رواية كيف تسرق قلبا الفصل الخامس 5 والأخير بقلم زهرة الربيع
رواية كيف تسرق قلبا بقلم زهرة الربيع
بعد شويه كانوا بيجهزوا وركبوا في العربيه هيمشوا قالت بارتباك انت هتنزلني على اول الشارع... عشان ما يشوفكش معايا وانا هتصرف بقى هقول لهم اي حاجه
يزن اتنهد بحزن وقال.... لو عايزاني اجي معاكي واقول لهم
جنات قالت بسرعه... لا تقول لهم ايه ...انت متدخلش خالص عشان جوازه اختي تكمل على خير... لو سمحت
يزن اتنهد وقال...حاضر زي ما انت عايزه
اول ما وصلوا عند اول الشارع ابتسمت وقالت... اشوفك في الفرح بقى
ولسه هتنزل مسك ايدها وقال ....هتوحشيني قوي اصلا حاسس انك وحشتيني من دلوقتي
جنات ارتبكت من كلامه ونظراته وقالت....انا مش بحب لحظات الوادع دي .. مش بحب اعيط اصلا
يزن ابتسم وقال ...معاكي حق اصلا الدموع مش بتليق لعيونك.... العيون دي المفروض تضحك على طول
جنات ابتسمت وقالت... اشوف وشك على خير
جنات نزلت ويزن حس بحزن شديد وهي بتمشي حس بقبضه في قلبه زي ما يكون عمره ما هيشوفها تاني.. واتفاجئ بدمعه نزلت على خدوده
مسحها باستغراب قد ما عرف بنات عمره ما نزلت دمعه منه اتمني لو يرجع لها ويضمها بس مقدرش
و رجع البيت وقال انه كان عند اصحابه
جنات كمان قالت انها نزلت علشان ترمي الزباله وفيه جماعه خطفوها فاكرينها واحده ثانيه ولما عرفوا انها مش هي سابوها كانوا اهلها مبسوطين جدا برجعتها ومهتموش اذا كان الكلام ده صحيح و لا لا
بقلم...زهرة الربيع
مر اسبوع وكانت جنات اتغيرت 180 درجه دايما قاعده في اوضتها لا بتهزر ولا بتتكلم حاسه بحزن شديد ودموعها ما بتنشفش ابدا على حظها اللي بيحرمها من اي حاجه حلوه بتتمناها
حتى يزن الجميع لاحظوا عليه شروده وقعدوا لوحده ..كان ديما يفكر فيها وكل شويه يفتكرها و يبتسم ...ويرجع يفتكر الكلام اللي قاله لها ويحس بالم شديد في قلبه
كان ياخد كل يوم عربيته ويطلع عند بيتها يقف بعيد علشان شوفها طالعه او نازله من بعيد بس ما كانتش تنزل الفتره دي كلها
وجيه ميعاد الفرح وكان وحيد عريس زي القمر وبسمه كمان وكانو مبسوطين جدا عكس جنات اللي كانت لبست وجهزت وكانت عروسه زي القمر كمان بس ينقصها الضحكه كانت زعلانه جدا
مرات عمها قربت منها وقالت بدموع... انا عارفه انكم ما بتحبونيش لاني عمري ما هكون ام ليكم ولا عرفت اعوضكم عن حاجه بس انا حاولت اامن لكم مستقبل يريحكم اوعى في يوم تدعو عليا يا بنات خصوصا انتي يا جنات يا بنتي
جنات ابتسمت وحضنتها وقالت ....احنا كبرنا يا مرات عمي ومسؤولين عن تصرفاتنا ومعنى ان احنا بنكمل في الحاجه يبقى المفروض منلومش حد
و طلعت وقعدت جنب عريسها على المسرح وكان مبهور جدا بيها
كان الفرخ في اكبر قاعه ووحيد جنب بسمه وبيتكلموا سوا مبسوطين جدا
اما جنات كانت قاعده بحزن شديد على المسرح وبتتمنى تشوف يزن وبتلعن نفسها وتفكيرها ده
اما يزن من وقت ما وصلوا وهو قاعد بره مش قادر يشوفها وهي جنب حد ثاني بس حس نفسه اوي يشوفها وهي عروسه دخل المكان وبقى يبص لها وابتسم على جمالها اللي خاطف الانظار
جنات شافتو وابتسمت وكانت بينهم نظرات جميله
يزن كانت دموعه محبوسه في عيونه وجنات ابتسمت له وغمزتلو بطرف عينها علشان يضحك
يزن ضحك وهز راسه بياس من حركاتها وما قدرش يستحمل يشوف اكتر من كده وراح قعد في العربيه بتاعته بتعب وخنقه بقى يفتكر كل لحظه معاها وقت ما كانوا في الاوتيل ووقت مكانو في الشقه حس انه مش قادر يفضل هنا لسه هيمشي بالعربيه شايف الماذون داخل القاعه ...اتنهد و فتح التابلوه بتاع العربيه بيدور على حبوب للصداع بس تفاجئ بالورقه اللي كتبوها هو وجنات ورقه جواز عرفي مسكها وابتسم بسخريه ولسه هيقطعها ..افتكر وهيه في حضنه وبتقول له ..انا بحبك
نزل وطلع جري على القاعه كان الماذون بدا وكتب كتاب وحيد ولسه هيكتب كتابهم وبيقول قولي ورايا يا بنتي
بس يزن قال بسرعه وهو طالع على المسرح.... استنى يا عم الشيخ العروسه دي متجوزه اصلا ما ينفعش تتجوز تاني
الكل كانوا بيبصوا له بزهول وجنات لطمت على خدها من حركاته وهو شدها عليه وقال دي مراتي وحط العقد قدام الماذون
الماذون قرى الورقه وكانت مجرد ورقه مكتوب فيها كلام مش مفهوم قال.... بس ده يا ابني لا يجوز
يزن مسك ايدها وبصلها وقال ..ما انا جيت عشان تخليه يجوز تقدر تكتب كتابنا حالا على سنة الله ورسوله
امه استغربت و قالت له ...انت بتعمل ايه .. ايه الجنان ده
العريس قال بغضب... سيبها وامشي اطلع من هنا بدل ما اجيب الجارد بتوعي يقتلوك مكانك
وحيد قال بغضب... يقتل مين ..انت بتقول ايه حاسب على كلامك
يزن قال استنى انت يا وحيد ...هو هياخد بعضه ويمشي من هنا من سكات ..لاني اتصلت على مراته الجميله وزمانها جايه على الطريق خليها تفتكر انه بلاغ كيدي بدل ما نعمل لك مشاكل يا استاذ نجدت
نجدت بلع ريقه بارتباك شديد وبصلو بغضب وقال..انت كداب
ابتسم وقرب منه وطلع رقم مراتو من تليفونه وقال....انا والهانم مراتك كان بنا بزنس ولحسن الحظ لسه رقمها معايا...وزي ما انت شايف لسه مكلمها حالا...امشي من هنا...البنت دي متناسبكش ...انت واحد متجوز وعندك ولد يعني احترم نفسك وشوفلك واحده تتناسب مع وضعك وسنك
نجدت بصلو بغضب ...ومشي بسرعه من غير ما يتناقش معاه خوفا ان مره تيجي وتشوفه هنا
جنات كانت بتبص له بصدمه وقالت... انت بتعمل ايه ايه اللي بتهببه ده فضحتني
ضحك وقعد على الكرسي وقال.... زوجتك نفسي ناسيه اللي قلناه لما كتبنا الكتاب ....اكتب يا عم الشيخ
الكل كان مصدوم ومرات عمها زغرطت جامد وامه استغربت بس لقيته مبسوط جدا زغرطت معاها
بسمه ووحيد حضنوا بعض بسعاده
بس السعاده الاكبر كانت من نصيب جنات كانت مش مصدقه نفسها طايره من السعاده
تم كتب الكتاب وقامو كل عروسه وعريسها يرقصوا مع بعض في جو رومانسي جدا
جنات بصت له باستغراب جوه عيونه وقالت....رجعت ليه
يزن بقى يضمها لقلبه اكتر وقال... مقدرتش امشي مقدرتش اسيبك لغيري
جنات بصتلو بحب شديد وقالت....بس انا مش من مستواك ويمكن لما نعيش سوا تندم و
بس قاطهعها لما قال ....انت اللي سكنتي القلب من اول دقيقه وادمن قربك امال لما اعيش معاكي هتعملي فيا ايه
جنات ابتسمت وقالت.... يمكن اجننك انت ما تعرفنيش
يزن ابتسم وقال ....انا اكتر واحد يعرفك انتي اطيب وارق واجدع قلب انتي سند للعمر كله
جنات ابتسمت وضمته وسندت جبينها على جبينه وقالت...و انت اجمل حد قابلته في حياتي انت كل حياتي اللي فات واللي جاي...بس انا خايفه وعايزه ارجعلك فلوسك علشان مبقاش سرقتك واللي جاي يبقى على بياض
يزن ضحك من قلبه و بص لعيونها بعشق وقال ...انا قولتلك اللي اتسرق مني مينفعش يرجع..انتي سرقتي قلبي من اول دقيقه ...واللي جاي كله حب واجمل جنه في قربك يا جناتي🥰
يتبع
