رواية خديجه الفصل السادس والعشرون 26 بقلم جهاد سعيد

رواية خديجه الفصل السادس والعشرون 26 بقلم جهاد سعيد

رواية خديجه بقلم جهاد سعيد

 #الفصل_السادس_والعشرون 

#خديجة 

وقفنا المرة الحلقه اللي فاتت لما خديجه موبيلها رن.

خديجه بجديه : السلام عليكم ورحمة الله

باسم : وعليكم السلام ورحمة الله

خديجه بخجل : ايووه

باسم بجديه : أنتي فين

خديجه بهدوء : أنا في الجامعه

باسم بحده : مقولتيش ليه مش ده الصح ياشيخه انك تستأذني مني قبل ماتطلعي وامبارح قافله تليفونك

خديجه عايزه تزعق ليه أزاي يكلمها كده بس هي هتصبر

خديجه بهدوء : ممكن تسمعني بعد اذنك من غير ماتقاطعني في الكلام

باسم بجديه : اتفضلي

خديجه بهدوء : أولاً أنا اسفه إني طلعت من غير مااستأذن منك مادام دي حاجه تريحك أما من الناحيه الشرعيه حضرتك أنا لسه في بيت بابا يعني اللي أخد منه الأذن لأنه مسئول عني

أما لو أنا أستأذنت منك ده أحتراماً مني لحضرتك ولكن الكلمه في الأول والأخر لبابا وقبل ماتتكلم هو ده شرع ربنا أما بعد الزواج الكلمه الأولى والأخيره لحضرتك ومينفعشي أعصيك في أمر مادام مش معصيه لله وطبعاً حضرتك قفلت الموبيل بتاعي عشان أنا متعوده أنام بدري

باسم باعجاب من أسلوب خديجه طيب هتخلصي محاضراتك أمتى

خديجه باستغراب : فاضل محاضرة وهخلص في حاجه

باسم بجديه : أول ماتطلعي من المحاضرة كلميني أنتي داخله دلوقتي

خديجه بابتسامه : لا لسه شويه هقعد مع البنات لحد ماالمحاضرة تبدأ

باسم نفسه يفضل يتكلم معاها احم طيب لما تخلصي أوعي تنسي

خديجه برقه : حاضر مش هنسى إن شاء الله

باسم : طيب يلا سلام

خديجه بابتسامه : ممكن أطلب منك طلب

باسم باستغراب : أتفضلي

خديجه برقه : ممكن بعد كده تقول السلام عليكم ده طلب ممكن مترفضوش

باسم بحب : حاضر يلا السلام عليكم

خديجه بسعاده : وعليكم السلام ورحمة الله

باسم قفل الخط وفضل يبتسم فرحان دي خديجه اللي كانت بتكلمه وايه الجمال ده كان عايز يتعصب عليها هي مدهتوش فرصه هو كان منتظر منها أنفجار بسبب أسلوبه

خديجه بانتصار في نفسها الحمد لله إنك دلتني علي الطريق الصح أنا لازم أكون زي مالنبي صل الله عليه وسلم قال خير متاع الدنيا المرأه الصالحه همتص غضبه وهحاول اقربه من ربنا وأنا متأكده اني هنجح باذن الله بحبك يارب

خديجه بابتسامه للبنات : السلام عليكم ورحمة الله ممكن أتكلم معاكو شويه

البنات بصو لبعض عارفين هتتكلم في ايه

بنت منهم : معلشي أصلا احنا مش فاضين مرة تانيه بقاا يلا يابنات عشان اتأخرنا

مشيو وسابو خديجه خديجه ابتسمت وراحت قعدت مع منى

خديجه بضحك : لو شوفتيني دلوقتي وانا بتكسف كانت كسفه ايه هههههه

منى بفضول : اتكسفتي أزاي

خديجه حكت ليها اللي حصل مع البنات

منى : وانتي بتضحكي ياخديجه واحده غيرك كانت زعلت وقلبتها مناحه وحلفت ماهي مكلمه حد تاني

خديجه باستغراب : ليه ده كله ايه اللي حصل يعني

مني بغيظ : ايه البرود ده البنات أحرجوكي

خديجه بابتسامه : ممكن اسألك سؤال

منى : اتفضلي

خديجه بحب : أنا لما روحت للبنات دي كنت رايحه ليه

منى باستغراب : عشان تكلميهم عن ربنا

خديجه بحب : عندك حق تعرفي يامنى قصة التلاته اللي النبي حكى عنهم

منى : لا مين دول

خديجه بابتسامه : تلاته كانو رايحين درس النبي صل الله عليه وسلم والجو كان حر جداً والمكان كان زحمه واحد فيهم فضل يجاهد لغاية ماوصل في الصفوف الأولى والتاني لقى مكان فاضي بس بعيد واستحي انو يسيب مجلس رسول الله والتالت لما شاف المكان زاحمه أخد بعضه ومشي

المهم نزل الوحي علي النبي صل الله عليه وسلم وعرفو باللي عملوه فقال الأول مش فاكرة الصراحه

المهم وأما التاني فاستحى فربنا أستحي منه

والتالت أعرض فأعرض الله عنه

عشان كده بقُلك هما اللي أعرضه أنهم يسمعو عن ربنا يبقى أنا عملت اللي عليا معاهم وبعدين هو في اجمل من كسفه في سبيل الله أنا كنت بدأت اخاف واقول ايه ده هو أنا ماشيه غلط ولا ايه

لازم يطلع ليا حد يديني علي وشي ههههه والحمد لله لقيت

مني بأعجاب : ربنا يبارك فيكي

خديجه بمزاح : وتكون كل البنات زيي أنا عارفه الكلمتين بتوعك دول

منى : ههههههه أنتي حفظتيهم

خديجه : أمال يلا بقا نروح نحضر المحاضرة قبل ماالدكتور يولع فينا

منى بتقف يلا يااختي

خلصو محاضرتهم

خديجه بتتصل علي باسم عشان تعرفو أنها خلصت

باسم فتح علي خديجه: 

خديجه بمزاح : بتفتح عليا ليه كنت برن علي النوته ينفع كده

باسم بدهشه : النوته

خديجه بجديه : أحم السلام عليكم الأول

باسم بجديه : وعليكم السلام ورحمة الله

خديجه بابتسامه : أنا خلصت

باسم : ماشي

خديجه بغيظ : يلا السلام عليكم

يلا يامنى خلينا نروح 

نروح لياسمين هي وسميه في الجامعه: 

ياسمين بابتسامه : ماتيجي ياسميه نروح نكلم البنات اللي هناك دي عن ربنا

سميه : لا يا ياسمين احنا لسه في بداية الطريق مينفعشي

ياسمين : ياحبيبيتي مفيش حاجه أسمها بداية الطريق ونهايته في حاجه أسمها بلغو عني ولو آيه

سميه : طيب يلا وعلى رأي خديجه كسفه في سبيل الله

ياسمين بابتسامه : إن شاء الله مش هيكون في كسوف

ياسمين بتكلم البنات السلام عليكم ياقمرات

البنات : وعليكم السلام

سميه بابتسامه : ممكن ناخد من وقتكو خمس دقايق

بنت بابتسامه : اتفضلو

ياسمين بابتسامه : بصو بقا وحكت ليهم توبة كعب بن مالك وحكت ليهم كذا قصه من اللي خديجه كانت بتتكلم فيهم

وفعلا البنات اتأثرو جداً

(طبعاً أنا قصدت أن خديجه البنات يكسوفوها وميرضوش يسمعو منها وده لأن فعلاً مش كله هيديكي فرصه تتكلمي أو يسمعك في ناس مبتحبش تسمع عشان مش عايزه ضميرها يأنبها وفي بنات بتدور علي اللي يزقها علي الطريق معنى كده أن ما على الرسول إلا البلاغ المبين أنتي مش عليكي غير انك بتدعي الناس غير كده ملناش فيه )

ياسمين براحه : فعلاً الدعوه إلى الله دي نعمه كبيره من ربنا

سميه بسعاده : شوفتي البنات كانو متأثرين أزاي إن شاء الله ناويه أكلمهم بكرة تاني

ياسمين بابتسامه : وانا معاكي وهنكلم أي حد نعرفه او منعرفهوش لازم ننشر دين ربنا

سميه بابتسامه : ايووه بأذن الله هنكون جنود ربنا في الأرض

نرجع لخديجه

خديجه ومنى طلعو من الحرم الجامعي لقت باسم واقف مستنيها

منى غضت بصرها وخديجه بصت ليه من تحت البيشه

خديجه بابتسامه : السلام عليكم ورحمة الله

باسم بنرفزة : وعليكم السلام كل ده أنتي مش قولتي انك خلصتي وهتطلعي

خديجه بدهشه : ده هما خمس دقايق

باسم : لا سبع دقايق ونص

خديجه بصدمه : انت حاسب النص ده ليه كنت اديهولي فوق البيعه

منى بتضحك من تحت نقابها بصوت واطي

باسم ابتسم على كلامها

خديجه بمزاح : احنا هنفضل واقفين كده يلا ياراجل أنا مش فاضيه عندي مواعيد

باسم باستغراب : مواعيد ايه

خديجه بأحراج : عندي ميعاد مع المطبخ أصله واحشني 🤗

باسم عايز يضحك

خديجه بابتسامه : يلا بقا وفتحت الباب اللي ورا أتفضلي يااختي أركبي ركبت منى وخديجه لسه هتركب جمبها

باسم بحده : أنتي بتعملي ايه

خديجه بتتصنع الصدمه : بركب هو أنت مكنتش جاي توصلني

باسم بجديه : أنتي هتركبي ورا ليه تعالي هنا

خديجه بتتصنع الدهشه وركبت ورا هو أنت متعرفشي الأصول

باسم باستغراب : أصول ايه

خديجه بتتصنع الأهميه : بجد متعرفش أتحرك بس أنت وانا هقُلك واعرفك عشان كده مينفعشي

باسم اتحرك بالعربيه

باسم بجديه : قولي بقا

خديجه ببلاهه : أقول ايه

باسم بحده : الأصول بتاعتك

خديجه بمزاح : ياعمي لا أصول ولا فروع

باسم بحده : أنتي بتضحكي عليا ولا ايه

خديجه بابتسامه : طبعاً مينفعشي أضحك عليك بس أنا لسه بحاول اتأقلم علي الوضع وأنت عارف انك أول راجل في حياتي وواحده واحده هاخد عليك وساعتها هبقى أركب قدام أما أنا لسه مكتوب كتابي امبارح من يوم وليله حياتي أتغيرت أنا متأكده انك هتقدر ظروفي ومش هتزعل صح

باسم بابتسامه : لأ مش هزعل وانا مستني لما تاخدي علي الوضع الجديد

قال بحده بس مش هستنى كتير

خديجه بمزاح : هو الراجل ده بيتحول ليه ياماما ليطلع ليا في الضلمه 😨

منى بتضحك على خديجه 😂

خديجه بتبص علي الطريق سؤال ونفسي أعرف اجابته

باسم بجديه : اتفضلي اسألي

خديجه بابتسامه : هو أنت بتحب الأكل

باسم بصدمه : هو ده السؤال اللي نفسك تعرفي أجابته أكيد طبعاً بحب الأكل

خديجه بحماس : اشطا وايه أكتر أكلات بتحبها

باسم بجديه : الايطالي

خديجه بصدمه : نعم ياخويه ايطالي

باسم بصدمه : أنتي مين فين خديجه

خديجه بأحراج : احم بس أنت صدمتني الصراحه

باسم بجديه : ليه هو أنا قولت حاجه غلط

خديجه بنرفزه في نفسها ياعيني عليا أزاي أنا مسألتش في الرؤيه الشرعيه لأ كله إلا الأكل

(هههه أنا بسأل بيحب أكل ايه مش زيك ادبستي شوفي هتاكلي شاورما فين )

خديجه : لا ابداً مغلطش في حاجه

باسم سكت وخديجه قعدت تفكر بإذن الله هعمل كذا وكذا وبتفكر هتتكلم مع البنات أزاي وهتقول ايه وكمان بقيت يومها هتستخدمه في ايه.

ملحوظه ( باسم مجاش أخد خديجه إلا لما أستأذن من باباها وهو أذن ليه والكلام ده كان من يوم كتب الكتاب وخديجه عارفه عشان باباها قال ليها انو باسم لو جه يوصلك اركبي معاه هو أستأذن مني )

موبيل باسم بيرن

باسم : السلام عليكم

خديجه فرحت اني باسم بقى بيقول تحية الإسلام بس أتصدمت لما عرفت أنها بنت اللي بتكلمه

يــاتــرى مــيــن وخــديـجــه هـتـعـمـل ايــه ده اللي هـنـعرفـه الـحـلــقــه اللي جــايــه بــإذن الله 

مجمع الرواية من هنا

رواية خديجه الفصل السابع والعشرون 27 من هنا