رواية همسات جثه الفصل الثالث 3 بقلم إسلام الأمير

رواية همسات جثه بقلم إسلام الأمير

رواية همسات جثه

رواية همسات جثه الفصل الثالث 3

《همسات ج*ثه》بقلم/اسلام الامير

الجزء الثالث

-قعدت علي الكرسي وانا بقوله يعني مريم عايزه تبين لينا حاجه عايزه تلفت انتباهنا لحاجه معينه تعالي ننزل وهنعرف هي عايزه ايه بالظبط..

نزلت انا ومحمود للدور الارضي ونزلنا البدروم في طريقنا للمش*رحه وبالفعل كان عم محمود مجهز ج*ثه البنت علي السرير ومجهز كل ادوات التش*ريح

بدأت اقرب ناحيه البنت وانا مش فاهم انا ليه جاي هنا تاني مع اني عملت شغلي بليل وسلمت التقرير

مش فاهم ازاي عم محمود بيقول اني جيتله بنفسي وطلبت منه يخرج الج*ثه مع ان دا محصلش

مكنتش فاهم حاجه ولكن رجليا كانت وخداني ناحيه مريم واللي كانت علي السرير ومتغطيه بملايه بيضاء

رفعت من علي وشها الملايه علشان اكون قدام نفس الملامح اللي كل ما اشوفها افتكر كم المع*اناه اللي عان*تها البنت دي

بدأت ابص علي باقي الج*ثه وانا بتأكد اني دونت كل حاجه بالتفصيل في التقرير واني مفيش اي حاجه فاتتني

كنت شارد وساكت تماما مقطعش شرودي غير عم محمود واللي قال

-ايه يا دكتور هتفضل باصص للج*ثه كدا كتير

-قولي ياعم محمود ايه اللي يخلي واحد يتسبب في كم الاذ*ي لبنت زي دي ايه الج*رم اللي هي عملته تستحق انه يتعمل فيها كدا.؟!

-والله يبني معرفش بس دلوقتي الناس بقوا مجانين دا انا سمعت ان في ناس بتتل*ذذ بتع*ذيب الناس

سكت وانا باصص لمريم وبقول ياترا مين عمل كدا..؟

-ولكن قطع كل كلامنا احد الممرضين لما دخل وهو بيقول

-الحق يا دكتور اهل البنت بره وخاربين الدنيا وعايزين ياخدوا الجث*ه يدفن*وها بأي شكل

خرجت بره وكان فيه راجل كبير في السن وشاب في نفس سني وست عماله تب*كي

الممرض: دا دكتور "علي" المسؤل عن الج*ثه تقدروا تتفاهموا معاه

-تقدم ناحيتي شاب وقال لو سمحت اظن عملتوا في الج*ثه اللي انتوا عايزينه وبهدلتوها زي ما انتو عايزين بعد اذنك عايزين ند*فنها اكرام الم*يت دف*نه

اولا احنا مبهدلناش الج*ثه واللي بنعمله دا سعي وراء اننا نرجع حقها مش اكتر

ثانيا انا استلمت الج*ثه بأذن نيابه ولما تخرج لازم تخرج بأذن نيابه

الراجل الكبير: انا ابوها يبني ودي امها واللي بيكلمك دا اخوها اذن نيابه ايه وبتاع ايه بقولك سلمنا الج*ثه خلينا نسترها

-اسف مش هينفع تقدروا ترجعوا للنيابه ووقتها من عنيا اطلع الج*ثه غير كدا مش هينفع

بدأ الراجل يقول حسبنا الله ونعم الوكيل وبدأ يتعصب ولكن سبتهم ومشيت

-لكن في منتصف الطريق رجعت ناحيه اخو البنت وقلتله

لو فاضي تقدر تتفضل معايا المكتب محتاج اتكلم معاك شويه بخصوص مريم

-بالفعل انا طلعت المكتب وكان الشاب دا معايا

وعلي باب المكتب طلبت من الممرضه تجبلنا قهوه

دخلت المكتب ودخل ورايا الشاب

-خير يا دكتور في ايه

خير بأذن الله انا اسمي "علي الطيب" الطبيب المسؤل عن قسم المش*رحه وانا اللي استلمت جث*ه مريم واشتغلت عليها

-تشرفت بيك يا دكتور وانا طارق اخو مريم الكبير، مقولتليش برضو عايز مني ايه

قولي يا طارق انتو عرفتوا اللي حصل لمريم ازاي

-مفيش مريم كانت متغيبه من يومين وكنا عاملين محضر لحد اليوم التالت وصلنا تليفون من الشرطه بيبلغونا بالعثور علي جث*ه مريم

طيب معرفتش لقيوها فين ومين اللي لقي الج*ثه

الشاب سكت وكأنه كان هيعيط ولكن تماسك وقال: لقيوها في مقلب زباله وبيقولوا ان اللي لقاها واحد اسمه عثمان

-مش هخبي عليك يا طارق مريم عا*نت بشده قبل وفا*تها وتعرضت لكم كبير من التع*ذب، تفتكر مين اللي عمل فيها كدا وايه السبب اللي يخليه يعمل كدا هل مريم كان ليها اعد*اء مع حد

-اعد*اء ايه يا دكتور مريم اطيب مما تتخيل مريم كانت من البيت للجامعه ومن الجامعه للبيت مريم لما اختفت كانت راجعه من الجامعه بتاعتها

بعدين ايه نوع العد*اوه اللي تكون تجاه بنت في سنها

بس انت بتقول ان عثمان هو اللي لقاها والضابط المسؤل عن القضيه كان عندي الصبح وقال عكس دا

قال ان السكان هما اللي لقيوا الج*ثه وعثمان كان واحد منهم

استغرب طارق وسكت ولكن لحظات وتدخل ممرضه وتقول

لو سمحت يادكتور المقدم احمد ابو المجد بره وكان عايز يدخل

لاحظت تغير وش طارق بمجرد سماع الاسم كمان انا استغربت هو عايز ايه دا لسه كان عندي من لحظات

قلت للمرضه خليه يدخل

وبالفعل يدخل احمد بقامته الطويله وملامح وشه الحاده ولكنها مبتسمه وهاديه جدا

احمد: معلش يا دكتور في الازعاج المتكرر دا بس انا نسيت ملف التحريات عندك في المكتب قبل ما انزل

دار بنظره علي المكتب وقال: ايوه هو دا ومد ايده اخد ملف كان علي المكتب وقال معلش اسف علي الازعاج

لا ولا يهمك يا احمد بيه

احمد: اذيك يا طارق

-الحمد لله كويس

-طيب استاذن انا واسف علي الازعاج مره تانيه، وقبل ما يمشي رجع واردف

اه صحيح يا دكتور احب ابلغك ان مفيش داعي تفحص الج*ثه تاني اظن ان التقرير دا كافي جدا والنيابه هتكتفي بيه وهيوصلها للج*اني بأذن الله

وبعدها طلع قلم وكتب علي ورقه رقم تليفونه وقالي دار رقمي اللي ديما شغال اتمني لو في اي جديد بلغني

خرج احمد ووقتها استغربت من طلبه بوقف العمل علي الج*ثه لأن مستحيل النيابه توقف عمل الطب الشرعي الا لما يتم الق*بض علي المج*رم او تأيد القضيه ضد مجهول

ولكن استغربت اكتر من ملامح وش طارق اللي كانت متوتره، وقتها سألت طارق عن سبب تغيره لما شاف احمد

-مالك يا طارق خير متغير من اول ما دخل احمد

-لا مفيش حاجه

هو انتوا تعرفوا بعض .؟؟

-مش معرفه قويه، اصل احمد كان من سنه متقدم لمريم ولكن مريم رفضته وهو كان ملح في طلبه لدرجه انه طلبها مرتين كمان وبرضو مريم رفضته

-غريبه مع انه شكله بني ادم كويس ليه مريم موافقتش عليه

-مريم كانت بتقول انها بتشوفه مع بنات كذا مره وان سلوكه مش كويس وهي مكنتش بتطيقه

-علي فكره هو اللي ماسك القضيه

بمجرد ما قلت كدا لاحظت ان طارق استغرب جدا وقال ازاي هو.؟!

لا طبعا اللي ماسك القضيه هو صديق شخصي ليا الرائد "ايمن بدران"

-لا انا جاني احمد ابو المجد وقالي انه هو المسؤل عن قضيه مريم واخد التقرير بتاع التش*ريح كمان

-مستحيل انا بقولك ان اللي ماسك القضيه هو الرائد ايمن بدران مش المقدم احمد ابو المجد، انا هكلم ايمن

طلع طارق تليفونه واتصل بأيمن

-ايمن بيه ايه الاخبار هو حضرتك في مكتبك.؟

-تمام نص ساعه وهكون عندك

هفهمك لما اجي سلام...

قام طارق وقال انا رايح لأيمن مكتبه افهم منه اللي بيحصل

-استني هاجي معاك

وبالفعل اتحركنا علي قسم شرطه مدينه نصر وطلعنا علي مكتب الرائد ايمن واللي استقبل طارق كأنه صديق عزيز عليه وواضح ان في بينهم ود متبادل وصداقه قديمه

طارق: دكتور علي الطبيب المسؤل عن قسم التش*ريح في المستشفي اللي فيها مريم

ايمن: اهلا يا دكتور شرفت ، خير يا طارق في ايه قلقتني

طارق: ايمن انت تعرف المقدم احمد ابو المجد .؟؟

ايوه اعرفه ليه..؟

اتكلمت انا وقلت

احمد بيه جاني المستشفي الصبح وقالي انه هو المسؤل عن القضيه وطلب مني التقرير المبدئى للج*ثه بعدها رجع لمكتبي وطلب مني اوقف الشغل علي الج*ثه

ايمن: غريبه ، احمد فعلا طلب مني يساعدني في القضيه دي وانا كنت مستغرب خصوصا ان احمد من النوع اللي مش بيحب يتدخل في شغل حد ولكن قبلت طلبه لأنه اول مره يطلب مني طلب وسمحت ليه انه يتطلع علي ملف التحريات وكمان معلومات القضيه

لكن الغريب اني مطلبتش منه يروح ياخد منك يا دكتور التقرير وكمان مطلبتش منه يخليك توقف فحص في الج*ثه، انا استغربته لما لقيته جاي بيدني التقرير ولما سألته جبته منين قالي انه راح جابه من المستشفي لأنه كان بالصدفه هناك وانه حب ياساعدني مش اكتر

بصوا الموضوع غريب جدا ولكن انا هبعد احمد عن ملف القضيه دي تماما لأن مش متطمن والقضيه هتكون تحت ايدي انا وبس، متقلقش يا طارق وانت يا دكتور كمل شغلك زي ما انت

افتكرت حاجه وقتها وسألت الضابط وقلت

ايمن بيه انا لما استلمت الج*ثه كان في شخص مع امين الشرطه اللي سلمني الحاله وكان بيقول اسمه عثمان وبيقول انه هو اللي لقي الج*ثه ولكن الضابط احمد قال ان مش عثمان اللي لقاها واللي لقيوها هما سكان المنطقه وعثمان فرد منهم

اه فعلا المثبت في التحريات ان اللي لقي الج*ثه اكتر من شخص بس هو ليه عثمان يكون قال انه هو اللي لقاها

طارق:هو مين عثمان دا اصلا

عثمان دا امين شرطه سابق كان شغال هنا في الاسم ولكن استقال من سنتين

انا هحط عثمان تحت المراقبه انا شاكك ان وراه حاجه

-انا كمان شاكك في كدا

طارق: يا ايمن انا عايز اد*فن اختي ودا جميل عمري ما هنساهولك

ايمن: صعب يا طارق، كدا انت بتضيع حق اختك صدقني صعب خلي الدكتور علي يكمل شغله اكيد في حاجه ممكن توصلنا للي عمل في اختك كدا

طارق: مش هستحمل كتير يا ايمن

ايمن: خير يا طارق وشرفي حق مريم ليرجع وانتي يا دكتور شد حيلك معانا شويه اكيد في حاجه ممكن تساعدنا

-متقلقش يا ايمن بيه انا هبذل قصارا جهدي صدقني انا حاسس اني ملزم بأني اساعد مريم وحاسس انها هي كمان بتساعدني

طارق- بتساعدك.؟؟ قصدك ايه

لا لا مفيش حاجه

طارق: طيب يا دكتور نستأذن احنا

ايمن: تمام ولكن تذكروا ان المقدم احمد او اي حد تاني ملهوش علاقه بالقضيه اي معلومه توصلوا ليها تبلغوهاني بشكل شخصي ودا يا دكتور الكارت بتاعي فيه كل ارقامي

-تمام السلام عليكم

طارق سلم علي الظابط وانا كمان وخرجنا طارق ركب عربيته ومشي وانا روحت علي بيتي لأن كان خلاص نباطشيتي خلصت والمفروض اروح المستشفي بكره بالليل علي الساعه 6 مساءا

كانت الساعه تقترب من الثانيه ظهرا دخلت شقتي وانا اعزب وساكن لوحدي المهم دخلت استحميت وخرجت عملت اكل واكلت وقعدت شويه لحد ما جات 5 المغرب وحسيت بأرهاق شديد ودخلت اوضه النوم ورحت في النوم

ولكن اصحي الساعه 9 وانا مفزوع من اللي شوفته

شوفت نفسي نايم في مكتبي في المستشفي وفجأه الباب اتفتح ودخلت منه مريم وكان شعرها منكوش ولسبها متق*طع وشبه عار*يه وجسمها كله بين*زف، كانت بتمشي ببطئ شديد وبتقرب مني وهي ساكته

ولما كانت قدامي بدأت تمشي ايدها علي شعرها وفجأه بدأت تق*طع في شعرها وهي بتص*رخ وبترمي شعرها علي الارض وفجأه اختفت وانا صحيت

قمت مفزوع وجسمي بينقط عرق وحاسس ببرد شديد ولكن ادركت ان مريم عايزه توصلي معلومه بس هي ايه انا مش فاهمها وقتها لبست هدومي وطلعت ركبت عربتي وطلعت علي المستشفي والجو كان تلج وفي مطر شديد جدا بينزل والجو وحش لأبعد الحدود

وصلت المستشفي الساعه 9:45 وانا بتنفض من البرد وبطلع من بوقي بخار كل ما باخد نفسي ولما دخلت الكل كان مستغرب وجودي لأن دي مش النباطشيه بتاعتي ولكني دخلت علي البدروم علطول

الممرضه: خير يا دكتور علي في ايه

-مفيش اطلبي من عم محمود يحصلني علي المش*رحه فورا

نزلت للمش*رحه ورحت علطول علي التلاجه وفتحت الدرج علشان يظهر قدامي كيس اسود وفتحت الكيس ويظهر قدامي وش مريم اللي مخبي حاجات كتير

بصيت عليها وانا تعبان ومرهق وجسمي بيتنفض من البرد وقلت..

"انتي مخبيه ايه، عايزه مني ايه ، انا عايز اساعدك ، بس مش عارف.."

محمود- خير يا دكتور في ايه وايه جابك في وقت راحتك في الجو دا

مفيش وقت لأسألتك طلع معايا الجثه نحطها علي السرير

وبالفعل خرجنا الج*ثه وحطيناها علي السرير وبدأت اشيل عنها الملايه بالكامل وبدات اتفخص جسدها وانا بحاول اوصل لأي شئ

كان التوتر مسيطر عليا والبرد نال مني والجور مش مبطلع برق ورعد والمطر بيخبط في زجاج شبابيك القاعه، ولكني تماسكت وبدأت اشيل الضمادات من علي جر*ح الرقبه واتفحصه ولكن مفيش جديد

شلت ضماده جر*ح البطن وبرضو هو هو نفس نتيجه الفحص القديم مفيش جديد

فضلت من الساعه 10:15 للساعه 12 بعد منتصف الليل وانا بفحص في الج*ثه وبرضو مفيش اي فايده

عم محمود: يا دكتور انت تاعب نفسك علي الفاضي يا دكتور خلاص مفيش حاجه مستخبيه علشان توصلها انت عملت شغلك وخلاص

-لا في، في حاجه مستخبيه

حطيت كرسي جنب السرير وقعدت جنبها وانا بحاول افكر ايه اللي ممكن يخلفه الج*اني وراه ويكشفه ولكن مفيش فايده مش عارف اوصل لتفسير او حتي شبه دليل

بدات ابص لمريم واصرخ وانا بقول

"مخبيه ايه ، ساعديني ، انا عايز اساعدك مش عارف"

كنت بتكلم وعيوني شبه مدمعه، حاسس بأرهاق وتعب رهيب من قله النوم

مسكت ايد مريم وانا ببص لوشها ومش عارف اعمل ايه مسكت ايدها وانا بقول صدقيني بحاول صدقني بحاول

شوفت حاجه خلت عيوني تبرق وانا بقول بصوت عالي ايه دا.؟!!!

عم محمود: ايه يا دكتور

-ايه اللي تحت ضوافر مريم دا.؟!!

بدأت امسك ايد مريم وانا ببص تحت ضوافرها ، دا شعر وبقايا جلد.!!

في بقايا شعر وجلد تحت ضوافر مريم

مريم قاومت وهي بتغت*صب قاومت وتشبثت في اللي بيع*تدي عليها الجلد دا والشعر اكيد يخصوا الج*اني

بدأت زي المجنون اق*ص ضوافر مريم واشيل من تحتها الشعر والجلد وحطيت الشعر والجلد في كيس وقفلتهم كويس وانا بضحك واقول اظن بدأت تندع ياعم محمود بدات تندع

ضحك عم محمود وقال تندع ايه يبني دي الدنيا بترخ بره مش بس بتندع...

وقتها سبت ايد مريم وجاتني فكره تانيه اعظم وقلت لنفسي مريم خض*عت للأع*تداء الجن*سي اكيد في بصمات او في بقايا سؤائل من الج*اني سواء لعاب او سائل م*نوي

بدأت افحص الجثه وبالفعل لقيت اثار سائل علي منطقه الصدر واثار اخري اسفل منطقه الحوض

ابتسمت ابتسامه انتصار وانا بقول عم محمود هاتلي دكتور طه اخصائي الفحوصات وقسم التحاليل خليه يجي عندي دلوقتي حالا

وبالفعل يوصل طه وهو بيفرك في عيونه وبيتاوب واضح ان عم محمود صحاه من النوم

-خير يا دكتور في ايه

ادخل اغسل وشك يا طه وفوق معايا

انا فايق متقلقش

بقولك اغسل وشك وفوق مفيش مجال لأي غلطه عايزك مصحصح معايا

-بالفعل دخل طه يغسل وشه وبعدها خرج وقالي هاا قول يا سيدي في ايه

قرب يا طه بص كدا هنا دقق معايا

-طه يلبس نظارته ويقول: ادقق فين بالظبط يا دكتور

-هنا علي منطقه الصدر تحت الرقبه بالظبط في خيوط سائل ابيض شفاف شايفها؟!

بدأ طه يعدل نظارته وهو بيقول اه بس انتي شوفتها ازاي دا انا شايفها بالعافيه

-يمكن علشان انت لابس نظاره ونظرك ضعيف يا طه.!!؟ ، يا طه ابوس ايدك ركز معايا

-اهو مركز يا دكتور والله

قربت ناحيه الجزء السفلي للجثه وتحديدا اسفل منطقه الحوض ودا بعد ما مسكت قطعه قماش وسترت عو*ره مريم وبدأت اقول لطه بص دقق معايا شايف اللي انا شايفه.؟!

ايه مش شايف حاجه

يبني ركز والنبي

بص معايا وبدات اشاور ليه واقوله دي اثار لسائل ابيض تقيل شويه اظنه مختلف عن السائل اللي فوق شايفه يا طه

ايوه فعلا عندك حق

حلو انا بقي عايزك تاخد عينات من الجزء اللي علي الصدر والجزء اللي علي الحوض وتفحصهم وتديني تقرير وتقولي هما ايه بالظبط

كمان دا كيس فيه شعر وجلد لقيته تحت ضوافر مريم اظنه يرجع للج*اني عايزك تفحصه

تمام يا دكتور

استلم التقرير امتي.؟!

-يومين بالكتير

يومين كتير يا دكتور انا عايز النتائج توصلني في خلال 24 ساعه

-تمام خير ان شاء الله انا هجيب ادواتي من المعمل علشان اخد العينات بعد اذنك

طه مشي وانا كمان مشيت وطلعت مكتبي فضلت فيه لحد الصبح

في قسم شرطه مدينه نصر قاعد الرائد ايمن وباب مكتبه يخبط

-ادخل

-احمد بيه اتفضل

-صباح الخير يا ايمن بيه موجود في المكتب بدري يعني

لا عادي بس انا مروحتش اصلا، كنت بايت هنا من امبارح زي ما انت شايف الشغل

-ربنا يكون في العون ايه اخبار قض*يه مريم

مفيش جديد واظن القضيه بنسه كبيره هتتأيد ضد مجهول

-يعني موصلتوش لأي دليل يدين اللي عمل كدا ؟؟

اللي عمل كدا شخص ذكي ومسبش وراه ايد دليل دا انا امرت بوقف الفحص علي الج*ثه خلاص.!!

-طيب يا ايمن بيه ربنا يوفقك استاذن انا

احمد ومشي وايمن يضغط علي الجرس ويدخل امين شرطه

-امين الشرطه يأدي التحيه العسكريه

ايمن: عايزك تمشي ورا احمد بيه ابو المجد ومتخلهوش يشوفك وترصد ليا كل تحركاته

-اوامر يا فندم بعد اذنك

-ايمن يرجع بضهره ويسنده علي الكرسي اللي قاعد عليه وهو بيقول اتمني تخميني يطلع غلط المره دي يا احمد اتمني

وتعدي ساعتين ويدخل امين الشرطه علي الرائد ايمن

-هاا ايه الاخبار

- رصدنا المقدم احمد راح بعربيته لبيت عثمان عبد الرحيم فضل ربع ساعه في البيت وبعدها خرج

-للأسف زي ما توقت

خد الورقه دي ، دا امر بالقبض علي عثمان عايزك تروح تجيبه في سريه تامه ومش عايز حد يحس بأي شئ مفهوم

-تمام يافندم بس انت تفتكر عثمان هو اللي عملها.؟!

لا لسه متأكدناش ولكن احتمال اه واحتمال يكون في اكتر من جا*ني احنا هنجيب عثمان وهنعرف كل حاجه ولما تجيبه حاول تغطي وشه وانت بتدخله القسم اكيد لو ليه شركاء ف اكيد عيونهم في كل مكان

-تمام يافندم بعد اذنك

المستشفي الساعه 4 عصرا

كنت قاعد في مكتبي وانا مرهق كالعاده وبدا تحت عيوني يتلون باللون الاسود من القهوه والسجاير المفرطه كنت ساكت تماما لحد ما باب المكتب يخبط

-ادخل

طه.؟!

قمت من مكاني وانا بقول: خير يا طه طمني النتايج ظهرت

-ظهرت يا دكتور وزي ما توقعت تعالي معايا علي المعمل دا في بلاوي لازم تشوفهااا

اتحركت انا وطه ناحيه المعمل ولما دخلنا طه قفل الباب وراه

عدت نص ساعه علي وجودهم داخل المعمل بعدها يخرج علي وهو مبتسم ويطلع كارت الضابط ايمن من جيبه ويتصل بيه

ايمن: كنت لسه هكلمك يا دكتور علي، في حاجه مهمه وصلتلها هتفيدنا في القضيه

علي: يا ايمن بيه انا اللي عندي معلومات غايه في الخطوره واظن اني وصلت للي عمل كدا، استناني انا ساعه زمن وهكون عندك وهتعرف كل حاجه ....

يتبع....انتظروا الجزء الاخير قريبا بأذن الله