رواية خديجه الفصل الثلاثون 30 بقلم جهاد سعيد
رواية خديجه بقلم جهاد سعيد
احمد : ازيك ياانسه ياسمين
ياسمين بتوتر : الحمد لله.
احمد : احم تحبي تسأليني في ايه.
ياسمين بتوتر : حضررتك انت اتكلم.
احمد بجديه : أنا احمد 27 سنه من اسرة الحمد لله متيسرة وكمان اهلي على خلق ودين بابا علمني من صغري على الصلاه وبفضل الله حفظ القرآن
نفسي ربنا يرزقني بزوجه صالحه تعني اكتر واكتر على امور ديني ودنيتي.
ياسمين بابتسامه وهي غاضه بصرها : ماشاء الله.
احمد بابتسامه : عرفيني بقا عن نفسك.
ياسمين : حضرتك انت عارفني
احمد : بس عايز اعرفك اكتر وخصوصا انك ما شاء الله ملتزمه.
ياسمين : محدش اتولد كده. ربنا كرمني وحكت ليه بس طبعا محكتشي بالتفصيل خصوصا موضوع علاقتها.
نروح لخديجه.
خديجه : بعد اذنك هروح عند طنط سعاد جارتنا. واجي.
ام خديجه : روحي ياحبيبتي. بس متتاخريش.
خديجه : حاضر ياماما. لو باسم رن ردي عليه. انا ماشيه. يلا السلام عليكم.
ام خديجه : وعليكم السلام ورحمة الله.
خديجه راحت عند جارتهم.
خديجه بابتسامه. السلام عليكم. عامله ايه النهارده.
سعاد بحزن : هعمل ايه يابنتي اديني راكضه على السرير والمرض مش عايز يسبني.
خديجه بحب : شفاكي الله وعفاكي تحبي احكيلك قصه ولا هتضربيني.
سعاد بابتسامه : لا ياحبيبتي احكي ربنا يعلم اني بحب قعدتك قد ايه.
خديجه بغرور مصتنع : عارفه انا محدش يقدر يقاوم حلاوتي.
سعاد بحب : ايوه ياحبيبتي انتي ست البنات ربنا يسعدك ويفرح قلبك زي ماانتي بتيجي تفرحي قلبي وبتصبريني على اللي انا فيه.
خديجه بابتسامه : طب احكي ولا اروح الحق الشاورما.
سعاد بضحك : احكي يااختي.
خديجه بابتسامه : هحكيلك بقا قصه سيدنا ايوب فاكرة المثل اللي في ناس بتفضل تقولو.
سعاد بتذكر : ايوه ياصبر ايوب.
خديجه : ايوه ده تعرفي ايوب بقا صبر على ايه سيدنا ايوب كان من الاغنياء وكان عنده ولاد كتير ومراته كانت جميله جداً وشعرها كان دهبي وجميلة
سعاد : بسم الله ماشاء الله امال صبر على ايه مال وعيال وست جميله.
خديجه : وزودي انها كانت مطيعه جداً بس علي رغم كل ده كان طول اليوم. يعبد ربنا. المهم الناس كانت بتفضل تقول. ولاده شايفين الاراضي والاملاك بتاعته فاضي اكيد هيعبد ربنا اما لو كان زينا مستحيل يعبد ربنا لحظه.
عارفه بقا حصل ايه.
سعاد باهتمام : حصل ايه.
خديجه : اولاده كلهم ماتو والقصر بالاملاك كله اتهلك ومش كده وبس ده ابتلي بمرض مفيش حد قبله ولا بعده ابتلي بالمرض ده مكنشي بيتحرق وكان جسمه عامل كانه مات وكان عنده امراض كتير جداً لدرجة انو ميقدرشي يقوم لحظه او يحرك جسمه وقعد في بيت مهجور هو ومراته، مراته باعت شعرها وعلى رغم كل ده لما مراته تقول ليه ادعي ربنا يقول شفيت 80 سنه مش قادر انتظر كرم ربنا اهل البلد كانو بيقولو اكيد عصي ربه فغضب عليه والشيطان كان بيفضل يوس يوس ليه ويقول شوفت ربك ابتلاك ازاي.
وبرده هو كان بيعبد ربنا كتير جداً قيل انه قعد حوالي 18 سنه في البلاء ده.
سعاد : يااااه كل ده.
خديجه بابتسامه : ايوه ياخالتي وبعد السنين ده عارفه كان بيدعي يقول ايه.
سعاد باهتمام : ايه.
خديجه بابتسامه : ربي اني مسني الضر وانت ارحم الراحمين عارفه مسني يعني يادوب حاجه لمستني كل الامراض والهم والغم وفقدانه لماله وذريته ومسني الضر وانت يارب ارحم الراحمين شوفتي بقا سيدنا ايوب وصبره على البلاء وفرح ربنا بيه وهو تقبل كل ده ازاي.
سعاد : ياااه ياخديجه ده انا في نعمه كبيره جداً على كده.
خديجه : عندك حق ربنا يكرمك تعرفي اني كل الم بتحسي بيه ربنا بيكفر من ذنوبك وبيرفع درجاتك.
سعاد بابتسامه : كمان ايه الجمال ده لا انا هصبر واحمد ربنا من كل قلبي على نعمته دي
خديجه : طب انا بقى همشي عايزه مني اي حاجه.
سعاد : عايزاكي تقعدي معايا مبشبعشي من قعدتك أبداً
خديجه بمرح : بقلك ايه زمان الراجل نازل رن هيطلقني واجي اقعد معاكي على طول
سعاد. بضحك : هههه بعد الشر وبعدين هو هيلاقي زيك تاني فين
خديجه : في السوبر ماركت اللي جنب بيتهم هيلاقي
سعاد بابتسامه : ربنا يسعدك ويجعل ايامك فرح وسرور.
خديجه بحب : الله يحبك ويبارك فيكي عايزاكي قويه كده عشان تشوفيني عروسه.
سعاد بحب : ربنا يكمل فرحتك على خير وسعاده انتي تستاهلي كل خير
خديجه : اللهم امين رجعت خديجه على بيتها.
ام خديجه : خدي ردي على جوزك كل شويه يرن من ساعت مامشيتي ويسألني لسه مرجعتشي.
خديجه بقلق : ليه خير في حاجه.
ام خديجه : مش عارفه الصراحه.
خديجه فتحت الموبيل ودخلت على اوضتها
خديجه برقه عشان تمتص غضبه : السلام عليكم
باسم بعصبيه : وعليكم السلام كنتي فين ياهانم ده كله وليه مكلمتنيش قبل ما تطلعي وقعدتي ده كله ليه.
خديجه بذهول : ارد على الأسئله دي كلها عشان عشر دقايق قعدتهم بره البيت.
باسم بحده : خديجه انا مش طايق نفسي انجزي ردي كنتي فين.
خديجه بابتسامه : كنت بزور مريضه وانا مستأذنتش منك لأنك كنت قاعد مع عريس اختك ومرضتش اكلمك وعلى فكره لما كنت هاجي كنت هرن عليك واحكيلك واقلك لانك في مقام جوزي ومينفعشي اخبي عليه حاجه وانا متأكده انك مش هتزعقلي لأني كنت في زيارة مريض ودي حاجه عند ربنا كبيره وانت طبعاً عارف اني مقدرش اضيع فرصه زي دي.
باسم بهدوء : طب ينفع تخرجي من غير اذني هو انا مش اتكلمت معاكي في النقطه دي.
خديجه براحه : عندك حق وانا بجد اسفه بس صدقني لو مكنتش ضرورة مكنتش هخرج أبداً من غير اذنك وعلي العموم انا بعتذر اني خالفت اوامرك.
باسم بابتسامه : انتي بتعرفي تهديني أزاي انا مش عارف ده انا كنت ناويلك واكتر حاجه بستغربها فيكي انك بتطعيني من غير جدال انا كنت مفكر غير كده خالص هنفضل نتخانق كل شويه وحياتنا كلها خلافات.
خديجه بضحك : ليه يعني مكتوب على وشي النكديه هانم.
باسم بجديه : اسلوبك ولبسك وقوة شخصيتك تدل اني محدش يعرف يتحكم فيكي او انك تسمعي كلام حد وكده. يعني.
خديجه بابتسامه : لبسي بيعبر عن اني بتشبه بزوجات الحبيب المصطفي واسلوبي بيدل على حيائي كابنت مسلمه وشخصيتي تدل على اني فتاه مسلمه قوة الشخصيه مش افرض رأي واقول محدش يقدر يتحكم فيا واللي عايزاه هو اللي هيمشي والكلام ده.
النبي صل الله عليه وسلم قال خير متاع الدنيا الزوجه الصالحه.
تعرف بقا النبي وصفها ازاي.
باسم باهتمام : أزاي.
خديجه : اول ماينظر ليها تدخل السرور على قلبه ولو امرها في حاجه متغضبشي ربنا تسمع كلامه وتطيعه ولو سافر وراح اي مكان تحافظ على نفسها وتحافظ على ماله.
باسم : ياااه فعلاً صدق الرسول صل الله عليه وسلم
خديجه بابتسامه : شوفت بقاا متستغربشي تاني هي الحياه مش هتبقى وردي دايماً بس لو كل طرف عرف ايه ليه وايه اللي عليه هيتجاوزو كتير من المشاكل وهيبقى فيه بينهم موده ورحمة وصدقني الذريه هي اكتر حاجه بينجحو فيها.
باسم : مش فاهم.
خديجه بابتسامه : يعني لما الام تحترم الزوج واهل الزوج وتحاول على قد ماتقدر تحافظ علي هيبة واحترام زوجها قدام الأولاد وقدام الدنيا كلها.
والاب يحترم الزوجه ويقدم ليها الاحترام والحب الأولاد بيطلعو في بيئه صالحه وبيبقو ذريه صالحه عشان كده كنت بدور لأب لعيالي قبل مايكون زوج ليا.
باسم : بس اظن اني الاول كنت ابيض خالص يعني مش زيك.
خديجه : بس ربنا كريم ورحيم وانا كنت بدعي وعارفه أن ربنا مش هيضرني أبداً تعرف يا باسم لما ربنا بيرزقني بابتلاء بفكر في ايه.
باسم باهتمام : ايـه
خديجه بابتسامه: بفكر ياترى ايه الجايزه اللي هكسبها من الهديه اللي ربنا ادهالي دي.
باسم: بس الابتلاء بيبقي صعب.
خديجه : بس مادام مش هيفتني في ديني بالعكس هيقربني من ربنا اكتر يبقي جميل.
باسم بحب: ربنا يبارك. فيكي.
خديجه بابتسامه: اللهم امين واياك.
فضلو يتكلمو ويعرفو بعض اكتر ومشاعرهم بتزيد اكتر واكتر.
(طبعا تحسو اني الموضوع خيالي حبتين ايه يعني باسم يلتزم من يوم وليله أولاً ربنا إذا أراد شيئا ان يقول له كن فيكون الالتزام ده مش محتاج تخطيط ولا ورقة وقلم. وبعدين خديجه انشغلت في هداية البنات وعايزه تحببهم في الطريق الي الله. وربنا انعم عليها انو هدا لها زوجها وحببه في القرب منه سمعت مره الشيخ حازم شومان بيقول انا وزجتي قعدنا كام سنه وربنا مرزقناش بالذريه المهم حزنت جدا وطبعا من كلام الناس فانشغلت جدا في الدعوه الي الله وفضلت اتكلم عن ربنا. ويشاء الله. اني ربنا يرزقني بالذريه ربنا بيرزقك ماتتمني بس بدل ماتفكري ازاي هتيجي وتنشغلي بيها لا انشغلي بعبادتك لله والدعوه اليه وصدقيني حياتك كلها ربنا هو اللي هيتولاها ويرزقك ماتتمني واكتر كمان انتي بس اشتغلي وكوني جند من جنود الله اما بالنسبه اني خديجه بتعرف تهدي باسم ده بالود وهي مش بتتنازل ولا بتنزل من كرامتها حاجه بالعكس ده شأنها بيعلي اكتر واكتر عمر ماالبجاحه والكلمه بكلمه وانك مبتحبيش حد يتحكم فيكي ده هيحل مشكله بالعكس ده بيزود الخلافات والكره والحياه بتبقي فاشله مش هقلك تنازلي عن كرامتك لا هقلك اقتضي بسنة رسول الله وكوني خير متاع الدنيا لزوجك )
اسفه علي تاخري عليكو الايام اللي فاتت. وجزاكم الله كل خير على السؤال والدعاء. ويارب الحلقه تعجبكو وتستفادو حاجه وبالنسبه للروايه قربت تخلص.
لسه فاضل كام حلقه كمان. واقول ليكم استودعكم الله.
#تفاعل💗💗 وصلو الــفـــصــل لــ 500 لايــــك وأتمنى كل الي يقرأ ويعمل لايــــك يعمل كومنت كمان بالصلاة على الحبيب والأستغفار 💗
يتبع
