رواية خديجه الفصل الواحد والثلاثون 31 بقلم جهاد سعيد
رواية خديجه بقلم جهاد سعيد
وقفنا المرة اللي فاتت لما خديجه كانت بتكلم باسم
نروح عند ابو باسم :
ابو باسم بابتسامه : ايه ياحبيبتي ايه رأيك في العريس
ياسمين بخجل : هصلي استخاره واللي في الخير يقدمه ربنا
ابو باسم : حاسه أنك أرتاحتي لما قعدتي معاه في توافق في الفكر ولا ايه
ام باسم : أنا قلبي بيقول أن أحمد ده جدع وابن ناس
ابو باسم بضحك : هههه سيبي قلبك علي جنب ياحجه وفكري بعقلك مرة
ام باسم بضيق : بس أنا قلبي مستحيل يكذب عليا
ياسمين بابتسامه : بعد اذنكو هطلع أصلي وانام أو اعمل أي حاجه تكونو فضيتو الخناقه
ابو باسم : أمك عسل مستحيل تزعلني ابداً صح ياام باسم
ام باسم : مقدرشي أزعلك
ياسمين بضحك : أنا ماشية
طلعت ياسمين صلت استخارة ودعت ربها أنو يختار لها الخير ولا يخيرها أتصلت على سميه.
ياسمين بابتسامه : السلام عليكم ورحمة الله.
سميه بفرح : وعليكم السلام ورحمة الله ياعروسه عملتي ايه.
ياسمين بابتسامه : كل خير ياقلبي تعالي نكلم البت خديجه واحكيلكو مع بعض.
سميه بحماس : طيب يلا
ياسمين رنت علي خديجه عشان تكلمها..... أنتظار.
خديجه كانت لسه بتكلم في الأخ باسم
خديجه بابتسامه : طب هقفل معاك دي تاني مرة البت ترن أكيد عايزاني في حاجه ضروري
باسم بضيق : لا لما نخلص كلامنا هي مش هطير وبعدين أكيد عايزه تحكي ليكي عملت ايه وقالت وسوت وهتقعد بالساعات
خديجه بضحك : هي عاده عند البنات وانا الصراحه هموت وأعرف عملت ايه عشان الفضول اللي عندي هيموتني
باسم بعند : طب اقفلي كده وشوفي هعمل ايه
خديجه : يووه أنا هتجوز ابن أختي بتموت في العند
باسم بزعل : مصتنع طب يلا أقفلي
خديجه بابتسامه : ياعمي متزعلشي ياسمين مين دي أنا معرفشي حد بالأسم ده
باسم بابتسامه : طب كلميها وبعد الصلاه هكلمك تاني
خديجه بابتسامه : يلا بقا السلام عليكم
باسم : وعليكم السلام ورحمة الله
خديجه بتكلم ياسمين
خديجه : السلام عليكم العروسه هانم بتتصل ياجدعان
ياسمين بحنق : وعليكم السلام ورحمة الله أنتي اصلاً معبراني
خديجه بضحك : هو أنا اقدر برده أنتي الكل في الكل ياام العيال
ياسمين بضحك : ماشي ياابو العيال افتحي واتس عايزه احكيلكو علي اللي حصل معايه
خديجه بحماس : طب يلا بسرعه
ياسمين بضحك : هههه يلا يخربيت الفضول اللي بيقتلنا ده
فتحو الشات وحكت ليهم عن كل اللي حصل في الرؤيه
خديجه : كل كلامك ده فرحني جداً بس برده مفيش أسهل من الكلام عشان كده هناخد بالأسباب تصلي استخارة لأن ربنا يعلم الظاهر والباطن وباباكي أو باسم يسألو عليه في المسجد اللي جمب بيته ويسأل عليه الناس اللي حواليه وانتي لو تعرفي ليه بنات قرايب ليه معاكي في الجامعه ممكن برده تعرفي عنه أكتر
ياسمين : بس ليه انتي معملتيش كده لما باسم كان جاي يخطبك
خديجه بضحك : الموضوع كان باين من عنوانه هههه
سميه : بس الصراحه استغربت
خديجه : لكل قاعده شواذ أنا مش بقول نسيب الأسباب بس أنا ماشية بمبدأ اني ربنا يختار ليا دايماً ولا يخيرني أنا متمسكتش بيه ولا قولت هتجوزه وهغيره بالعكس كنت دايماً ادعي ربنا انو يهديه وكمان لو خير يقربه ولو شر يصرفه أهلي كانو متمسكين بيه جداً وانا مكنتش عايزه أمي تزعل بسببي وبرده كنت بكسب من ناحية تانيه لأني متأكده اني ربنا هيختار الخير وهيبعده لو شر بأي طريقه كانت
عرفتو بقاا
يلا بقا العشا اذنت قومو صلو وانا عايزه أصلي وانام
ياسمين بضحك : نفسي أعرف بتعرفي تنامي بدري كده أزاي
خديجه بابتسامه : اللي عنده ميعاد بينام لو حصل ايه وانا كل يوم عندي ميعاد مع الملك ومش عايزاني أنام عشان اعرف أكون فايقه اللي ملوش ليل يبقي ملوش نهار وبعدين السهر ملوش لازمه والشيطان بيفضل يأخرك عشان يحرمك من الوقوف بين يد ربك
سميه بحماس : طب استأذن أنا بقا الحق أصلي وانام عندي ميعاد
ياسمين بابتسامه : وانا كمان السلام عليكم
خديجه بضحك : العيال سبوني في الشات لواحدي
قامت خديجه اتوضت وصلت ودعت ربها انو يستعملها في نصرة دينه ولا يستبدلها وصلت الشفع والوتر وقرأت أذكار النوم وغلقت الهاتف ونااامت.
باسم طبعاً رن عليها لقى موبيلها مغلق عرف أنها قفلته ونامت
باسم نزل تحت يقعد مع باباه ومامته.
باسم بابتسامه : السلام عليكم ورحمة الله
ابو وأم باسم : وعليكم السلام ورحمة الله
ام باسم بسعاده : يااه عيالي هيتجوزو يارب ياسمين توافق علي العريس أنا متأكده أنها هتوافق وهنفرح بيها بقا
ابو باسم بابتسامه : أن شاء الله ربنا يقدم اللي فيه الخير
باسم باحراج : لو سمحت يابابا عايز أقدم الفرح أنا زهقت مش لسه هستنى لما تخلص السنه
ابو باسم بضحك : هههه هو أنت لسه لحقت يابني ﭢنت لسه ماتمتش شهر ونص هو سلق بيض
ام باسم بسعاده : وفيها ايه ياحاج الفيلا جاهزه وكل حاجه جاهزه والكليه هنا يعني هتكون المسافه قربت ومحدش هيعطلها على المذاكرة
باسم بحماس : عندك حق ياماما قُلت ايه يابابا
ابو باسم بابتسامه : اللي في الخير يقدمه ربنا
انتهى اليوم وبدأ يوم جديد باسم بيبعت سواق مخصوص يجيب خديجه وطبعاً خديجه رفضت بس للأسف باسم زعل وهي وافقت عشان تراضيه
خديجه بضحك : شوفي يامنى ادينا أرتحنا من القطر وزحمة القطر عدي الجمايل
منى بابتسامه : الله يصلح حاله ويباركلك فيه
خديجه بحب : اللهم آمين
يلا بقا نحضر المحاضرة عشان منتأخرش
منى بابتسامه : يلا
نروح عند باسم :
باسم باهتمام : وصلتهم عند باب الكليه ياعم ياجمال.
جمال : ايوه ياباسم باشا
باسم بابتسامه : شكراً
جمال باستغراب : العفو ياباشا ده شغلي
باسم بابتسامه : طب اتفضل أنت علي شغلك ربنا يعينك
جمال بحب : ربنا يباركلك يابني ويصلح حالك كمان وكمان.
خرج السواق لزوجته
جمال : بيكلم نفسه أنا مش مصدق ده باسم باشا اللي كان بيخانق دبان وشه وكان بيشخط فيا ويزعقلي
زوجة جمال : مالك ياحاج بقيت بتكلم نفسك
جمال حكى ليها اللي حصل مع باسم واسلوبه
زوجة جمال بابتسامه : أنا نفسي أشوف خديجه اللي السبب في كل ده هي عامله أزاي ياحاج
جمال : أنا الصراحه معرفشي شكلها بس هي أسلوبها في الكلام بيدل علي أنها متربيه وبنت ملتزمه جداً جداً على رغم أني راجل كبير ألا أنها كانت بتكلمني بجديه وأحترام ونادرا مابتتكلم.
زوجة جمال باستغراب : ايه ماتعرفشي شكلها أزاي دي.
جمال : أصلها لابسه أسود في أسود وحتى عنيها مش باينه تعرفي اني أتخضيت أول ماشوفتها بس أرتحت ليها سبحان الله ربنا يكتر من أمثالها ويهدي باسم بيها كمان وكمان أنا بحبه زي أبني بس كنت بكره أسلوبه يارب يفضل كده علي طول.
زوجة جمال بابتسامه : اللهم آمين وربنا يفرح قلبه ويسعده ويجيب بقا خديجه البيت خلينا نشوفها
نروح عند خديجه :
خديجه بضحك : الواحد بيخلص من المحاضرة كأني عملت أنجاز في حرب أكتوبر
منى بضحك : كأننا عبرنا خط برليف
خديجه بضحك : أمر ياختي تعالي بقا نعمل كام حاجه قبل ماعمي جمال ييجي أنا أتفقت معاه ييجي متأخر عشان أستفرد شويه بالجامعه.
مني : يلا
خديجه راحت علي شلة بنات ومجموعه من البنات شافتها راحو عليها
خديجه بابتسامه : السلام عليكم طبعاً أظن أني أتشهرت وعارفين جايه ليه
بنت منهم : طبعا أكيد اتفضلي بقا عايزين نسمع
بنت تانيه : بسرعه بقا
خديجه بضحك : طب ادوني فرصه أحم بصو بقا يابنات عايزين نتكلم النهارده عن أول سورة الحج
قال تعالى ( يا أيُها الناس أتقو ربكم أن زلزلة الساعة شئ عظيم ،،،،)
الآيات دي يابنات هزت قلبي لما قرأتها يوم القيامه أحنا بنفضل نتكلم عنه عادي جداً كأني يوم عادي مش مصير.
ممكن واحده بتقول في نفسها دلوقتي بس أحنا كده كده مسلمين هنتعذب شويه وبعد كده هنروح الجنه.
في ناس كتير استهونت باليوم ده عشان كده بعده عن الطريق وانغمسو في الشهوات أحدث الموضه والحب الحرام والأغاني والمسلسلات وغيره وغيره من غيبه ونميمه وكره الخير والحسد وحاجات كتير جداً
يوم القيامه يوم بخمسين ألف سنه متخيلين جوع وعطش وحر شديد جداً جداً بينك وبين الشمس مقدار ميل، الواحد لما بيبقي صايم والجو حر بيبقي هيموت من شدة الجوع والعطش علي رغم أننا قاعدين تحت المراوح والتكيفات، هناك مفيش غير ظل عرش الرحمان هو ده المكان الوحيد اللي مش هتحسي بحر أو جوع أو أي حاجه ربنا بيقول لينا في أول سورة الحج أن يوم القيامه مش بالسهوله دي
يوم القيامه يوم تذهل كل مرضعة عما ارضعت وتضع كل ذات حمل حملها.
الأم هترمي أبنها الرضيع وتجري والحامل هتسقط من شدة الفزع في اليوم ده.
والناس تلاقيهم عاملين زي السكرانين هما مش سكرانين ولكن من شدة الفزع والعذاب في اليوم ده
الواحد لما بيقرء الآيات اللي بتتكلم عن القيامه بتفزع يابنات هنعيش قد ايه في الأخر برده القيامه هتقوم ليه يابنات نخسر جنتنا ونشوف الذل والعذاب بسبب ساعه في الدنيا بالنسبه للآخرة
ليه يابنات بدل ماننحشر مع النبي محمد صل الله عليه وسلم والصحابه والأنبياء والناس اللي بنحبهم دول نروح ننحشر مع ممثله أو واحد كنتي بتحبيه وعصيتي ربنا بسببه ليه يابنات نضيع الجمله الجميله اللي ربنا هيقُلها لأهل الجنه ياعبادي ارضيتم
أنتي متخيله أنك تسمعي ربنا وتكلميه وتشوفيه ويقولك أنا رضيت عنك ومش هسخت عليكي ابداً.
بنضيع نعيم الجنه ليه بنرمي نفسنا في النار ليه الواحد مبيستحملش شوية حر هنستحمل خمسين ألف سنه أزاي.
هنستحمل النبي وهو بيطردنا من على الحوض حبيبك محمد صل الله عليه وسلم اللي كان بيقول أشتقت لأخواني والصحابه يقولو اولسنا أخوانك يارسول الله هو يقول ليهم لا أنتو أصحابي أخواني ناس هيؤمنو بيا ولم يروني وبعت ليا وليكي السلام
حبيبك محمد أشتاق ليا وليكي مش نفسك تشوفيه وتتكلمي معاه وتكوني جارته في الفردوس الأعلى مش نفسك تشوفي عمر وابو بكر وعثمان وعلي وحنظله مش نفسك تكوني معاهم
خدو بالكو يابنات أنتي هتنحشري مع مين وخدي بالك هتلاقي مصعب وهو بيجري ويقول جسمي اتقطع عشان نصرة دينك يارب هتلاقي علي بيقول أنا أول فدائي في الأسلام
سيدنا حمزه بيقول طلعو كبدي من جسمي بسبب دفاعي عن نصرة دينك يارب هتلاقي صهيب ضحيت بكل ما املك من أجل نصرة دينك يارب هتلاقي كتير وكتير وأنتي بقا هتقولي لربنا عملت ايه وضحيت بايه ونصرت دينك ولا خذلته أنا محبتش أتكلم كتير عن يوم القيامه لأني الوقت مش هيسعني بس انصحكو النهارده تبحثو عن خالد الراشد وحازم شومان وأي شيخ انتو بترتاحو لسماعه واسمعو اكتر واكتر عن يوم القيامه اجعلو قلوبكو تهتز من شدة الفزع في اليوم ده عايزين نلحق نفسنا يابنات عايزين نقرب لربنا مفيش معصيه تستاهل أننا نضيع نفسنا عايزين نستعد ليوم زي ده.
اقول قولي هذا واستغفر الله العظيم لي ولكم بعد اذنكو يابنات اتأخرت.
خديجه ومنى طلعو من الحرم الجامعي اتفاجئت لما ملقتشي عمها جمال لقت حد تاني يــاتـــرى مـيــن هـنـعــرف بــكــرة بــإذن الله يــارب تـكــونـو اسـتـفـدتـو مــن الـحـلـقـه الروايـه قـربـت تــخـلـص وهـتـرتـاحـو مـنـي
