رواية حبيبى المدير الفصل الأول 1 بقلم شيماء صبحى
رواية حبيبى المدير بقلم شيماء صبحى
 |
| رواية حبيبى المدير |
رواية حبيبى المدير الفصل الأول 1
#الفصل_الأول
في بدايه الرواية حابة أقولكم أنتو وحشتوني جدااااا وان شاء الله نستمتع مع بعض بقصه جديده ومختلفه 🩵صلوا علي سيدنا محمد واذكروا الله🙏🤍
"خرجت من باب الشركة اللي شغاله فيها وهيا حاطه إيديها علي رقبتها وبتقول بهمس:مش قادره تعبت أوي النهارده؟
قاطع كلامها اتصال من صديقه قديمه ليها من ايام المدرسه،استغربت ورفعت حاجبها وردت عليها.
صديقتها قالت بفرحه:حزري فزري مين رجع مصر يا احلام..؟
هزت احلام راسها بتعب وقالت:مش عارفه بس قولي بسرعه علشان انا طالعه من الشغل تعبانه وهموت وأنام؟
ضحكت صديقتها وقالت:طيب طيب بس قبل ما أقولك هو مين عاوزه أقابلك علشان وحشتيني؟
هزت أحلام راسها بالموافقه وقالت:خلاص خلينا نتقابل دلوقت في الكافيه اللي بنروحه علي طول وابقي قوليلي هناك مين دا اللي رجع مصر يلا مع السلامه ومتتأخريش عليا..
هزت صديقتها راسها بالموافقه واجابتها بابتسامة : متقلقيش مش هتأخر ؟
قفلت احلام المكالمه بتعب وبصت في ساعتها وقالت:مش مشكله هيا نص ساعه هقعدها مع مروه وبعدها اروح انام.. قالت كلامها ومشيت خطوتين ولاكنها افتكرت انها نسيت مفاتيح عربيتها في مكتبها ،جريت بسرعه ركبت الاسانسير وهيا بتاخد نفسها بصعوبه..
عدي دقايق وكانت وصلت لمكتبها اخدت المفتاح بسرعه وقبل ما تتحرك سمعت صوت جاي من غرفة المدير !
اتحركت ببطئ علشان متعملش صوت واول ما وصلت لمكتب المدير فتحت الباب بسرعه واتصدمت من اللي شافته؟
____________
في الكافيه كانت وصلت مروه صديقة احلام وكانت بتدور عليها في كل مكان لحدما شافتها قاعده وعلي ملامح وشها الحزن الكبير..
قربت منها بخضه وقالت:احلام مالك؟
رفعت احلام راسها لـمروه وقالت:انا اترفدت من الشغل يا مروه؟
شهقت مروه بصدمه وقعدت جمبها وقالت:ليه ايه اللي حصل ؟
رجعت احلام بضهرها لورا وهيا بتفتكر اللي حصل بعدما فتحت باب المكتب بتاع المديروبدأت تشرح لمروه؟
(وصلت لمكتب المدير وفتحت الباب بسرعه واتصدمت من اللي شافته كان المدير ومعاه السكرتيره وكانوا الاتنين في وضع مخ-ل '
احلام شهقت وحطت ايديها علي بؤقها بصدمه وقالت:يانهار اسود بتعملوا ايه؟؟
المدير والسكرتيره اتصدموا لما شافوها واقفه ومديهاهم ضهرها..
بصت السكرتيره للمدير وزقته بعيد عنها واخدت هدومها بسرعه وبدات تلبسها؟
المدير بص علي احلام وقال:أحلام انتي فاهمه غلط؟
احلام خرجت من المكتب وقفلت عليهم الباب وهيا مش مستوعبه اللي شافته وبعد دقائق خرج المدير ومعاه السكرتيره وكانوا الاتنين واقفين قدامها وباصين في الأرض..
السكرتيره قالت بعياط:ارجوكي يا احلام متفضحنيش..؟
رفعت احلام راسها ليها وقالت:فضيحة؟؟ خايفه من الفضيحة يا هاجر .
السكرتيره بدات تنهار من العياط وبصت للمدير وقالت:دا جوزي يا احلام انا معملتش حاجه غلط؟
احلام هزت راسها بصدمه اكبر وقالت:جوزك يعني ايه؟
المدير رفع حاجبه بتحدي وبص لاحلام وقال:يعني انتي غلطتي لما دخلتي المكتب من غير ما تستأذني وعموما زي ما هاجر قالتلك بالظبط احنا متجوزين؟
احلام بصت لهاجر وقالت:ايه اللي بتقوليه دا انتي ناسيه انه اكبر منك في السن وكمان متجوز ومخلف؟
انهارت هاجر اكتر من العياط وبصتلها وقالت:اصل انتي عارفه ظروفي وانا كنت محتاجه… مقدرتش تكمل كلامها وشهقت من كتر العياط.. قاطع كلامهم المدير وبص لاحلام بغضب وقال:اسمعي يا احلام انتي موظفه شاطره وانا مقدر كل دا بس من بعد اللي حصل دا انتي ملكيش اكل عيش هنا تاني.
احلام رفعت حاجبها بصدمه وقالت:يعني ايه انت اكيد بتهزر انا بقالي هنا ٥ سنين؟
المدير بص للسكرتيره وقال :روحي انتي يا هاجر وانا هحل الموضوع دا معاها متخافيش.
هاجر هزت راسها ومشيت بسرعه وسابتهم والمدير وقف قدام احلام وقال:انتي السبب في خسارتك لشغلك لولا تطفلك دا مكنتش كل حاجه باظت..
احلام زعلت من كلامه وبصتله بتحدي وقالت:انت ازاي تضحك عليها وتدمر مستقبلها دي لسا بنت صغيره ،انا هوديك في داهيه؟
المدير مسح علي وشه بغضب وقال:ميخصكيش الكلام دا كله واتفضلي بق لمي حاجتك دي وامشي من هنا ؟
قال كلامه وهوا بيزقها بعيد عنه ولاكن
احلام اتعصبت أكتر من كلامه ورفعت ايديها علشان تضربه ولاكنه مسك ايديها بسرعه وضغط عليها جامد وقال بغضب:اخر مره هحظرك لو ممشتيش من هنا هقضي الليله معاكي بدالها ..
أحلام فتحت عينيها من الصدمه وقالت بغضب:انت بني آدم قذ"ر وانا مش هسكت علي اللي حصل دا وهفضحك..
المدير اتعصب أكتر وقرب منها ولاكنها كانت مشيت من قدامه واتحركت لمكتبها اخدت كل حاجتها وحطتها في كرتونه وبعدها خرجت من الشركه بغضب..)
مروه قالت بصدمه:الحيوااان ازاي يعمل كده !
احلام مسحت دموعها اللي نزلت غصب عنها وقالت:بس انا مش هسكت يا مروه دا لازم يتفضح علشان يعرف ان الله حق واكيد دي مش اول بنت يظلمها بالشكل دا!
مروه خبطت علي كتفها وقالت:اهدي يا احلام وبعدين متنسيش ان البنت دي تبق مراته يعني ممكن الموضوع يقلب ضدك ويقول انك بتعملي كل دا علشان متجوزكيش انتي واتجوزها هيا..
رفعت احلام حاجبها وقالت بغضب:اناا احلام ابص لدا؟
مروه حركت راسها بالرفض وقالت: انسي يا احلام اللي حصل هما حُرين مع بعض ، انا عارفه انك خايفه عليها بس هيا برضوا محدش غصبها تتجوزه وعملت كل دا بمزاجها؟
احلام خبطت رجليها الاتنين في الارض بسرعه وقالت: عندك حق ان شاء الله يولعوا هما الاتنين..
مروه رجعت بضهرها لورا وقالت:طيب هتعملي ايه في موضوع الشغل بعد اللي حصل.
احلام قالت بتحدي :اكيد هشوف شركه تانيه اكيد مش هقعد احط ايدي علي خدي من غير شغل..
مره هزت راسها ولاكنها افتكرت حاجه مهمه وقالت بحماس:استني يا احلام مش انا كنت بقولك ان في حد مش هتتوقعي انه رجع مصر تاني؟
احلام هزت راسها وقالت:ايوا صح مين دا صحيح ؟
مروه ابتسمت وقالت:ماهر! ماهر الصياد يا احلام.؟
_____________
بداخل شركة الصياد وبالتحديد في غرفة المدير التنفيذي للشركة كان موجود ماهر الصياد وبجانبة السكرتيرة الخاصه بيه كانت واقفه وهيا باصه في الأرض بتوتر.
ماهر حط الأوراق قدامه وقال بضيق:انا قولتلك الملفات دي تروح لمين؟
البنت بلعت ريقها وقالت بتوتر: استاذ نصر مدير الحسابات ..
كمل كلامه وقال بنفاذ صبر:ودلوقتي بقا راحوا لمين؟
البنت قالت بدموع:أستاذ انور المحامي؟
وقف ماهر بضيق وقال:يعني اعمل فيكي ايه دلوقتي!! بص لوشها ولقاها بتعيط فقال بضيق:هو انتي هتعيطيلي..
البنت بخوف منه قالت :انا أسفه يا مستر ماهر والله مش هتتكرر تاني صدقني دا بس حصل كده علشان كنت متوتره..
مشي ماهر خطوتين وحط إيديه الأتنين في جيبه ولف بجسمه وقال وهو بيبص عليها:طيب انا مش عاوز أظلمك معايا وارفدك خصوصا انك لسا خريجه يعني معندكيش خبره كافيه تكوني مديرة مكتبي فانا هنقلك لقسم الحسابات متدربه اتفضلي يا انسه وابعتيلي استاذ نصر مدير الحسابات؟
هزت راسها باحترام وخرجت من المكتب وهيا بتفرك في ايديها لحدما وصلت قسم الحسابات وقالت:أستاذ نصر مستر ماهر عاوزك في مكتبه؟
وقف نصر وهز راسه واتحرك بسرعه لمكتب ماهر واول ما دخل قال:تحت أمرك يا مستر ماهر؟
ماهر كان بيبص علي الطريق من النافذه فبصله وقال:ياسيمن هتكون متدربه معاك وعاوزك تعلن عن مديرة مكتب متقلش خبرتها عن ثلاث سنين عاوزها تكون عندي بكره.
نصر قال باحترام :أوامرك يا فندم؟
رفع ماهر صوباعه وشاورله يخرج وفضل هوا يبص علي الطريق بهدوء ؟
__________
أحلام قالت بصدمه:قولتي مين؟
مروه بضحكه:انا كنت عارفه إنك هتتفاجئي لما تعرفي ، انا عرفت ان هنا بقاله اكتر من ٣سنين ودلوقت بق عنده شركه كبيره جدا واسمه معروف بس اقولك حاجه انتي لو شوفتيه ممكن يغمي عليكي من شدة حلاوته .
رفعت احلام حاجبها بسخريه وقالت: ماهر وحلاوه الاتنين مع بعض؟
ضحكت مروه بهستريه وقالت:اللي يسمعك وانتي بتقولي كده ميشوفكيش وانتي دايبه فيه من اعدادي..
قلبها اتحرك اول ما مروه قالت كلامها فوقفت احلام وقالت برفض:انا بصراحه ميهمنيش رجع ولا مرجعش انا مالي المهم دلوقت الاقي شغل علشان الاقي أكل انا وزقزوقه الاستاذ ماهر بتاعك دا ميأكلش عيش..
مروه بصت عليها وقالت بسخريه:برضوا؟
لفت احلام بجسمها وهيا بتاخد شنطتها وغمزتلها وقالت:حاسبي بق علشان انا مفلسه..
اتصدمت مروه وهيا بتبص للاكل اللي احلام طلبته فقالت بصوت عالي:يا احلااام متهزريش؟
وقفت تبص تاني للاكل وقالت بصوت عالي اكتر : احلاام استنييييي؟
كانت احلام خرجت من الكافيه وركبت عربيتها واتحركت وهيا بتضحك…وسابت مروه لوحدها في الكافيه.
وفي طريقها كانت مشغله أغاني بصوت عالي كعادتها لأنها مبتحبش تسمع الدوشه بتاع الطريق جالها اتصال من مروه فردت عليها وهيا بتضحك وقالت:ايه يا حبيبتي في مشكلة ولا ايه ؟
مروه قالت بصوت عالي :مش مسمحاااكي يا أحلام!
ضحكت احلام من قلبها وقالت:معلش معلش الاصحاب لبعضيهم..! مروه كانت متغاظة من احلام فقالت بضيق: طيب يا احلام انا بق مش هسكت غير لما اخد حقي منك ..
ضحكت احلام وقالت:مش لما تشوفيني تاني بق.
مروه حركت راسها وقالت:هشوفك يا احلام بس مش هرحمممك وقتها…ضحكت احلام علي كلامها وبسبب انشغالها معاها ما أخدتش بالها من الكمين اللي كان علي الطريق فقبل ما تخبط الظابط كانت وقفت العربيه بصدمه ..
اول ما احلام انتبهت للي بيحصل قفلت بسرعه في وش مروه وبصت للظابط ورفعت ايديها وقالت: هو أنا لو حلفتلك ان مكنش قصدي واني ما اخدتش بالي اصلا هتصدقني..
الظابط قال بصوت قوي وغاضب:هاتولي البت دي علي البوكس؟
يتبع
الفصل الأول 😂
توقعاتكوا ايه اللي هيحصل لأحلام ويا تري هتلاقي حد هينقذها من الورطة دي ؟🤔
بقلمي شيماء صبحي
#حبيبي_المدير
#الكاتبة_شيماء_صبحي
رواية حبيبى المدير الفصل الثانى 2 من هنا
الرواية كاملة من هنا (رواية حبيبى المدير)
