندم علي كل مرة كلمتيني فيها. ومسمعتش كلامك.
انا مسالتهاش ليه بتقول كده. لاني متاكده اني اي حاجه بتبدا بالحرام. بركة ربنا. مش بتكون فيها.
تخيل معايه. لما. اتنين يفضلو ملتزمين بتعاليم الدين. ويلتزمو بضوابط الخطوبه. ويفضلو شايلين مشاعرهم لبعد الزواج. هل ربنا هيسيبهم من غير مايكافئهم. اكيد لا.
ملحوظه. (قصة البنت اللي حكتها. والله حصلت معايه بالفعل. حبيت اكتبها. للعبرة. وفيه قصص اشد منها. بس مش راضيه اخوض في الموضوع اكتر من كده)
باسم باهتمام. طب. موضوع اني اجي في فترة الخطوبه ممنوع كمان.
خديجه بابتسامه. لا مش ممنوع مادام هيكون فيه محرم. والمحرم ده يكون اخويه الكبير او بابا.
بس انا بفضل. عدم الزيارة كتير عشان اقدر اغض بصري. وبعدين. انت عارف. فكرة اني اتكلم مع رجل دي صعبه قوي. بالنسبه ليا.
باسم بجديه. طب. في حاجه تانيه ولا كده تمام.
خديجه بجديه لا حضرتك. مفيش حاجه تانيه غير نفس السؤال. اللي سالته لحضرتك. في البداية.
باسم بشرود في نفسه . مش عارف ليه فيكي ايه بيشدني ليكي. انا مستغرب نفسي. اني قاعد. وبسمع محاضرة. ياتري فيه ايه. بس كلامها كله وهي فيها حاجه. مخلياني. مش عارف نفسي.
خديجه بجديه. استاذ باسم. يااستاذ باسم.
باسم بانتباه. نعم فيه ايه.
خديجه بجديه حضرتك سالت سؤال. وانت مرضتش عليا.
باسم بجديه ممكن اجاوب عليه مرة تانيه. مش لازم دلوقتي يعني. كفايه كده.
خديجه بغيظ. طيب ماشي. انا مضطرة اقوم.
باسم بجديه اتفضلي.
خديجه قامت وهي بتاكل في نفسها. ومش عارفه ايه اللي غاصبها علي الشخص ده. عايزه تقتله. هتموته. لاهولع فيه. يوووه.
ياسمين دخلت عليها.بتضحك علي خديجه. ايه ياخديجه. هتقتلي مين وهتولعي فيه ومحتارة هتموتيه ازاي.
خديجه بغيظ. مين غير اخوكي. .
ياسمين بضحك. مالو اخويه ده طيب جدا.
خديجه بحده. هو مين يشهد للعروسه.
ياسمين باستغراب. عروسة مين
خديجه. اسكتي ياياسمين وسبيني دلوقتي. وفجأه سمعو زغاريط.
لولولولولوي. وعمابين يزغرطو. لانهم اتفقو خلاص.
خديجه خايفه قوي. الجواز مش سهل وخصوصا باسم بالنسبه ليها معركه.
