رواية معنى الحب الحقيقى الفصل الحادى عشر 11 بقلم نشوه عادل
رواية معنى الحب الحقيقى بقلم نشوه عادل
 |
| رواية معنى الحب الحقيقى |
رواية معنى الحب الحقيقى الفصل الحادى عشر 11
- يوسف كان واقف برة وشايف انهيار عمه وبيعيط بعلو صوته وقف ابوه جنبه واول ما شافه اترمى بحضنه زى الطفل
يوسف: كان نفسى اخليه ينطق الشهادة كان نفسى اطمنه ان كلنا سامحناه صعبان عليا اوى ي بابا انا كنت بحبه اوى
فايز: اهدى ي يوسف عشان خاطر عمك يعلم ربنا كلنا قلبنا وجعنا عليه لكن ميغلاش ع اللى خلقه هو ارحم بيه مننا
بوسف: ارجوك ي بابا ادخل لعمى هو محتاجلك وانا هروح المستشفى وهخلص كل الإجراءات بتاعت الدفن وهتفق مع المغسل
فايز: ومتنساش تعدى ع امك ف المستشفى وتطمن ع مرات عمك
يوسف: حاضر
نزل يوسف بوست عزاء ع صفحته لهانى بكلمات مؤثرة وادعية .......ف الصباح فى بيت منة كانوا كلهم بيفطروا وملك بتقلب ف فونها وبصدمة قالت: ايه ده معقول؟!
ابتسام: ف ايه ي بت انتى خضتينى
مدت ملك ايدها لوالدتها وقرأت البوست بصدمة: معقول الكلام ده
ونيس: ف ايه ي جماعة ما تنطقوا
ابتسام: يوسف منزل ع صفحته ان هانى ابن عمه مات
اتصدمت منة وشدت الفون وشافت الخبر حست بالحزن وقالت: لا حول ولا قوه الا بالله ربنا يرحمه ويغفرله ويثبته
ابتسام: اهو راح ف داهية دى اخرة كل واحد مايل وبيشرب
ونيس: اذكرى محاسن مواتكم ي ابتسام والولد بقى عند اللى خلقه ي تدعيله ي متجبيش سيرته نهائى لا بخير ولا بشر
ابتسام: وانت مالك مضايق اوى كده ليه نسيت اللى عمله ف بنتك واللى كان ناوى يعمله
منة: ي ماما ارجوكى اقفلى الموضوع ده بابا عنده حق وكل اللى هانى كان بيعمله كان بدون وعى منه فخلاص ملوش لازمة نفتح بالماضى
ونيس: عين العقل ي بنتى وهطلب منك طلب يمكن صعب عليكى بس سامحيه
منة: مسمحاه ي بابا عشان خاطر اهله كانوا طيبين معايا وكمان عشان يوسف انا عارفة هو اد ايه كان بيحبه
ونيس: ربنا يصلح حالك ي بنتى ويكملك بعقلك
منة: طب هو ينفع اروح اعزى ولا مينفعش
ونيس: لا ي حبيبتى ده واجب ولازم تعمليه عشان يوسف كمان وانتى ي ابتسام هتروحى معاها
ابتسام: ان شاء الله
ونيس: هقوم انا اخلص اللى ورايا قبل الضهر عشان ألحق صلاة الجنازة
ملك: خدنى معاك ي بابا ف طريقك عشان اتأخرت ع الامتحان
ونيس: يلا ي ملكتى
دخلت منة ع غرفتها وعيطت ليس لانها كانت تحبه ولكنها الانسانية والعشرة التى لا تهون ع ولاد الاصول مسكت هاتفها ورنت ع يوسف ولما شاف رقمها بعد شويه ورد بصوت مكسور
منة: تعبان صح
يوسف: ومحتاج ليكى جنبى
منة: طمنى عمك ومراته اخبارهم ايه
يوسف: لكى ان تتخيلى امه دخلت المستشفى بس فاقت من شويه والدكاترة مكنوش راضيين يخرجوها بس هى اصرت عشان نفسها تشوفه لاخر مرة وعمى من ساعتها مش بيتكلم قاعد بيبص للى رايح واللى جاى ولا حول له ولا قوة
منة: عارفة ان الموضوع صعب عليهم بس انتم لازم تكونوا جنبهم الفترة دى
يوسف: ده اكيد
منة: انا استأذنت بابا اجى العزا ولا هيكون فيها مشكلة
يوسف: لا ي حبيبتى عادى ده واجب
انتهى العزا وقربت منة من مها وقالت: البقاء لله ي طنط شدى حيلك وادعيله
مها بعياط: سامحيه بالله تسامحيه لو عملت ليكى ف يوم حاجة كويسة وفاكراها ليا سامحيه
دمعت ابتسام ع حال مها حتى لو الابن مايل انها بالاخير ام ...منة: والله سامحته من كل قلبى
نوال: كتر خيرك ي بنتى ومنجيش ليكم ف حاجة وحشة
منة: ده واجبى ي طنط وربنا يصبركم ع فراقه اومال فين عمو فوزى
نوال: جوة ف اوضة هانى من ساعة العزا ما خلص وهو جوة مخرجش
منة: ينفع اقابله ولا صعب
مها: اه ي حبيبتى ادخلى ليه حاولى تهونى عليه انا خايفة عليه
خبطت منة ع الباب لكن دون رد فتحت الباب ودخلت لقت فوزى نايم حاضن صورة هانى ودموعه نازلة ف صمت
منة: البقاء لله ي عمو شدك حيلك ي راجل ي طيب
فوزى بص ليها وقال: راح خلاص ي منة اللى كان تاعبك مات ارتاح وريحنا
منة بحزن: متقولش كده ي عمو والله انا زعلت عليه جدا كنت بتمنى ربنا يصلح حاله ويفوق لنفسه وعمرى ما اتمنيت ليه حاجة وحشة ابدا
فوزى: عارف والله ي بنتى انك متربية كويس انا اللى كنت اب فاشل معرفش يلحق ابنه من الطريق المقرف ده وبدل ما يصلح بشكل صح قدمه للموت
منة: انت راجل عارف ربنا وعارف ان الموت علينا حق ولكل اجل كتاب ودى ساعته ووقته استهدى بالله ي عمى واستودعه للى خلقه
فوزى: ونعم بالله اوعى ي منة تنسينا ابقى تعالى زورينا من وقت للتانى
منة: اكيد ي عمى ان شاء الله بس الاهم دلوقتى انك تشد حيلك
فوزى بدموع: مش هقدر انساه
منة: وانا مطلبتش من حضرتك تنساه ولا هتقدر تنساه بس لازم الحياة تكمل ولازم تقوى عشان خاطر طنط ملهاش بعد ربنا غيرك
فوزى: هحاول ان شاء الله
اقتربت منه منة وقبلت رأسه وقالت: ربنا يهون عليك ويربط ع قلبكم يارب
خرجت منة واستأذنت ومشيت مع اهلها ع بيتهم وهى حزينة ....ابتسام: امه شكلها يقطع القلب سبحان الله فعلا يخلق من ضهر العالم فاسد
ونيس: يوووه تانى ي ابتسام متشمتيش ف الموت
ابتسام: لا والله ابدا مش شماتة دى موته وحشة ربنا ما يكتبها ع حد
ونيس: انتى عارفة لولا انى فاهمك وعارف انك دبش ومش بتعرفى تعبرى صح كنت قولت عنك ولية قلبها اسود .... بص لمنة وقال: مالك ي بنتى
منة: صعبانين عليا اوى ي بابا ومقدرة وجعهم عليه وبتمنى من قلبى ان ربنا ينزل البرد والسكينة ع قلوبهم
ونيس: ربنا يتولاهم وانا متأكد ان فايز ويوسف مش هيسيبوهم
عدت الايام والايام بقت شهور والشهور اصبحت سنة ونصف
فوزى: تعال ي يوسف عاوزك
يوسف: نعم ي عمى
فوزى: انت مش شايف ان آن الاوان بقى عشان تتجوز انت ومنة وووو.....يتبع
#معنى_الحب_الحقيقى الحادى عشر
#بقلم_نشوه_عادل
رواية معنى الحب الحقيقى الفصل الثانى عشر 12 من هنا
الرواية كاملة من هنا (رواية معنى الحب الحقيقى)
