رواية خديجه الفصل الرابع والعشرون 24 بقلم جهاد سعيد

رواية خديجه الفصل الرابع والعشرون 24 بقلم جهاد سعيد

رواية خديجه بقلم جهاد سعيد

باسم نزل لقى باباه ومامته بيفطرو

باسم : صباح الخير

ام باسم باستغراب : صباح النور النهارده صاحي بدري

ابو باسم : ايه ياام باسم أنتي ناسيه اني النهارده رايح يجيب الشبكه لخطيبته لازم يصحى من النجمه ده لو نام اصلاً

باسم بأحراج : على فكرة أنا صاحي بدري عشان ورايا شغل

ابو باسم بمكر : ماانا عارف مشاغلك كتير وخصوصاً النهارده أنت عمرك ماعملتها

باسم بجديه : ايه ياجماعه هو تحقيق وبعدين يلا بقا عشان نلحق نروح للناس

ام باسم بدهشه : يلا ايه احنا لسه الصبح بدري هنروح نفطر معاهم

ابو باسم : هههههه تصدقي فكرة عشان نقول ليهم بدل مانتغدا بس لا احنا نفطر ونتغدا ونتعشى كمان عشان يطردونا ويقولو معندناش بنات للجواز

باسم بعصبيه : ده أنا ااقطع لسان اللي يقول كده هتجوزها يعني هتجوزها

ام باسم : يابني الدنيا مش كده ربنا يجعلها من نصيبك بس هي مش عافيه

ابو باسم : سبيه ياام باسم أنا كنت بهزر يابني بس برده اتحكم في أعصابك وخصوصاً لسانك الدنيا مش سايبه

باسم بيغير الموضوع : طيب أنا هقوم اصحي الزفته اللي فوق لغاية ماتخلصو فطار وتقومو تغيرو أنا مش فاضي للكلام ده عايز اخلص من الهبل ده واجيب الشبكه واخلص

قام وطلع علي حجرة ياسمين

باسم : بيخبط علي الباب قومي يادكتورة أنا عارف انك مش هتقومي بسهوله فتح الباب ودخل

باسم : قومي يلا عشان ورانا سفر

ياسمين بنوم : شويه كده ياماما

باسم بدهشه : ماما قومي يابت يلا

ياسمين بنووم أنا بكره اللي بيصحيني هو أنا مش قايله محدش يصحيني

باسم ضحك وافتكر خديجه لما قفلت السكه في وشه وقالت كده

باسم بعصبيه مصتنعه : وصوت عالي ياسمين

ياسمين بفزع : ايه في ايه البيت ولع ولا ايه باسم

باسم بيتصنع الجديه : قومي يلا عشان مسافرين

ياسمين فاقت وقامت على السرير النهارده رايحين لخديجه ايييييه

باسم بدهشه : ايه ده

ياسمين بخوف : خمس دقايق وهتلاقيني في العربيه وجريت على الحمام

باسم بيضحك علي هبل أخته نزل لقى مامته وباباه لابسين وقعدين

باسم بجديه : جهزتو

ابو باسم : واحنا نقدر بردو نخالف كلامك أنا مش مستغني عن عمري

ام باسم : ههههههه هو مين فيكو أبو التاني

ابو باسم : ههههه تصدقي اني بخاف منه بحس انو هيضربني

باسم بجديه : أكيد عمري ماهعملها يابابا

ياسمين نزلت جري علي السلم أنا جهزت خلاص

باسم بحده : قولتي خمس دقايق بس وبقو تسع دقايق

ياسمين بدهشه : أنت قاعد بتحسب بالدقيقه

باسم بيغير الموضوع : يلا بقا عشان اتأخرنا

كلهم بيبصو لبعض وضحكو

باسم بص ليهم بعصبيه وطلع ركب العربيه

عند خديجه لبست الملحفه السمرا وعليها خمار لف ونقاب أسود ولبست البيشه

ام خديجه : بالله عليكي دي منظر عروسه رايحه تجيب شبكتها

خديجه بمزاح : هو في أحلا من كده وبغرور مصتنع نحن نختلف عن الآخرين

مرات اخوها : ياخديجه الدين يسر وبعدين أنتي مش مخطوبه لأي حد ده مال وجمال وعيله

خديجه بمزاح : أنا حاسه اني في حد بيحسدني الظاهر كده الواد هيموت وهعنس بسببك

مرات اخو خديجه : لا أنا بقُر بس مبحسدشي

خديجه : ايوه إذا كان كده ماشي

ام خديجه بغيظ : سبيها هي دماغها ناشفه وتعبه قلبي دايماً

خديجه بحب : أنا اقدر برده بس صدقيني أنا مرتاحه كده وحاسه اني ربنا بيحبني باللبس ده حجاب أمهات المؤمنين أنا متأكده الأسود مش كل الدين ولكن الملكه دايماً زيها مميز عن عامة الشعب وانا ياماما عايزه أكون مميزه دايماً

ام خديجه : ربنا يبارك فيكي نفسي أشوفك بألوان وتلبسي زي البنات كده أي بنت مكانك كانت أبدعت عشان تعجب عريسها

خديجه بابتسامه : أولاً عريسي لسه مبقاش زوجي عشان يشوفني بزينه أو بلبس عادي زيه زي الغريب

ام خديجه : يابنتي هتتعبي فكيها شويه

خديجه بمزاح : لا أنا فكاها خالص ياماما هههه ياماما مستحيل ربنا يضيعني أبداً

ام خديجه : ربنا يهديكي

خديجه بحب : اللهم آمين يارب

وصل باسم وعيلته عند خديجه وسميه معاهم

خديجه كانت حاطه روچ وكريم عشان لما حماتها تطلب تشوفها

سميه وياسمين دخلو علي اوضة خديجه علي طول

سميه بسعاده : خديجه أخيراً هبقى صاحبة العروسه

ياسمين بفرح : وانا أخت العريس

خديجه بزعل طفولي : وانا هبقى ايه

الاتنين في صوت واحد العروسه

خديجه بمزاح : هههههه فكرتوني كنت ناسيه

سميه بحب : بس ما شاء الله عليكي ياخديجه ايه الحلاوه دي

خديجه : بس بقا بتكثف وبعدين انتو اللي موزز اوعي تاخدي الواد مني ههههه

سميه : لا ياختي مبروك عليكي

خديجه : لا مادام قولتي خديه مايغلاش عليكي

ياسمين : ههههه تعالى شوف ياباسم خلوك كيلو روز بيتعزمو عليه

خديجه : ههههه بس بقا خليني اظبط البيشه عشان يومنا طويل

ام خديجه : يلا يابنات عشان نلحق نجيب الشبكه

البنات جريو وسابو خديجه 🏃‍♀️🏃🏼‍♀️

خديجه بدهشه : ايه الغباء ده مش يستنو اجري معاهم 🏃🏻‍♀️

ام خديجه : يلا ياحبيبتي الناس مستنيه بره

خديجه بحب : حاضر ياماما

باسم أول ماشاف خديجه بيبص عليها عايز يشوف عنيها حتى ايه ده

خديجه : أنا هركب مع بابا واخواتي

باسم بدهشه : نعم تركبي مع مين

خديجه بخجل : حضرتك أنت لسه اجنبي عني يعني مينفعشي أركب معاك

ابوباسم بيغيظ ابنه : خلاص تعالي اركبي معايه أنا 

ام باسم : مينفعشي ياابو باسم لازم العرسان يركبو مع بعض

خديجه بخجل : بس مينفعشي حضرتك اركب معاه لواحدي

عبدالرحمن : بس أنا هحل المشكله دي بذكائي أنا هركب جنب باسم وخديجه تركب ورا هي والبنات ومش مهم اعتبرني خطيبتك ياباسم لغاية ماتتجوزو 😁

كلهم فضلو يضحكو علي عبد الرحمن وباسم بيبعت نظرات نار لخديجه بس خديجه مش شايفاها لأني عنيها في الأرض ( الله رقيب علي نظرة عيونها )

عبد الرحمن بمزاح بيغيظ خديجه : قولي ياباسم سبت بنات العالم كله وملقتشي غير الوليه اللي ورايا دي يابني هتكرهك في نفسك الأباجورة دي حرام التلفزيون ده حرام ههههه بس أكتر حاجه مستحيل تحرمها الأكل 🥘

خديجه هتولع في عبدالرحمن بس مش عايزة تبين

البنات بيضحكو بصوت واطي علي كلام عبد الرحمن

باسم سرح في كلام عبد الرحمن معقوله هي معقده اوي كده زي مااخوها بيقول

(الله يسامحك ياعبد الرحمن هتطفش العريس اللي حليتنا ماصدقنا ياراجل )

خديجه بغيظ وبتهمس لياسمين امسكيني يا ياسمين هولع في اخويه

ياسمين بضحك : اسكتي عشان هيسمعك

وصلو عند بتاع الدهب

خديجه بتنقي حاجات شيك وبسيطه جداً

ام باسم بدهشه : ايه ياحبيبتي اللي أنتي بتختاريه ده لا هاتي اللي أنتي عايزاه كله أنتي مش اي حد

خديجه بصوت واطي : لا كفايه أنا اختارت دول

ام باسم بصدمه : خاتم ودبله بس

خديجه باستغراب : ايوه كفايه

ام باسم : قولي حاجه ياام خديجه مينفعشي اللي بنتك بتعمله مش قيمة بنتك دي

ام خديجه بحب : احنا بنشتري راجل يتقي ربنا في بنتي وبعدين قيمة بنتي مقدرهاش بالفلوس ياام باسم

باسم بيبص لخديجه بأعجاب هو كده كده وصي علي طقم ألماظ من بره بس هو عمل موضوع الشبكه دي حجه عشان ييجي يشوفها بس مكنشي يتخيل تفكير خديجه ده

اشترو كل حاجه والأمهات قررو يروحو لأنهم تعبو

فضل الشباب بس هما اللي هيشترو باقي الحجات اللي ناقصه

خديجه والبنات دخلو المول يختارو فستان لخديجه عشان كتب الكتاب وعبدالرحمن وباسم استنوهم في الكافيه.

عبدالرحمن بجديه : أنت هتاخد جوهرة البيت ياباسم خلي بالك منها

باسم بدهشه في نفسه مين اللي بيقول كده أنت ده أنت أكتر واحد بتخوفني منها 😨

باسم بجديه : متخافشي علي أختك

عبدالرحمن بمزاح : لا مش خايف عليها هي قويه وتعرف تصرف نفسها بجد ما شاء الله عليها أنا بتمنى اتجوز واحده في نص أخلاق والتزام خديجه أنا مبقولشي كده عشان اختي بس فعلاً هي ونعمه البنت الصالحه مفيش زيها كتير.

باسم باعجاب : فعلاً هي مفيش منها كتير

ياريت البنات كلها تبقى زي خديجه ولكن البنات اليومين دول بيسابقو مين يتخلى عن حياءها أكتر

عبدالرحمن بجديه : فعلاً ياريت البنات ترجع لحيائها واللبس الشرعي اللي ربنا أمرهم بيه ويبطلو يقلدو الكفار في لبسهم وللأسف البنت تقول علي نفسها محجبه وتلاقي نص شعرها طالع من الطرحه ولابسه لبس استغفر الله مرات ابو جهل مترضاش تلبسه.

باسم : بس ليه حاسس اني خديجه مختلفه عنكو يعني شايف باباها عادي جداً ومامتها برده وأنت واخوك

عبدالرحمن بفخر : سبحان الله هي من فترة كبيرة قررت ترجع لربنا بس ايه السبب أنا مش عارف ومن بعدها بقت كده ما شاء الله عليها بس هي الأول مكنتشي ملتزمه بس ربنا رزقها عقبال ماربنا يرزقني أنا كمان لأني فعلاً الواحد حاسس انو بعيد قوي عن ربنا.

باسم لسه هيتكلم البنات ايجو عليهم

ياسمين بهدوء : احنا خلصنا يلا بقا عشان تعبنا بجد

وصلو البيت طبعاً البنات اكلو مع خديجه في اوضتها والرجاله اكلو مع الرجاله وبعد ماخلصو اللي صلى واللي مبيصليش للأسف

خديجه بحب : بجد أنا بحبكو قوي شكراً على وقفتكو معايه في يوم زي ده

ام خديجه : تعالي ياعروسه باسم عايز يتكلم معاكي شويه

خديجه بتوتر : عايز ايه ياماما

ام خديجه بسعاده : تعالي وانتي تعرفي

خديجه : يلا يابنات نروح نشوفو عايز ايه

ياسمين باستغراب : هو عايزك أنتي

خديجه بجديه : وايه يعني كلنا واحد تعالو بقا يلا

وصلو البنات عند باسم و عبدالرحمن بس اللي كان قاعد معاه كمحرم لخديجه.

والباقي قاعدين بره بيشمو هوا

باسم بيبص لخديجه تحبي القاعه تكون فين

خديجه باستغراب لأنها عمرها ماراحت قاعات قبل كده لأنها بتكون أفراح مختلطه

خديجه بهدوء : وحضرتك عايزني أختار القاعه ليه

باسم بدهشه : عشان نعمل فيها الخطوبه

خديجه : حضرتك الخطوبه بأذن الله هتكون هنا في البيت والأشهار في المسجد

باسم بدهشه : نعم وده أزاي

خديجه بجديه : أنا والبنات هنكون فوق وحضرتك والشباب هتبقو تحت

باسم : أزاي هو كمان هنكون منفصلين في الخطوبه كمان

خديجه بجديه : ايوه طبعاً

عبدالرحمن : هههههه حبيت أكون المحرم عشان أشوفك وانت مصدوم أصبر هو أنت لسه شوفت حاجه.

خديجه بتبص لاخوها بغيظ.

عبدالرحمن : ههههه أنا معزوم يااخت خديجه ولا اروح اتعشة بره اليوم ده

باسم بغيظ من خديجه : وليه يعني مش عايزانا نعمله في قاعه ونبقى مع بعض في الكوشه والناس كلها مع بعض ليه عايزه تفرقي الدنيا كده.

خديجه بهدوء : أولاً حضرتك عايز قاعه يعني أغاني يعني رقص وأختلاط

باسم : وايه يعني ده يوم في العمر بلاش نفرح

خديجه بجديه : ومين قال منفرحشي بالعكس لازم نفرح بس مش عشان نفرح نغضب ربنا

باسم باستغراب : هو يوم واحد وبعد كده أعملي اللي تعمليه

خديجه بجديه : وانا موافقه

باسم بابتسامه : كويس

خديجه بجديه : بس تكتب ليا ورقه وتروح تخلي ملك الموت يمضي عليها انو ماياخدشي روحي اليوم ده وقول لربنا أنا اللي عايز كده متغضبشي عليها اغضب عليا أنا بس وقول للملائكه ماتكتبوش ذنب كل واحد عمل معصيه في الفرح ده على خديجه.

باسم بدهشه : لا طبعاً مينفعشي أعمل كده

خديجه : يبقى خلاص مفيش قاعه أنا مش عارفه هموت امتى مش هروح اعصي ربنا وحاجه تانيه أنت عايز تقنعني لما ربنا أنعم عليا بالزواج وفي بنات كتيرة محرومة من هذه النعمه لما أروح أعمل فرح واغضب ربنا ربنا هيباركلي في زواجي أكيد مستحيل هينزع البركه وحياتنا هتكون اسوء حياه لأننا بدأناها بمعصية الله وجهرنا بالمعاصي.

باسم : طيب هنعمل ايه عشان أكون عارف

خديجه بابتسامه لأنها فرحت انو أقتنع

خديجه : ان شاء الله خليها مفاجأة 

باسم : حاضر هستنى

عبدالرحمن بمزاح : اه اه ياعيني هنفجأك يامعلم مش بعيد تفجر قنبلة وتقول بحيي المعازيم أو واحده جايه بلبس مش عاجبها تقتلها أوتقيم عليها الحد.

خديجه : بتكز علي سنانها عبدالرحمن ممكن تخف خفة دمك شويه.

باسم بيبص لعبد الرحمن وعايز يضحك 

انتهى اليوم وانتهت الأيام وجه موعد كتب الكتاب..

يتبع

مجمع الرواية من هنا

رواية خديجه الفصل الخامس والعشرن 25 من هنا