رواية أحببته رغم كبريائى الفصل العاشر 10 بقلم مريم أحمد
رواية أحببته رغم كبريائى بقلم مريم أحمد
 |
| رواية أحببته رغم كبريائى |
رواية أحببته رغم كبريائى الفصل العاشر 10
10
خلص الامتحان و حبيبة و صحابها خرجوا من المدرج
حبيبة...ياريت كل الدكاتره زي دكتور نبيلة بجد
ضحكت مايفين و قالت
مايفين...بجد امتحاناتها تتحل بالاحساس
ضحكت حبيبة و هي بتهز راسها بمعنى ايوا
راحتلهم كارولين و هي بتقول بصدمة
كارولين...انا سمعت الطلبة بتقول ان الامتحان مش سهل و انه فيه افكار
ابتسمت حبيبة بصدمة و قالتلها
حبيبة...يعني ايه
ردت عليها كارولين بخوف و هي بتقولها
كارولين...معرفش بقى
قالتلهم مايفين بزهق
مايفين...يو.لع الامتحان يا جماعة خلاص
قالتلهم حبيبة بهزار
حبيبة... ياريت بجد
قعدوا شوية يهزروا و بعدين رجعوا تاني للمدرج عشان محاضرة دكتور مروان
...استغفر الله العظيم و اتوب اليه
خلص اليوم و مروان متكلمش مع حبيبة نهائي
كانت حبيبة و أصحابها ماشيين قالت كارولين
كارولين...صحيح يا اخواتي عيزين نخرج نغير جو
بصت مايفين لحبيبة و قالتلها
مايفين...اه ياريت اي رأيك يا حبيبة
هزت حبيبة راسها و قالتلهم بأسف
حبيبة...مش هقدر للأسف انتوا عارفين الشغل غير كدا البت رضوى ف اسبوع امتحانات و المراجعات و كدا و انا بديها مصروفها من مرتبي
استغربت مايفين و قالتلهت
مايفين...انتي مش قولتي ان اخوكي مهندس و ليه شركة؟؟
هزت حبيبة راسها و قالت
حبيبة...انا الي قولتله ملوش دعوة و ان الاولى بالفلوس دي بيته
كملت بتوضيح و هي بتقول
حبيبة...هو اصلا شريك ف الشركة و كمان مجرد شريك بنسبة 30% بس
هزت كارولين راسها بتفهم و قالتله
كارولين...ايوا ..خلاص يا حبيبة مش مشكلة خلينا نخرج و انا عزماكي يا ستي
بصتلها و هي بتبستم و قالتلها
حبيبة...دا ع اساس اني هوافق يعني
مايفين...و فيها اي يعني يا حبيبة م احنا صحاب
حبيبة...قولت لا و برضو قولت اخرجوا انتوا صح
كارولين...حبيبة انتي عارفه كويس اننا مش هنخرج من غيرك
ابتسمت و قالت
حبيبة...لا اخرجوا عادي
كملت و هي بتنهي الكلام و بتقول
حبيبة...انا هروح الشغل بقى يلا سلام
قالتلها مايفين بتحذير
مايفين...بكرة اجازة من الجامعة و انا عازماكوا ع الغدا عندي ف البيت
ابتسمت حبيبة و هزت راسها و قالتلها
حبيبة...ان شاء الله يلا باي
و ركبت اول تاكسي جيه قدامها و مشيت
.....سبحان الله و بحمده سبحان الله العظيم
روحت البيت و اتغدت مع اهلها و قعدت معاهم
علاء...عملتي ايه انهارده ف الكلية
هزت راسها بابتسامة و قالتله
حبيبة ... الحمدلله
علاء...طب كويس
ابتسمتله و بصت لأختها و هي بتقولها
حبيبة...هتخلصي امتحانات امتى
رضوى...بعد بكرة
حبيبة...على خير ان شاء الله
ابتسمتلها رضوى و سكتت
قالت حنان لحبيبة
حنان...بت يا حبيبة
بصتلها حبيبة و حنان كملت كلامعا و هي بتقول
حبيبة...انتي بكرة اجازه صح
هزت راسها و قالتلها
حبيبة...من الجامعة اه لكن رايحة المطعم الساعه 6
حنان...حلو
استغربت حبيبة و قالتلها
حبيبة...في حاجه ولا ايه
حنان...اه هروح لخالتك عشان عندها برد و تعبانه ف هروح ازورها و كنت عايزاكي تيجي معايا
هزت راسها و قالتلها
حبيبة...حاضر يا ماما
قالتلهم قبل م تقول
حبيبة...هقوم اجهز غدا بكرة طيب عشان بابا و رضوى
قالت رضوى باعتراض
رضوى...لا خلونا نجيب اكل جاهز احسن
بصتلها حبيبة و قالتلها بابتسامة
حبيبة...انتي ف ايام امتحانات و محتاجة الفلوس عشان مراجعاتك وعد بعد بكرة هاجي اخدك من المدرسة و نطلع على مطعم الشام نجيب اكل سوري و نيجي على طول
ابتسمت رضوى بحماس و قالتلها
رضوى...بجد
هزت حبيبة راسها بتأكيد و ابوها كان مبتسم عليها و على انها قد ايه بتفكر ف انها متزعلش اختها بكل الطرق
دخلت المطبخ و كلمت مايفين
مايفين...الو
ابتسمت حبيبة باحراج و قالتلها
حبيبة...مايفين انا بعتذرلك عن بكرة بجد
جالها صوت صاحبتها الغاضب و هي بتقولها
مايفين...حبيبة انتي بتستهبلي؟؟؟؟
حبيبة...غصب عني يا مايفين خالتو تعبانه و هروحلها انا و ماما بكرة
قالتلها مايفين بتفهم
مايفين...خلاص اوكية الف سلامه عليها
حبيبة...الله يسلمك
و قفلت السكة و بدأت تجهز اكل بكرة لأبوها و اختها
....لا اله الا الله
تاني يوم كانت حبيبة على باب الشقة مستنية امها
حبيبة...خلاص يا ماما..؟
جت امها و هي بتقولها
حنان...يلا
هزت حبيبة راسها و مشيوا
نزلوا راحوا السوق جابت امها خضار و حاجات لأختها
و بعدين فضلوا واقفين مستنيين اي مكروباص يوصلهم بس مكنش في اي حاجه رايحة عند المدينة الي ساكنه فيها اختها
قالت حنان بزهق
حنان...يلا
استغربت حبيبة و قالتلها
حبيبة...يلا ايه
بس امعا مردتش عليها و مشيوا من غير م تتكلم
وقفت حبيبة بصدمة لما لاقيت سلم المترو قدامها و امها كانت هتطلع
وقفتها حبيبة و هي بتقولها
حبيبة...بتعملي ايه
حنان...شايفه في اي مواصلات تانيه
حبيبة...ماما انتي عارفه ان عندي فوبيا
حنان...يا بت مفيش الكلام دا دا هيوصلنا ف اقل من ساعة
حبيبة...دا اكون انا مت بقى
شدتها حنان من ايدها و قالتلها
حنان...يا بت متخافيش
و شدتها للسلم الكهربائي
اول م حست وقفت على السلم قلبها دق جامد و بصت وراها على حست بدوخه غمضت عيونها بسرعه
لاحظت حنان و قالتلها
حنان...متبصيش وراكي
مجرد ثواني ف طلوع السلم عدو عليها كأنهم ساعات
اول م مشيت من عند السلم مسكت دماغها بتعب
قالتلها امها
حنان...يلا يا بوبه
هزت حبيبة راسها و راحت مع امها دفعت التذاكر و دخلوا المحطه
كانوا قاعدين مستنيين المترو
دق قلبها جاامد اول م سمعت صوت المترو الي رعبها
حنان...يلا المترو وصل
بصتلها حبيبة بقلق و قاموا دخلوا المترو و راحوا قعدوا
بصت على الباب و هو بيتقفل و حست ان الاكسجين بيخلص من المكان
غمضت عيونها بتعب و خوف اول م حست ان المترو بيتحرك
و كانت بتدعي ان الوقت يعدي بسرعة عشان تخلص
و بعد ربع ساعة كانت المحطة الي هما عايزينها جت
حنان...يلا يا بوبه
قاموا و خرجوا من المترو كل دا و هي حسه ان قلبها هيقف من كتر سرعة نبضه
مشيت مع امها ناحية السلم الي المفروض هيطلعهم للطريق
بصت على السلم و هو بيتحرك و حست بدوخة فظيعة
بصت لأمها الي سمعت صوتها بتقولها
حنان...يلا تعالي
مسكت ايد امها زي الطفله الصغيره و طلعت السلم
اول م السلم خلص و وصلوا على الشارع بصت للطريق و اصوات العربيات و الناس بتعب و حست ان الدنيا بتلف بيها و مره واحده مبقتش شايفه اي حاجه
سمعت صوت امها الي كان بيناديها من بعيد بخوف و محستش بأي حاجه بعد كدا وووو
يتبععععع
البارت العاشر
أحببته رغم كبريائي
بقلمي مريم أحمد
استغفر الله العلي العظيم الذي لا اله الا هو الخي القيوم و اتوب اليه
رواية أحببته رغم كبريائى الفصل الحادى عشر 11 من هنا
الرواية كاملة من هنا (رواية أحببته رغم كبريائى)
