رواية زوجتى التى لا أعرفها الفصل الأول 1 بقلم نورهان أشرف

رواية زوجتى التى لا أعرفها الفصل الأول 1 بقلم نورهان أشرف

رواية زوجتى التى لا أعرفها بقلم نورهان أشرف

رواية زوجتى التى لا أعرفها

رواية زوجتى التى لا أعرفها الفصل الأول 1

انت بتهزار يا جدى عاوزنى انا اتجوز نجوي بت عمى ازاى يعنى وبعدين اشمعنا انا اللى لازم البس المصيبه دى بقولك اى يا جدى انا مليش دعوه بالحكايه دى خالص انت عوزنى انا اتجوز البتاعه اللى شبه الدبه دى ليه

جده بغضب :اى اللى انت بتقوله ده يا ياسر احترام نفسك وانت بتتكلم عن بنت عمك وبعدين انت عاوزنى اسيب بنت عمك للغريب يعنى

ياسر بسخرية:غريب من يا جدى هو حد فى البلد عاقل يفكر انه يتجوز نجوى ده كل البلد عارفه انها ملهاش منظر حريم عاوزنى انا بقا ياسر التهامي اتجوزها عشان بنت عمى لا ده انت غلطان يا جدى و اوى كمان

ياسين التهامي بغضب: احترم نفسك يا ياسر واعرف انت بتتكلم عن مين دي نجوى التهامي ونجوى التهامي ست البلد كلها وانت هتتجوزها غصب عنك فاهم

حط ياسر رجل على رجل وهو بيقول: هو مين بقى ان شاء الله اللي هيجبرني اني اتجوز المصيبه ديت بقولك اى يا جدي انت عارف كويس اوي ان محدش يقدر يجبرني على حاجه فعشان كده بلاش تستخدم معايا اسلوب الضغط لانه مش هيجيب نتيجه معايا ولو انت عايز تفرح بنجوى سهله انا ممكن اجيب اي حد من اللي شغالين عندي واديله كام مليون يمكن يوافق ان هو يتجوزها لكن انا لا

لم يتحمل ياسين التهامي اكثر من ذلك فصفع ياسر بغضب وهو يقول :القلم ده عشان تعرف انت بتتكلم عن مين كويس مش نجوى التهامي اللي يدفع لها فلوس عشان تتجوز وانا قلت كلامي يا ياسر انت اللي هتتجوز نجوى يا اما كده يا اما الملايين اللي انت بتتكلم فيها بكل سهوله دى مش هتكون ليك اصل انا مش هخليك انت على اخر الزمن تتحكم في حفيدتي انا سايبلك الفلوس عشان بقول هيجي اليوم اللي هتتجوز فيه نجوى وتجيبلي ولي العهد اللي يورث كل ده لكن انت لو مش عايز سهله كل حاجه هتتكتب باسم نجوى وساعتها شوف انت عايز تعمل ايه واعمله واعلي مفخيلك اركبه

ياسر بغضب: ايه اللي انت بتعمله ده يا جدي عايز تمنعني من الورث عشان خاطر نجوى على فكره ده ظلم

نظر له ياسين بهدوء وهو يقول: وهو مش ظلم انك بتتمتع بفلوسي وعايش في خيري وسايب بنت عمك هنا مرميه في البلد وحتى ابسط حقوقها مش عايز تعملها

انتفض ياسر من على كرسي بغضب وهو يقول: وانا ذنبي ايه اتجوز واحده بشعه مفيهاش اي ذره اغراء بالنسبه لي بقولك اى يا جدي انت لو فاكر انك باسلوبك دوت تقدر تضغط عليا تبقى غلطان انا حقي هعرف اخده كويس قوي

نظر ياسين التهامي الى ياسر وقال :بص يا ياسر انا عندي حل لمشكلتك ديت بس تنفذ اللي انا عايزه

ياسر بجديه :ايه يا جدي عايزني اعمل ايه عشان ما تحرمنيش من ميراث ابويا

ياسين بسخريه: مراث ابوك ابوك مات وانت حته لحمه حمراء وانا اللي ربيت وكبرت وكل الخير اللي انت فيه دوت بتاعي انا ملكي انا وما حكم في ماله فما ظلم يا ابني بس انا عشان بقول انت حفيدي الوحيد اللي مليش غيره هكتبلك نص الميراث بتاعى باسمك بيع و شراء و نجوى نفس النظام وانت اللى هتكون الواصي على نجوى يعنى يحق ليك التحكم فى كل حاجة بس تتجوزها يا ياسر، ياسر انا مش عايز حاجه من الدنيا دي غير اني اطمن على نجوى نجوى بنت عمك بتحبك من زمان قوي يا ياسر وانت عارف كده وبعدين خلقتها ملهاش ذنب فيها وبعدين ده بمجرد مرض اول ما هتخلص العلاج هتبقى كويسه

ياسر بغضب :وانا ذنبي ايه هي بتحبني انا بكرهها وما بحبهاش جدي انت لبست نجوى نقاب من وهى عندها عشر سنين عشان شكلها انا بقا اى ذنبي انى اتجوز واحده وحشه

بص ليه ياسين بهدوء وهو يقول:انا مش عاوزك ترد عليا دلوقتي فكر وخد وقتك خالص وانا متاكد انك هتعرف تقرار قرار سليم

نظر ياسر الى جده بغضب وخرج من المكتب واتجاه الى غرفته

ام عند نجوي كنت تجلس على الفراش بتوتر وهى تقول:انا خايفه اوى يا خاله حسيبه لحسن يرفض يتجوزنى وساعتها هيبقا موتى اهون عندى

نظرات لها حسيبه بغضب وهى تقول:تفي من بوقك يا بنتى موت اى بعد الشر عليكى وبعدين ليه ده كله هو اصلا يطول ظفرك ده انتي ست الناس وست الكل كمان

قامت نجوى من على الفراش واتجهت الى المراه وهي تقول :انا انا مش ست حد انا واحده وحشه ربنا خلقني من يومي وحشه يا ياماما بصي انا كيف البالونه ازاي تخينه حتى مفيش اي حاجه في جسمي حلو ولا حته معالم انوثه ولا وشي وشي الى كل الناس بتتريق علي بسببه

نظرت لها حسيبه بحزن: وهي تقول مين اللي قال كده يا بنتي انتى كلك على بعضك حلوه عينيك الصغير ولا شعرك ناعم انتى كل حاجه فيك حلوه وبعدين هو مش الدكتور طمنا وقال ان لما الكورتيزون يقف هترجعي زي الاول واحسن

نظرت نجوى الى حسيبه وهي تقول :قال كده من زمان قوي يامه من وانا عندي 10 سنين وانا باخد العلاج و لحد دلوقتي وانا باخد العلاج شكلي لحد ما موت هفضل كدا كيف الدبه وهو سيد الناس كلها ملوش ذنب انه ياخد واحده عفشه زاى

نظرات ليه حسيبه بغضب وهى تقول: مين اللى قال انه سيد الناس انتى بس اللى شايفه كدا لكن انا بقا شايفه انك احلى من بكتير و احسن منه مئه مره وبعدين يا بنتي ده حتى ما يستاهلش ظفرك

نظرت نجوى الي حسيبه وهي تقول :بس انا عاوزه يامه من ساعه مواعيت على الدنيا وانا بحبه ومش عايزه حد غيره

نظرت ليه حسيبه بغضب وهي تقول :اه يا مرك يا حسيبه اه يا مرك يا حسيبه فى بيتك اللى هتشلك

كدت ان ترد عليها نجوى لكن قطعها دخول ياسين الى الغرفه

ياسين بحب:قلب جدها بتعمل اى

نجوي بخوف:اى يا جدى رفض صوح موفقش انا جلبي كان حاسس انه مش هيوافق

مسج ياسين على راسها وهو يقول:متخفيش يا بتى هيكون جوزك و ملكك انتى لوحدك و ده وعد جدك يا قلب جدك

حسيبه بغضب:بقولك اى يابا انا مش موافقه على الجوازه دى بتى هبله ومش عارفه مصلحتها وبعدين انت ليه تجبره على جوازها هو مش عاوزها

بص ياسين الى زوجت ابنه الراحل وقال:ليه يا حسيبه وبعدين بنتك رايده ايه المشكله عندك

حسيبه بجديه :المشكله عندي ان بنتي رايده وهو مش رايدها بنتي عاوزه وبتحبه وهو مش عاوزها وساعتها بنتي هتبقى رخيصه اوي عنده وانا يابا عشت عمري كله عشان خاطرها مش عايزه يجي اليوم اللي تتكسر فى

خد ياسين نجوى فى حضنه وهو يقول: حبيبه جدها عمر ما حد يقدر يجي عليها وانا هعمل كل حاجه عشان يحبها وبعدين ده اعمه هو شايف حاجه

اما في غرفه ياسر كان يتحدث مع عشقته عبر الهاتف ياسر بجديه : يعني ايه حور قصدك ايه بالظبط

حور بهدوء :قصدي ان دي فرصه و الفرصه مش بتيجى غير مره واحده بس وبعدين اى المشكله انك تتجوزها صدقني دي حاجه حلوه جدا فيها ايه لما تتجوز واحده عشان تخلف منها فقط لا غير وتعيش انت حياتك زي ما انت ما عاوز واكثر كمان واه على الاقل هتبقى كل الفلوس بتاعتك انت لوحدك يا ياسو يا حبيبي هي ليها نسبه كبيره في الورث اقل حاجه هتاخد ربع وممكن جدك يعاند وفعلا يكتب لها كل حاجه وساعتها انت هتخرج من مولد بلا حمص لكن لما تبقى مراتك وتخلف منها حته عيل عشان ترضي جدك يبقى كل حاجه بقت بتاعتك وحتى لو لفيت الدنيا وعيشت حياتك براحتك وهي لو جت فتحت بقها معاك هتبقى انت الزوج المظلوم اللي ضحى بحياته عشان ينقذ بنت عمه من انها تكون لوحدها وملهاش حد

حرك ياسر راسه بعنف وهو يقول: مش مقتنع برده يا حور وبعدين ما ممكن جدي بعد ما اعمل كده يطلع بشرط جديد

حور بابتسامه: مش هيطلع بشرط جديد لان انت هتشترط عليه ان مع اول بيبي هيجي هيسلمك عقود كل حاجه باسمك وباسم البيبي وساعتها اظن ان مراتك مش هيكون ليها اي حاجه ولا حتى ربع جنيه مخروم وساعتها لو انت عايز تطلق طلق بس لا حرام يا روحي انت مش نوتي احنا نخليها على ذمتك اهي موجودة

ياسر بسخرية:ده انتي الشيطان قاعد مصدوم منك يا شيخه

حور بحزن مصطنع:بقا ده ذنبي انى بحبك و عاوزه اسعدك يا روحى طب والله انت ظالم ثم اكملت بهدوء :بس انت اى رايك فى اللى انا قولته

ياسر بجديه:موافق طبعا عليه

حور بهدوء: يبقا يلا قوم بسرعه عشان تلحق جدك

ياسر بجدية:طب يلا سلام

قال ياسر كدا وقفل الهاتف واتجاه الى غرفه جده ودخل غرفه جده دون اي استئذان

ياسر بجدية:جدى انا موافق بس انا عندى شرط على الجوازه دى

ياسين بجدية:خير اى شرطك

ياسر بهدوء:كل حاجة تتكتب باسمى انا لوحدي وهى ملهاش اى حاجه عندى غير كدا لا

ياسين بسخرية:هههه يعنى انت رفضت ان. اظلمك لكن موافق انى اظلم بنت عمك اى يا راجل ده انت بتخرف

ياسر بهدوء:لو مش عاوز تكتب باسمى ممكن نعمل حاجه احسن

ياسين بسخريه :وايه الاحسن من وجهه نظرك يا ابو العريف احب اعرف يعني

ياسر بهدوء: انا هتجوز بنت عمي واول بيبي هيجي ميراثها هيتكتب بالكامل باسمه و مراثي انا هيتكتب باسمي انا لكن غير كده مش هوافق

كان لسه هيرد عليه ياسين ولكن اوقفهم صوت نجوى التي دخلت الغرفه وهى ترتدى كامل ملابسها حته النقاب

قالت بهدوء :انا موافقه انا موافقه يا ياسر وبعدين فلوسي وفلوسك ايه ما هو واحد وانا متاكده ان فلوسي هتبقى بامان معاك

نظر لها جدها بغضب وهو يقول: اسكتي يا نجوى انتى مش عارفه حاجه

نجوى بجدية: ليه يا جدى يعنى انا هامن على نفسي مع ياسر وهتبقا المشكله فى الفلوس لا طبعا ده ياسر انا اديه حياتى

هنا ارتسمت ابتسامه ساخره على واجه ياسر وهو يقول:يبقا كدا احتا متفقين على كل حاجة ياريت الفرح الاسبوع ده لانى انا مش فاضي الصراحه ورايه حاجات اهم

قال ياسر كدا وخرج من الغرفه ام ياسين نظر الى حفيدته بغضب وهو يقول:انتى وافقتى ليه انتي كدا هتديه فلوسك كلها

نجوى بعشق:وفيها اى يا جدى ده هياخد قلبي و روحى هتيجى علي الفلوس

حرك ياسين راسه بحزن على حال بنت ابنه مش مصدق ان حفيدته بتحب ياسر لدرجه

خرجت نجوى من الاوضه و كنت رايحه اوضتها لكن فجاه حست بايد بتشدها

اخدها ياسر الى غرفته وقال:كنت عاوز اتكلم معاكى فى حاجه مهمه

نجوى بهدوء:نعم انا سمعك

بص ليها ياسر بشمئزاز وقرف: بصي انتى اكيد عارفه انا متجوزك ليه اوعى تفكرى انى بحبك ولا حته عاوزك انتى بنسبه ليا زاى المرض المعدى

نظرات ليه نجوى بصدمه وقالت: ادم انا كده من وجهه نظرك عاوز تتجوزني ليه انت ممكن ترفض الجواز بكل سهوله وساعتها محدش يقدر يمنعك بالعكس ده رايك وانت حر فيه

ياسر بسخرية:عشان الفلوس جدك لما انا رفضت اتجوك هددنى انه يقدر يمنعنى من الميراث ويكتب كل حاجة باسمك عشان كدا انا لازم اعصر على نفسي شوال ليمون و اتجوزك تخيلى انا هتجوزك انتى

لم تتحمل نجوى كم الاهانه وقالت بغضب: لا وايه لازمته انك تعصر على نفسك شوال ليمون انا هروح لجدي واقوله ان انا اللي مش عايزه اتجوزك والموضوع يخلص وساعتها اظن جدي مش هيمنعك من الميراث ويمنعك ليه ده انا اللي رافضه اني اتجوزك قالت كده نجوى وكانت لسه هتخرج من الغرفه

ولكن ماسكها ياسر من ايديها بغضب وهو بيقول: مش انتي اللي هتتحددي اني اتجوزك او لا وبعدين انا خلاص قررت اني اتجوزك انا جيبك هنا عشان تسمعي اوامري وتعرفي الطريق اللي هنمشي عليه انتي مجرد واحده هخلف منها عيال مش اكثر من كده اناء يعني

نظرت ليه نجوى بغضب وقالت :انا مش هقبل اني اكون كده مش نجوى التهامي اللي تبقى كده ولا عاش ولا كان اللي يخليني كده

اقترب منها ياسر بهدوء وقال وهو ينظر داخل عيونها: لا ده عاش وكان واسمه ياسر التهامي وانتي يا نجوى هتعملي اللي انا قلته حتى لو غصب عنك اه ونسيت حتى واحنا مع بعض في الاوضه مش عايزك تشيل النقاب من على وشك اصل الصراحه بقرف

نزلت الكلمه دي على ودن نجوى كصاعقه مش مصدقه ان هي هتتجوز واحد بالحقاره دي فصرخت بغضب وقالت: وانا بقى مش موافقه على شروطك ومش موافقه اني اكون اناء لحضرتك ترمي في بذرتك وتستنى تسع شهور انا مش كدا ولا هكون كدا وانا اللي بقولك اهو انا هخرج دلوقتي من هنا و هروح لجدي وهقوله اني مش هتجوزك انا مش عايزاك.

قالت نجوى كده وكانت لسه هتخرج من الاوضه لكن قطعها صوت ياسر وهو يقول بسخريه :وهو انتى فاكره لما ترفضي الجواز مني هتلاقي واحد ثاني يبصلك ده انتى غلطانه قوي نجوى انتى بقالك 21 سنه على وجه الكره الارضيه مفيش انسان بصلك جدك عاوزني اتجوزك عشان احميكي من انك تكوني بيره ده انتى اللي قدك في البلد عنده بدل العيل اثنين وثلاثه لكن انتى مين هيبص لواحده شبه الدب ملهاش منظر ستات اصلا بدل ما تقولي كثر خيرك وشكرا ليك لا مش عاجبك ده ايه يا شيخه البجاحه اللي انتي فيها دى انا الصراحه مشوفتش كدا

يتبع….

رواية زوجتى التى لا أعرفها الفصل الثانى 2 من هنا

الرواية كاملة من هنا (رواية زوجتى التى لا أعرفها)