رواية بريئة بسجن الأدهم الفصل الخامس 5 والأخير بقلم زهرة الربيع
رواية بريئة بسجن الأدهم بقلم زهرة الربيع
 |
| رواية بريئة بسجن الأدهم |
رواية بريئة بسجن الأدهم الفصل الخامس 5 والأخير
#الأخير اتاخرت يا حضرة الظابط انا خسرت خلاص خسرت حاجه متتعوضش
ادهم اتسعت عينيه بزهول لما قالت كده وفضل بص لها وقلبه بيدق جامد من جملتها
ركين ابتسمت وغمزت بشقاوه وقالت..... ابقى بكره خلينا نطلع نتسوق عايز اشتري بنطلون فيزون فيزوووون
ادهم ضحك جامد وطلع بيها على البيت وهو بيهز راسه بياس من كلامها
عدت الايام وكانوا مبسوطين قوي هم الثلاثه في البيت ويعملوا كل حاجه سوا وادهم كان بيقرب قوي من راكين ومبسوط بحياته معاها
وركين اتعودت جدا عليه وكان بيذاكر لها ويعملوا كل حاجه سوا مع بعض
في يوم كانو على البحر وركين قالت استغراب ....هو احنا هنا ليه مش كنا استنينا ميس لما ترجع وطلعنا سوا
ادهم ابتسم وقال . اهدي ثانيه بس وهفهمك كل حاجه
راكين ليه هترد بس بهتت ملامحها لما شافت جوليا جايه عليهم
ادهم اتنهد وقال....ركين خليكي هنا دقائق هقول لها كلمتين بس وعايزك في موضوع
ادهم راح قعد مع جوليا على طاوله وكانت راكين واقفه عند البحر بتبصلهم بحزن
جوليا قالت ...فيه ايه يا ادهم موضوع ايه الللي ميستناش ده
ادهم اتنهد وقال ....جوليا انا اسف انا ما تخيلتش في يوم ان انا ممكن اقول الكلام اللي هقوله لك ده ....بس انا...انا دلوقتي بس عرفت يعني ايه يا حب و عرفت انا عايز ايه....الاول كنت هتجوز كده وخلاص جايز ما تفهميش اللي هاقوله بس انا عرفت ان احنا لو اتجوزنا لمجرد ان انا اصدقاء هنفشل اكيد...خصوصا اني...اني لاول مره قلبي يدق يا جوليا
جوليا نزلت دموعها وقالت ...انا كنت حاسه انك عايزني عشان كده..... وبصت لراكين وقالت هيه مش كده
ادهم اتنهد وقال....مش بايدي يا جوليا والله مش بايدي
..لو قدرت امنع نفسي كنت عملت كده..علشان فرق الطبقه والسن وكل حاجه ....بس غصب عني سامحيني
جوليا وقفت بدموع وقالت...لا ما كانش غصب عنك يا ادهم انا من الاول كنت متاكده انك هتعمل فيا كده و
و لسه هتكمل شافت ادهم واقف متجمد وعنيه مفتوحين على الاخر قالت باستغراب...فيه ايه
بس ادهم مردش وجري بسرعه ناحيه البحر وهو بيصرخ بصوت عالي وبيقول....ركيييييييين
ركين التفتتله باستغراب
وهوطلع سلاحه و نط قدامها وضرب رصاصه بسرعه بس في الوقت ده خرجت رصاصه من نفس المكان اللي صوب عليه وصابتو صابته في اقل من دقيقه وقع هو والشخص اللي ضرب عليه بعد ما صابتو رصاصه ادهم
جوليا جريت عليه وهيه بتصرخ باسمه
وهو وقع بين ايدين راكين اللي كانت مصدومه واديها بترتعش ودموعها بتنزل بزهول وقالت....اد..ادهم ...ادهم قوم....قوم با ادهم ..فتح عيونك....فتح عيونك ارجوك
بس ادهم بصلها بتوهان الم وابتسم وغاب عن الوعي فورا
ركين بقت في حاله زهول رهيبه وبقت تحضنه وتصرخ جامد وجوليا كمان كانت بتبكي وتصرخ واتصلت على الاسعاف والبوليس
بعد ساعات كانوا قدام العنايه بعد ما خرجو الرصاصه بس كانت حالته حرجه ومش بيفوق لان الرصاصه كانت قريبه من القلب
ركين كانت بتبكي جامد بحاله رهيبه لدرجة ان اخته ميس كانت بتهديها من كتر ما كانت منهاره
جوليا كانت بتبكي و بصت لركين وقالت بغضب ....بتعيطي بعد ايه انتي السبب في اللي حصل له ده اوعي تقولي انك خايفه عليه ادهم هيموت بسببك
ركين بقيت تبكي اكتر وميس قالت ببكا...جوليا مش وقته
والد ركين كان معاها في المستشفى بص لجوليا بغضب وقال.... انتي بتكلميها كده ازاي مش شايفه حالتها....وبعدين خطيبك باذن الله هيقوم كويس انا هعمل المستحيل ان شاء الله حتى لو هسفره بره واكيد مش عشانك ده لانه انسان كويس وبيقدر واجبه على اكمل وجه ولانو فدى بنتي وانا بقدره
جوليا قالت بغضب ...وهو كسب ايه بقى من تقديرك ده هو بين الحياه والموت هيستفيد ايه بقى بفلوسك وسفرك وتقديرك
ابو ركين لسه هيتكلم بس راكين قالت ببكا وصرااخ.... انا مش قادره اسمع حاجه ..حرام عليكم خلينا نطمن عليه الاول يا رب يقوم بخير ...يارب ارجوك حتى لو هتاخدني بداله يا رب وانبي
ميس بقت تبكي قوي وحضانتها بقوه وبقت تحاول تهديها
فضلز طول اليوم في المستشفى وكانو زعلانين جدا عليه
وركين كانت بتفتكر كل دقيقه معاها وكل حاجه عملهالها ووقت ما وقف قدامها وكانت منهاره اوي
لحد ما خرج الدكتور وقال ...المريض فاق تقدرو تشفوه و
بس مكملش وركين دفعتهم وجريت على الاوضه بسرعه اول ما دخلت ادهم ابتسم بالم شديد وقال...ركين
اول ما شافته هو نايم على السرير مقدرتش تتمالك نفيها وحطت ايدها على بقها ووقعت على الارض وبقت تبكي جامد بانهيار شديد
دخل والدها وميس قوموها من على الارض وادهم كان بيكلمها وبيقول ..... انا كويس ارجوكي اهدي يا ركين ما تعمليش في نفسك كده ...قعدها على الكرسي معاليك
والدها قعدها على الكرسي ودالها ميه
وميس جريت حضنت اخوها وبقت تبكي
ادهم ابتسم وقال..انا بخير والله يا جماعه
ابو ركين سلم عليه وقال الحمد لله على السلامه يا بطل انا مش عارف اشكرك ازاي على اللي عملته النهارده
ادهم ابتسم بالم وقال.... ده واجبي معاليك
ابوها طبطب على كتفه وقال .....واجبك تحميها مش تقف قدامها وتعرض حياتك للخطر... على العموم انا اعمل كل اللي في استطاعتي عشان انهي من الموضوع ده واخلصه بسرعه احنا مسكنا الشاب اللي انت ضربته وان شاء الله يوصلنا ليهم كلهم.....بشكرك مره ثانيه
وبص لميس وقال...يلا نطلع با لنتي ونسيبيهم يتكلموا مع بعض ...وبص الادهم وقال بخبث....الظاهر ان في حاجات كثيره لازم يقولوها
مبس ضحكت وادهم نزل عيونه بحرج وقال... هو..احم هو بس راكين حساسه شويه وخافت من المنظر بس
ابوها ضحك وقال .....وكمان الخوف على قد الغلاوه كلنا خوفنا عليك حضره الظابط انت غالي عندنا قوي ... بعد ما تقوم بالسلامه ونخلص الموضووع ده هستناك تشرفني ونتعرف اكتر
ادهم ابتسم بسعاده وفهم انو معندهوش اي مانع عليه وابوها قال كده ومشي هو وميس
ادهم بص لراكين وقال بمشاكسه... كده فضحتينا خليتي والدك خد بالو اني غالي
راكين ضحكه و قربت منه بدموع وقالت ....انا عادي معنديش مشكله اقول للعالم كلو اني كنت هموت عليك واني روحي راحت مني لما حست انك ممكن تروح....يا ريتني كنت بدالك يا ريت جات فيها يا دهم
قالت كده وبقت تبكي بانهيار
ادهم شدها بدراعه السليم لحضنه جامد وقال.... بس يا بت اوعي تقولي الكلام ده ... انا قلبي راح مني لما شوفته هيضرب عليكي ...ما كنتش اعرف انك غاليه قوي كده يا بت
ركين قالت ببكا....بس انت كنت هتموت بسببي انا مستحيل اعرضك للخطر ده تاني ...انا هروح مع بابا دلوقتي ومستحيل اكمل المهمه دي
ادهم ضحك وبص لعيونها وقال ....انتي هتكملي معايا مش بس عشان المهمه دي لاني مش هستغنى عنك سواء قبضوا عليهم او لا خلاص بقيتي حته من قلبي يرضيكي اعيش بقلب الا حته
ركين بصتلو بسعاده ودهشه وقالت..انت..انت قصدك ايه
ادهم ابتسم وقال... مش قادره اخبي اكتر من كده انا النهارده كنت رايح اقول لجوليا اني بحبك ومش هقدر استغنى عنك وكنت هعترفلك بكده بس مليش نصيب اقولها على البحر..المستشفى رومانسبه اكتر
ركين ضحكت وهيه مش مصدقه وهو كمل وقال ...انتي دخلت القلب مش بايديها يا ركين مستحيل حد يبعدك عن عيوني تاني
جوليا بره شافتها في حضنه من القزاز وعرفت انه فاق وبقى كويس مسحت دموعها ومشيت بهدوء وهي بتحاول تحفظ الباقي من كرامتها
بقلم زهرة الربيع
اما راكين بقى ابتسمت بسعاده شديده وقالت.... يعني انت بتحبني بجد ..ومسحت دموعها بسرعه وقالت.... عايز تفضل معايا يعني تتجوزني
ادهم ضحك جامد على براءتها وقال.... طبعا هتجوزك يا بت انا بقيت اتمنى عمر قد العمر علشان افضله معاكي..اجمل فتره عدت عليا هي الفتره دي ..ها بقى مش هتقولي حاجه
قربت منه قوي وقالت بهمس عند شفايفه... اللي كنت عايزه اقوله انت قولته كله مش هزود عليه غير بصمة اثبات ان كل حرف طالع من قلبي
وقربت منه في لحظه جميله نسيو فيها الدنيا وبقى قلبهم يدق بسعاده شديده
اول ما بعدت بصلها و هو مش مصدق نفسه وقال ....هو الواحد لما يكون عايز حاجه مش بيبصم بالعشره ...ما تبصمي تاني بلاش بخل
راكين ضحكت جامد وضربته في كتفه السليم وقالت.... مفيش فايده فيك طماع قوي ...لما نبقى نتجوز
ادهم ابتسم وشدها عليه نيمها على ذراعه السليم وقال ....طب خليكي كده جنبي حاسس اني ببقى احسن
ابتسمت وهي بتضمه براحه جده وقالت.... ربنا يخليك جنبي طول العمر وميحرمنيش منك انت الامان والسند والحمايه وكل حاجه يا ادهم
ادهم ابتسم وفال... بس ادهم مش بيحميكي دلوقتي
..بيحمي قلبه لانك بقيتي القلب كله بنبضه ودقاته ❤️🥰
.. تمت ..
الرواية كاملة من هنا (رواية بريئة بسجن الأدهم)
