رواية بريئة بسجن الأدهم الفصل الرابع 4 بقلم زهرة الربيع
رواية بريئة بسجن الأدهم بقلم زهرة الربيع
 |
| رواية بريئة بسجن الأدهم |
رواية بريئة بسجن الأدهم الفصل الرابع 4
#الرابع دخل الاوضه وقال بغضب.. معقوله الجنان اللي عملتيه ده فضحتيني قدامهم ده كلام تقوليه قدام خطيبتي
راكين صرخت في وشه وقالت.... ما افضحك انت تستاهل انا المفروض امانه عندك اللي بتعمله ده غلط
ادهم حمحم بحرج وقال..... يعني هو انا غلطت...تمام مكانش يصح اعمل كده...بس اعمل ايه ضعفت قدام القمر ما فيش سماح خالص
راكين ارتبكت لما قال كده وسكتت شويه وهو قرب اكتر وقال ...انا ضابط حراسات طول عمري شغلي حاجه وعلاقاتي حاجه وعمري ما اتجرات على اي واحده من اللي كنت بحميهم بس مش عارف ايه اللي بيجرى لي معاكي ....وقرب منها وثال...حلوه قوي يا صغيره اجمد انتاج يظبط المزاج
راكين اتكسفت قوي وقالت بارتباك.... برده ما يصحش تعمل اللي عملته احنا نقعد مع بعض لازم نحترم بعض لحد ما امشي
ادهم اتنهد وقال....تمام انتي معاكي حق ...معلش حقك عليا المره دي على فكره دي اول مره اقول لها لاي واحده
راكين ابتسمت بتوتر وقالت... تمام حصل خير
ادهم ابتسم وقال.... طيب يلا بينا عشان افطرك
راكين قالت... طيب اختك ما صحيتش ولا ايه
ادهم قال... ميس بتصحى بدري قوي بتفطر سندوتشات وتاخد مصروفها وتمشي يلا بينا ننزل
وفعلا نزلوا سوا ودخل على المطبخ وبقى يعمل لها فطار وهيه كانت قاعده على الرخامه قدامه وقالت بابتسامه ....ما قلتليش هو انت بتحب جوليا يعني اصلي مستغربه الصراحه
ادهم بصلها باستفهام وقال... مستغربه ايه بالظبط
راكين قالت ...اصل اول يوم لما زعلت سبتها تمشي ودلوقتي برده سبتها تمشي ومروق عادي مش كان المفروض تراضيها
ادهم قال بلامبالاه ....عادي انتي مسؤوليتي وما ينفعش اسيبك هنا في البيت وامشي وراها ابتسامه
بقلم...زهرة الربيع
راكين ابتسمت وقالت.... بس لو بتحبها ما كنتش اهتميت للمواضيع دي او كنت سبت نبيل هنا ورحت وراها
ادهم قال...شوفي انا مش بفهم قوي في قصص الحب دي بس عادي يعني جوري بنت كويسه ومتفهمه...وعارغه اني مش واصل معاها لمرحلة الحب
ركين قالت...يعني مبنحبهاش وخطبتها.
ادهم ابتسم وقال...وايه المانع....هيه واحده مناسبه وانا كده كده هتجوز ..مليت من الجمل المعتاده ... لازم تتجوز لازم ترتبط عايزين نشوف اولادك مش عارف ايه..انا اهلي مسافرين ومش بيشوفوني انا شخصيا مع ذلك كل ما يكلموني يقولي لي عايزين نشوف اولادك طب ما انا اولى تشوفوني واولادي في النهايه هيطلعو ايه يعني ما اكيد زيي وشبهي ولا انا هخلف خنافس يعني
راكين ضحكه وقالت ....بجد انت مسخره....طب يعني دي اسبابك للجواز انا كنت فاكر ان اي اتنين بيتجوزوا لازم يكونوا بيحبوا بعض عشان يستمرو
ادهم قال....لا مش شرط في ناس كثيره بتستمر ومن غير حب وفي حب بيجي بعد الجواز....و بص لها جامد وتاه في عيونها وقال ....و في حب بيجي من غير سبب ولا وقت من اول كلمتين ومن اول نظره عين
راكين بصيت لعيونه جامد وقالت.... بس ازاي نعرفه ونتأكد منه
ادهم قرب عليها قوي وقال.... من العيون بيبقى باين من لهفه العيون ودقة القلب..بيبقى حد من اول ما تشوفيه تقولي انه استثنائي تحسي انه منفرد بكل حاجه
ركين بقت تبصلو بابتسامه وهو كان تايه في جمالها بس خد بالو لانجذابه ليها واستغرب نفسه وحاول يبعد نظراته عنها وقال وهو بغير الموضوع..... طبعا الحاجات دي انتي مش هتفهميها كويس في النهايه انتي صغنونه ولسه تلاقيكي ما جربتيش اي حاجه من القصص دي
ركين قالت بسرعه.... انا مش صغيره انا عندي 18 سنه
ادهم ضحك وقال .....ما هو كده صغيره
ركين بصت له بضيق وقالت.... لا على فكره في بنات نفس سني وبتحب و بتتجوز عادي
ادهم ابتسم وقال.....افهم من كده انك بتحبي حد
ركين هزيت راسها بالرفض وقالت..... لا..... بس شكلي هحب
ادهم بص لها جامد لما قالت كده وكانت بينهم نظرات جميله جدا وقرب منها قوي بس حطت ايدها على صدره بتمنعه يقرب اكتر وقالت .....ادهم هتعمل ايه وبعدين
ادهم اتنهد وبعد بسرعه وقال..الفطار..... يلا حضرت الفطار وراحوا قعدوا مع بعض وبقوا يفطروا ويشربوا القهوه مع بعض وبيتكلمو ويضحكوا طول اليوم
بالليل ادهم اخذها هي وميس وراحوا يتعشوا في مكان على البحر كانوا قاعدين وبيطلبواالعشاء مشاوي ومبسوطين
في الوقت ده جات جوليا واول ما شافت راكين قالت بغضب انت مش قلت لي انك جايبني هنا علشان نتكلم جايب دي معاك ليه
ركين قالت بغضب.... انا لو اعرف انك جايه اصلا ما كنتش جيت بس هو جايبني على اساس هنتعشى
جوليا لسه هترد عليها ادهم قال بسرعه ....بس انتي وهي وبص لجوليا وقال بحزم....جوليا اقعدي لازم نتكلم ولازم تتعودي ان راكين هتكون معايا في كل مكان الفتره الجايه لو سمحتي اقعدي عشان نتفاهم
جوليا قعدت بضيق شديد وهو اتنهد وقال..... احنا بقالنا وقت كبير قوي مع بعض ما اقدرش اتجاهل انك مشيتي من البيت زعلانه عشان كده جبتك هنا اوضحلك اللي حصل... انا مفيش بيني وبين اركين اي حاجه وهي كانت بتهزر صدقيني...لو حابه تصدقي كلامي تمام مش حابه هتبقى كل حاجه براحتك اللي انت عايزاه هيتم
جوليا بصت لراكين وقالت.... هي تقول انها كانت بتهزر ولا لا
لو سمحتي تقولي ايه علاقتك بيه بالظبط
ركين بصت لأدهم بحزن وقالت....مفيش ما بيني وما بينه اي حاجه.... نبيل جابني عنده علشان الداخليه كلفتو بحمايتي ده اللي قاله لي انا كنت متضايقه منه وقلت كده علشان تتخانقوا بس
ادهم حس بحزن مش عارف سببه لما قالت كده اتنهد وهو بيبص لعيونها
جوليا فرحت جدا وقالت لركين ... ولو ان اللي عملتيه ده قله ادب وكان ممكن تفرقي اتنين بيحبوا بعض بس انا دلوقتي فرحتي برجوع ادهم هتخليني اتغاضى عن اللي حصل ده
ادهم ابتسم بالعافيه وطلب لها عشا وفضلمو سوا وهو عينه على ركين اللي كانت زعلانه جدا
بعد شويه جوليا طلبت منه يقوم يرقص معاها وفعلا قام وبقم يرقصوا وكانت ركين بتبص لهم بحزن شديد
ميس خدت بالها لنظراتهم طول الوقت بصت لها بابتسامه وقالت... هو في ايه بالظبط
ركين قالت بتوتر...احم ابدا.... تحبي نطلب حلو
ميس ضحكت وقالت.... ده انت اللي حلو يا حلو....وميلت عليها وقالت..... على فكره انا بطيق العمى وما بطقش البنت دي بصراحه مش لايقه على ادهم نظراته ليها مش حلوه زي مع ناس تانيه
راكين قالت بارتباك.... انتي قصدك ايه
ميس ابتسمت وقالت..... هوريكي قصدي اصبري شويه
واول ما جات جوليا وقعدت جنبهم على الطاوله ميس حركه ايدها بحذر كبت العصير عليها وقالت بخضه مصتنعه....ايه ده اسفه ..اسفه غصب عني يا حببتي
جوليا قالت بغضب..... مش تفتحي كده الفستان باظ
ادهم قال... جوليا بالراحه بتقول لك غصب عنها حصل خير
جزليا اتنهدت بضيق وقالت.... هو الحمام منين هنا
ميس قالت تعالي معايا انا هاخدك عليه ومشيت وهيه بتغمز لراكين
راكين ضحكت بخفه وبصت لادهم بحماس وقالت.... ممكن نرقص سوا لحد ما يجو
ادهم وقف بسعاده ومد ايده ليها وقال
..ده انا اتمنى يا سنيوريتا
ركين مسكت ايده وقامو وبقم يرقصو سوا بانسجام شديد وبينهم نظرات جميله اوي
ادهم قال بسعاده.... اجمل سهره سهرتها في حياتي
ركين قالت بضيق....اممم طبيعي مش اتصالحت مع خطيبتك
ادهم ابتسم وقال.... بس انا مش بتكلم على خطيبتي انا بتكلم عليكي انتي
ركين بصتلو بدهشه من صراحته وهو ابتسم وقال..... ايه هو انتي السهره مش عاجباكي ولا ايه
ركين قالت بسعاده..لا عجباني جدا كل حاجه اليومين دول عجباني
ادهم قربها لليه قوي وقال.... وايه بالظبط اللي عاجبك
ركين بصت لعيونه جامد وقالت بتوهان... انت
ادهم ابتسم باتساع بس هي قالت بارتباك وسرعه ....قصدي انت...انت بتسأل ليه مبسوطه وخلاص
ادهم ضحك جامد وبقى يتحرك معاها بسعاده وخفه وقال ....على العموم انا مبسوط انك مبسوطه ايا كان السبب... افتكرت انك هتضايقي معنا او تخافي من التهديد ده
ركين قالت بسرعه.... اخاف ازاي وانت معايا يا حضره الظابط انا سمعت ياما عنك ...وبعدين لولا التهديد ده ما كنتش اتعرفت عليك ..رب ضارة نافعه
ادهم ابتسم وبص لعيونها اللي بيلمعو بسعاده وسند جبينه على جبينها وقال....حلو قوي اللؤلؤ اللي بيلمع في عيونك الجوري الاحمر على خدودك كل حاجه فيكي سبحان الخلاق العظيم
راكين بصت لعيونه جامد بابتسامه وسعاده بس اختفت ابتسامتها لما جوليا قالت بغضب مكبوت..... ايه يا جماعه هتفضلوا ترقصوا كتير احنا بقى لنا كتير جينا من الحمام
اتنهدو بضيق وراحو قعده عن بعض وكملوا السهره وهما قاعدين سوا لحد ما مشيو ووصلو جوليا بيتها
و طلعوا على البيت وهما مبسوطين قوي
اول ما وصلو طلعو يناموا من التعب..... ميس وراكين ناموا مع بعض على السرير وكانوا بيضحكوا ويهزروا لنص الليل
وادهم نام على الكنبه قصادهم وكان اوقات يضحك على كلامهم واوقات يزعق لهم علشان يناموا ...وكل شويه يبص لراكين باعجاب شديد لحد ما راح في النوم
في صباح يوم جديد ميس قامت من النوم وراحت جامعتها زي ما متعوده وسابتهم نايمين
بعد شويه ادهم قام وكانت راكين نايمه ومعاها دبدوب كبير حضناه جامد وضماه اوي
قرب منها وهو بيمشي ايده على شعرها بحنيه وحاسس بشعور حلو لانه فتح عيونه على جمالها
راكين فتحت عينيها واول ما شافته قعدت بقلق وقالت
... في ايه يا ادهم بتعمل ايه
ادهم قرب منها و بص لعيونها وقال .....بتمنى ربك يقلب القلوب... وابقى مكان الدبدوب
ركين ضحكت بخفه لما شافت الدبدوب في حضنها وقالت.... احلامك بعيده قوي
ولسه هتقوم مسكها وقال.... هي بعيده بس ما فيش على ربك بعيد
ركين ابتسمت وسحبت ايدها وقالت ....فارق ورايق وصاحي تشقط على الصبح
ادهم ضحك جامد وقال...اشقط ..جبتيها منين دي المفروض ان والدك وزير
ركين ضحكت وقال....وفبها ايه هو الوزير نفسه كان بيشقط امال اتجوز ماما ازاي
بقلم...زهرة الربيع
ادهم ضحك وقال .....طب يلا بقى علشان افطرك واوديكي الجامعه اتأخرنا
ركين ابتسمت بسعاده وحماس وقالت... بجد هتوديني
ادهم ابتسم على سعادتها وقال.... اه بجد ...بس لازم افضل معاكي هناك دي اوامر
ركين ابتسمت بسعاده وقالت..... دي احلى اوامر في الدنيا
ادهم ضحك من قلبه وقال... اديك انت اللي بتشقط يا جميل بس بجد معاكي حق دي اطعم اوامر واحلى مهمه عديت عليا عموما
ركين ابتسمت وجريت على الحمام وهيه بتقول....انا هجهز بدل ما نتأخر
ادهم ابتسم وهو بيبص لطيفها واتنهد وقام يجهزله هدوم
بعد شوبه كانو جهزو ونزلو سوا فطرها واخدها على الجامعه وفضل معاها دقيقه بدقيقه
ادهم كان شيك جدا وجذاب زي العاده وكل اصحابها عينهم عليه وهو كان جاهز يتكلم مع اي واحده تكلمه و ده اللي خلي راكين هتتجنن طول اليوم
وهما راجعين كانت قاعده في العربيه متضايقه جدا ومش بترد عليه
ادهم استغرب وقال.... هو في ايه من ساعه ما خرجنا وانت لابسه الوش الخشب ده في حد ضايقك هناك
ركين قالت بغيظ..... لا فبه حد هنا مضايقني.... انت ازاي على الله حكايتك كده ماشي توزع نظرات لله في لله كده سفاله متنقله ماشي تعاكس على روحك
ادهم ضحك جامد من قلبه وقال... انا عملت ايه لكل ده اناحتى ما كنتش شايف غيرك
ركين قالت بغيظ شديد.... يا سلام مش شايف غيري..ده انا تقريبا الوحيده اللي مشوفتنيش... قال مش شايف غيري قال بامارة ميرنا
ادهم قال باستغراب وتفكير ...ميرنا ..ميرنا مين دي مش فاكر والله
ركين قالت بضيق مش فاكر مين... دي يا حبيبي اللي قلت لها التوب دمار ..والبنطلون يودي النار
ادهم عض على شفته وقال بوقاحه يا خرابي ده حتت بنطلون يخلي العاقل مجنون
ركين ضربته بكتاب في ايدها بغضب وقالت....وانبي ايه
ادهم ضحك وقال...اه والله ده فيزون يا بت فيزووون يعني لو قلعاه هيبقى احسن من كده
ركين بصتلو بغيظ وقالت ....سوق وانت ساكت كده متنطقش خالص...طب ايه رايك مش رايحه الجامعه تاني وحتى لو روحت مش هاخدك معايا
ادهم ضحك جامد وغمز لها بطرف عينه وقال ....اهدى على نفسك يا صغير القلب لو فكر كتير بيتعب
راكين حمحمت بحرج وتوتر وقالت....ااا . قصدك ايه
ادهم اتنهد وقال ...قصدي ان كلها ايام هيتحدد الوزير الجديد والدنيا تستقر وترجعي لاهلك مش عايزك ترجعي خسرانه حاجه فهمتيني
ركين رفعت عينها ليه وابتسمت وقالت.....اتاخرت يا حضرة الظابط انا خسرت خلاص
ادهم اتسعت عينيه بزهول لما قالت كده ووو
رواية بريئة بسجن الأدهم الفصل الخامس 5 والأخير من هنا
الرواية كاملة من هنا (رواية بريئة بسجن الأدهم)
