رواية حب بلا حدود الفصل السادس عشر 16 بقلم حبيبة الشاهد

رواية حب بلا حدود الفصل السادس عشر 16 بقلم حبيبة الشاهد

رواية حب بلا حدود بقلم حبيبة الشاهد

رواية حب بلا حدود

رواية حب بلا حدود الفصل السادس عشر 16

الفصل السادس عشر 

مسكها من ايديها اللي بتنزف بغضب ، و هو بصصلها في عينيها بقوة و اتكلم بفحيح 

: وجعتك 

بصتله في عينيه و لاول مره تشوف الضعف دا كله برغم انه لبس قناع الجمود بمهاره و اتكلمت بقوة

: لا 

شدد من مسكته و هو شايف ملامحها اللي اتشدد من الألم و كمل كلامه 

: طب و كدا شوفتي ألم.. ايديكي ميجيش جنب وجع قلبي لما رجعت من برا لاقيت اختك نايمه على سريري مع واحد تاني 

فتون صرخت فيه بنفعال

: اخرس انت كداب اختي عمرها ما عملت كدا 

جمال بصوت مرتفع ارعبها 

: لا اختك عملت كدا

اختك كانت بتستنى اسافر و تخليه يجيلها هنا و ينام.. على سريري 

فتون من ضغط ايديه على جرحها و الدم.. اللي بتنزفه بصتله بنغنشه و سقطت مغشيّا عليها  ، لحقها جمال قبل ما تقع على الارض و وقعت في حضنه فقده الوعي 

ضربها على خدها بخوف شديد و هو بيحاول يفوقها شالها حطها على السرير برفق 

دور على التلفون حوليه و افتكر انه في جيبه طلعه و جاب رقم اخوه و بصلها و هو حاسس ان قلبه هيقف من فرط الخوف عليها و استنا الرد 

: كرم سيب اللي في ايدك و تعاليلي بسرعه 

كرم حس بقلق من نبرة صوته

: انت كويس حصلك حاجه 

جمال و هو بصصلها برعب و خوف

: مش كويس خالص تعاله بسرعه و هات حاجات الخـ ياطه.. معاك متتاخرش انا في شقتي فوق بس متعرفش حد 

خلص كلامه و قفل و رما التلفون باهمال و جري عليها شاف الدم مغرق الارض جنب السرير جاب طرحه و كتم بيها دمها.. اللي بيتصفا قدام عينه و ربطها كويس و هو بيحاول يكتم دمها 

في خلال عشر دقايق كان اكرم جه البيت و طلع شقت جمال و رن الجرس 

جمال بعد عنها بصعوبة و خرج من الاوضه فتحله الباب لينصدم اكرم بملابسه المليانه بدم

اكرم بصدمه و خوف

: ايه اللي عمل فيك كده انت اتخنقت 

جمال بخوف شديد 

: مش انا اللي متعور تعالى جوا شوفها هي قطعة ايديها بالسكينه 

اكرم دخل معاه و استغرب بوجود فتون اللي على السرير بعد حوالي ربع ساعه كان اكرم خلص بصله بستغرب و اتكلم بحدا

: ممكن تفهمني ايه اللي بيحصل هنا دا 

جمال ببرود منافي خوفه عليها

: طمني عليها الاول بعد كدا هعرفك كل حاجه 

اكرم بجمود

: دي حالة انتحار.. و المفروض يكون فيه محضر بكدا بس انا مش هعمله احمد ربنا ان جرحها.. سطحي و قدرة اعمل اللي عليا من غير ما نحتاج عمليات ركبتلها محلول يعوضوها الدم.. اللي نزفته و تمشي على الادويه اللي كتبتهالها بنتظام و هتكون كويسه فيه حاجه تانيه عايز تعرفها 

جمال اتنفس برتياحه و بصله بهدوء 

: تعالى برا عشان منقلقاش و هي نايمه 

اكرم لم حاجته و خرج معاه الصاله و هو مستنيه يتكلم 

جمال مسح على وشه بارهاق و قال 

: انا و فتون اتجوزنا 

اكرم اتصدم من الخبر بصله بغضب مفرط

: اتجوزته 

اتجوزتها ازاي دي طفله لسه قاصر 

و بعدين دي غير اختها متخدش حد بذنب حد تاني مش كل الناس زي بعض يا جمال البنت باين عليها انها مغصوبه عشان كدا حاولة تنتحر راجع نفسك تاني و هتتلقي انك بتظلمها من كل الاتجاهات 

جمال عيونه احمرت من فرط غضبه 

: انا ظلمتها و اللي اختها عملته فيه دا كان ايه مكنش ظلم 

اكرم ربط على ضهره بحنان اخواه

: كان ظلم و ربنا هيحسبها و يجبلك حقك لانها غضبت ربنا غضب عسير 

اما اختها فهي ملهاش ذنب و انت ظلمتها لما اتجوزتها غصب و خدتها من خطبها اللي كانت بانيه كل احلامها معاه ظلمتها بالفرق السن اللي ما بينك و بنها دمرت.. مستقبلها و تعلمها تقدر تقولي هتخليها تنزل تروح المدرسه معتقدش انك اصلا هتخليها تبص من البلكونة متتسرعش في التفكير و فكر كويس في مستقبلها اللي انت نهيته من قبل ما يتبني انا نازل و لو احتجت اي حاجه ابقا كلمني 

اكرم خرج من الشقه و ساب جمال تايه وسط افكاره 

نزل شقة والدته فتح الباب و دخل لاقها قاعده على سجادة الصلاة و مسكه المصحف في ايديها و بتقراء بعض آيات القرآن الكريم 

اكرم بابتسامة 

: السلام عليكم و رحمة الله و بركاته 

شمس صدقت و قفلت المصحف و بصتله بابتسامة 

: و عليكم السلام و رحمة الله و بركاته 

حمدالله على سلامتك ينور عيني ادخل غير هدومك عقبال ما اسخنلك الأكل 

اكرم 

: لا مش جعان انا هموت و انام 

شمس نزلت الطرحه من على رأسها و قالت بخضه

: بعد الشر عليك يبني متقولش كدا تاني 

اكرم قرب منها و مسك ايديها بحب

: بتخافي عليا يشمس

شمس بحب و حنان

: طبعاً يحبيبي انا ليا غيرك انت و اخوك ربنا يخليكوا ليا و افرح بقى بواحد فيكوا و اشيل عيلكوا قريب شوفت اخوك جمال اتجوز و يونس هو كمان اتجوز نفسي افرح بيكوا زي الجارية 

اكرم بتنهيده متعبه

: بما انك جبتي سيرة جمال فـ هو اتجوز فتون اخت مراته الأولى 

شمس بصدمه  

: اتجوزها ازاي دي كانت مخطوبه و امتا اصلا عمل كده 

اكرم 

: معرفش امتا بس اكيد اتجوزها انهارده لاني كنت عندوا امبارح و مكنش فيه غيره في الشقه و باين انها مغصوبه على الجوازه لانها قطعة شرين..  ايديها كانت عايزه تموت نفسها

شمس ضربت بايديها على صدرها بخضه

: يالهوي و حصلها ايه 

اكرم 

: متخافيش عليها انا عملتلها الازم و هي بقيت كويسه 

شمس بحزن شديد عليها

: منه لله اخوك هما التلاته ذرع شيطاني من الجاريه ربتهم على الشر ربنا مش هيورد ليها جنه خالص الست دي

اكرم بعتاب

: احنا مالنا يا أمي كل واحد بيطلع حسب تربيته ربنا يسمحها و يهديهم

شمس بدموع و حزن

: لا مش هيسمحها عشان شيفه الغلط و سكته عليه و بتشجعهم يكمله في الفساد اللي هما فيه الحمدلله انك انت و اخوك غرهم طول عمري بحاول ابعدهم عنكوا و الحمدلله 

اكرم بحنان 

: طب أنتي زعلانه ليه دلوقتي 

شمس بقهر

: زعلانه دا انا مقهوره على البت الغلبانه اللي فوق دي 

اكرم بحزن عليها

: كل اللي في ايديا اني اهديه من يامتها شويه لكن مش في ايدي حاجه تانيه اعملها لانها بالفعل بقت مراته 

في الصباح 

خرجت جنه لاقيت كريمه محضرلها الفطار على السفره بصتلها بستغرب و قالت

: انتي لبسه و رايحه على فين الصبح بدري كدا 

كريمه

: صباح الخير الاول 

انا نزله انا و طنط شمس هنشتري حاجات نقصه البيت و هنيجي على طول مش هنتأخر 

جنه ببعض الخوف

: و هتسبيني هنا لوحدي مش هتخديني معاكي 

كريمه بحنيه 

: متخافيش يحبيبي مش هغيب عليكي كتير كلها نص ساعه و هكون جيت بس انتي مينفعش تيجي معايا لاني بعد كده هطلع على المدرسه اسحب الملف بتاعك و مينفعش تكوني موجوده عشان لو فهد عرف بس متقلقيش مش هيعرف 

انا حضرتلك الفطار كلي كويس و متفتحيش الباب لاي حد مفهوم 

جنه هزيت راسها و هي من جواها خوف شديد 

: حاضر

كريمه خدت شنطتها و خرجت لاقيت شمس واقفه مستنياها قدام البيت بالعربية بتاعتها 

كريمه 

: جبتيها امتى دي 

شمس ضحكت على شكلها

: طب اركبي الاول و لا هتفضلي واقفه عندك كده كتير

كريمه ركبت معاها و اتكلمت بسغراب

: لا بجد انتي بتعرفي تسوقي 

شمس 

: اه بعرف عيسى علمني لانه بيغير عليا موت من اي واحد يجي يسوق العربيه 

كريمه بتنهيده

: متاكده ان المحامي اللي ريحنله دا كويس 

شمس

: امال ده محامي نيور و هو اللي هيخلصلك القضيه دي و هيكسبهالك

كريمه ببعض الخوف

: انا اصلا خايفه و متردده و مش لاقيه حل ثاني غير ده

شمس بحزن على حالتها

: فكري تاني ده ابنك برده و مافيش ام مننا بتضر ابنها

كريمه امتلت عيونها بالدموع

: على عيني اللي انا اروح و ارفع عليه قضيه.. بس انتي شايفه ما قداميش حل تاني و حرام عليه اللي هو عمله في البنت لحد كده

شمس بهدوء

: انا معاكي و هي شكلها صغير مش عارفه كان فين عقله و هو بيعمل حاجه زي كده في طفله طب و هي رايها ايه

كريمه مسحت دموع و كملت كلامها

: هي عايزه تتخلص منه باي طريقه الست مننا ما بتحتاجش من جوزها غير ان هو يصونها و يحبها و يحسسها بـ الامان و الاطمئنان بس هي ما تلاقتش ده كله فيه ده كسرها.. و اتجوز عليها دا حتى كان مخبي عليا ان هو تمم جوازهم

شمس

: شافت كثير و هي لسه في سن صغير يا عين امها بكره تطلق منه و ربنا يعوض عليها خير و تتلاقي الشخص المناسب اللي يقدر حبها و يحترمها

كريمه بإمتنان

: بدعيلها ربنا يصلح حالها و تتلاقي ابن الحلال عشان تريح قلبي و اطمن عليها

شمس بصتلها بتساؤل

: انتي قلتي لي عندها كم سنه

كريمه

: سبعاتشر سنه في ثالثه ثانوي و. دي كمان حظها مال فيها مابقتش تروح المدرسه و الامتحانات على الابواب و خايفه اخليها تروح المدرسه يعرف انها راحت و يجي ياخدهم او يعمل فيها حاجه بعد ما يعرف القضيه اللي انا هرفعها عليه

شمس

: خلاص مش انتي قلتي هتروحي تجيبي الورق بتاعها و تقدميلها في اي مدرسه هنا قريبه في السيده

كريمه

: انا فعلا هعمل كده بعد ما نطلع من عند المحامي هروح المدرسه اللي هي فيها اسحب الملف بتاعها بس انا ما اعرفش مدارس هنا

شمس رجعت بصيت على الطريق تاني

: متقلقيش من الموضوع ده هاخلي عيسى او اكرم يقدموا لها في المدرسه اللي هم كانوا فيها و ياستي ما تشغليش بالك بتكاليف المدرسه السنه دي خليها عليا

كريمه

: الحمد لله مستوره انا بس عايزه المدرسه او اعرف طريقها و هروح اقدم فيها الاوراق و هدفع تكاليف المدرسه

شمس بزعل

: انت كده هتزعليني منك مش بنتك هي بنتي و بعدين يا ستي دي هديه مني ليها انتي مالك انتي بيها

كريمه بعتاب

: انتي عارفه ان انا ما اقصدش ازعلك بس انا كنت عينه مبلغ على جنبك جبته و انا جايه و كمان معايا الصيغه لو عزت فلوس هبقى اروح ابيعها و هخلي حاجتها

شمس

: لا انتي كده هتزعليني منك جامد يا كريمه اللي انت عايزاه و تعالي خديه بس ما تبيعيش الصيغه بتاعتك 

كريمه

: بفكر اعمل مشروع قريب من البيت بالفلوس اللي معايا قبل ما تتفرتك على الاقل يكون في دخل جيلي كل اول شهر لاني انا مش عايزه اي حاجه من الورث بتاعي في حق جوزي انا سبت كل مالي و محتالي ليه مش عايزه منه اي حاجه

وصلوا قدام بيت المحامي ركنت العربيه و نزله طلع الدور اللي في المكتب و بالفعل دخلوا عند المحامي

المحامي بهدوء

: ان شاء الله القضيه دي كسبانه و في اقرب وقت هتلاقي قسيمه الطلاق عند حضرتك انا مش عايز اي حاجه منك غير انك تعملي ليا توكيل عشان اعرف اتصرف معاه يبقى مني ليه

شمس

: احنا هنعملك كل حاجه و اللي انت هتطلبه هتاخده بس اهم حاجه نضمن ان القضيه هنكسبها و غير كده عايزه طلب صغير منك كده ما تبقاش تجيب سيره لعيسى او اكرم ان انا جيت عندك هنا المكتب

المحامي

: انتي تؤمري يا ست شمس و ما تخافيش انتي عارفاني كويس و عارفه سمعتي و انا القضيه دي كسبانه اعتبري الاستاذه جنه اتطلقت من دلوقتي

وبالفعل كريمه مضت على توكيل للمحامي ان هو يتكفل بكل شيء و سبتله مبلغ تحت الحساب و نزلت من المكتب هي وزشمس و طلعوا على المدرسه اللي كانت فيها جنه و قبلوا المدير

كريمه 

: انا محتاجه اسحب الملف بتاع جنه

مدير المدرسه

: ليه يا هانم انتي شفتي مننا اي حاجه وحشه خليتك عايزه تسحبي ملف الانسه جنه

كريمه كانت لسه هتتكلم بس وقفتها شمس و قالت

: لا خالص يا فندم بس هو حصل ظروف و اضطرينا ان احنا ننقل من المكان اللي احنا عايشين فيه لمكان ثاني فالمدرسه هتبقى المسافه بتاعتها طويله جدا فاحنا هنسحب الملف و هنقدمه في اي مدرسه تانيه قريبه من البيت

المدير

: تمام ما فيش مشكله تحبوا تشربوا ايه لحد مع الملف يجهز

كريمه بصيتلها بمتنان و شكر كبير و في خلال عشر دقائق كان الدوسيه جالهم كريمه خدته و رجعت الحاره هي و شمس

شمس ركنه العربيه و حمدت ربنا ان عيسى ما شافهاش و ان لسه اكرم مجاش من بره  ، بس لسوء حظها ان الصبي اللي شغال في محل عيسى شافها و هي واقفه قدام الباب بعد ما نزلت من العربيه اطرت انعا تروح تخش المحل

دخلت المحل لاقيت عيسى قاعد على المكتب و باين من ازاز المكتب اللي عمله مخصوص عشان يشوف كل حاجه بتحصل في المحل بره قدام عينيه

فتحت الباب و دخلت بابتسامه بشوشه

: ايه يا حبيبي عامل ايه

عيسى قام من على المكتب ولف وقف قدامها

: الحمد لله كويس اتفضلي ايه اللي نزلك من البيت

شمس بارتباك بان عليها

: ابدا يا ضنايا انا لاقيت نفسي زهقانه قلت انزل اشم شويه هوا و اروح اشقر على خالتك كريمه فقلت اجي اشوفك و اطمن عليك و اشوف المحل اهو بالمره لما اخش عندهم اخش بايدي مليانه مش بايدي فاضيه

عيسى هز راسه بهدوء

: طب اقعدي و شوفي انتي عايزه ايه و المحل كله تحت رجلك

شمس قعدت على الكرسي  ، و عيسى قعد قدامها و شاور للصبي ان هو يدخل

: هات كوبايه قهوه ساده و عصير للهانم

شمس

: هانم ايه يا واد انت هتعاملني زي ما بتعامل الزباين و لا ايه

عيسى بابتسامه جميله

: هانم و احلى هانم في الدنيا كلها ها قلتلي عايزه ايه بقى

شمس بصيتله بهدوء

: عايزه سلسله كده حلوه على ذوقك تليق على جنه بنت خالتك كريم

عيسى ملامحه اتغيرت و بصلها و اتكلم 

: اشمعنا جنه بنت خالتي كريمه ما تجيبي لخالتي كريمه ذات نفسها و هم دلوقتي بقوا يهاده الناس بالدهب 

شمس

: الله مش كل واحد بيهدي الهديه اللي تليق على قيمته و احنا تجار دهب هنهديهم ايه اكيد دهب يعني البنت تعبت و وقفت في المطبخ عشان تعمل ليا صينيه كيكه و في الاخر ماردش الهديه بحاجه حلوه و تفرحها لا لازم نجيبلها هديه كده ايه حلوه تليق عليها بس تكون مخصوصه ليها هي وبس

عيسى حاول يتكلم بنبره صوت طبيعيه

: عندك الكتالوج اختاري منه التصميم اللي انتي عايزاه و هبعته لهم على المصنع يعملولك زيه

شمس اختارت عباره عن سلسله و اسوره و خاتم على شكل فراشه رقيق جدا و زودت على التصميم حلق من نفس الشكل

: انا اخترت التصميم ده و تزود عليه حلق يبقى بنفس شكل الفراشه

عيسى

: انتي كده بتختاري شبكه عروسه مش هديه

شمس رفعت ايديها لفوق و اكدت

: يا رب يسمع من بقك ربنا و تبقى دي هديه عروستك انت بس اتكلم و قول لاخطبيلي و انا عندي ليك عروسه نسمه 

عيسى خبط بايديه على المكتب و بصلها و اتكلم بابتسامه

: قلتلي بقى كنتي فين

شمس اختفت ابتسامتها و ردت بارتباك

: كنت في البيت وونازله اروح عند خالتك كريمه

عيسى مسح على دقنه بهدوء و اتكلم بجديه

: كنت فين انتي نزلتي خدتي عربيتك و رحتي عند المحامي و بعديها نزلتي و رحتي المدرسه بعد كده جيتي على هنا كنتي فين بقى و بتعملي ايه عند المحامي

شمس بتوتر و ارتباك

: انت مافيش حاجه بتستخبى عنك دي كانت خالتك كريمه عايزه تسال المحامي عن حاجه كده فقالتلي تعرفي محامي كويس قلتلها اه فقالتلي تعالي معايا نزلنا من عنده و رحنا المدرسه بتاعت جنه سحبت منها ورقها علشان المسافه هتبقى طويله اوي عليها و هتنقلها مدرسه هنا اللي انتم كنتم فيها

عيسى ضرب المكتب بايديه و قال 

: و خالتي كريمه راحت للمحامي عايزه في ايه 

شمس حاولة تتهرب منه و قالت

: جرا ايه يا عيسى انت هتفتح معايا محضر ايه مش كده يا ابني مش كده انا ما اذنبتش يعني و هي كانت عايزه في حاجه كده و خلصت خلاص

عيسى حاول يخفف من غضبه شويه ، و اتكلم بحنان

: انتي ليه مش قادره تفهمي يا حبيبتي اني بخاف عليكي و ببقا خايف تحصلك حاجه و انا ما اعرفش انتي فين او مع مين بعد اذنك بعد كده لما تيجي خارجه تعرفيني و تقولي ليا انا رايحه الحته الفلانيه و هبعتلك اي حد من الصبيان هنا يوصلك للمكان اللي انت عايزاه 

شمس

: حاضر مش هتتكرر تاني عايز حاجه تانيه خليني اقوم اروح بقى عند خالتك كريمه 

جنه كانت قاعده بعد ما كريمه خرجت لاقيت الباب بيخبط خافت تفتح بس لما رجع الباب خبط تاني 

حطيت الطرحه على شعرها و خرجت فتحت الباب لتنصدم بأكتر شخص بتكره في العالم واقف قدامها

برقت بصدمه كبيره و همسيت بذهول 

: فهد 

فهد حط ايديه على الباب يمنعها تقفله  ، و زقها لجوا البيت و دخل و قفل الباب وراه و قال بفحيح

: اه فهد كنتي مفكره اني مش هتلقيقي انتي لو في بطن الحوت هجيبك برضو 

جنه بصيت على باب البيت اللي قفله برعب و رجعت خطوه للخلف بخوف شديد و اتكلمت بدموع

: أنت ايه اللي جابك هنا امشي اطلع برا مش عايزه اشوفك تاني 

فهد راح عندها بهدوء دب في قلبها الرعب 

: بتهربي مني انا يا جنه مفكره اني هسيبك تبعدي انتي بتاعتي انا كلك على بعضك ملكي.. ملك فهد و بس عايزه تطلقي عشان تتجوزي غيري مش هخليكي تكوني لحد تاني حتا لو هتعيشي معايا غصب عنك و محدش هيعرف طريق ليكي و كل لحظه هسبتلك انك ملكي انا 

جنه بدات في البكاء بخوف شديد و هي بتدعي ربنا ان حد يجي يلحقها منه و من شدت خوفها صوتها مكنش طالع 

اتكلمت برعشه و صوت مهزوز 

: عشان خاطر اغلى حاجه عندك ابعد عني و امشي و اخرج برا 

فهد جه يمسكها جريت طلعت على السلم و هو طلع وراها

: انا مش هسيبك هاخدك معايا و انا ماشي 

انا بحبك يا جنه اكتشفت اني محبتش غيرك كنت مفكر اني بحب رندا بس من ساعت ما امتلكتك.. و انا مش قادر انساكي يا جنه كانك كنتي سحر و حالفه ما تخرجي من دماغي

جنه لاقيت نفسها فوق السطح رجعت للخلف و هي بتهز راسها بعتراض

: حرام عليك ابعد عني انت عايز مني ايه 

فهد بصلها بعشق ممذوج بجنون

: عايزك انتي صدقيني انا بحبك انتي 

فضلت ترجع للخلف لحد ما لازقيت في الحيطة بصيت على الشارع وراها و رجعت بصتله لاقيته قريب منها اوي طلعت على سور السطح و رجليها بتخبط في بعض و اتكلمت برعشه 

: لو قربت مني خطوه كمان انا هحدف.. نفسي من هنا و هموت نفسي

يتبع...... 

رواية حب بلا حدود 

بقلم حبيبه الشاهد

رواية حب بلا حدود الفصل السابع عشر 17 من هنا

لقراءة الرواية كاملة اضغط هنا (رواية حب بلا حدود)