رواية جثة القرين الفصل السادس 6 والأخير بقلم محمود الأمين
رواية جثة القرين بقلم محمود الأمين
#الحلقةالأخيرة(النهاية)
وقفت مصدوم من الي انا شايفه قدامي.. مش فاهم يعني اي.. حاولت اتحرك عشان انقذ الشيخ لكن الانعكاس الي في المرايا كان اسرع مني رفع السكينة ودبح نفسه.. وشوفت الشيخ بيوقع علي الارض ورقبته مدبوحة قدام عينيا
نزلت من البيت بصرخ وبقول الجن قتل الشيخ.. الجن قتل الشيخ
الكل بصلي علي اني مجنون.. والي يقول الواد ده عقله خف ما اهو قاعد معاهم
فضلت امسك فى الناس واقولهم جثة الشيخ عبد التواب فوق.. جثته فوق
...
لقيت واحد من الناس بيقولي شيخ عبد التواب.. الشيخ عبد التواب ده ميت من خمس سنين
الله يرحمه كان راجل مبروك وقلبه عامر بالايمان
ومش انت بس الي شوفته لا.. في ناس كتير شافته
_ انت بتقول اي.. الشيخ عبد التواب عايش ده كان معايا وجيه البيت وقري قرآن والجن قتله
_ ما اهو فعلاً الشيخ عبد التواب مات في البيت ده.. مات من خمس سنين لما حب يساعد الاستاذ سيد
البيت ده كان مسكون من زمان.. لما كان عايش فيه الاستاذ سيد ومراته
والشيخ عبد التواب قال ان في عمل معمول لسيد ومراته
وراح البيت ده عشان يفهم في اي.. لكن فجأة سمعنا صوت صراخ هيستيري جاي من الشقة... محدش كان عنده الجرأة يطلع يشوف في اي
لكن مفيش خمس دقايق.. ولقينا سيد عمل زي ما انت عملت دلوقتي
نزل يصرخ في الشارع ويقول ان الجن قتل الشيخ عبد التواب.. طلعنا الشقة واتفاجئنا بمنظر الشيخ عبد التواب مدبوح في الحمام
_ يعني اي.. اومال مين الي ظهرلي ده؟
_دي روحه الطاهرة الي كانت بتحاول تساعدك
...
مشيت بعد ما سمعت كلام الراجل وانا مش مصدق
اي الدوامة الي انا دخلت نفسي فيها دي
بقيت ماشي في الشوارع مش عارف اروح فين.. لحد ما قررت اني هرجع البيت
اول ما رجعت ودخلت المنطقة الي ساكن فيها
لقيت واحد كده شكله شيخ وليه لحية بيضة وشكله وقور وقلي
_ ازيك يا حسن.. اخبارك ايه
_ انت مين.. انت روح طاهرة بردو ولا اي
_ ههههه.. لا يا حسن انا الشيخ الورداني انا الي بعالج الناس بكتاب ربنا وبأمر الله مشكلتك هتتحل
_ هو انت عارف اي مشكلتي؟
_ اه عارف.. اخبارك وصلتني يا حسن
_ وصلتك.. وصلتك ازاي؟
_ وصلتني وخلاص يا حسن
تعالي معايا.. تعالي بيت ربنا عشان نصلي ركعتين الاول
...
روحت معاه الجامع وصلينا.. كنت حاسس بنار في جسمي وكرابيج بتنزل عليا
بمجرد ما خلصنا صلاة.. وقعت علي الأرض فاقد الوعي
فوقت علي صوت بيقول
بسم الله ارقيك من كل شئ يؤذيك.. اعوذ بالله من كل شر
اعوذ بالله من الشيطان الرجيم.. اعوذ بكلمات الله التامات من شر ما خلق
بسم الله نبدأ.. بسم الله نحتجب
بسم الله وبحول الله وبقوة لا إله إلا الله.. اخرج الان اخرج بأمر الله
يا من ألجمت كل متمرد سلم يارب سلم
بسم الله الذي لا يضر مع اسمه شيء في الأرض ولا في السماء وهو السميع العليم
حاميم.. حمي الامر وجاء النصر.. اخرج بأسم الله وبأمر الله وبعظمة الله.. اخرج الان
...
صرخات رهيبة في وداني مش قادر اتحمل.. والشيخ مستمر في تلاوة الادعية
وفجأة كل حاجة سكتت
الشيخ اتكلم وقال
_ حمدالله على السلامة
_الله يسلمك يا مولانا.. انا عاوز افهم اي الي بيحصل
_ هفهمك.. الموضوع بدأ زمان لما واحد اسمه حسام عمل سحر لوالدك اسمه سحر القرين
والدك حاول كتير يحل المشكلة الي حلت عليه وبوظت حياته لكنه معرفش والجن نفذ العهد وقتل ابوك سيد
وقدر حسام ده يتجوز والدتك
لكن حسام مقدرش يلتزم مع الجن بتسليم القربان
وعشان كده وصلولك انت .. عشان تكمل معاهم العهد خلصت من الي قتل ابوك والي كان بيعاملك وحش
_ازاي ده انا اللي بحثت عن الكتاب ده بنفسي؟
_لا يا حسن هما اللي خلوك تبحث عن الكتاب ده لحد ما قريت فيه
لكن ده خلف عليك لعنة.. وخلاك تشوف العذاب ده كله
انا خرجته من عليك.. وكمان وفرتلك مكان تقدر تعيش فيه عن بيت الجن بس اللي عاوزه منك انك تصلي وتعرف ربنا وطول ما انت ملتزم بدينك مش هيقدروا يأذوك، بس انا عاوز اقولك حاجه اخيرة انهم وارد يرجعوا ينتقموا منك ووقتها خليك قد المواجهة.
......
فعلاً عشت في بيت صغير وفرهولي الشيخ الورداني.. والنهاردة بعد مرور 3 سنين انا بكتب حكايتي
ليه دلوقتي بالذات.. عشان النهاردة دخلت الحمام لقيت في انعكاس المرايا.. صورتي ولكن كنت مبتسم وماسك سكينة
بطلب منكم تدعولي بالرحمة.. انا ممكن اكون غلطت ولكن انا كنت برضو ضحية أسوة من شخص حرمني من اعز الناس ووصلني للانتقام.
..
تمت.
..
اتمنى اسمع رأي الناس في السلسة وبشكركم على الدعم
وانتظروني في قصص جديدة
