رواية خديجه الفصل التاسع والثلاثون 39 بقلم جهاد سعيد
رواية خديجه بقلم جهاد سعيد
وقفنا المرة اللي فاتت لما صحاب ام باسم اتصدمو.
خديجه بابتسامه : مالكو كلكو بتبصولي كده ليه هو أنا فيا حاجه غلط.
رجاء بصدمه : مين دي ياصافي
ام باسم بضحك : دي مرات ابني خديجه لسه قايله ليكو من شويه.
شاهي : بس هي كانت لابسه ايه من شويه ودلوقتي مش فاهمه حاجه.
خديجه بمرح : قصدك العفريته اللي كانت هنا من شويه لا معرفهاش.
(خديجه لابسه عبايه استقبال جميله جداً ولونها فوشيا اللون اللي هي بتحبه وفرده شعرها وجايباه علي جنب وحطت ميكب خفيف لأنها متعوده علي كده. )
خديجه : مش معني اني بلبس بره البيت شوال فحم زي ماناس كتير بتقول يبقي جوه بيتي ابقي معقده جوزي في عيشته بالعكس اكتر ناس تلاقيهم مهتمين جداً بشكلهم ويحبو يظهرو زينتهم هما المنتقبات لأنهم بره بيخفو زينتهم والمرأه مجبوله علي حب الزينه واظهار الزينه يعني المرأه اللي بتحب تهتم بزينتها بره تلاقيها مهمله جدا جوه بيتها لأنها اهم حاجه عندها اني الناس يشوفوها جميله مش مهم جوزها يمدح فيها ولا لا زي مامهم الناس يقولو الشياكه والأناقه فيها.
البنت المنتقبه بتطلع كل الأبداعات اللي جواها قدام زوجها وفي بيتها اما بره دايماً بتطلع من غير زينه عشان ترضي ربنا.
شاهي : بس ياحبيبتي كنت دايماً اسمع مثل شعبي بيعجبني جداً كلي اللي يعجبك والبسي اللي يعجب الناس.
خديجه بابتسامه : ياطنط ربنا قال وان تطع اكثر من في الارض يضلوك.
حضرتك بتقولي البس اللي يعجب الناس لا ياطنط كلي اللي يعجبك والبسي اللي يرضي رب الناس.
من امتى واحنا بناخد دينا من الأمثال ربنا قال. (ياايها النبي قل لأزواجك وبناتك ونساء المؤمنين يدنين عليهن من جلابيبهن. )
حضرتك بقا هتسمعي كلام الناس اللي يودي جهنم ولا تسمعي كلام رب الناس لما ادخل القبر محدش من الناس هيدخل معايه انا ميهمنيش سخرية حد مني لاني يوم القيامه هقف قدامهم ونشوف مين هيسخر من مين ساعتها.
رجاء بحب : مرات ابنك زي القمر ياصافي.
ام باسم بفخر : ربنا يحميها ويبارك فيها من يوم مادخلت بيتنا والسعاده دخلت معاها فعلاً اللي يختار علي اساس الدين بيكسب سعادة الدنيا والأخرة
خديجه بخجل : عن اذنكو
ام باسم : اتفضلي ياحبيبتي.
شاهي بحب : بجد مرات ابنك غيرت نظرتي للمنتقبات اول مره اشوف منتقبه في بيتها طول عمرنا نشوفهم بره وحكمنا عليهم من المظهر الخارجي مكناش نعرف انهم مش زي مااحنا مفكرين.
ام باسم : عمر ماكان الدين سبب لتعاسة حد بالعكس اللي بيتمسك بدين ربنا بيكسب دنيتو واخرتو
مشيو صحاب ام باسم.
خديجه طلعت تبكي لربها خايفه قوي تكون بتعمل كل ده رياء.
افتكرت سميه مرنتشي عليها من امبارح.
خديجه بتتصل علي سميه.
سميه بحزن : السلام عليكم.
خديجه بقلق : وعليكم السلام ورحمة الله مالك.
سميه حكت ليها كل حاجه حصلت.
خديجه بابتسامه : لعل الله يحدث بعد ذالك أمرا الحمد لله أن ربنا بينو ليكي من دلوقتي كنت عايزاكي في موضوع.
سميه بجديه : خير
خديجه : باسم جايبلك عريس وقبل ماتتكلمي هو متقدملك من قبل مالأخ ده يتقدم وانا أجلت الموضوع لحد مااشوف هتعملي ايه مع أخينا ده والحمد لله جت من عند ربنا وهو نحسبه على خير وماشاء الله عليه.
سميه : مين ده
خديجه : صاحب باسم
سميه براحه : ربنا يقدم اللي فيه الخير.
خديجه بابتسامه : بإذن الله هكلم باسم واعرفه أنك موافقه تشوفيه.
سميه بابتسامه : إن شاء الله أنا متأكده أن ربنا مش هيخذلني ومش معنى اني مريت بتجربه فاشله ابقي اكره الزواج احنا واثقين في اختيار ربنا.
خديجه : اتأكدي من حاجه احنا بنشوف الوحش الأول عشان لما يرزقنا بالحلو نعرف قيمته ونشكره من كل قلبنا علي النعمه دي
سميه بحسن ظن : إن شاء الله ربنا هيختار ليا اللي في الصالح.
جه ماجد واتقدم لسميه وهي ارتاحت ليه جداً وهو ارتاح ليها وحس إنها هتعينه اكتر واكتر علي طاعة ربنا وبعد الأستخاره اتفقو علي كتب الكتاب بعد الأمتحانات خديجه فرحت جداً إنها هتفرح بصحباتها وسميه مشيت بالضوابط وماجد فرح جداً إنها عملت كده لأنه بحث كتير وعرف يعني ايه خطوبه بالضوابط الشرعيه.
تسريع في الاحداث
جه يوم العقد وانكتب الكتاب وخديجه عملت معاهم زي ماعملت في العقد بتاعها ويمكن اكتر وفضلت تدعو إلى الله وتتكلم عن الجنه ونعيمها والنار وعذابها وبعد كده اتكلمت علي نعمة الإسلام وبعدها فضلت تهزر وتضحك عشان ده فرح وشغلو أناشيد وفضلو يغنو ويرقصو وفضلت تتنطط من كتر الفرحه.
الترم التاني بدأ والبنات قررو انهم هيشترو لبس جديد وباسم قرر يروح يوصلهم وكمان خديجه عايزه تشتري لبس لدار الأيتام وتشتري ليهم أكل وحاجات عشان تزورهم هي متعوده على كده لأن النبي صل الله عليه وسلم قال أنا وكافل اليتيم كهاتين في الجنه وأشار بأصباعيه الشريف.
هي كانت بتلم تبرعات اما دلوقتي بتاخد من فلوس جوزها وكمان كانت بتطلع لدار واحده دلوقتي بقت بتطلع لكذا دار غير المستشفيات.
خديجه : اخدتهم وفضلت تلعب مع الأطفال وياسمين اخدت خطيبها وسميه كل واحد فيهم حس بالسعاده وهما مع الايتام وفرحو جداً إنهم بيعملو عمل صالح زي ده.
خلصو وكل واحده هتركب مع خطيبها وخديجه مع زوجها باسم والشباب راحو يجيبو العربيات وخديجه والبنات واقفين خديجه بتبص لقت بنت سابت مامتها بتنزل الحاجات وبتعدي الشارع.
خديجه جريت علي البنت دي وزقتها والعربيه خبطت خديجه وخديجه وقعت علي الأرض.
سميه وياسمين : فضلو واقفين ويصرخو بأعلى صوتهم من المنظر والناس وقفت واتلمت باسم جري يشوف في ايه اتصدم لما لقى اخته بتصرخ وتنادي
بأعلى صوتها : خديييجه
باسم جري لقى الدم علي الأرض والناس واقفين مش عارفين يعملو ايه.
باسم مصدوم حط راس خديجه علي رجله.
ماجد بصريخ : هاتوووو أسعاف بسرعه مش هينفع نشيلها
الأسعاف جت وشالو خديجه وباسم لسه مش حاسس بالدنيا.
ماجد : فوووق ياباسم الحق مراتك فوق ياصاحبي واخده وركب العربيه وجريو ورا الأسعاف.
وصلو المستشفي والبنات حاضنين بعض وبيعطو
وباسم واقف زي ماهو مش فايق وايديه وهدومه كلهم دم من خديجه.
ابو خديجه واخواتها وامها وصلو وابو باسم ومامته كلهم متجمعين وكلهم بيبكو ومنهارين خايفين.
الدكاترة بيجرو ينعشو فيها وبيحاولو يعملو كل اللي يقدرو عليه
ماجد بيصرخ : فووق بقاا وبيهز فيه جامد وباسم بيتردد في دماغه كلام خديجه.
لو مت هتعمل ايه. وفاة الرسول وموقف ابي بكر. فهم أنها كانت حاسه انو هيجرالها حاجه أوعى تعلق قلبك بغير الله.
باسم بيصرخ بدمووع وانهيار : لالالااااااااا خديجه يارب لا أنا بحبك يارب رجعها ليا احميها يارب متحرمنيش منها صدقني يارب أنا عارف انك مش هتوجع قلبي عليها.
باسم فضل يبكي لأول مرة وانهار من شدة خوفه اني خديجه تموت.
اهل باسم وخديجه منهارين من البكاء.
باسم جري راح اتوضى افتكر كلام خديجه كل مايصيبك هم او كرب اعمل زي ماحبيبك النبي صل الله عليه وسلم كان بيعمل افزع إلى الصلاه وادعي بكل صدق واتأكد أن الدعاء بيغير القدر اوعى تطلب من مخلوق ولا تبكي قدام مخلوق اسجد لربك واشكي همك وصدقني ربنا مبيكسفشي عبد وقف علي بابه.
باسم دخل المسجد وفضل يصلي ويقرء وهو منهار بدأ بسورة العنكبوت هي دي اللي جت علي لسانه وأول لما قرء قوله تعالي (احسب الناس ان يتركو ان يقولو أمنا وهم لا يفتنون)
افتكر كلام خديجه لما قالت الأبتلاء ده عشان ربنا يختبر صدق إيمانك عرف إنها رساله من ربنا ليه.
باسم فضل يبكي ويقول يارب أنا مش هسيب بابك حتي لو اخدتها عندك يارب اوعدك هفضل واقف علي بابك يارب أنا بدعيلك ليس سخطاً ولكن طمعاً في كرمك يارب احفظهالي يارب اشفيها يارب كون معاها يارب وكلتك شفاء زوجتي يارب انقذها يارب مفيش حد هيرجعها غيرك فضل يبكي ويبكي😔.
انتهى من الصلاه قعد يذكر ربنا خديجه دايماً تقول ليه اترك الناس وروح لرب الناس وصدقني هو مش هيخذلك ابداً أنت بس ادعي واحسن الظن بيه.
باسم مسح دموعه وراح وقف قدام العنايه مستني خديجه تطلع ليه هو عنده حسن ظن بربه.
كلهم استغربو بس فضلو يعيطو قال ليهم بدل ماتفضلو تعيطو روحو صلو وادعو ربنا يخرجها لينا بالسلامه.
باسم لقى كل الدكاترة داخلين وبيبص لقاهم بيعملو ليها صدمات كهربائيه غمض عنيه من المنظر وسلم امره لله وفضل يردد احسب الناس ان يتركو ان يقولو أمنا وهم لا يفتنون فضل يرددها والدكاترة بتعمل صدمات كهربا لخديجه وباسم نازل يرد احسب الناس ان يتركو ان يقولو أمنا وهم لايفتنون رسالتك وصلت يارب راضي يارب رسالتك وصلت يارب رسالتك وصلت يارب رسالتك وصلت يارب الحمد لله الحمد لله الحمد لله أنا راضي يارب 💔
ياسمين وسميه انهارو ياسمين اغمي عليها مش قادرة تستحمل اكتر من كده وسميه مش مصدقه فعلاً الإنسان بيموت في لحظه كل نفس ذائقة الموت.
سميه افتكرت كلام خديجه وانها السبب في اللي هي فيه وافتكرت ضحك خديجه ورخامتها وهزارها وافتكرتها لما كانت بتتكلم عن ربنا وتأثرها وهي عنيها كلها شوق.
مني جت هي وخطيبها واهلها ومنى انهارت لما شافت خديجه بيتعمل ليها صدمات كهربائييه فضلت تردد وإن اصابتهم مُصيبة قالو إن لله وإن إليه راجعون افتكرت خديجه لما قالت لازم دايماً نفتكر الرجوع إلى الله
منى : خلاص ياخديجه مش هتحضري فرحي خلاص مش هتزعقيلي لو مااشتغلتش في الدعوه إلى الله قومي ياخديجه قوليلي ايه يامنى مش عايزه تكوني جُند من جنود الله قومي ياخديجه زعقيلي لو تركت القيام قومي ياخديجه هزري معايه قومي قولي أنا مالي ومال التعليم ياارب اشفيها هي بين ايديك يارب اشهدك إنها كانت نعم الصاحبه الصالحه ليا يارب كانت بتعني دايماً على طاعتك رُدها ألينا يارب بخير وسلامه.
منى ولئن اصابتهم مُصيبة قالو إن لله وإن إليه راجعون إن لله وإن إليه راجعون.
كلهم زادو في البُكاء اكتر واكتر.
ام باسم افتكرت لما كانت بتسمع المسلسل وخديجه نزلت وشافتها.
فلاش باك.
خديجه بابتسامه : السلام عليكم ياست الكل.
ام باسم بحب : وعليكم السلام ورحمة الله وبركاته تعالي يادودو أقعدي اسمعي معايه.
خديجه : لا شُكراً ياماما أنا مبسمعشي الحاجات دي.
ام باسم باستغراب : هي حرام ولا أنتي مبتحبيش تسمعيهُم.
خديجه : لا هي حرام حرام حرام ومش كده وبس ده بتدخل في الكبائر بسبب مشاهد بتيجي واحنا واخدين بالنا
ام باسم بشهقه : كمان من الكبائر ليه يعني
خديجه بابتسامه : أنا قُلت بتدخل في الكبائر ليه بقا لأني فيها مشاهد زنا والعياذ بالله وكذب وحب مُحرم واكتر من كده أنا وأنتي مأمورين بغض البصر وعدم الأختلاط بالرجال وكل ده بيبقي في الفيلم الواحد والمسلسل الواحد غير القتل اللي بيحصل فيهم غير الأفلام المُقرفه اللي طالعه زي عبده موته والأشكال دي غير إنهم دايماً بيسواءُ سُمعة الدين.
ام باسم. بصدمه : كل ده في مسلسل واحد أو فيلم بس أحنا بنسمعه لتسليه بس ولا بستفاد منهم حاجه وبعدين هما اللي بيختلطو وزنا ايه ده كله تمثيل ياحبيبتي يعني مش حقيقه.
خديجه بنفس الابتسامه : ياحبيبتي يامامتي مفيش حاجه أسمها بنتسلى لأني يوم القيامه ناس هتقول لربنا أنّ كُنا نخوض ونلعب ربنا رد عليهم قل ابالله واياته كنتم تستهزؤن يعني الكلام ده مينفعشي نقولو قدام ربنا أنا مش هسمع الفجور دي واقول كنت بتسلى عايزه تقضي وقتك بحاجه مباحه أو بقراءة عن السيرة عندك حاجات كتير جداً تقضي وقتك من غير ماتعصي ربنا وموضوع ده تمثيل اسفه علي اللي هقوله
بس حضرتك هجيب كاميرا واصورك أنتي وبابا واقول تمثيل لا وانتو زوج وزوجه أو اروح اجيب اي راجل واقعدو علي سرير مع اي ست واجيب كاميرا واقول ده تمثيل.
ام باسم بشهقه : لا طبعا بس أحنا مالنا
خديجه : للأسف اللي بيشوف المنكر ومينكرهوش ده بيبقي شريك معاهم في الذنب مش تتفرجي عليهم وبسببك ياخدو ملايين ويزيدو في الفجور أكتر وبعدين حضرتك بتقولي مش بيأثرو علينا وكله عارف انو تمثيل لا هما عارفين بيعملو ايه أنا لما كنت بتفرج علي أفلام أيام زمان واشوف المُلتزمين اللي هما جايبينها زي فيلم عادل امام، وياسمين عبد العزيز وغيره وغيره كنت بخاف جداً من الألتزام بسبب أنهم متشددين بالطريقه دي وبيتعاملو مع أهل بيتهم بالطريقه دي.
ولما ربنا رزقني الألتزام وعرفت يعني ايه حيات الملتزمين عرفت أنهم كدابين وبيشوهو سمعة الدين.
وللأسف مرة بتخانق مع اخويه خناقه عاديه لقيته بيقولي أنتو كلكو كده كرهتو الواحد في الدين تفضلو تقولو لناس حرام وحلال وياريت بطبقوه علي نفسكو
أنا اتصدمت كلنا مين أنا متربيه معاهم ومعرفشي حد غيرهم وامتا كرهت حد في الدين وامتا شاف عليا اني بقول حلال وحرام ومش بطبقه علي نفسي عرفت ان أعداء الدين وصلو صورة رسالتهم صح أن الناس تخاف من المدينين اوعي ياماما تشاركيهم في هدم الدين اوعي يوم القيامه يكون معاكي جبال من السيئات بسبب الناس دي ربنا يهدينا ويهديهم اوعي ياماما.
ام باسم : قفلت الشاشه وقالت مستحيل أرجع اعمل كبيرة زي دي تاني.
خديجه بسعاده : ربنا يرزقك الفردوس الأعلى من غير حساب ولا سابق عذاب يبقي أدعيلي ياماما كتير.
ام باسم بتحضن خديجه : حاضر ياحبيبة قلبي يابنتي ياللي بطني مشلتكيش.
باك
ام باسم بدموع ورجاء وقلب بيتقطع : يارب كون معاها نجيها يارب كانت السبب في قربي أنا وعيالي ليك رجع لينا النور اللي كان مالي بيتنا يارب يارب ابني هيموت من بعدها يارب هي مهنشي عليها تبعد ابن عن عين امه يارب ياكريم أنا بحبك يارب نجيها يارب رجعها لينا بالسلامه.
وفضلت تفتكر خديجه ومواقف خديجه والبيت اللي دخلت فيه السعاده من يوم ماعرفو خديجه ابنها وبنتها وهي وزوجها.
ابو باسم افتكر خديجه وهزارها افتكرها وهي قاعده معاه وبتكلمه بكل ود واحترام افتكرها وهي بتحكي ليهم قصص الصحابه وعنيها بتلمع من شدة الشوق افتكرها وبكى من كل قلبه أفتكر إنها سبب سعادة ابنه بص علي ابنه لقاه واقف هو حاسس بيه مُتأكد اني بيتقطع من جواه ابنه منتظر وعنده أمل يارب ظني بك أنك تشفي مرات أبني وترجعها لينا بالسلامه.
ابو خديجه واقف وساند علي الحيطه مش مستوعب اني بنته جوه بتموت يالله افتكر لما كان يقولها نفسي أفرح بيكي قبل مااموت تقول ليه ياعالم مين اللي هيموت الأول
يضحك يقول أنا خلاص عجزت اما أنتي لسه شباب والعمر قدامك.
خديجه بابتسامه يابابا وإذا جاء أجلهم لا يستأخرون ساعة ولا يستقدمون يعني الموت بالأجل مش بالصغير ولا بالكبير.
ربنا يطول في عمرك وافرح بيكي واشوفك في بيت زوجك.
افتكر لما كان يدخل عليها في الثلث الأخير من الليل يلاقيها ساجده وبتبكي أفتكر هزارها ولعبها مع اخوها افتكر كل مرة قعدت وفضلت تكلمه عن ربنا.
ام خديجه مش قادرة أفتكرت كل مرة تكلم بنتها علي الزواج تقول ليها ياامي الزواج رزق زيه زي الموت هو حد يقدر يهرب من الموت قالت ولا حد يقدر يهرب من الرزق يعني اطمني رزقي جاي جاي.
أفتكرت كلامها أفتكرت كلام الناس عنها وإنها عرفت تربي افتكرت حضنها وحنانها أفتكرت كل حاجه مرت من وهي طفله أفتكرت لما قررت تلبس النقاب وهي بنوته صغيره.
مرات اخوها مصدومه افتكرت لما خديجه كانت بتقول ليها رحم الله فُلان كان وكان وكان لا يذكر إلا الأعمال عشان كده دايماً اعملي خير ومش ترميه في البحر لا حطيه في ميزان حسناتك.
عبد الرحمن : افتكر هزارهم وضربهم لبعض وافتكر وهي بتنصحه انو يلتزم ويتقرب لربنا اااااااه
وفجأه كلهم سمعو الدكاترة بيصرخو علي الممرضات وزودو في الصدمات والقلب بيضعف 💔
كلهم فضلو واقفين ويدعو وسميه ماستحملتش أكتر من كده واغمي عليها وياسمين عطوها مُهدء وام خديجه وقعت هي كمان.
وباسم الدموع بتنزل منه وهو واقف وبيدعي من كل قلبه.
يتبع
