رواية جثة القرين الفصل الخامس5 بقلم محمودالأمين
روايةجثة القرين بقلم محمود الأمين
...
#جثة_القرين
#الحلقةالخامسة(بيت الجن)
كنت خلاص هولع في الكتاب.. لكن حسيت بايد بتخنقني اترفعت عن مستوي الأرض وانا بصرخ وبقول
هو في اي.. سبني
لقيت صوت بيخترق عقلي وبيقول
انت عارف انت هتعمل اي.. هيكون منا انتقام شديد مش هنسيبك
اعوذ بالله من الشيطان الرجيم.. اعوذ بالله من الشيطان الرجيم
..
اسكت.. اسكت، وصرخ ومع صرخته سبني وقعت علي الأرض وخرجت اجري من الاوضة
رميت جسمي على اقرب كنبة في الصالة وحاولت انام شوية.. لكني صحيت على صوت بيقولي
_ حسن.. اصحي يا حسن
فتحت عينيا لقيت في وشي واحد وشه شاحب جداً.. وعينيه جاحزة لبرة بطريقة مفزعة
وقلي
_ مش هيسيبك يا حسن.. مش هيسيبك
_انت مين؟
_ بقا مش عارفني.. انا ابوك يا حسن.. ابوك سيد الي اتحرم منك السنين دي كلها
...
قومت من مكاني عشان احضنه.. لكنه اختفي من قدامي وكأنها تهيؤات وكأنه مظهرش
رجعت لسريري حزين جدا.. كان نفسي اشوفه واقعد معاه.. انا الي وصلتله ده بسبب القاتل الي اسمه حسام الي لو جتلي الفرصة.. هقتله بدل المرة مليون
قومت من مكاني عشان ادخل الحمام
لكن فجأة النور قطع.. طلعت تليفوني ونورت الكشاف وفضلت ماشي في الشقة.. لكن فجأة ظهر في وشي وصرخ.. الكشاف وقع من ايدي ووقعت في الارض من الصدمة.. وفي اللحظة دي النور رجع
طلعت اجري من الشقة وباخد نفسي بالعافية.. انا مش هقعد هنا تاني.. مش هقعد هنا تاني
..
فضلت قاعد بره شوية.. لحد لما لقيت واحد لحيته بيضة وهيئته غريبة وقال
_السلام عليكم.. ازيك يا ابني
_ انا الحمدلله يا مولانا كويس
_ انت جديد ولا هنا في المنطقة
_ اه انا صاحب البيت ده
_ انت صاحب بيت الجن.. اعوذ بالله، وعايش معاهم ازاي؟
_ هما مين؟
_ يبني البيت ده من يوم وفاة صاحبه واتسكن.. ومبقاش حد يدخله وعرفنا وشوفنا الجن الي جوه البيت
_ انا مش فاهم حاجه يا مولانا
_يبقي لازم تقولي انت جيت هنا ليه.. وعاوز منهم اي؟
_ انا هحكيلك كل حاجة يا مولانا بس ارجوك ساعدني ومتجيش عليا
_ هسمعك وهقولك الحل باذن الله
...
وابتديت احكي كل حاجة من البداية.. لحد دلوقتي
الشيخ قلي
_الله يخربيتك.. الله يخربيتك.. انت عارف انت عملت اي انت حضرت جن مفيش حاجه اسمها تحضر قرين بني ادم.. لكن انت حضرت قرين الجن ودلوقتي انت مطالب بقربان عشان هما نفذولك الي انت عاوزه وانت مسلمتش القربان
_ طيب والحل اي يا عم الشيخ؟
_ هنحاول نصرفهم.. تعالي ندخل البيت
...
وفعلا دخلنا عشان الشيخ يقول
اعوذ بكلمات الله التامات من شر ما خلق..ربي اعوذ بك من همزات الشياطين واعوذ بك ربي ان يحضرون
بسم الله وبحول الله وبقوه لا اله الا الله اخرج الان، أعوذ بكلمات الله التامة من كل شيطان وهامة ومن كل عين لامة أعوذ بكلمات الله التامات التي لا يجاوزهن بر ولا فاجر من شر ما خلق وذرأ وبرأ، ومن شر ما ينزل من السماء ومن شر ما يعرج فيها، ومن شر ما ذرأ في الأرض ومن شر ما يخرج منها، ومن شر طوارق الليل والنهار ومن شر كل طارق إلا طارقا يطرق بخير يا رحمان
...
صرخات ضربت البيت وسمعت اصوات كتير بتقولي
مش هنسيبك.. انت الي اخترت نهايتك يا حسن.. انت الي اخترت نهايتك
لقيت الشيخ بياخد نفسه بالعافيه وقلي
_ البيت ده مفهوش جن ولا اتنين.. البيت ده في عشيرة كاملة من الجن.. انا همشي دلوقتي وهجيلك بكرة
..
خرج الشيخ وبمجرد ما خرج
ظهر قدامي القرين من تاني وقلي
_ انت فاكر لما تجيب راجل مخبول زي ده هينقذك
لا.. انت كده نقضت عهدك معانا ومسألة موتك بقا مسألة وقت
_انت عاوز مني اي.. كفاية ابعد عني.. كفاية
_ مش هسيبك يا حسن
..
واختفي.. دخلت الحمام عشان اخد دش.. لكن مجرد ما دخلت لقيت ابويا سيد واقف في وشي ومبتسم.. لكن بدأت تخرج منه.. من مناخيرة وبوقه نمل.. ايوة نمل شكله كبير وبدأ ياكل في وش بابا.. رجعت لورا وانا بطني قلبت من المنظر
..
خرجت بره الشقة بسرعة.. وفي اليوم ده روحت نمت في الجامع عشان مفيش حاجة تظهرلي
تاني يوم لقيت الشيخ بيصحيني وبيقولي
انا لقيت الحل تعالي معايا
روحت مع الشيخ علي الشقة.. وقلي
_ هاتلي شوية مية علي ما ادخل الحمام
..
دخلت عشان اجيب مية.. ورجعت باب الحمام كان موارب والي شوفته ان الشيخ واقف قدام المرايا وانعاكسه في المرايا ماسك سكينة.. وبصلي وابتسم
وكانت الصدمة
...
يتبع الحلقة السادسة والاخيرة من سلسلة جثة القرين بعنوان (النهاية)
