رواية جثة القرين الفصل الرابع 4 بقلم محمود الأمين
رواية جثة القرين بقلم محمود الأمين
(الوريث الوحيد)
_ بص يا حسن الي هحكيه ممكن يخليك تفرح في موت حسام.. لكن في النهاية متنساش ان هو الي رباك وعلمك
_انا مش فاهم اي حاجة.. ممكن تدخل في الموضوع
_ انت ابوك اسمه سيد.. سيد وحسام كانوا جيران وصحاب تقدر تقول انهم مش بيفارقوا بعض الا ساعة النوم
ووالدتك كانت ساكنة في العمارة الي قدمهم.. والدتك كانت بتحب سيد الي هو ابوك الحقيقي
حسام كان عارف بس كان عنده امل انها تحبه هو
وفاتت سنين كتيره واتجوز والدك ووالدتك وكانت الحياة سعيدة ما بينهم
لحد ما والدتك حملت فيك.. كان اسعد خبر جيه لسيد
وبلغ حسام بالخبر.. حسام كان هيتجنن
وللاسف ابوك مات في حادثة من تدبير حسام نفسه
كان نازل من البيت عشان يروح الشغل.. وهو بيعدي الشارع خبطته عربية ومات
ايام صعبة عدت علي والدتك الي كانت رافضة انها تتجوز تاني
في الوقت ده بدأ حسام يتقربلها وعرض عليها الجواز
رفضت وقالت انها مستحيل تتجوز بعد سيد.. لكن زن اهلها من ناحية وحسام من الناحية التانيه
خليتها توافق
...
وجيت انت للدنيا.. حسام كان بيكرهك عشان انت ابن سيد مش ابنه.. لكن ربنا عاقب حسام بعدم الخلفة
ايوة حسام كان عقيم
ومرت السنين وجمع فيهم حسام فلوس كويسة عشان يعرف يعيش... لكن كتب كل حاجة ساعة موته
لدار رعاية كبير وقال هما أولي بالفلوس دي
...
خلص المحامي كلامه وقولتله
_ بعد كل الي عمله ده.. مكتبليش حاجة
_ انت فعلاً ملكش ميراث دلوقتي
_ عاوز اسأل حضرتك سؤال
هو في حد عنده علم بموضوع الوصية دي؟
_ لا مفيش حد غيري
_ انا عايز اعمل معاك اتفاق.. انا عاوزك تخفي الوصية دي نهائي
_ انت بتقول اي؟
_هديك 15٪ من الفلوس بس هتخبي الوصية دي
_ ولا حتي 100٪ انا محامي شريف ومش بقبل الرشوة والوصية هتتنفذ وجهز نفسك بقا عشان هتسيب الشقة دي وهتروح تعيش في بيت ابوك سيد
الكلام خلص سلام
..
مش عارف اتصرف ازاي؟.. الكلام الي اتقال صعب عليا بس انا مش فارق معايا مين فيهم ابويا.. انا الي فارق معايا الفلوس.. الفلوس وبس
انا لازم اتصرف وللاسف معنديش اختيارات..دخلت الاوضة بتاعتي وفتحت الكتاب وبدأت أقرئ تعاويذ وطلاسم كتير.. منا مش هسمع كلام المحامي ده، ومستحيل اروح اعيش في البيت ده
..
بعد مرور يوم كامل.. عرفت ان المحامي طلع فوق العمارة ورمي نفسه.. منظر صعب جداً لكن هو دفع تمن عدم وقفه جمبي.. الوقت اتأخر ومبقتش قادر اقاوم النوم ونمت
وشوفت نفسي مربوط بسلاسل وبصرخ ومن العدم ظهر مخلوق غريب وقلي.. اين القربان.. اين القرباااان
...
صحيت مفزوع من النوم وباخد نفسي بالعافيه.. لكن في حد واقف قدام السرير خيال اسود.. وقرب وظهر ابشع وش شوفته في حياتي.. وشي متحلل تقدروا تقولوا اني كنت واقف قدام شخص ميت
وقلي بصوت حاد ننتظر القربان والا ستكون انت القربان
..
حاجات غريبة بقي اشوفها كل يوم.. لو بتسألوا ندمت علي الي عملته؟
هقولكم لا.. انا فرحان اني قتلته.. خصوصا لما عرفت انه السبب في موت سيد
..
الدنيا بدأت تهدي تتدريجي.. لكن من الواضح ان ده الهدوء الي بيسبق العاصفة
صحيت في يوم علي خبر ازالة البيت عشان البيت هيوقع ولازم نلم حاجتنا عشان ننمشي
وطبعا اضطريت اني هروح شقة ابويا سيد واعيش فيها لحد ما الاقي حل.. وصلت هناك كانت الدنيا مضلمة جداً مش شايف حاجة.. نورت النور الشقة متربة جداً.. قولت هدخل الحمام عشان هغسل وشي.. بفتح الحمام لقيته واقف جوه.. قرين ابويا وكان واقف بثبات ومن غير اي كلام
..
استعذت بالله.. اختفي من قدامي
لا لا.. كده كتير انا هحرق الكتاب ده.. الي اتسبب في الحاجات الي بشوفها دي.. انا خلاص هتجنن
رميت بنزين على الكتاب لكن سمعنا صرخة مدوية شقت سكون الليل.. وشوفت حاجة صعبة اوي.. شوفت
...
يتبع الحلقة الخامسة وهتكون بعنوان ( بيت الجن)
انتظروني
